賽事前瞻 - 曼聯對愛華頓 精選

愛華頓聯賽踢左12場拎到11分排第15位，今季又係要以護級為目標。球隊近況未如理想，只得一勝一和三負。近三場球隊更係一球都入唔到，進攻極度乏力，但防守又未必好差，只係失左一球。睇下戴治今場可唔可以靠兩翼側擊炸死曼聯。

曼聯則暫時拎左16分排第13位，距離頭四既車路士都係差六分。分數相差距離唔係好大，不過曼聯依家唔止換領隊咁簡單，近兩場阿摩廉直頭係砍掉重練，換陣式換正選瘋狂試人，所以相信曼聯短期都未必提供到穩定既表現，只能睇下安拿拿有幾好身手係後場頂住唔好輸先得。今場番到聯賽，相信阿摩廉係正選陣容上唔會再亂咁試，會出番佢心目中較岩心水既人選。小弟基於前兩場既戰況分析左少少，詳情可睇（https://s.fanpiece.com/M3lkoDD）。
預測龍門續用安拿拿。三中堅由左至右係馬天尼斯、迪列特同馬沙拉維。防中會起用般奴費南迪斯拍烏格迪。左右翼衛係達洛治同迪亞路。兩個攻擊中場會用曼治同加拿祖支援前鋒海倫攻堅。

預測曼聯正選陣容（3-4-2-1）
安拿拿
馬沙拉維 迪列特 馬天尼斯
迪亞路 般奴費南迪斯 烏格迪 達洛治
曼治 加拿祖
海倫