曼聯今季浮浮沉沉下都仲拎到一個足總盃冠軍，從而獲得下屆歐霸盃資格。坦夏既帥位亦已經宣布可以保留到，傳聞仲話提供一紙長約。既然帥位已定，咁夏天轉會窗應該點補強？
門將篇
三個門將之中，只有希頓係今年完約，作為球隊第三門將，相信球會都會同佢再續一年。下年就要睇下球會可唔可以係青訓培育到一個有能力上一隊既門將，到時就可以同希頓講拜拜。奧拿拿都會係正選，而比連迪亞則要靜候機會來臨！
後防篇
華拉尼已經放棄同球會續約，伊雲斯同班頓威廉斯則會今年6月尾完約。以表現黎睇，伊雲斯相信都會獲得續約。麥佳亞、連迪路夫同雲比沙加都剩番一年約在身，要賣既話今個夏天就係最後機會。個人認為麥佳亞同雲比沙加係值得留低，麥隊長既制空力對中下游球隊係好有作用；雲比沙加唔駛講就係單防能力強，係球隊未可以全面踢地面傳控，高位逼搶果陣，轉踢低位防反就有佢既作用。連迪路夫則有價好放啦，佢既位置試下培育甘華拿更好。中堅位置變相只有馬天尼斯、麥佳亞、甘華拿同老將伊雲斯，相信球隊需要增添一名具級數既中堅去拍住馬天尼斯。傳聞話球會正努力收購年僅22歲既巴夫韋治，除左佢係一個長遠投資，英人身份加上踢緊愛華頓，都算係一個即食既球員。左閘威仔則好大機會自由身離隊，畢竟左閘位置仍有梳爾同馬拿斯亞，佢既出場時間都唔會有太多。考慮到梳爾近兩年受傷情況都幾多，而馬拿斯亞今季直頭冇踢過，球隊都有需要係左閘位置上增兵，防止今季冇正宗左閘既事件再發生。
中場篇
安拉拔今季外借加盟，係季尾連續踢幾場波（包括足總盃決賽）都見到佢既價值，個人非常希望球會可以買斷佢，反正又唔係好貴，輪換一流。麥湯文尼同艾歷臣都係下年完約。艾歷臣都係有價好放；麥湯文尼則仍屬當打，正選就冇佢份，但用作後備第二中鋒都仍有一定作用。以今季表現黎睇，卡斯美路都係可以同佢講拜拜，如有沙特球隊肯出價就快快甩手，拎舊錢去補強仲好。傳般奴費南迪斯都有沙特球會出價，留唔留隊長，相信都有討論空間。個人認為，如果坦夏留隊，而球隊既大方向係全面改踢傳控的話，我就認為可以賣走般奴，當然都要睇下出到幾多錢，有番億五既話就好難拒絕。外借回收既仲有雲迪碧克同漢尼拔，相信呢兩個都係有價即放，放唔走都唔會入到常規輪換陣容。
預計隊中會剩番明奴、曼治、般奴費南迪斯同麥湯文尼。中場三個位置只得四個人係肯定唔夠，首要補強位置必定係防守中場。買邊一類防中就好睇坦夏想明奴主力踢邊一個位置。如果踢逗後中場，就需要買一個既可以主力掃蕩，又可以用到下波既球員；如果踢八號位，就需要買一個掃蕩形中場。當然，坦夏亦可以買極具技術型中場，試圖靠技術黎控制中場，但防守就好依靠整體去彌補中場硬度既不足。如再簽到安拉拔，咁中場就有足夠人手應付埋歐洲賽事。
前鋒篇
馬斯亞經已宣布季尾完約離隊，隊中正前鋒只係得番海倫一人，所以球隊買中鋒係事在必行。小將科臣亦宣布唔續約離隊，而翼鋒位置仍有華舒福、辛祖、安東尼、迪亞路、加拿祖同格連活。睇個款辛祖同格連活都極大機會會賣走，小弟唔相信女權會放過綠木，亦唔相信辛祖會道歉。今季加拿祖踢右路表現比左面效果更好，變左右翼位置係三個爭一個位；反而左翼就只得今季沉到仆街既福仔踢，所以球隊都有需要係左翼位置增兵，又或者買多個右翼而將加拿祖扔番去左翼競爭。
好多人都話安東尼要賣，小弟就持相反意見。第一，本身身價高，咁賣肯定蝕得好甘；第二，今季佢都飽受官司纏身，球員都係人，踢唔出表現都情有可原；第三，佢都仍然年輕，而第一季既表現又唔係咁差，反而今年係整隊都差，不能將責任入晒佢數，所以小弟認為應俾多一季時間佢，睇下佢同迪亞路有冇產生鯰魚效應。
總結
曼聯下年只參戰歐霸盃賽事，係收入大幅減少下，今夏相信要靠先出售球員之後先可以買到心儀既球員，而曼聯亦必須收購中堅（1人）、中場（2人）同前鋒（2人），先有足夠既兵源去應付四條戰線。睇下坦夏同管理層點樣溝通去買佢心儀既球員再換下血！
門將篇
三個門將之中，只有希頓係今年完約，作為球隊第三門將，相信球會都會同佢再續一年。下年就要睇下球會可唔可以係青訓培育到一個有能力上一隊既門將，到時就可以同希頓講拜拜。奧拿拿都會係正選，而比連迪亞則要靜候機會來臨！
後防篇
華拉尼已經放棄同球會續約，伊雲斯同班頓威廉斯則會今年6月尾完約。以表現黎睇，伊雲斯相信都會獲得續約。麥佳亞、連迪路夫同雲比沙加都剩番一年約在身，要賣既話今個夏天就係最後機會。個人認為麥佳亞同雲比沙加係值得留低，麥隊長既制空力對中下游球隊係好有作用；雲比沙加唔駛講就係單防能力強，係球隊未可以全面踢地面傳控，高位逼搶果陣，轉踢低位防反就有佢既作用。連迪路夫則有價好放啦，佢既位置試下培育甘華拿更好。中堅位置變相只有馬天尼斯、麥佳亞、甘華拿同老將伊雲斯，相信球隊需要增添一名具級數既中堅去拍住馬天尼斯。傳聞話球會正努力收購年僅22歲既巴夫韋治，除左佢係一個長遠投資，英人身份加上踢緊愛華頓，都算係一個即食既球員。左閘威仔則好大機會自由身離隊，畢竟左閘位置仍有梳爾同馬拿斯亞，佢既出場時間都唔會有太多。考慮到梳爾近兩年受傷情況都幾多，而馬拿斯亞今季直頭冇踢過，球隊都有需要係左閘位置上增兵，防止今季冇正宗左閘既事件再發生。
中場篇
安拉拔今季外借加盟，係季尾連續踢幾場波（包括足總盃決賽）都見到佢既價值，個人非常希望球會可以買斷佢，反正又唔係好貴，輪換一流。麥湯文尼同艾歷臣都係下年完約。艾歷臣都係有價好放；麥湯文尼則仍屬當打，正選就冇佢份，但用作後備第二中鋒都仍有一定作用。以今季表現黎睇，卡斯美路都係可以同佢講拜拜，如有沙特球隊肯出價就快快甩手，拎舊錢去補強仲好。傳般奴費南迪斯都有沙特球會出價，留唔留隊長，相信都有討論空間。個人認為，如果坦夏留隊，而球隊既大方向係全面改踢傳控的話，我就認為可以賣走般奴，當然都要睇下出到幾多錢，有番億五既話就好難拒絕。外借回收既仲有雲迪碧克同漢尼拔，相信呢兩個都係有價即放，放唔走都唔會入到常規輪換陣容。
預計隊中會剩番明奴、曼治、般奴費南迪斯同麥湯文尼。中場三個位置只得四個人係肯定唔夠，首要補強位置必定係防守中場。買邊一類防中就好睇坦夏想明奴主力踢邊一個位置。如果踢逗後中場，就需要買一個既可以主力掃蕩，又可以用到下波既球員；如果踢八號位，就需要買一個掃蕩形中場。當然，坦夏亦可以買極具技術型中場，試圖靠技術黎控制中場，但防守就好依靠整體去彌補中場硬度既不足。如再簽到安拉拔，咁中場就有足夠人手應付埋歐洲賽事。
前鋒篇
馬斯亞經已宣布季尾完約離隊，隊中正前鋒只係得番海倫一人，所以球隊買中鋒係事在必行。小將科臣亦宣布唔續約離隊，而翼鋒位置仍有華舒福、辛祖、安東尼、迪亞路、加拿祖同格連活。睇個款辛祖同格連活都極大機會會賣走，小弟唔相信女權會放過綠木，亦唔相信辛祖會道歉。今季加拿祖踢右路表現比左面效果更好，變左右翼位置係三個爭一個位；反而左翼就只得今季沉到仆街既福仔踢，所以球隊都有需要係左翼位置增兵，又或者買多個右翼而將加拿祖扔番去左翼競爭。
好多人都話安東尼要賣，小弟就持相反意見。第一，本身身價高，咁賣肯定蝕得好甘；第二，今季佢都飽受官司纏身，球員都係人，踢唔出表現都情有可原；第三，佢都仍然年輕，而第一季既表現又唔係咁差，反而今年係整隊都差，不能將責任入晒佢數，所以小弟認為應俾多一季時間佢，睇下佢同迪亞路有冇產生鯰魚效應。
總結
曼聯下年只參戰歐霸盃賽事，係收入大幅減少下，今夏相信要靠先出售球員之後先可以買到心儀既球員，而曼聯亦必須收購中堅（1人）、中場（2人）同前鋒（2人），先有足夠既兵源去應付四條戰線。睇下坦夏同管理層點樣溝通去買佢心儀既球員再換下血！
請按此登錄後留言。未成為會員? 立即註冊