轉會窗剛剛完結，咁岩曼聯係果日就要對利物浦，所以呢篇文章就延後先出。今次主要探討一下曼聯係今個夏天既轉會情況與及今季既展望。先唔好理會近三場聯賽既結果，只研究球員轉會。
後衛篇
球會搶贏左皇馬羅致中堅約羅，跟住係轉會窗尾段從拜仁收購迪列特同馬沙拉維。迪列特既加盟正好補充番華拉尼既離開，而潛力爆棚既約羅可以換走周身刀但冇張利既連迪路夫。配合埋核心馬天尼斯同舊隊長麥佳亞，可以組成不同而有質素既中堅組合。老將伊雲斯既續約亦正好提供經驗同係必要時輪換。馬沙拉維係近呢三場亦非常對板，提高左右路進攻能力。雲比沙卡既離開相對較為可惜，論單防能力佢始終係世一，奈何練唔到進攻力都冇辦法。唯一美中不足係球會冇係左閘位置上加強人手。梳爾已變藥煲，而馬拿斯亞上季到依家都一直養傷，出得番黎仲可以有幾大進步真係冇人知，攪到依家又要達洛治頂住。如果達洛治或馬沙拉維受傷，冇左閘既問題又會一再重現。
中場篇
球會只係最後關頭引入左PSG防中烏格迪，但就主要賣走左麥湯文尼、雲迪碧同放棄買入安拉拔。中場計人腳就只得烏格迪、卡斯美路、明奴、般奴費南迪斯、曼治、艾歷臣連同從U隊提升上黎既哥利亞。老實地說，曼治已變玻璃人，踢左兩場已經再次宣告要傷出幾周，真係唔知出到幾多場。艾歷臣踢英超已跟唔上速率，最多同你踢2-30分鐘。哥利亞明顯冇明奴咁ready去應付英超，絕對要人帶住黎踢。變相中場真係叫孭到飛都係得烏格迪、卡斯美路、般奴同明奴。卡斯美路頭兩場表現還好，但一對利記變化蟲，到底仲可唔可以重拾佳態？而烏格迪能否適應英超亦是個謎，所以只論中場既轉會黎講，我就覺得略嫌不足。或者引入現時無業既拉比奧特會係解決辦法。
前鋒篇
球會好快手就由博洛尼亞買入前鋒舒克斯。雖然此子並非以入球能力見稱，但佢係前場策應、傳送同盤扭都有一定既能力，作用同離隊既馬斯亞相似。佢亦都只係23歲，仍有非常大既進步空間。從頭三場比賽所見，佢既潛力同能力都係有既，睇下雲尼斯度萊點調教佢。球會放走左格連活（敵不過女權）係極度遺憾，而辛祖最終都係外借離隊，未能留效曼聯。辛祖係能力上黎講絕對係有料，但奈何人夾人緣，又或者同球會八字唔夾，最後蝕走都係冇辦法，唯一既好處係車路士係100%支付佢既週薪，幫球會慳左好多人工。
總結
轉左管理層既曼聯係轉會窗出手比以往快狠準左好多，而一面對開天殺價既球會（例如：愛華頓既巴夫韋治），球會唔再一味堅持，反而灑脫地係其他球會再搵目標，避免買入能力與轉會費不成正比既球員，係轉會市場終於擺脫「水魚曼」既臭朵。當然，買番黎岩唔岩用或者球員適唔適應到就另當別論，但起碼今季買人既位置同買人既價錢唔再係亂咁嚟。
今季踏入坦夏領軍既第三年，整隊既陣容同第一年比已經面目全非。整隊年輕化左好多，每個位置都有兩個具實力既人去競爭，今季既成績絕對會影響坦夏黎緊可以教幾耐。睇完頭三場聯賽，曼聯無疑係比上兩季進步左，但相信係管理層眼中係未夠。不過，小弟相信坦夏點都可以教完今季，再睇今季既成績定去留，絕不會因輸左一場比利物浦，就會被炒。小弟相信坦夏今季至少係聯賽要拎到頭四位，至於盃賽係咪一定要拎到冠軍，我就認為冇既話都可以留隊繼續帶。另外，曼聯目前既陣容係非常年輕，對擅於調教年輕人既坦夏或者會更適合。適逢有兩個禮拜國際賽期，睇下坦夏係呢段時間點調整隊波啦！
後衛篇
球會搶贏左皇馬羅致中堅約羅，跟住係轉會窗尾段從拜仁收購迪列特同馬沙拉維。迪列特既加盟正好補充番華拉尼既離開，而潛力爆棚既約羅可以換走周身刀但冇張利既連迪路夫。配合埋核心馬天尼斯同舊隊長麥佳亞，可以組成不同而有質素既中堅組合。老將伊雲斯既續約亦正好提供經驗同係必要時輪換。馬沙拉維係近呢三場亦非常對板，提高左右路進攻能力。雲比沙卡既離開相對較為可惜，論單防能力佢始終係世一，奈何練唔到進攻力都冇辦法。唯一美中不足係球會冇係左閘位置上加強人手。梳爾已變藥煲，而馬拿斯亞上季到依家都一直養傷，出得番黎仲可以有幾大進步真係冇人知，攪到依家又要達洛治頂住。如果達洛治或馬沙拉維受傷，冇左閘既問題又會一再重現。
中場篇
球會只係最後關頭引入左PSG防中烏格迪，但就主要賣走左麥湯文尼、雲迪碧同放棄買入安拉拔。中場計人腳就只得烏格迪、卡斯美路、明奴、般奴費南迪斯、曼治、艾歷臣連同從U隊提升上黎既哥利亞。老實地說，曼治已變玻璃人，踢左兩場已經再次宣告要傷出幾周，真係唔知出到幾多場。艾歷臣踢英超已跟唔上速率，最多同你踢2-30分鐘。哥利亞明顯冇明奴咁ready去應付英超，絕對要人帶住黎踢。變相中場真係叫孭到飛都係得烏格迪、卡斯美路、般奴同明奴。卡斯美路頭兩場表現還好，但一對利記變化蟲，到底仲可唔可以重拾佳態？而烏格迪能否適應英超亦是個謎，所以只論中場既轉會黎講，我就覺得略嫌不足。或者引入現時無業既拉比奧特會係解決辦法。
前鋒篇
球會好快手就由博洛尼亞買入前鋒舒克斯。雖然此子並非以入球能力見稱，但佢係前場策應、傳送同盤扭都有一定既能力，作用同離隊既馬斯亞相似。佢亦都只係23歲，仍有非常大既進步空間。從頭三場比賽所見，佢既潛力同能力都係有既，睇下雲尼斯度萊點調教佢。球會放走左格連活（敵不過女權）係極度遺憾，而辛祖最終都係外借離隊，未能留效曼聯。辛祖係能力上黎講絕對係有料，但奈何人夾人緣，又或者同球會八字唔夾，最後蝕走都係冇辦法，唯一既好處係車路士係100%支付佢既週薪，幫球會慳左好多人工。
總結
轉左管理層既曼聯係轉會窗出手比以往快狠準左好多，而一面對開天殺價既球會（例如：愛華頓既巴夫韋治），球會唔再一味堅持，反而灑脫地係其他球會再搵目標，避免買入能力與轉會費不成正比既球員，係轉會市場終於擺脫「水魚曼」既臭朵。當然，買番黎岩唔岩用或者球員適唔適應到就另當別論，但起碼今季買人既位置同買人既價錢唔再係亂咁嚟。
今季踏入坦夏領軍既第三年，整隊既陣容同第一年比已經面目全非。整隊年輕化左好多，每個位置都有兩個具實力既人去競爭，今季既成績絕對會影響坦夏黎緊可以教幾耐。睇完頭三場聯賽，曼聯無疑係比上兩季進步左，但相信係管理層眼中係未夠。不過，小弟相信坦夏點都可以教完今季，再睇今季既成績定去留，絕不會因輸左一場比利物浦，就會被炒。小弟相信坦夏今季至少係聯賽要拎到頭四位，至於盃賽係咪一定要拎到冠軍，我就認為冇既話都可以留隊繼續帶。另外，曼聯目前既陣容係非常年輕，對擅於調教年輕人既坦夏或者會更適合。適逢有兩個禮拜國際賽期，睇下坦夏係呢段時間點調整隊波啦！
請按此登錄後留言。未成為會員? 立即註冊