西班牙今屆歐國盃繼續高舉進攻的旗幟，要過住癮咁贏。小組賽三戰全勝，入五球零失球，以小組首名資格晉級十六強。十六強以四比一輕鬆淘汰格魯吉亞。八強戰憑後備上陣既梅里路係119分鐘靚頭鎚入波擊敗德國。四強戰對住法國，先落後一球下，係上半場火速反超前，跟住輕鬆利用控傳穩住勝局入決賽。西班牙由小組賽到四強，每一場都贏得極具說服力，亦清楚見到隊波既風格。今屆呢支西班牙缺少左沙維小白時代既小組中路推進，取而代之既係利用兩個年青翼鋒強大既個人盤扭能力去策動進攻。不得不提，17歲耶馬真係勁到痴撚線。攻中柏迪雖然受傷缺陣，但丹尼奧莫既替換都冇對進攻有太大影響。除左洛迪繼續係中路做指揮官，中場要讚踢得比較沉實，效力緊巴黎聖日耳門既法比安雷斯。此子除左今屆有兩入波兩助攻外，佢係中場周圍幫手護波駁腳，令西班牙增左進攻既流暢度。防線雖然星味冇咁重，但四個都實而不華，有拿樸迪同卡華查支撐防線都幾穩陣。門將西蒙用波不俗，要係前場高位壓迫西班牙，難度都幾大。今場柏迪應該都未能上陣，前鋒莫拉達聲稱有傷，但相信都會繼續上陣。面對以守為主既英格蘭，相信西班牙都係繼續「攻啊攻，快搶攻；射啊射，射它吧！」
預測西班牙正選陣容（4-2-3-1）
西蒙
卡華查 拿祖 拿樸迪 古古尼亞
洛迪 法比安雷斯
耶馬 丹尼奧莫 歷高威廉斯
莫拉達
英格蘭則高舉防守既旗幟，實行悶悶地贏既政策。小組賽只能以一勝兩和既成績，拎住五分入十六強，有運地成功避開極多強隊既上線而進入下線。十六強憑比寧咸靚倒掛係補時階段追平，先有哈利簡尼係加時入波擊敗斯洛伐克。八強對瑞士，法定時間連埋加時都係打和，最後靠互射12碼晉級。四強對荷蘭亦要靠屈堅斯係89分鐘既入波絕殺對手晉級。由十六強開始，英格蘭每一場都係先落後，一換人先至追和或反勝對手，可以見到英軍後備力量係相當不俗。英軍係小組賽以四人防線為主，由八強開始改踢五人防線，清晰見到修夫基果種「進攻贏掌聲，防守贏冠軍」既思路。另外，不論踢四人還是五人防線，進攻端球員功能重疊，互相之間缺乏火花，呢個問題去到四強都未解決到。修夫基亦唔肯抽走某一兩個人（抽走而又贏唔到一樣俾人鬧），去試下解決進攻乏力既問題。面對荷蘭，荷蘭既防守絕不是嚴密，但修夫基都要去到80分鐘先換人攻，亦展現佢果種「怕輸，唔敢攻」既心態。
面對西班牙強勢進襲，鬥攻同送死冇乜分別，所以今場都幾岩修夫基既口味，一於同你守出個冠軍來。預測修夫基會係陣容作少少變動，就係用梳爾取代查比亞踢左翼衛去防守超新星耶馬，其餘都會同上場一樣。進攻當機唔緊要，最緊要係保持控球，消磨時間，有機會先吉佢一刀。老實地說，法國都未能守到西班牙，我對英軍可唔可以守得住西班牙有極大疑惑，不過除左守，修夫基都冇咩好選擇。
預測英格蘭正選陣容（3-4-2-1）
碧福特
獲加 史東斯 古希
薩卡 懷斯 明奴 梳爾
科頓 簡尼 比寧咸
預測西班牙正選陣容（4-2-3-1）
西蒙
卡華查 拿祖 拿樸迪 古古尼亞
洛迪 法比安雷斯
耶馬 丹尼奧莫 歷高威廉斯
莫拉達
英格蘭則高舉防守既旗幟，實行悶悶地贏既政策。小組賽只能以一勝兩和既成績，拎住五分入十六強，有運地成功避開極多強隊既上線而進入下線。十六強憑比寧咸靚倒掛係補時階段追平，先有哈利簡尼係加時入波擊敗斯洛伐克。八強對瑞士，法定時間連埋加時都係打和，最後靠互射12碼晉級。四強對荷蘭亦要靠屈堅斯係89分鐘既入波絕殺對手晉級。由十六強開始，英格蘭每一場都係先落後，一換人先至追和或反勝對手，可以見到英軍後備力量係相當不俗。英軍係小組賽以四人防線為主，由八強開始改踢五人防線，清晰見到修夫基果種「進攻贏掌聲，防守贏冠軍」既思路。另外，不論踢四人還是五人防線，進攻端球員功能重疊，互相之間缺乏火花，呢個問題去到四強都未解決到。修夫基亦唔肯抽走某一兩個人（抽走而又贏唔到一樣俾人鬧），去試下解決進攻乏力既問題。面對荷蘭，荷蘭既防守絕不是嚴密，但修夫基都要去到80分鐘先換人攻，亦展現佢果種「怕輸，唔敢攻」既心態。
面對西班牙強勢進襲，鬥攻同送死冇乜分別，所以今場都幾岩修夫基既口味，一於同你守出個冠軍來。預測修夫基會係陣容作少少變動，就係用梳爾取代查比亞踢左翼衛去防守超新星耶馬，其餘都會同上場一樣。進攻當機唔緊要，最緊要係保持控球，消磨時間，有機會先吉佢一刀。老實地說，法國都未能守到西班牙，我對英軍可唔可以守得住西班牙有極大疑惑，不過除左守，修夫基都冇咩好選擇。
預測英格蘭正選陣容（3-4-2-1）
碧福特
獲加 史東斯 古希
薩卡 懷斯 明奴 梳爾
科頓 簡尼 比寧咸
請按此登錄後留言。未成為會員? 立即註冊