《閒談周中歐霸同今場戰術》
阿摩廉係周中歐霸盃排出一個相對進取既陣容，翼衛起用馬拿斯亞同達洛治兩個進攻比防守好既球員，推前明奈出任攻擊中場拍住艾歷臣支援前鋒海倫。阿摩想法係知道FCSB實力有限，曼聯必定會進入攻防陣地戰，所以正選先抽起迪亞路同加拿祖，嘗試利用艾歷臣同明奈兩個較技術型既球員，希望兩個可以係中前場創造機會。不過曼聯破關都要去到下半場換入加拿祖同迪亞路先得。因為兩個係邊路可以提供爆破力同係前場提供反擊速度。
今場番到英超賽場，阿摩廉較保守地起用達洛治同馬沙拉維出任翼衛，用加拿祖同迪亞路踢兩個攻擊中場，並將明奈再踢前一格出任假九前鋒。戰術上，講就踢3-4-2-1，踢落更似一個5-2-3。人腳起用兩名閘位球員踢翼衛，試圖先係後場鞏固防守，前場用明奈則想利用佢墮後連接，試圖拉走水晶宮既中中堅，等兩個攻中後上插入；如拉唔走就可以靠明奈係中場同後衛線與線中間拎波轉身策動。
《點解會話佢進退維谷？》
呢場波頭十五分鐘，曼聯確係拎到少少優勢。因為水晶宮明顯冇估到曼聯起用明奈踢假九，所以中中堅拿確斯初段係跟人還是維持防守線既決定有猶豫，從而令明奈係呢十五分鐘拎到唔少著數，亦有一次射門中柱。不過，當水晶宮開始知道你點踢果陣，對明奈施加更多身體對抗，明奈係前場亦缺乏衝刺速度跑中堅身後空間，水晶宮完全唔驚你咁踢。曼聯中路停唔到就要靠兩翼，但馬沙拉維同達洛治都唔係突破力強既進攻球員，令曼聯兩側都拉唔開闊度。進攻力不足，但又要投入人手進攻，一失控球就被水晶宮輕鬆打反擊。呢個輸波方程式已經唔係第一次發生，如果曼聯打強隊可以擺明打反擊既話，阿摩廉咁既思維模式問顯不大。後場靠人數堆疊，前場利用海倫衝擊，迪亞路邊線爆破；但當遇上旗鼓相當既對手時，阿摩廉又唔敢排出一隊進攻威脅較強既陣容，只選擇排出一隊攻守相對平衡既陣容時，往往就會因攻力不足而又要壓出去攻導致輸反擊，而防守死球不濟亦係球隊失波既主要渠道。「進退維谷」正好表達依家阿摩廉既處境，想攻但又驚輸而唔敢搏；想唔輸咩，又因前場攻力太弱而被人有可乘之機。與其話球員係球場上諗太多，不如話領隊唔夠果斷去排一套以攻代守既陣容。想保住唔輸，但最後又係輸，倒不如出去強攻對手，就算輸，都起碼係場面上交到功課，總好過依家唔上唔落。
《總結》
曼聯係聯賽已經冇咩好爭，歐洲席位唔會有份，降班漩渦又唔輪到佢，正式轉型做「中型班」，相信阿摩廉都會將重心放到盃賽上，睇下有冇機會捧一隻盃挽回少少面子。老實說，係呢個「進退維谷」局面，如果阿摩廉個思維仍然冇變，唔肯同人搏鎚，小弟相信要拎到盃仔既機會都將渺茫。下場對李斯特城，睇下會唔會「送分救雲佬」！
阿摩廉係周中歐霸盃排出一個相對進取既陣容，翼衛起用馬拿斯亞同達洛治兩個進攻比防守好既球員，推前明奈出任攻擊中場拍住艾歷臣支援前鋒海倫。阿摩想法係知道FCSB實力有限，曼聯必定會進入攻防陣地戰，所以正選先抽起迪亞路同加拿祖，嘗試利用艾歷臣同明奈兩個較技術型既球員，希望兩個可以係中前場創造機會。不過曼聯破關都要去到下半場換入加拿祖同迪亞路先得。因為兩個係邊路可以提供爆破力同係前場提供反擊速度。
今場番到英超賽場，阿摩廉較保守地起用達洛治同馬沙拉維出任翼衛，用加拿祖同迪亞路踢兩個攻擊中場，並將明奈再踢前一格出任假九前鋒。戰術上，講就踢3-4-2-1，踢落更似一個5-2-3。人腳起用兩名閘位球員踢翼衛，試圖先係後場鞏固防守，前場用明奈則想利用佢墮後連接，試圖拉走水晶宮既中中堅，等兩個攻中後上插入；如拉唔走就可以靠明奈係中場同後衛線與線中間拎波轉身策動。
《點解會話佢進退維谷？》
呢場波頭十五分鐘，曼聯確係拎到少少優勢。因為水晶宮明顯冇估到曼聯起用明奈踢假九，所以中中堅拿確斯初段係跟人還是維持防守線既決定有猶豫，從而令明奈係呢十五分鐘拎到唔少著數，亦有一次射門中柱。不過，當水晶宮開始知道你點踢果陣，對明奈施加更多身體對抗，明奈係前場亦缺乏衝刺速度跑中堅身後空間，水晶宮完全唔驚你咁踢。曼聯中路停唔到就要靠兩翼，但馬沙拉維同達洛治都唔係突破力強既進攻球員，令曼聯兩側都拉唔開闊度。進攻力不足，但又要投入人手進攻，一失控球就被水晶宮輕鬆打反擊。呢個輸波方程式已經唔係第一次發生，如果曼聯打強隊可以擺明打反擊既話，阿摩廉咁既思維模式問顯不大。後場靠人數堆疊，前場利用海倫衝擊，迪亞路邊線爆破；但當遇上旗鼓相當既對手時，阿摩廉又唔敢排出一隊進攻威脅較強既陣容，只選擇排出一隊攻守相對平衡既陣容時，往往就會因攻力不足而又要壓出去攻導致輸反擊，而防守死球不濟亦係球隊失波既主要渠道。「進退維谷」正好表達依家阿摩廉既處境，想攻但又驚輸而唔敢搏；想唔輸咩，又因前場攻力太弱而被人有可乘之機。與其話球員係球場上諗太多，不如話領隊唔夠果斷去排一套以攻代守既陣容。想保住唔輸，但最後又係輸，倒不如出去強攻對手，就算輸，都起碼係場面上交到功課，總好過依家唔上唔落。
《總結》
曼聯係聯賽已經冇咩好爭，歐洲席位唔會有份，降班漩渦又唔輪到佢，正式轉型做「中型班」，相信阿摩廉都會將重心放到盃賽上，睇下有冇機會捧一隻盃挽回少少面子。老實說，係呢個「進退維谷」局面，如果阿摩廉個思維仍然冇變，唔肯同人搏鎚，小弟相信要拎到盃仔既機會都將渺茫。下場對李斯特城，睇下會唔會「送分救雲佬」！
請按此登錄後留言。未成為會員? 立即註冊