今季第一次雙紅會，曼聯主場以零比三被利物浦技術性擊倒，近三場聯賽只得一勝兩負，暫時只得三分排係第十四位。
卡斯美路係戰犯？
如果今場要係曼聯搵戰犯可以話係極簡單，頭兩球失波都係卡斯美路既個人失誤，引致利物浦可以係前場立即轉守為攻，以人多打人少情況下輕鬆射入。睇番卡斯美路既個人數據，只踢左半場，有37次傳送，但傳送成功率值得73%。其中一次傳送就係直接將波送俾利物浦球員，從而令迪亞斯可以係尾柱輕鬆頂入。另外，45次觸球但有13次失控球權，其中一次係自己禁區外俾迪亞斯逼甩而導致失第二球。咁既數據要搵佢做戰犯都無可厚非，但又係咪真係入晒佢數？
坦夏既排陣冇問題咩？
上場賽後曼治受傷缺陣，坦夏選擇左近兩場都有後備入替既舒克斯踢正選。同時間，佢將近兩場都叫有表現既迪亞路先列後備，用上近兩仗後備入替都有表現既加拿祖打右翼。左翼繼續係華舒福，希望針對阿奴會壓上進攻所暴露既身後空間。中堅用左迪列特代替麥佳亞，其餘人腳照舊。
先講中堅，面對住利物浦三箭頭既速率同走位靈位既特點，起用轉身回追速度較快既迪列特係合理。右翼位置方面，迪亞路比起加拿祖係防守紀律性方面較為好，佢同馬沙拉維既合作係第二場都多左火花，而佢上場亦有波入，論表現，我唔係好明點解會冇左正選。曼治既作用除左壓迫之外，你唔可以忽略當前場逼搶被打穿後，佢回追番後場既速率同覆蓋範圍。冇左曼治都可預期係高位逼搶既效果會大打節扣，而當你選擇起用舒克斯，坦夏又有冇諗過佢既work rate係不能同曼治比較？另外，就算只睇頭兩場，舒克斯既狀態都明顯未得，暫時都只適合下半場出黎搏殺。再睇下陣容，如果你先起用舒克斯，你後備基本上係冇前鋒可換，點樣換都只能位換位換翼鋒。如果你先起用華舒福踢最前，如先落後，你都可以係戰術上再調動，可以踢雙箭頭又或者換一個舒克斯擺呢個唔同類型既前鋒入黎。馬後炮地說，今場舒克斯既表現除左係人地收疆情況下有兩下攻門外，其餘時間都係一般般。咁你話佢排陣用人有冇問題？
坦夏戰術有冇問題？
坦夏係用人方面已經疑問，而戰術方面我認為亦有問題。上文已經講，舒克斯既逼搶速率係做唔到曼治咁樣，但坦夏仍然要球隊維持上兩場既踢法，希望球隊係前場踢高位逼搶。人腳同戰術未能配合下，令球隊係前場空有人手但缺乏效果，利物浦只需幾腳就可以打穿前場高位，中前場可以直接面對防線衝擊。除此之外，坦夏亦冇針對利物浦既build-up play進行特定既部署。史諾今季要左閘羅伯臣係build-up時係中路形成三中堅，中場配置雙防中牽引對方一對中場，前場三人牽引對方四後衛。右閘阿奴拉邊負責扯走對方一隻翼鋒。蘇保斯禮就主動走去左邊邊線等接應，呢一個模式唔係呢場先發生，但坦夏冇針對呢樣野。當般奴同舒克斯主動對位一對中堅，羅伯臣既內收引到加拿祖離開邊線位置，咁馬沙拉維就要經常面對迪亞斯同蘇保斯禮既二打一，亦令到蘇保斯禮只要一墮後到左路就可以輕鬆接應，再係左路策動進攻。利物浦亦唔係咁死板，祖達亦可同蘇保調位，甚至迪亞斯亦可墮後，再將祖達拉到左路，令到邊路長期可以二打一。利記非常簡單就可以打穿曼聯前場既高位壓迫，亦正正係教科書式如何輕鬆應對曼聯既高位逼搶。
總結
小弟認為卡斯美路半場被換走係需要，畢竟佢係上半場既失誤之多都幾嚇人。輸呢場波絕不能將責任只指向胖虎，輸波既責任相信坦夏要承擔得更多。就算落場既唔係胖虎而係烏格迪，我相信曼聯呢場都係會輸。不過有樣野要提既係，史諾係接手一隊本身已經成熟既球隊，而坦夏係呢三年先重建緊球隊，新舊球員間都需要時間去磨合去適應。呢場波未踢之前，曼聯既傷兵都有六個，而利物浦只有一個受傷既鍾斯。球隊仲係季初階段，坦夏都仲有時間執隊波！下場繼續加油！
卡斯美路係戰犯？
如果今場要係曼聯搵戰犯可以話係極簡單，頭兩球失波都係卡斯美路既個人失誤，引致利物浦可以係前場立即轉守為攻，以人多打人少情況下輕鬆射入。睇番卡斯美路既個人數據，只踢左半場，有37次傳送，但傳送成功率值得73%。其中一次傳送就係直接將波送俾利物浦球員，從而令迪亞斯可以係尾柱輕鬆頂入。另外，45次觸球但有13次失控球權，其中一次係自己禁區外俾迪亞斯逼甩而導致失第二球。咁既數據要搵佢做戰犯都無可厚非，但又係咪真係入晒佢數？
坦夏既排陣冇問題咩？
上場賽後曼治受傷缺陣，坦夏選擇左近兩場都有後備入替既舒克斯踢正選。同時間，佢將近兩場都叫有表現既迪亞路先列後備，用上近兩仗後備入替都有表現既加拿祖打右翼。左翼繼續係華舒福，希望針對阿奴會壓上進攻所暴露既身後空間。中堅用左迪列特代替麥佳亞，其餘人腳照舊。
先講中堅，面對住利物浦三箭頭既速率同走位靈位既特點，起用轉身回追速度較快既迪列特係合理。右翼位置方面，迪亞路比起加拿祖係防守紀律性方面較為好，佢同馬沙拉維既合作係第二場都多左火花，而佢上場亦有波入，論表現，我唔係好明點解會冇左正選。曼治既作用除左壓迫之外，你唔可以忽略當前場逼搶被打穿後，佢回追番後場既速率同覆蓋範圍。冇左曼治都可預期係高位逼搶既效果會大打節扣，而當你選擇起用舒克斯，坦夏又有冇諗過佢既work rate係不能同曼治比較？另外，就算只睇頭兩場，舒克斯既狀態都明顯未得，暫時都只適合下半場出黎搏殺。再睇下陣容，如果你先起用舒克斯，你後備基本上係冇前鋒可換，點樣換都只能位換位換翼鋒。如果你先起用華舒福踢最前，如先落後，你都可以係戰術上再調動，可以踢雙箭頭又或者換一個舒克斯擺呢個唔同類型既前鋒入黎。馬後炮地說，今場舒克斯既表現除左係人地收疆情況下有兩下攻門外，其餘時間都係一般般。咁你話佢排陣用人有冇問題？
坦夏戰術有冇問題？
坦夏係用人方面已經疑問，而戰術方面我認為亦有問題。上文已經講，舒克斯既逼搶速率係做唔到曼治咁樣，但坦夏仍然要球隊維持上兩場既踢法，希望球隊係前場踢高位逼搶。人腳同戰術未能配合下，令球隊係前場空有人手但缺乏效果，利物浦只需幾腳就可以打穿前場高位，中前場可以直接面對防線衝擊。除此之外，坦夏亦冇針對利物浦既build-up play進行特定既部署。史諾今季要左閘羅伯臣係build-up時係中路形成三中堅，中場配置雙防中牽引對方一對中場，前場三人牽引對方四後衛。右閘阿奴拉邊負責扯走對方一隻翼鋒。蘇保斯禮就主動走去左邊邊線等接應，呢一個模式唔係呢場先發生，但坦夏冇針對呢樣野。當般奴同舒克斯主動對位一對中堅，羅伯臣既內收引到加拿祖離開邊線位置，咁馬沙拉維就要經常面對迪亞斯同蘇保斯禮既二打一，亦令到蘇保斯禮只要一墮後到左路就可以輕鬆接應，再係左路策動進攻。利物浦亦唔係咁死板，祖達亦可同蘇保調位，甚至迪亞斯亦可墮後，再將祖達拉到左路，令到邊路長期可以二打一。利記非常簡單就可以打穿曼聯前場既高位壓迫，亦正正係教科書式如何輕鬆應對曼聯既高位逼搶。
總結
小弟認為卡斯美路半場被換走係需要，畢竟佢係上半場既失誤之多都幾嚇人。輸呢場波絕不能將責任只指向胖虎，輸波既責任相信坦夏要承擔得更多。就算落場既唔係胖虎而係烏格迪，我相信曼聯呢場都係會輸。不過有樣野要提既係，史諾係接手一隊本身已經成熟既球隊，而坦夏係呢三年先重建緊球隊，新舊球員間都需要時間去磨合去適應。呢場波未踢之前，曼聯既傷兵都有六個，而利物浦只有一個受傷既鍾斯。球隊仲係季初階段，坦夏都仲有時間執隊波！下場繼續加油！
請按此登錄後留言。未成為會員? 立即註冊