《賽前game plan好work》
開賽見到坦夏既排陣確係有擔憂，艾歷臣續任正選，拍明奈踢中場，加上般奴在陣，三人係中路既防守睇落係性感到不設防，畢竟對方係英超級別而唔係英甲仔。不過坦夏針對對方踢三中堅兼用波能力不足，由之前既4-2-4改踢4-3-3，用兩翼直接對位對方一對左右中堅，艾歷臣則推上一格拍住般奴去壓逼禾頓同鐮田大地。前場三人勤力壓逼，加上對方相對堅持係後場用波但又用得唔好，曼聯係好容易就拎番球權進攻。水晶宮開頭踢緊5-2-3，都係用上三人去直接對位曼聯3-2-2-3既build-up模式。曼聯則將達洛治內收入中路拍明奈係中場幫波，艾歷臣就經常墮後到左路overload水晶宮既中場拎波組織，留番般奴係中前場串連。面對陣地戰，有艾歷臣的確會令隊波進攻更有層次。上半場入唔到波除左欠運外，亦反映球員把握力不足，但如大家仲記得上季如何被水晶宮吊打，今場既上半場既表現同上季比可以話係脫胎換骨。
《踩坦夏不如讚水晶宮領隊加士拿》
水晶宮領隊加士拿半場即換人，換入中場利馬同伊斯美拿沙亞，都係位換位，希望可以加快由守轉攻既速度。不過，曼聯既攻勢同球權仍然較多，亦有一兩下黃金機會射失。坦夏60分鐘用華舒福入替舒克斯。舒克斯今場既表現絕對係好，多次係前場創造到機會俾隊友去射門。點解坦夏都會換走佢？我認為坦夏覺得舒克斯係做到好多創造同串連，但就係缺乏入波既能力，而球隊仍有艾歷臣同般奴在陣，係創造力唔會太受影響下，就換入近兩場都有波入既福仔，睇下會唔會有運仔。加士拿係66分鐘用韋曉士換入尼基迪亞，將球隊由5-2-3改踢5-3-2，呢一著先係水晶宮係比賽中後段令曼聯入唔到波既原因，亦要讚加士拿呢一個調動。前場保留兩人打反擊，中場將利馬踢後少少逗住右面既鐮田大地同左面既韋曉士，用三人中場製造番中場既人數優勢，而更改左鐮田大地防守位置，亦令艾歷臣唔可以再沉落去左路組織，所以見到曼聯當刻個進攻係完全Lag機。有時真係不得不讚曼城球員既級數，佢地係場上係有能力因應對方既改變，而去調整自己既進攻模式，相反曼聯球員係完全做唔到，都係繼續維持本身既game plan，缺少左自己拆局既能力。
《坦夏換人冇轉戰術同陣形都係失分關鍵》
面對加士拿既轉陣，坦夏只係選擇係76分鐘用烏格迪同海倫入替冇貨既艾歷臣同迪亞路，將福仔同加拿祖擺番係左右路，將中路讓俾海倫，但係進攻模式則繼續維持一樣。烏格迪出場令到曼聯係中後場既攔截力加強，並拎到更多既球權，但面對對方縮後只求一分既踢法，空有球權但只能係中後場橫傳，冇能力係後場打穿人地中場既防守，又如何講製造進攻機會？面對5-3-2，理論上對方既邊路係可以多加利用，但坦夏只懂換人而冇叫達洛治同馬沙拉維拉邊前壓，只等兩翼係邊單打獨鬥，利用唔到對方陣形上既缺失，呢樣就絕對係領隊責任。最後既15分鐘，基本上曼聯都係冇方法製造到機會，而對方疊埋心水守亦打唔到有效反擊。兩隊握手言和，各得一分。
《兩樣野可以研究》第一樣就係明奈既位置。今場先踢六號位，換入烏格迪後就改踢八號位。一個球員可以踢多個位置當然好，但年青球員又係咪應該先練好一個位置再慢慢適應另一個？究竟坦夏想明奈主力踢邊個位置，畢業六號位同八號位既能力需求都唔同，而後備席亦有烏格迪同卡斯美路，係咪應該先從佢兩個二選一去踢正選？當然你話我想明奈主力踢六號位都得，咁係買人方面又有冇買錯人？
第二樣則係般奴是否不能被換？現時坦夏既體系下，般奴主要係中前場用傳送去撕破對方防線，以製造射門機會為主。宏觀成隊係踢法上同佢最相近既就係艾歷臣。艾歷臣既問題係佢只得大約75分鐘既體力，但今場佢係同般奴同時上陣，換句話說你要換走般奴，就要艾歷臣踢到完場，而呢樣係唔理想既做法，所以坦夏要諗既係艾歷臣係咪一定要同般奴同場？如果game plan係4-3-3，我個人會選擇烏格迪先出任防中，明奈拍般奴踢八號位，咁就可以保留艾歷臣去睇情況作輪換。另外，曼治係後備席當中，但如用佢入替般奴，咁你就要靠明奈去創造，現階段明奈係創造力方面係冇得同般奴比較，所以坦夏冇換到曼治入黎亦有佢原因。
《總結》
曼聯上半場入唔到波係球員責任，下半場中後段踢到便袐咁係領隊責任，你總唔能夠一失分就怪晒領隊。下周中仲要踢歐霸盃，周末仲要對熱刺，呢個賽期或者解釋到坦夏點解咁樣用人換人。海倫同曼治都傷癒歸隊，或者會有使用時間限制，但對多線作戰既曼聯亦算係好消息。呢兩三場見到坦夏都唔會用死勝利十一人絕對係好事，又睇下下場對川迪會點樣排陣。聯賽暫時五戰得七分，結果論睇確係唔理想，但從比賽過程睇，曼聯係重建方面算係行緊一條正確既道路。曼迷們，繼續支持吧！
開賽見到坦夏既排陣確係有擔憂，艾歷臣續任正選，拍明奈踢中場，加上般奴在陣，三人係中路既防守睇落係性感到不設防，畢竟對方係英超級別而唔係英甲仔。不過坦夏針對對方踢三中堅兼用波能力不足，由之前既4-2-4改踢4-3-3，用兩翼直接對位對方一對左右中堅，艾歷臣則推上一格拍住般奴去壓逼禾頓同鐮田大地。前場三人勤力壓逼，加上對方相對堅持係後場用波但又用得唔好，曼聯係好容易就拎番球權進攻。水晶宮開頭踢緊5-2-3，都係用上三人去直接對位曼聯3-2-2-3既build-up模式。曼聯則將達洛治內收入中路拍明奈係中場幫波，艾歷臣就經常墮後到左路overload水晶宮既中場拎波組織，留番般奴係中前場串連。面對陣地戰，有艾歷臣的確會令隊波進攻更有層次。上半場入唔到波除左欠運外，亦反映球員把握力不足，但如大家仲記得上季如何被水晶宮吊打，今場既上半場既表現同上季比可以話係脫胎換骨。
《踩坦夏不如讚水晶宮領隊加士拿》
水晶宮領隊加士拿半場即換人，換入中場利馬同伊斯美拿沙亞，都係位換位，希望可以加快由守轉攻既速度。不過，曼聯既攻勢同球權仍然較多，亦有一兩下黃金機會射失。坦夏60分鐘用華舒福入替舒克斯。舒克斯今場既表現絕對係好，多次係前場創造到機會俾隊友去射門。點解坦夏都會換走佢？我認為坦夏覺得舒克斯係做到好多創造同串連，但就係缺乏入波既能力，而球隊仍有艾歷臣同般奴在陣，係創造力唔會太受影響下，就換入近兩場都有波入既福仔，睇下會唔會有運仔。加士拿係66分鐘用韋曉士換入尼基迪亞，將球隊由5-2-3改踢5-3-2，呢一著先係水晶宮係比賽中後段令曼聯入唔到波既原因，亦要讚加士拿呢一個調動。前場保留兩人打反擊，中場將利馬踢後少少逗住右面既鐮田大地同左面既韋曉士，用三人中場製造番中場既人數優勢，而更改左鐮田大地防守位置，亦令艾歷臣唔可以再沉落去左路組織，所以見到曼聯當刻個進攻係完全Lag機。有時真係不得不讚曼城球員既級數，佢地係場上係有能力因應對方既改變，而去調整自己既進攻模式，相反曼聯球員係完全做唔到，都係繼續維持本身既game plan，缺少左自己拆局既能力。
《坦夏換人冇轉戰術同陣形都係失分關鍵》
面對加士拿既轉陣，坦夏只係選擇係76分鐘用烏格迪同海倫入替冇貨既艾歷臣同迪亞路，將福仔同加拿祖擺番係左右路，將中路讓俾海倫，但係進攻模式則繼續維持一樣。烏格迪出場令到曼聯係中後場既攔截力加強，並拎到更多既球權，但面對對方縮後只求一分既踢法，空有球權但只能係中後場橫傳，冇能力係後場打穿人地中場既防守，又如何講製造進攻機會？面對5-3-2，理論上對方既邊路係可以多加利用，但坦夏只懂換人而冇叫達洛治同馬沙拉維拉邊前壓，只等兩翼係邊單打獨鬥，利用唔到對方陣形上既缺失，呢樣就絕對係領隊責任。最後既15分鐘，基本上曼聯都係冇方法製造到機會，而對方疊埋心水守亦打唔到有效反擊。兩隊握手言和，各得一分。
《兩樣野可以研究》第一樣就係明奈既位置。今場先踢六號位，換入烏格迪後就改踢八號位。一個球員可以踢多個位置當然好，但年青球員又係咪應該先練好一個位置再慢慢適應另一個？究竟坦夏想明奈主力踢邊個位置，畢業六號位同八號位既能力需求都唔同，而後備席亦有烏格迪同卡斯美路，係咪應該先從佢兩個二選一去踢正選？當然你話我想明奈主力踢六號位都得，咁係買人方面又有冇買錯人？
第二樣則係般奴是否不能被換？現時坦夏既體系下，般奴主要係中前場用傳送去撕破對方防線，以製造射門機會為主。宏觀成隊係踢法上同佢最相近既就係艾歷臣。艾歷臣既問題係佢只得大約75分鐘既體力，但今場佢係同般奴同時上陣，換句話說你要換走般奴，就要艾歷臣踢到完場，而呢樣係唔理想既做法，所以坦夏要諗既係艾歷臣係咪一定要同般奴同場？如果game plan係4-3-3，我個人會選擇烏格迪先出任防中，明奈拍般奴踢八號位，咁就可以保留艾歷臣去睇情況作輪換。另外，曼治係後備席當中，但如用佢入替般奴，咁你就要靠明奈去創造，現階段明奈係創造力方面係冇得同般奴比較，所以坦夏冇換到曼治入黎亦有佢原因。
《總結》
曼聯上半場入唔到波係球員責任，下半場中後段踢到便袐咁係領隊責任，你總唔能夠一失分就怪晒領隊。下周中仲要踢歐霸盃，周末仲要對熱刺，呢個賽期或者解釋到坦夏點解咁樣用人換人。海倫同曼治都傷癒歸隊，或者會有使用時間限制，但對多線作戰既曼聯亦算係好消息。呢兩三場見到坦夏都唔會用死勝利十一人絕對係好事，又睇下下場對川迪會點樣排陣。聯賽暫時五戰得七分，結果論睇確係唔理想，但從比賽過程睇，曼聯係重建方面算係行緊一條正確既道路。曼迷們，繼續支持吧！
請按此登錄後留言。未成為會員? 立即註冊