歐聯席位爭奪戰其中一場緊要既賽事，曼聯憑海倫同麥湯文尼既入球，以二比一作客擊敗維拉，成功拎到重要三分。以戰況黎計，維拉比曼聯更值得贏波，可惜把握力不及對手而落敗，一分都冇就非常唔抵。
《坦克戰術部署出晒事，角球部署有變所以入到波》
近幾場坦克都係起用4-3-3，將般奴同明奴踢左右中場中，卡斯美路逗住中場線。今場為左應付維拉既4-2-4 build-up模式，坦克選擇改踢4-4-2，推前般奴拍海倫踢接近雙箭頭係前場壓迫一對中堅。中場卡斯美路同明奴則人釘人式防守卡馬夏同路易斯，邊路翼鋒守閘位，閘位就守對方會內收入中間既一對翼。理論上對位係咁，但踢落右路就出晒事。原因係當維拉利用埋馬天尼斯去用波果陣，而海倫先逼左中堅，再去逼龍門時，只要馬天尼斯用到中場轉番俾左中堅時，加拿祖經常會衝上去壓迫，就導致左路推到好前既摩蘭奴係冇人守。後續就會變成達洛治除左要面對邊線摩蘭奴持球推進，仲要防守內收既積及藍斯走half-space。達洛治係個防守選擇上既處理同企位都唔夠好（當然一守二係好難），所以多次俾摩蘭奴推到咁上下就交入中路俾藍斯去發揮。卡斯美路同明奴亦因推到好前去防守對方一對中場，兩人係速度上難以回追後上插入既藍斯。呢個亦係點解我唔建議用呢兩個人去踢平排中場既原因。卡斯美路不嬲唔係單防好勁同覆蓋率好高既中場；明奴就更加係一個偏慢，用預判能力去遮線去包波既中場黎。點解右路出事而左路冇？其中一個原因係卡殊今場要應付福仔既反擊，收到指令唔好踢咁前，等後場可以多一個人幫手build-up。而點解坦克要放棄4-3-3既企位？原因我估係想增加一點係前場做逼搶，嘗試利用2個人去壓迫一對中堅加龍門。如果踢4-3-3，單靠海倫一人難以起到作用。坦克唔想踢得太被動，所以想靠高位逼搶去搶主動權，但今場係高位逼搶成功既次數或逼到維拉龍門要斬既次數係極少。
除左防守有問題外，進攻單調亦係上半場死症。缺少左馬天尼斯，坦克只能依靠麥佳亞既長傳去扔維拉既身後空間。維拉仍然係將條防線推到好出裝越位。今場總共成功裝左6次咁多。扔身後唔係問題，但你係後場企定定黎扔，咁維拉自然就好易守。中場只有卡斯美路同明奴未能係中場製造人數優勢，而冇左馬天尼斯既穿透傳球，亦令曼聯中場球員要現身黎拎波，唔可以企係線與線中間，導致中場用波困難，組織唔到有效既攻勢。
角球部署反而有驚喜。如有睇上場對韋斯咸，曼聯幾乎所有角球都係開短，並只有3-4個球員係禁區準備搶點；有別於今場，曼聯幾乎全部都係斬入去，都係外彎尾柱位望住麥佳亞黎斬，而企係禁區入面既人則有4-5人。鑒於維拉缺少明斯同干沙，高度上曼聯竟然有優勢。曼聯亦憑麥佳亞接應角球助攻俾海倫入波，成功係死球上拎到甜頭。
《艾美利換人差少少；麥湯文尼又做英雄》
上半場曼聯除左死球，基本上攻勢都集中係放過頭踢身後，但今場踢過頭波既質素唔夠好，加上維拉預左你踢，所以曼聯係冇著數。維拉失球後完全控制住局面，不停搵機會埋門，可惜都係過唔到安拿拿。下半場坦克用連迪路夫入替梳爾。呢個換人除非係有傷，否則係完全諗唔明。此外，半場出番黎，坦克係防守方面都有勒令加拿祖要追番摩蘭奴，放棄壓迫對方中堅，所以下半場右路明顯冇咁受壓，但左路就出晒事。庇利一冇左梳爾招呼，直頭舞龍咁舞。佢又沉底出波，又扣大位，加埋卡殊壓上黎攻，曼聯左路直頭係崩潰。圍左廿分鐘，維拉換入迪亞比加強攻力，並係兩分鐘後就有斬獲，路易斯門前撞射得手。入波後都係維拉攻勢多，但艾美利係73分鐘用泰利文斯換走踢到好順既庇利。呢著我個人認為係一個敗筆，畢竟當刻既庇利踢到著晒火，連迪路夫完全攪佢唔掂。可能艾美利認為迪亞比都可以踢右路，亦想係中路加多一個創造型球員，而藍斯亦都仲有貨，所以唯有抽起佢。73分鐘，坦克亦換入麥湯文尼踢第二前鋒，將般奴改踢右翼，擺番加拿祖踢左翼。86分鐘，麥湯文尼接應達洛治少有靚傳中，係小禁局區攝贏卡殊頂入，幫曼聯再度超前。86分鐘前，曼聯只有加拿祖憑個人能力係左路推大位起腳較有威脅，實際組織今場係極度缺乏。維拉即刻㩒制換入辛尼奧路同迪尼加強攻力；曼聯都係末段換入安拉拔同伊雲斯。最後，安拿拿接多左幾下射門就完場。
《總結》
論表現同賽前部署都係維拉稍勝一籌，不過臨場換人同半場後既應變，結果論就係坦克贏左。都係果句，擺到個波入網先叫贏，話知你全場23次射門都好。要數贏波功臣就要數安拿拿，維拉23次射門有10次中框，即係安拿拿有9次撲救，而有幾下撲救仲要係未入波前既，終於可以讚下佢。除左佢之外，當然要讚入波既麥湯文尼。多左佢係場，係禁區接應既人多左，就自然入波機會大左。今場mvp我會俾麥佳亞。除左佢有一個助攻外，多次成功防守同解圍，亦有不少靚既轉向同傳送，做既野唔起眼但效果顯著。下場作客入得又失得既盧頓，大手交易機會大！
《坦克戰術部署出晒事，角球部署有變所以入到波》
近幾場坦克都係起用4-3-3，將般奴同明奴踢左右中場中，卡斯美路逗住中場線。今場為左應付維拉既4-2-4 build-up模式，坦克選擇改踢4-4-2，推前般奴拍海倫踢接近雙箭頭係前場壓迫一對中堅。中場卡斯美路同明奴則人釘人式防守卡馬夏同路易斯，邊路翼鋒守閘位，閘位就守對方會內收入中間既一對翼。理論上對位係咁，但踢落右路就出晒事。原因係當維拉利用埋馬天尼斯去用波果陣，而海倫先逼左中堅，再去逼龍門時，只要馬天尼斯用到中場轉番俾左中堅時，加拿祖經常會衝上去壓迫，就導致左路推到好前既摩蘭奴係冇人守。後續就會變成達洛治除左要面對邊線摩蘭奴持球推進，仲要防守內收既積及藍斯走half-space。達洛治係個防守選擇上既處理同企位都唔夠好（當然一守二係好難），所以多次俾摩蘭奴推到咁上下就交入中路俾藍斯去發揮。卡斯美路同明奴亦因推到好前去防守對方一對中場，兩人係速度上難以回追後上插入既藍斯。呢個亦係點解我唔建議用呢兩個人去踢平排中場既原因。卡斯美路不嬲唔係單防好勁同覆蓋率好高既中場；明奴就更加係一個偏慢，用預判能力去遮線去包波既中場黎。點解右路出事而左路冇？其中一個原因係卡殊今場要應付福仔既反擊，收到指令唔好踢咁前，等後場可以多一個人幫手build-up。而點解坦克要放棄4-3-3既企位？原因我估係想增加一點係前場做逼搶，嘗試利用2個人去壓迫一對中堅加龍門。如果踢4-3-3，單靠海倫一人難以起到作用。坦克唔想踢得太被動，所以想靠高位逼搶去搶主動權，但今場係高位逼搶成功既次數或逼到維拉龍門要斬既次數係極少。
除左防守有問題外，進攻單調亦係上半場死症。缺少左馬天尼斯，坦克只能依靠麥佳亞既長傳去扔維拉既身後空間。維拉仍然係將條防線推到好出裝越位。今場總共成功裝左6次咁多。扔身後唔係問題，但你係後場企定定黎扔，咁維拉自然就好易守。中場只有卡斯美路同明奴未能係中場製造人數優勢，而冇左馬天尼斯既穿透傳球，亦令曼聯中場球員要現身黎拎波，唔可以企係線與線中間，導致中場用波困難，組織唔到有效既攻勢。
角球部署反而有驚喜。如有睇上場對韋斯咸，曼聯幾乎所有角球都係開短，並只有3-4個球員係禁區準備搶點；有別於今場，曼聯幾乎全部都係斬入去，都係外彎尾柱位望住麥佳亞黎斬，而企係禁區入面既人則有4-5人。鑒於維拉缺少明斯同干沙，高度上曼聯竟然有優勢。曼聯亦憑麥佳亞接應角球助攻俾海倫入波，成功係死球上拎到甜頭。
《艾美利換人差少少；麥湯文尼又做英雄》
上半場曼聯除左死球，基本上攻勢都集中係放過頭踢身後，但今場踢過頭波既質素唔夠好，加上維拉預左你踢，所以曼聯係冇著數。維拉失球後完全控制住局面，不停搵機會埋門，可惜都係過唔到安拿拿。下半場坦克用連迪路夫入替梳爾。呢個換人除非係有傷，否則係完全諗唔明。此外，半場出番黎，坦克係防守方面都有勒令加拿祖要追番摩蘭奴，放棄壓迫對方中堅，所以下半場右路明顯冇咁受壓，但左路就出晒事。庇利一冇左梳爾招呼，直頭舞龍咁舞。佢又沉底出波，又扣大位，加埋卡殊壓上黎攻，曼聯左路直頭係崩潰。圍左廿分鐘，維拉換入迪亞比加強攻力，並係兩分鐘後就有斬獲，路易斯門前撞射得手。入波後都係維拉攻勢多，但艾美利係73分鐘用泰利文斯換走踢到好順既庇利。呢著我個人認為係一個敗筆，畢竟當刻既庇利踢到著晒火，連迪路夫完全攪佢唔掂。可能艾美利認為迪亞比都可以踢右路，亦想係中路加多一個創造型球員，而藍斯亦都仲有貨，所以唯有抽起佢。73分鐘，坦克亦換入麥湯文尼踢第二前鋒，將般奴改踢右翼，擺番加拿祖踢左翼。86分鐘，麥湯文尼接應達洛治少有靚傳中，係小禁局區攝贏卡殊頂入，幫曼聯再度超前。86分鐘前，曼聯只有加拿祖憑個人能力係左路推大位起腳較有威脅，實際組織今場係極度缺乏。維拉即刻㩒制換入辛尼奧路同迪尼加強攻力；曼聯都係末段換入安拉拔同伊雲斯。最後，安拿拿接多左幾下射門就完場。
《總結》
論表現同賽前部署都係維拉稍勝一籌，不過臨場換人同半場後既應變，結果論就係坦克贏左。都係果句，擺到個波入網先叫贏，話知你全場23次射門都好。要數贏波功臣就要數安拿拿，維拉23次射門有10次中框，即係安拿拿有9次撲救，而有幾下撲救仲要係未入波前既，終於可以讚下佢。除左佢之外，當然要讚入波既麥湯文尼。多左佢係場，係禁區接應既人多左，就自然入波機會大左。今場mvp我會俾麥佳亞。除左佢有一個助攻外，多次成功防守同解圍，亦有不少靚既轉向同傳送，做既野唔起眼但效果顯著。下場作客入得又失得既盧頓，大手交易機會大！
請按此登錄後留言。未成為會員? 立即註冊