曼城憑賓拿度施華89分鐘入波逼和曼聯，再憑互射12碼贏出社區盾既賽事。先講曼城，我就覺得哥迪奧拿對呢個盃仔唔算太重視，先收起迪布尼同賓拿度施華，派出四個大號碼球員出戰，除左利維斯係上季都入左輪換陣容外，其餘三個包括司職中場中萊利、攻擊中場麥阿迪同右翼既波比都係今季先提升上黎踢。見到哥帥對佢地都非常有信心，亦見到曼城強勁既青訓系統係不停都培育到人才上黎接班。經過今場比賽，小弟相信除左利維斯肯定入到輪換陣容外，右翼波比都會有一定既機會上陣，而另外兩個則需要等機會啦。盃仔都係盃，係呢度都恭喜曼城今季先拔頭籌！
相反曼聯既坦克對比賽相對較為重視，正選陣容已經收起晒一眾大號碼球員。缺乏左閘下，坦克試圖搵馬天尼斯出任；欠缺前鋒下，就試下用曼治拍般奴費南迪斯係前場輪換做假九角色。除左中堅伊雲斯同麥佳亞同埋迪亞路算係後備陣容外，其他位置都係上季常規正選。或者佢都想用呢場波去谷一谷正選既狀態。
講下場波，就算曼城用上大半隊後備，頭三十分鐘整隊係狀態同用波能力上都比曼聯好。曼城既高位逼搶有效，曼聯係後場係難以組織用波上前場。曼聯係踢法上同上次贏足總盃係一樣，但今場冇左麥湯文尼係中前場既搶點制空，令到安拿拿要大腳踢但都搵唔到目標。三十分鐘後，曼城減少前場逼搶回氣，曼聯先有番多少少控球時間。係僅有既時間內，曼聯創造左兩次黃金機會，而呢兩次都係憑幾腳快速one-touch既小組配合，只係門前把握力欠奉先未能射入，而呢兩下都甚有阿積士既進攻套路，並唔係靈光一閃既組織。下半場坦克約六十分鐘換人，換入杜比、加拿祖、麥湯文尼同柏利斯迪。八十二分鐘，加拿祖右路內切中路射尾柱得手建功。八十九分鐘，賓拿度施華門前接應右路波比傳中頂入追平。呢球要讚係右路沉底一揚一沉一出波既波比，動作流暢出波落點又靚，而施華仔後上搶點亦壓贏左柏利仔。互射十二碼曼聯有辛祖同伊雲斯射失，最後失落冠軍。
今場見到曼聯一眾正選球員狀態未足，開季頭幾場睇黎都會踢得好辛苦。馬天尼斯試踢左閘效果一般，我寧願坦克照用小將踢或者效果更佳。迪亞路係右路表現活躍，而加拿祖入替後除左係右路推大位射入一球外，係入波前亦曾妙傳福仔單刀。右路正選位置都有排爭。辛祖亦有後備入替踢左翼，不過出場時間較短未有好突出既表現。聯同坐板既安東尼，隊中翼鋒出現人滿之患，睇下會唔會出售安東尼或辛祖用黎補充閘位球員。柏利斯迪換入後改踢右閘，睇黎佢有機會留隊代替離隊既雲比沙加踢後備，當然都要睇下買唔買到新右閘。中場方面，小弟相信杜比仔唔會被外借，除非曼聯可以買到其他中場。以呢個陣容配合埋新加盟既舒克斯、約羅同迪列特，整體質素同後備深度都比上季加強左，希望今季唔好再有連續傷患潮，令球隊有穩定既表現就好！
相反曼聯既坦克對比賽相對較為重視，正選陣容已經收起晒一眾大號碼球員。缺乏左閘下，坦克試圖搵馬天尼斯出任；欠缺前鋒下，就試下用曼治拍般奴費南迪斯係前場輪換做假九角色。除左中堅伊雲斯同麥佳亞同埋迪亞路算係後備陣容外，其他位置都係上季常規正選。或者佢都想用呢場波去谷一谷正選既狀態。
講下場波，就算曼城用上大半隊後備，頭三十分鐘整隊係狀態同用波能力上都比曼聯好。曼城既高位逼搶有效，曼聯係後場係難以組織用波上前場。曼聯係踢法上同上次贏足總盃係一樣，但今場冇左麥湯文尼係中前場既搶點制空，令到安拿拿要大腳踢但都搵唔到目標。三十分鐘後，曼城減少前場逼搶回氣，曼聯先有番多少少控球時間。係僅有既時間內，曼聯創造左兩次黃金機會，而呢兩次都係憑幾腳快速one-touch既小組配合，只係門前把握力欠奉先未能射入，而呢兩下都甚有阿積士既進攻套路，並唔係靈光一閃既組織。下半場坦克約六十分鐘換人，換入杜比、加拿祖、麥湯文尼同柏利斯迪。八十二分鐘，加拿祖右路內切中路射尾柱得手建功。八十九分鐘，賓拿度施華門前接應右路波比傳中頂入追平。呢球要讚係右路沉底一揚一沉一出波既波比，動作流暢出波落點又靚，而施華仔後上搶點亦壓贏左柏利仔。互射十二碼曼聯有辛祖同伊雲斯射失，最後失落冠軍。
今場見到曼聯一眾正選球員狀態未足，開季頭幾場睇黎都會踢得好辛苦。馬天尼斯試踢左閘效果一般，我寧願坦克照用小將踢或者效果更佳。迪亞路係右路表現活躍，而加拿祖入替後除左係右路推大位射入一球外，係入波前亦曾妙傳福仔單刀。右路正選位置都有排爭。辛祖亦有後備入替踢左翼，不過出場時間較短未有好突出既表現。聯同坐板既安東尼，隊中翼鋒出現人滿之患，睇下會唔會出售安東尼或辛祖用黎補充閘位球員。柏利斯迪換入後改踢右閘，睇黎佢有機會留隊代替離隊既雲比沙加踢後備，當然都要睇下買唔買到新右閘。中場方面，小弟相信杜比仔唔會被外借，除非曼聯可以買到其他中場。以呢個陣容配合埋新加盟既舒克斯、約羅同迪列特，整體質素同後備深度都比上季加強左，希望今季唔好再有連續傷患潮，令球隊有穩定既表現就好！
請按此登錄後留言。未成為會員? 立即註冊