韋斯咸今場輸三比零，從數據上睇其實都唔算係太差，全場控球權有49%，射門都有22次，可惜只得3次中框。莫椰斯今場主打兩翼側擊為主，中場放棄進攻中場角色，正選兩翼起用古杜斯同賓莊遜。個人認為正選用賓莊遜係其中一個敗筆，此子閘位出身，盤扭同傳中能力都唔係特別出色。加上出佢就要將保雲放到前鋒位置，亦大大削弱左佢既威力。丹尼京斯係後備席，大可以出佢而抽起賓莊遜，將保雲擺番係右路同古杜斯雙翼齊飛。咁中鋒位置亦有番正前鋒係入面搵食，再配合蘇捷後上，應該會比依家咁出較好。西咸不嬲攻弱守強，23分鐘既失波就肯定令到佢地更難踢。缺少左柏基達同前鋒安東尼奧下，睇得出進攻冇創造力，而前點亦缺乏左支點。西咸如要更上一層樓，就務必要係呢兩個位置上增兵，先有望挑戰更高排名。
反之曼聯就叫做輕取西咸，以三比零不失波取勝。安拿拿今場早段撲出一個近距離既角球攻門要讚，唔係既話曼聯又要先落後。上半場曼聯都有幾多魯莽愚蠢既犯規，導致係中後場有唔少機會俾對方既禾達包斯表現。呢一樣係全隊都需要改善，明知自己唔夠多高佬又唔夠頂，就唔好犯咁多規。全場犯規次數係十對五就知咩事。另外今季防守死球係極有問題，咁多場都冇見到有咩改善，就更加唔可以輸咁多死球俾對手。雖然今場對手只有3次射門中目標，但亦有幾次黃金機會係人地撻Q射出界，或者被後衛飛剷攔截成功，係生波防守上仍需改善。
講完防守就講下進攻，今場曼聯有12次射門5次中框入3球，係入球轉化率黎講就非常唔錯。第一個入球就完全係凱倫自己既solo，唔入呢球都唔知原來佢右腳都識射波。今場佢亦繼續勤力跑動，貫徹佢既風格，非常努力係前場走位做支點同逼搶等工作；第二球就係加拿祖幸運地射波省中人改變方向入網；第三球則係一次非常漂亮既轉守為攻，麥湯中場搶到就助攻俾加拿祖再入一球。見到前場三個開始有穩定既出場時間，亦開始建立到默契，知道大約邊度會有隊友，進攻流暢度高左。不過中路仍有塞車問題。明奴係控傳能力上係有級數，但佢缺少入禁區搶點捕位搵食能力，變相禁區永遠都係得一個凱倫係中鋒位。麥湯文尼係應該最適合做呢個角色，可惜控傳能力之差會令到隊波係傳控上唔夠流暢，如果兩個可以合體就好。卡斯美路復出下，隊波係中路多左one-touch長傳兩側同轉邊，令到翼鋒可以更多利用空間推進亦係好事，而加拿祖則需要更多時間企係側邊先等，唔好太早就入左中路或周圍走要波會較好。
贏左呢場同維拉仍有八分差距，要追頭四就需要繼續努力。馬天尼斯睇黎再度受傷，對曼聯既後防線有非常大影響，希望佢冇乜大礙（望落唔樂觀）。猶幸麥佳亞同華拉尼狀態都可以，兩個都有一定既級數係後場頂住。曼聯下場正正就係對維拉，爭四既六分波不容有失！
反之曼聯就叫做輕取西咸，以三比零不失波取勝。安拿拿今場早段撲出一個近距離既角球攻門要讚，唔係既話曼聯又要先落後。上半場曼聯都有幾多魯莽愚蠢既犯規，導致係中後場有唔少機會俾對方既禾達包斯表現。呢一樣係全隊都需要改善，明知自己唔夠多高佬又唔夠頂，就唔好犯咁多規。全場犯規次數係十對五就知咩事。另外今季防守死球係極有問題，咁多場都冇見到有咩改善，就更加唔可以輸咁多死球俾對手。雖然今場對手只有3次射門中目標，但亦有幾次黃金機會係人地撻Q射出界，或者被後衛飛剷攔截成功，係生波防守上仍需改善。
講完防守就講下進攻，今場曼聯有12次射門5次中框入3球，係入球轉化率黎講就非常唔錯。第一個入球就完全係凱倫自己既solo，唔入呢球都唔知原來佢右腳都識射波。今場佢亦繼續勤力跑動，貫徹佢既風格，非常努力係前場走位做支點同逼搶等工作；第二球就係加拿祖幸運地射波省中人改變方向入網；第三球則係一次非常漂亮既轉守為攻，麥湯中場搶到就助攻俾加拿祖再入一球。見到前場三個開始有穩定既出場時間，亦開始建立到默契，知道大約邊度會有隊友，進攻流暢度高左。不過中路仍有塞車問題。明奴係控傳能力上係有級數，但佢缺少入禁區搶點捕位搵食能力，變相禁區永遠都係得一個凱倫係中鋒位。麥湯文尼係應該最適合做呢個角色，可惜控傳能力之差會令到隊波係傳控上唔夠流暢，如果兩個可以合體就好。卡斯美路復出下，隊波係中路多左one-touch長傳兩側同轉邊，令到翼鋒可以更多利用空間推進亦係好事，而加拿祖則需要更多時間企係側邊先等，唔好太早就入左中路或周圍走要波會較好。
贏左呢場同維拉仍有八分差距，要追頭四就需要繼續努力。馬天尼斯睇黎再度受傷，對曼聯既後防線有非常大影響，希望佢冇乜大礙（望落唔樂觀）。猶幸麥佳亞同華拉尼狀態都可以，兩個都有一定既級數係後場頂住。曼聯下場正正就係對維拉，爭四既六分波不容有失！
請按此登錄後留言。未成為會員? 立即註冊