歐國盃首輪賽事已經踢完，除左比利時輸俾斯洛伐克外，基本上都冇乜話爆大冷既賽果出現。小弟睇左兩場賽事，一係法國對奧地利，二就係葡萄牙對捷克，兩場既比賽場面都幾唔同，都幾值得參考再去估邊隊拎冠軍。
法國對奧地利
論人腳實力，法國肯定係奧地利之上，但迪甘斯卻選擇係中後場先守穩，讓出控球權俾奧地利，以長傳同打攻守轉換為主；反而蘭歷克就繼續佢帶隊理念，係高位逼搶嘗試爭取主導，控球後就慢慢尋找機會。奧地利控球率比法國還高，不過受制於法國係中後場緊密防守，加上奧地利球員質素所限，往往去到對方三閘線就無以為繼；法國就疊埋心水，中場搶完就扔俾前面三個攪就算，以快打慢仲創造到唔小機會。缺少普巴，中場用波只能依賴基沙文一個，而前場亦冇左基奧特係前場停波護波。迪甘斯決定化繁為簡，可以相信今屆都唔會見到法國大打進攻足球，以實際行先。奧地利今場主動，唔代表其他隊都會主動，如果到法國焗攻的話，到底又有幾多能力呢？我就唔太睇好啦。
葡萄牙對捷克
論人腳，葡萄牙就必定比捷克完整，有老有嫩有當打。捷克一開波就已經係鐵桶陣（5-3-2），整場賽事都係望住一分黎踢，最後仲真係偷到雞入波先。不過後段體力下降，被葡萄牙既後備球員衝幾段就散左，表現黎計值得有一分。
葡萄牙就同法國相反，高位壓迫搶控球權，主動用波大打地面進攻，控球率高達70%。中場域天拿、賓拿度施華、般奴費南迪斯同埋內切閘簡些路一齊正選出擊。場面上左邊只靠尼奧做單人爆破，右路就嘗試集中人手打小組配合，中路就靠般奴去搏波。見到佢地係有嘗試打得華麗，但往往去到最後一傳或者係配合過程中欠缺默契，特別係般奴同施華仔火花唔多，始終你要踢到咁幼細就需要默契。62分鐘仲被捷克偷到一球，而葡萄牙入既兩球，一球係靠右路45度角斬尾柱變烏龍，另一球則係左路沉底出波。整場猜猜猜，但最有威脅都係兩邊既傳中。尾段要谷入波果陣，換入黎既球員都係踢得比較簡單，總之有波就傳，傳完就走，一對一就扭，扭完就出，反而攻勢仲直接有效。
總結
睇完兩場賽事既感覺係，國家隊訓集時間短，球員愈踢得複雜，進攻效率就愈低。唔係話你有一堆技術好既球員就可以整到九大簋，球員之間既特點要配合到先得。睇番近幾年既大賽冠軍，又要踢得好睇又要拎到冠軍，數落都只係得西班牙，而當時佢地隊內骨幹大部分都係出自巴塞，所以盃賽既賽事，真係好睇你想過足癮輸定係悶悶地贏啦！
法國對奧地利
論人腳實力，法國肯定係奧地利之上，但迪甘斯卻選擇係中後場先守穩，讓出控球權俾奧地利，以長傳同打攻守轉換為主；反而蘭歷克就繼續佢帶隊理念，係高位逼搶嘗試爭取主導，控球後就慢慢尋找機會。奧地利控球率比法國還高，不過受制於法國係中後場緊密防守，加上奧地利球員質素所限，往往去到對方三閘線就無以為繼；法國就疊埋心水，中場搶完就扔俾前面三個攪就算，以快打慢仲創造到唔小機會。缺少普巴，中場用波只能依賴基沙文一個，而前場亦冇左基奧特係前場停波護波。迪甘斯決定化繁為簡，可以相信今屆都唔會見到法國大打進攻足球，以實際行先。奧地利今場主動，唔代表其他隊都會主動，如果到法國焗攻的話，到底又有幾多能力呢？我就唔太睇好啦。
葡萄牙對捷克
論人腳，葡萄牙就必定比捷克完整，有老有嫩有當打。捷克一開波就已經係鐵桶陣（5-3-2），整場賽事都係望住一分黎踢，最後仲真係偷到雞入波先。不過後段體力下降，被葡萄牙既後備球員衝幾段就散左，表現黎計值得有一分。
葡萄牙就同法國相反，高位壓迫搶控球權，主動用波大打地面進攻，控球率高達70%。中場域天拿、賓拿度施華、般奴費南迪斯同埋內切閘簡些路一齊正選出擊。場面上左邊只靠尼奧做單人爆破，右路就嘗試集中人手打小組配合，中路就靠般奴去搏波。見到佢地係有嘗試打得華麗，但往往去到最後一傳或者係配合過程中欠缺默契，特別係般奴同施華仔火花唔多，始終你要踢到咁幼細就需要默契。62分鐘仲被捷克偷到一球，而葡萄牙入既兩球，一球係靠右路45度角斬尾柱變烏龍，另一球則係左路沉底出波。整場猜猜猜，但最有威脅都係兩邊既傳中。尾段要谷入波果陣，換入黎既球員都係踢得比較簡單，總之有波就傳，傳完就走，一對一就扭，扭完就出，反而攻勢仲直接有效。
總結
睇完兩場賽事既感覺係，國家隊訓集時間短，球員愈踢得複雜，進攻效率就愈低。唔係話你有一堆技術好既球員就可以整到九大簋，球員之間既特點要配合到先得。睇番近幾年既大賽冠軍，又要踢得好睇又要拎到冠軍，數落都只係得西班牙，而當時佢地隊內骨幹大部分都係出自巴塞，所以盃賽既賽事，真係好睇你想過足癮輸定係悶悶地贏啦！
請按此登錄後留言。未成為會員? 立即註冊