《輸波又關卡斯美路》
阿仙奴憑20分鐘托沙既入波一球擊敗曼聯。呢個失波又係關客串中堅既卡斯美路事。賓韋治係右路搶到安拿拿既長傳踢向前，夏維斯無人看管輕鬆接應傳送，再冷靜撥過回追既伊雲斯係右路底線地波傳中俾搶點成功既托沙射入。呢個失波你好難責怪回追既伊雲斯守唔到夏維斯出波，亦好難去怪雲比沙加搶點慢過托沙，進攻球員不嬲都有先機，但絕對可以怪卡斯美路。由安拿拿大腳踢去左路，到賓韋治搶到再踢向前，足足有7秒時間，而卡斯美路係呢7秒都只係由龍門口三碼位置「散步式」出到去鵝眉月頂既位置，完全包晒越位。失波責任肯定入晒佢數。你係一個世界冠軍級球員，一個非常基本既足球概念-「後防解圍，成條防線要推出去」，點解會「踱步」行出去？我知你唔係打開中堅，所以我可以接受你失位；你回追慢；你企位唔靚；甚至你攔截失敗；但咁樣包越位就好難接受囉！
《今場曼聯既表現算係咁》
曼聯傷兵多到乜咁，連般奴同華舒福都冇埋，今場坦克決定改用安拉拔打防中加強截擊，麥湯文尼剛傷癒都要頂硬上踢攻中，右翼試用迪亞路，左翼同前鋒都係加拿祖同海倫，防線冇得換唯有照舊。除左陣容有改變，踢法都冇再踢前幾場既高位逼搶。前場轉踢高位遮線冇亂咁逼，一打穿就縮後係中後場嚴密佈防。當阿仙奴係前場去唔到要回後，曼聯整隊都唔會盲頭烏蠅向前撲，前中後三線都保持緊密既距離，慢慢向前壓。睇得出整隊波係防守行先，場波可以輸，但唔可以大敗。最明顯係多左安拉拔，佢既硬淨、埋身攔截、防守企位都幫到手，起碼需要佢出現既地方會係度。開季都講佢唔係明星級球員，但做輪換做替補係可以。進攻時，安拉拔會墮後踢偽三中堅做出球點，二閘安守本份係邊線幫翼鋒側擊。缺少左般奴費南迪斯，中場既創造力低左唔止一班，唯有靠翼鋒係邊線個人突破去創造機會。整隊進攻既節奏比平時慢，一方面係既要避免太易失控球而輸反擊，另一方面則係冇人創造，就要慢慢踢去撕破對方防線。進攻既大方向我覺得都係呢套，中路冇人創造，就靠邊線開發。唯一既問題係兩翼都係以內切射門為主，缺少兩側傳中球，變相擺埋麥湯出黎都廢武功。整體表現算係咁，咁既人腳係踢咁上下既足球，都冇得要求太多。
《阿仙奴級數明顯高好多》
都講下阿仙奴，阿仙奴由開波到完場，都係慢慢同你踢，完全冇因為要贏波而瘋狂進攻。有位就去，冇位就猜住先，呢種就係成熟球隊既味道。當領先一球後，阿仙奴踢得更加謹慎，甚至乎讓出控球權俾曼聯，4-4-2平衡陣式低位防守，前場由得你猜。達叔知道冇左般奴既曼聯進攻只得兩翼突破，所以佢亦叫薩卡同托沙回防得更深，以夾擊迪亞路同加拿祖為主。曼聯基本進攻套路被拑制，空有控球但缺乏創造力，進攻難以推進過阿仙奴既三閘線。下半場出黎，達叔都想試下拎一個燕梳球，所以都嘗試叫球隊壓前踢，但踢左15分鐘後見入唔到波，就又縮番後俾個波曼聯猜。隊波進退有度，完全掌控球場局面，亦唔驚對方用波進攻，睇定黎食既感覺就係爭冠應有既「勢」。雖然阿仙奴只贏一球，但場上既級數差距係顯而易見。
《總結》
阿仙奴贏波實屬正常，今場展示到級數既分野。佢地繼續排係榜首，領先曼城一分但多賽一場。都係果句，盡力做好自己，贏埋最後一場，然後聽天由命。阿仙奴最尾既對手會係愛華頓；而曼城餘下兩場比賽係熱刺同埋韋斯咸。
曼聯方面，聯賽爭頭六基本上幻滅，因為下一場係對第六既紐卡素。咁殘既陣容要贏實在太難，疊埋心水係25號搏贏足總盃好過。今場見到曼聯球員都盡做，僅敗一球都算止止血。睇下之後有冇傷兵可以復出，冇既都幾難阻止連敗既頹勢！
阿仙奴憑20分鐘托沙既入波一球擊敗曼聯。呢個失波又係關客串中堅既卡斯美路事。賓韋治係右路搶到安拿拿既長傳踢向前，夏維斯無人看管輕鬆接應傳送，再冷靜撥過回追既伊雲斯係右路底線地波傳中俾搶點成功既托沙射入。呢個失波你好難責怪回追既伊雲斯守唔到夏維斯出波，亦好難去怪雲比沙加搶點慢過托沙，進攻球員不嬲都有先機，但絕對可以怪卡斯美路。由安拿拿大腳踢去左路，到賓韋治搶到再踢向前，足足有7秒時間，而卡斯美路係呢7秒都只係由龍門口三碼位置「散步式」出到去鵝眉月頂既位置，完全包晒越位。失波責任肯定入晒佢數。你係一個世界冠軍級球員，一個非常基本既足球概念-「後防解圍，成條防線要推出去」，點解會「踱步」行出去？我知你唔係打開中堅，所以我可以接受你失位；你回追慢；你企位唔靚；甚至你攔截失敗；但咁樣包越位就好難接受囉！
《今場曼聯既表現算係咁》
曼聯傷兵多到乜咁，連般奴同華舒福都冇埋，今場坦克決定改用安拉拔打防中加強截擊，麥湯文尼剛傷癒都要頂硬上踢攻中，右翼試用迪亞路，左翼同前鋒都係加拿祖同海倫，防線冇得換唯有照舊。除左陣容有改變，踢法都冇再踢前幾場既高位逼搶。前場轉踢高位遮線冇亂咁逼，一打穿就縮後係中後場嚴密佈防。當阿仙奴係前場去唔到要回後，曼聯整隊都唔會盲頭烏蠅向前撲，前中後三線都保持緊密既距離，慢慢向前壓。睇得出整隊波係防守行先，場波可以輸，但唔可以大敗。最明顯係多左安拉拔，佢既硬淨、埋身攔截、防守企位都幫到手，起碼需要佢出現既地方會係度。開季都講佢唔係明星級球員，但做輪換做替補係可以。進攻時，安拉拔會墮後踢偽三中堅做出球點，二閘安守本份係邊線幫翼鋒側擊。缺少左般奴費南迪斯，中場既創造力低左唔止一班，唯有靠翼鋒係邊線個人突破去創造機會。整隊進攻既節奏比平時慢，一方面係既要避免太易失控球而輸反擊，另一方面則係冇人創造，就要慢慢踢去撕破對方防線。進攻既大方向我覺得都係呢套，中路冇人創造，就靠邊線開發。唯一既問題係兩翼都係以內切射門為主，缺少兩側傳中球，變相擺埋麥湯出黎都廢武功。整體表現算係咁，咁既人腳係踢咁上下既足球，都冇得要求太多。
《阿仙奴級數明顯高好多》
都講下阿仙奴，阿仙奴由開波到完場，都係慢慢同你踢，完全冇因為要贏波而瘋狂進攻。有位就去，冇位就猜住先，呢種就係成熟球隊既味道。當領先一球後，阿仙奴踢得更加謹慎，甚至乎讓出控球權俾曼聯，4-4-2平衡陣式低位防守，前場由得你猜。達叔知道冇左般奴既曼聯進攻只得兩翼突破，所以佢亦叫薩卡同托沙回防得更深，以夾擊迪亞路同加拿祖為主。曼聯基本進攻套路被拑制，空有控球但缺乏創造力，進攻難以推進過阿仙奴既三閘線。下半場出黎，達叔都想試下拎一個燕梳球，所以都嘗試叫球隊壓前踢，但踢左15分鐘後見入唔到波，就又縮番後俾個波曼聯猜。隊波進退有度，完全掌控球場局面，亦唔驚對方用波進攻，睇定黎食既感覺就係爭冠應有既「勢」。雖然阿仙奴只贏一球，但場上既級數差距係顯而易見。
《總結》
阿仙奴贏波實屬正常，今場展示到級數既分野。佢地繼續排係榜首，領先曼城一分但多賽一場。都係果句，盡力做好自己，贏埋最後一場，然後聽天由命。阿仙奴最尾既對手會係愛華頓；而曼城餘下兩場比賽係熱刺同埋韋斯咸。
曼聯方面，聯賽爭頭六基本上幻滅，因為下一場係對第六既紐卡素。咁殘既陣容要贏實在太難，疊埋心水係25號搏贏足總盃好過。今場見到曼聯球員都盡做，僅敗一球都算止止血。睇下之後有冇傷兵可以復出，冇既都幾難阻止連敗既頹勢！
請按此登錄後留言。未成為會員? 立即註冊