《數據贏冇意義，場波輸左啊》
今場波係數據上曼聯可以話係大獲全勝。射門次數23對10；射門中框次數7對5；預計入球值係2.26對1.24；控球比係六四；角球次數13對1；數據上輸既係黃牌數目同越位次數，同埋最緊要既係比數輸3比0啊。般尼茅夫只有5次中框射門就入3球，盡顯球員既把握力。呢場波再一次證明數據靚係冇用。
《場波又唔係咁一面倒》
睇番場波，上半場曼聯都只係落後一球，場面上踢落同對方都係均勢，般尼茅夫踢得算開放，並冇刻意係後場死守泊大巴。進攻就好簡單既4-2-3-1，二閘壓前就翼鋒內收，踢法簡單側擊配合為主。領先果一球都係靠死球入波。雖然舒克斯防守唔係太俾到壓力，但侯遜頂果下又確係非常靚，「擺」落個網仔度就完全冇得救。上半場既後半段，曼聯係拎左好多攻勢，亦因對方踢得幾前而拎到唔少transition機會，可惜般奴兩次空晒都係射唔穿基柏既十指關。
下半場阿摩廉火速用約羅入替馬拿斯亞，推前馬沙拉維，同時間將達洛治調去左路。呢個換人我覺得比較保守，落後下點解唔用安東尼加強右路進攻，我仲以為阿摩係有後續換人，點知佢既後續換人係冇安東尼份。呢個調動係保守但算合理，因為馬拉仔確實未有足夠既比賽狀態。伊拉奧拿亦換入谷克取代有牌在身既史密夫。54分鐘，阿摩廉再用加拿祖同海倫入替表現平平無奇既舒克斯同有牌在身既烏格迪，將般奴拉後一格同明奴打雙防中，希望可以等般奴係中後場較炮，而前場則用海倫同加拿祖改變進攻節奏。戰術思維見到，但中場中冇左烏格迪既掃蕩同覆蓋率係好明顯，中路完全不設防。61分鐘，馬沙拉維犯錯輸十二碼，由古華特射入。僅兩分鐘後，又係右路出現缺口。艾雲路臣右路明買明賣直線交俾哥達拿落底，個波打穿般奴同約羅既身後空間，施蒙尼奧接應傳中輕鬆撞射入網。馬天尼斯未有完全緊貼都要孭半隻鑊，而最大鑊就係般奴同約羅到底攪邊科。雖然領先三球下既般尼茅夫全軍退守，但整隊係防守上做得唔係好，曼聯不乏好多機會空晒任射，由63分鐘計到完場，曼聯10次射門僅得4中，射門一係打飛機，一係就射柱邊。極弱既射門把握力絕對係呢場拎唔分既主因，熟悉既射門觸角又番黎啦。最後，伊拉奧拿就繼續換人繼續守，但阿摩廉就一反常態，並冇換晒5個換人名額。最後，曼聯主場大敗三比零。
《會唔會係輪換換出火》
呢場波除左輸射門把握力外，我認為輪換換出火都係其中一個原因。周中聯賽盃又係半隊正選半隊替補，最後輸四比三，但有幾個球員係周中打足；今場正選又使用幾個替補，包括舒克斯同馬拿斯亞。首先聯賽還是聯賽盃比較緊要？其次，海倫明顯暫時比舒克斯更適合踢正選，但因周中踢左而呢場要踢後備，係咪對整隊球隊有影響？第三就係馬拉仔明顯未夠態，但又要踢正選，反而安東尼踢幾場既表現都唔係差，但突然又冇得踢，原因何在？
《總結》
伊拉奧拿既般尼茅夫係實力上其實唔算太強，但球員跑動積極，加上踢法夠簡單，就可以贏你曼聯，反映踢波有時都唔駛攪得太複雜。阿摩廉既曼聯則仍未搵到最佳十一人，個個都踢下試下，默契係完全建立唔到，所以都經常見到交波一係人前波後，一係冇起動就交波，誤傳經常發生。咁又唔係冇樣讚得既，好既係今場起碼真係創造到機會，而唔係靠對面派膠先有機會射。睇下阿摩廉幾時開始肯用固定既陣容踢先，然後再係比賽中換人，再係之後用一堆龍脊球員去搭配一些可輪換既球員，咁先可以提供到穩定既成績。下場boxing day見！
今場波係數據上曼聯可以話係大獲全勝。射門次數23對10；射門中框次數7對5；預計入球值係2.26對1.24；控球比係六四；角球次數13對1；數據上輸既係黃牌數目同越位次數，同埋最緊要既係比數輸3比0啊。般尼茅夫只有5次中框射門就入3球，盡顯球員既把握力。呢場波再一次證明數據靚係冇用。
《場波又唔係咁一面倒》
睇番場波，上半場曼聯都只係落後一球，場面上踢落同對方都係均勢，般尼茅夫踢得算開放，並冇刻意係後場死守泊大巴。進攻就好簡單既4-2-3-1，二閘壓前就翼鋒內收，踢法簡單側擊配合為主。領先果一球都係靠死球入波。雖然舒克斯防守唔係太俾到壓力，但侯遜頂果下又確係非常靚，「擺」落個網仔度就完全冇得救。上半場既後半段，曼聯係拎左好多攻勢，亦因對方踢得幾前而拎到唔少transition機會，可惜般奴兩次空晒都係射唔穿基柏既十指關。
下半場阿摩廉火速用約羅入替馬拿斯亞，推前馬沙拉維，同時間將達洛治調去左路。呢個換人我覺得比較保守，落後下點解唔用安東尼加強右路進攻，我仲以為阿摩係有後續換人，點知佢既後續換人係冇安東尼份。呢個調動係保守但算合理，因為馬拉仔確實未有足夠既比賽狀態。伊拉奧拿亦換入谷克取代有牌在身既史密夫。54分鐘，阿摩廉再用加拿祖同海倫入替表現平平無奇既舒克斯同有牌在身既烏格迪，將般奴拉後一格同明奴打雙防中，希望可以等般奴係中後場較炮，而前場則用海倫同加拿祖改變進攻節奏。戰術思維見到，但中場中冇左烏格迪既掃蕩同覆蓋率係好明顯，中路完全不設防。61分鐘，馬沙拉維犯錯輸十二碼，由古華特射入。僅兩分鐘後，又係右路出現缺口。艾雲路臣右路明買明賣直線交俾哥達拿落底，個波打穿般奴同約羅既身後空間，施蒙尼奧接應傳中輕鬆撞射入網。馬天尼斯未有完全緊貼都要孭半隻鑊，而最大鑊就係般奴同約羅到底攪邊科。雖然領先三球下既般尼茅夫全軍退守，但整隊係防守上做得唔係好，曼聯不乏好多機會空晒任射，由63分鐘計到完場，曼聯10次射門僅得4中，射門一係打飛機，一係就射柱邊。極弱既射門把握力絕對係呢場拎唔分既主因，熟悉既射門觸角又番黎啦。最後，伊拉奧拿就繼續換人繼續守，但阿摩廉就一反常態，並冇換晒5個換人名額。最後，曼聯主場大敗三比零。
《會唔會係輪換換出火》
呢場波除左輸射門把握力外，我認為輪換換出火都係其中一個原因。周中聯賽盃又係半隊正選半隊替補，最後輸四比三，但有幾個球員係周中打足；今場正選又使用幾個替補，包括舒克斯同馬拿斯亞。首先聯賽還是聯賽盃比較緊要？其次，海倫明顯暫時比舒克斯更適合踢正選，但因周中踢左而呢場要踢後備，係咪對整隊球隊有影響？第三就係馬拉仔明顯未夠態，但又要踢正選，反而安東尼踢幾場既表現都唔係差，但突然又冇得踢，原因何在？
《總結》
伊拉奧拿既般尼茅夫係實力上其實唔算太強，但球員跑動積極，加上踢法夠簡單，就可以贏你曼聯，反映踢波有時都唔駛攪得太複雜。阿摩廉既曼聯則仍未搵到最佳十一人，個個都踢下試下，默契係完全建立唔到，所以都經常見到交波一係人前波後，一係冇起動就交波，誤傳經常發生。咁又唔係冇樣讚得既，好既係今場起碼真係創造到機會，而唔係靠對面派膠先有機會射。睇下阿摩廉幾時開始肯用固定既陣容踢先，然後再係比賽中換人，再係之後用一堆龍脊球員去搭配一些可輪換既球員，咁先可以提供到穩定既成績。下場boxing day見！
請按此登錄後留言。未成為會員? 立即註冊