《正選陣容繼續試》
阿摩廉繼續排出截然不同既正選陣容，重點繼續試中前場。龍門都係安拿拿。三中堅經已搵到最佳陣容（暫時），由左至右係馬天尼斯、迪列特同馬沙拉維。一對平排防中今場就用明奈拍卡斯美路。左右翼衛則係固定地用達洛治同迪亞路。左攻擊中場用般奴費南迪斯；右攻擊中場則用華舒福。前鋒就抽起海倫改用舒克斯（雀屎）。除左繼續試陣外，踢法上明顯有因為球員既變動而作出相應既調整。阿摩廉因應雀屎喜歡後撤拎波組織既特點，要求福仔企得更前並更靠近雀屎，去尋找中堅既身後空間。除此之外，未知係般奴既慣性還是戰術要求（個人傾向係般奴自己慣性），般奴經常墮後到邊線拎波，但達洛治並冇好似上一場咁走half-space位置接應，而係再向底線企前，變成左half-space位置係冇人跟進。亦因雀屎同般奴都一齊墮後，最前點有時係無人，理論上當雀屎墮後，咁般奴同福仔就需要前插去牽引或接應，呢點相信阿摩廉係睇到。
《雖然入四球但三球都係對方送》
上半場係曼聯未入波前，愛華頓個防守同進攻都唔係差，機會甚至係比曼聯多，只係球員質素差，往往係最後一傳個效果都非常一般，先令安拿拿冇太受考驗。防線最令人擔憂既係達洛治，呢幾場打左翼衛，攻不銳守不穩都唔緊要，最大問題係經常交醫院波回後先得人驚。不過馬拿斯亞明顯缺態，梳爾既體能又難以勝任呢個位置，所以焗用大碌，阿摩廉都要諗方法解決。曼聯控球既時間係長，但一直都冇乜套路同板斧。一黎上文提到既問題，二黎球員對新位置新陣式都要摸索下，但主要既原因或者係中場中未能運送個波到前場。卡斯美路早段好多下要落剷都睇到佢唔太跟到速率；明奈則可能剛剛傷癒，一黎冇態，二黎佢都唔係派波上前既類型，要佢護波突破解除逼搶係可以，但要佢係中場靠傳送策動進攻好似唔係強項，佢既作用係場上唔太明顯。
34分鐘，曼聯一個角球戰術，福仔係禁區頂接應般奴角球撞射，巴夫韋治解圍變折射，令碧福特欲救無從。41分鐘，巴夫韋治係後場派膠，被迪亞路單人逼搶成功。般奴一個唔該拎個波進攻，就助攻俾舒克斯射成二比零。「明架啦，知巴韋夫治好想過黎曼聯架啦！」般奴呢腳助攻其實都俾得唔太好，好彩舒克斯身高腳長跟進得切。
下半場雙方冇調動。一分鐘都冇，碧福特大腳踢前，般奴執到second ball，係自己三閘線彈俾中場中路雀屎，佢一個斜線放到右路俾迪亞路快放。迪亞路入到禁區拖慢，再直線塞俾福仔射成三比零。呢場波基本上就已經擺左入雪櫃。阿摩廉56分鐘用麥佳亞同梳爾換入迪列特同馬沙拉維，就係俾馬沙抖抖同埋試試麥隊長踢中中堅又得唔得。換完人既戰術就已經變左控球在腳，保持勝果就得。64分鐘，迪亞路再次單人逼搶成功，今次派膠既係達哥斯基。迪亞路其後助攻俾雀屎輕鬆梅開二度。雀屎今場既作用並唔係入波，而係前場既串連同支點，增加球隊進攻時既流暢度。佢在陣時，球隊係前場既控球權明顯會比用海倫高。66分鐘再換入加拿祖同烏格迪，則係試下明奈拍烏格迪有咩火花，同時間抽走般奴就將球權交俾明奈去多用波。值得留意既係加拿祖入替後，佢係更多時間留守前場half-space位置而非經常性墮後，所以般奴係咪唔跟體系踢還是佢係可以自由選擇就要再睇多幾場先知。80分鐘，曼治入替明奈試踢平排中場，雖然只有10分鐘，但曼治係中場既跑動速率都不俗，唔傷既話確係中前場多面手。最後，曼聯輕鬆贏四比零。
《總結》
如果場波淨係睇頭30分鐘，相信冇人會估到個比數係呢個差距。曼迷千其唔好俾呢場勝利沖昏頭腦，對手只係一隊要為護級而努力既球隊，兼且被葉士域治更弱而已。阿摩廉仍然試緊最佳陣容，下場對阿仙奴先係真正既考牌戰。又咁講，防線已搵到最佳陣容，而前場雖然未搵到，但場場轉兩三個球員去踢，可以保持到球員夠fresh。除左fresh外，邊幾個球員去mix and match先係重點，擺幾個有火花既一齊會好過只睇能力值高低，當然都要夾當場既戰術啦。下場對阿記，大家拭目以待！
阿摩廉繼續排出截然不同既正選陣容，重點繼續試中前場。龍門都係安拿拿。三中堅經已搵到最佳陣容（暫時），由左至右係馬天尼斯、迪列特同馬沙拉維。一對平排防中今場就用明奈拍卡斯美路。左右翼衛則係固定地用達洛治同迪亞路。左攻擊中場用般奴費南迪斯；右攻擊中場則用華舒福。前鋒就抽起海倫改用舒克斯（雀屎）。除左繼續試陣外，踢法上明顯有因為球員既變動而作出相應既調整。阿摩廉因應雀屎喜歡後撤拎波組織既特點，要求福仔企得更前並更靠近雀屎，去尋找中堅既身後空間。除此之外，未知係般奴既慣性還是戰術要求（個人傾向係般奴自己慣性），般奴經常墮後到邊線拎波，但達洛治並冇好似上一場咁走half-space位置接應，而係再向底線企前，變成左half-space位置係冇人跟進。亦因雀屎同般奴都一齊墮後，最前點有時係無人，理論上當雀屎墮後，咁般奴同福仔就需要前插去牽引或接應，呢點相信阿摩廉係睇到。
《雖然入四球但三球都係對方送》
上半場係曼聯未入波前，愛華頓個防守同進攻都唔係差，機會甚至係比曼聯多，只係球員質素差，往往係最後一傳個效果都非常一般，先令安拿拿冇太受考驗。防線最令人擔憂既係達洛治，呢幾場打左翼衛，攻不銳守不穩都唔緊要，最大問題係經常交醫院波回後先得人驚。不過馬拿斯亞明顯缺態，梳爾既體能又難以勝任呢個位置，所以焗用大碌，阿摩廉都要諗方法解決。曼聯控球既時間係長，但一直都冇乜套路同板斧。一黎上文提到既問題，二黎球員對新位置新陣式都要摸索下，但主要既原因或者係中場中未能運送個波到前場。卡斯美路早段好多下要落剷都睇到佢唔太跟到速率；明奈則可能剛剛傷癒，一黎冇態，二黎佢都唔係派波上前既類型，要佢護波突破解除逼搶係可以，但要佢係中場靠傳送策動進攻好似唔係強項，佢既作用係場上唔太明顯。
34分鐘，曼聯一個角球戰術，福仔係禁區頂接應般奴角球撞射，巴夫韋治解圍變折射，令碧福特欲救無從。41分鐘，巴夫韋治係後場派膠，被迪亞路單人逼搶成功。般奴一個唔該拎個波進攻，就助攻俾舒克斯射成二比零。「明架啦，知巴韋夫治好想過黎曼聯架啦！」般奴呢腳助攻其實都俾得唔太好，好彩舒克斯身高腳長跟進得切。
下半場雙方冇調動。一分鐘都冇，碧福特大腳踢前，般奴執到second ball，係自己三閘線彈俾中場中路雀屎，佢一個斜線放到右路俾迪亞路快放。迪亞路入到禁區拖慢，再直線塞俾福仔射成三比零。呢場波基本上就已經擺左入雪櫃。阿摩廉56分鐘用麥佳亞同梳爾換入迪列特同馬沙拉維，就係俾馬沙抖抖同埋試試麥隊長踢中中堅又得唔得。換完人既戰術就已經變左控球在腳，保持勝果就得。64分鐘，迪亞路再次單人逼搶成功，今次派膠既係達哥斯基。迪亞路其後助攻俾雀屎輕鬆梅開二度。雀屎今場既作用並唔係入波，而係前場既串連同支點，增加球隊進攻時既流暢度。佢在陣時，球隊係前場既控球權明顯會比用海倫高。66分鐘再換入加拿祖同烏格迪，則係試下明奈拍烏格迪有咩火花，同時間抽走般奴就將球權交俾明奈去多用波。值得留意既係加拿祖入替後，佢係更多時間留守前場half-space位置而非經常性墮後，所以般奴係咪唔跟體系踢還是佢係可以自由選擇就要再睇多幾場先知。80分鐘，曼治入替明奈試踢平排中場，雖然只有10分鐘，但曼治係中場既跑動速率都不俗，唔傷既話確係中前場多面手。最後，曼聯輕鬆贏四比零。
《總結》
如果場波淨係睇頭30分鐘，相信冇人會估到個比數係呢個差距。曼迷千其唔好俾呢場勝利沖昏頭腦，對手只係一隊要為護級而努力既球隊，兼且被葉士域治更弱而已。阿摩廉仍然試緊最佳陣容，下場對阿仙奴先係真正既考牌戰。又咁講，防線已搵到最佳陣容，而前場雖然未搵到，但場場轉兩三個球員去踢，可以保持到球員夠fresh。除左fresh外，邊幾個球員去mix and match先係重點，擺幾個有火花既一齊會好過只睇能力值高低，當然都要夾當場既戰術啦。下場對阿記，大家拭目以待！
請按此登錄後留言。未成為會員? 立即註冊