一場本身踢左63分鐘就已經可以將場波擺入雪櫃，但因熱刺龍門兩次既送禮，令到場波係70分鐘開始又緊湊番。熱刺由領先三球變成只得一個cushion 波而愈踢愈亂，曼聯則因為「咁樣」追番兩球而有番個勢。可惜88分鐘又到曼聯既龍門犯錯而再失一球，就令到曼聯反魂乏術。呢個角球直入雖然係有熱刺球球員犯規既嫌疑，係冇VAR情況下，球證冇辦法可以重睇playback而令入球有效，但比連迪亞係接呢下角球個「勢」可以話係輸晒。慢鏡所見佢係同對方有碰撞，但左手係咪真係冇機會可以打走個波，則有相確餘地，而比連迪亞今場既表現同近兩季出親場既情況係一樣 - 「驚嚇多過驚喜」。坦夏買呢個龍門都幾明顯入錯貨，真係睇下阿摩廉既門將教練有冇辦法令佢進步。
講番阿摩廉今場既排陣，佢都係繼續輪換加試驗為主，出左一半正選配搭一半後備睇下有冇化學作用。進攻上，見到多左好多兩側向尾柱既傳中，又或者翼衛沉底下cut-back到大禁區頂俾後上中場撞射，整體進攻都係見到個方向。不過，正選陣容抽起迪亞路，同埋將般奴放到攻擊中場位置，就大大減弱左球隊係前場既反擊速度與及個人突破策動進攻能力。安東尼唔係零作用，但係呢套form下佢踢翼衛既效果睇落更佳，而馬沙拉維踢翼衛唔係唔好，但始終進攻非擅長，都係踢右中堅幫手係後場出波感覺更佳。達洛治則繼續貫徹今季既表現，適應唔到翼衛既位置同功能。海倫繼續佢恰弱隊本色，對番英超級別既後衛就見真章，係前場近乎零作用。防守方面，見到球隊係高位逼搶，每個球員既對位開始愈黎愈清晰，好快就可以鎖定對方既短傳路線去作出壓迫，明顯係多左透過高短逼搶去重奪控球權。最緊要既係紀律性同一致性都有進步，而當兩側翼衛係用正宗閘位球員下，邊路既防守力係明顯強左。由阿摩廉接手開始，球隊場場都已經改打3-4-2-1，防守時亦會變成5-4-1或5-2–3，點變都好，防線大部分時間都係有5個人。呢八場波曼聯只係對愛華頓能保持不失球，其餘賽事場場都有失波，相信阿摩廉都需要研究下問題所在。到底係因為你場場都輪換太多人，還是防守結構出現問題？當然，如何防守死球絕對係重中之重啦。
總結，今場波踢落係輸得抵。要不是科士打，我地都未必有波入，而迪亞路就話你知咩叫行運行到落腳趾尾，肯跑肯飛個波都自動送俾你入。阿摩廉真係要開始搵番佢個勝利十一人先，場場都左試右試，冇分落袋你都幾難搞！
講番阿摩廉今場既排陣，佢都係繼續輪換加試驗為主，出左一半正選配搭一半後備睇下有冇化學作用。進攻上，見到多左好多兩側向尾柱既傳中，又或者翼衛沉底下cut-back到大禁區頂俾後上中場撞射，整體進攻都係見到個方向。不過，正選陣容抽起迪亞路，同埋將般奴放到攻擊中場位置，就大大減弱左球隊係前場既反擊速度與及個人突破策動進攻能力。安東尼唔係零作用，但係呢套form下佢踢翼衛既效果睇落更佳，而馬沙拉維踢翼衛唔係唔好，但始終進攻非擅長，都係踢右中堅幫手係後場出波感覺更佳。達洛治則繼續貫徹今季既表現，適應唔到翼衛既位置同功能。海倫繼續佢恰弱隊本色，對番英超級別既後衛就見真章，係前場近乎零作用。防守方面，見到球隊係高位逼搶，每個球員既對位開始愈黎愈清晰，好快就可以鎖定對方既短傳路線去作出壓迫，明顯係多左透過高短逼搶去重奪控球權。最緊要既係紀律性同一致性都有進步，而當兩側翼衛係用正宗閘位球員下，邊路既防守力係明顯強左。由阿摩廉接手開始，球隊場場都已經改打3-4-2-1，防守時亦會變成5-4-1或5-2–3，點變都好，防線大部分時間都係有5個人。呢八場波曼聯只係對愛華頓能保持不失球，其餘賽事場場都有失波，相信阿摩廉都需要研究下問題所在。到底係因為你場場都輪換太多人，還是防守結構出現問題？當然，如何防守死球絕對係重中之重啦。
總結，今場波踢落係輸得抵。要不是科士打，我地都未必有波入，而迪亞路就話你知咩叫行運行到落腳趾尾，肯跑肯飛個波都自動送俾你入。阿摩廉真係要開始搵番佢個勝利十一人先，場場都左試右試，冇分落袋你都幾難搞！
請按此登錄後留言。未成為會員? 立即註冊