曼城陷入近幾年一遇既危機，由聯賽盃第四圈輸左比熱刺二比一之後，近十場比賽包括聯賽盃第四圈，曼城竟然只得一勝兩和七負既戰績。本土聯賽打多一場下，已經被榜首既利物浦拋離八分之多；而歐冠六戰亦只得八分排係第廿二位，要爭頭八名直接出線既機會就愈黎愈抆水。哥帥認為成績差既原因係球隊傷兵多，只要傷兵番黎，成績就可以逐步回穩。呢個都冇錯，但你班傷兵幾時番到黎先係重點，分分到時番到黎都冇用。洛迪、史東斯、艾簡治、尼敦艾基同波比同告受傷，傷兵集中係後場，所以曼城近幾場既防線都冇得換人，場場都係獲加、迪亞斯、加維奧同利維斯。先唔講獲加不復勇同利維斯仍後生，場場都係呢四個踢就鐵人都殘。中間冇左洛迪，球隊亦冇左最重要既節拍器，無論用貝拿度施華或者根叔踢落去，都遠遠做唔到洛迪既水準。中後場甩晒碌情況下，前場自然發揮唔到應有水平，所以曼城近排既戰績係極惡劣，整隊都失去左信心。
今場除左有幾個傷兵外，利斯維亦因紅牌需要停賽，曼城防線又少一個可用之將，哥帥或者需要提升一個小將踢中堅，將加維奧改踢左閘。中場方面，高華錫既復出可以話係及時雨，冇態都焗出，畢竟佢係中場既護波同持球推進，對冇左洛迪既曼城黎講算係另類解題既方法之一。中前場人腳都齊整既，係睇下哥帥想點用。
預測曼城正選陣容（4-3-3）
伊達臣
獲加 迪亞斯 佩斯 加維奧
施華 高華錫 迪布尼
沙雲奴 夏蘭特 杜古
曼聯都唔係好曼城好多架咋，新帥阿摩廉接手左都接近兩個月，曼聯近五場戰績係三勝兩負。望落都叫做贏多過輸，但睇真少少贏既三場分別係對兩隊google隊同愛華頓，番到聯賽對勁少少既阿仙奴同森林就已經要輸波而回，證明暫時呢隊曼聯只能恰弱隊，睇怕都有排先可以重回「強隊」行列。
阿摩廉近幾場都繼續邊輪換邊試人。上場再次起用華舒福踢正選，結果係56分鐘係勁驚佢拎紅牌情況下即刻換走，該場福哥既表現又係令人失望；而達洛治則無論踢左定踢右都係令人失望，完全踢唔出應有既水準。呢場波相信阿摩廉都可以疊埋心水將某幾個球員棄用。曼聯係聯賽點都要搶分，加上今場曼城近排頹成咁，你都冇可能再係呢場試人試陣，所以今場預測阿摩廉會排出佢心中既勝利十一人去迎戰。安拿拿點派膠都會有正選。三中堅由左至右會係馬天尼斯、迪列特同馬沙拉維。平排防中或會係般奴費南迪斯拍烏格迪。我覺得安東尼值得踢正選，但認為阿摩廉都係會繼續起用達洛治，所以左右翼衛會係馬拿斯亞同達洛治。兩個攻擊中場會用曼治同迪亞路支援前鋒海倫攻堅。
預測曼聯正選陣容（3-4-2-1）
安拿拿馬沙拉維 迪列特 馬天尼斯
達洛治 烏格迪 般奴費南迪斯 馬拿斯亞
迪亞路 曼治
海倫
今場除左有幾個傷兵外，利斯維亦因紅牌需要停賽，曼城防線又少一個可用之將，哥帥或者需要提升一個小將踢中堅，將加維奧改踢左閘。中場方面，高華錫既復出可以話係及時雨，冇態都焗出，畢竟佢係中場既護波同持球推進，對冇左洛迪既曼城黎講算係另類解題既方法之一。中前場人腳都齊整既，係睇下哥帥想點用。
預測曼城正選陣容（4-3-3）
伊達臣
獲加 迪亞斯 佩斯 加維奧
施華 高華錫 迪布尼
沙雲奴 夏蘭特 杜古
曼聯都唔係好曼城好多架咋，新帥阿摩廉接手左都接近兩個月，曼聯近五場戰績係三勝兩負。望落都叫做贏多過輸，但睇真少少贏既三場分別係對兩隊google隊同愛華頓，番到聯賽對勁少少既阿仙奴同森林就已經要輸波而回，證明暫時呢隊曼聯只能恰弱隊，睇怕都有排先可以重回「強隊」行列。
阿摩廉近幾場都繼續邊輪換邊試人。上場再次起用華舒福踢正選，結果係56分鐘係勁驚佢拎紅牌情況下即刻換走，該場福哥既表現又係令人失望；而達洛治則無論踢左定踢右都係令人失望，完全踢唔出應有既水準。呢場波相信阿摩廉都可以疊埋心水將某幾個球員棄用。曼聯係聯賽點都要搶分，加上今場曼城近排頹成咁，你都冇可能再係呢場試人試陣，所以今場預測阿摩廉會排出佢心中既勝利十一人去迎戰。安拿拿點派膠都會有正選。三中堅由左至右會係馬天尼斯、迪列特同馬沙拉維。平排防中或會係般奴費南迪斯拍烏格迪。我覺得安東尼值得踢正選，但認為阿摩廉都係會繼續起用達洛治，所以左右翼衛會係馬拿斯亞同達洛治。兩個攻擊中場會用曼治同迪亞路支援前鋒海倫攻堅。
預測曼聯正選陣容（3-4-2-1）
安拿拿馬沙拉維 迪列特 馬天尼斯
達洛治 烏格迪 般奴費南迪斯 馬拿斯亞
迪亞路 曼治
海倫
請按此登錄後留言。未成為會員? 立即註冊