曼熱大戰以二比二完場，結果論睇曼聯慘被逼和。華舒福同凱倫各入一球，係新一年打開入球之門都係好事。場波都有幾樣野可以講下。
《雲比沙卡同達洛治位置互換》
正選陣容同小弟預測一樣，唯獨是左右二閘對調就幾出其不意，相信坦克係有部署過。熱刺冇左孫仔係左路，正路會幾依賴右路既古路錫斯基做策動同突破。坦克將雲比改踢左閘係一個幾聰明既做法，用單防最強去凍結對方做波核心。雖然熱刺最後冇出古路錫斯基，改派賓倫莊遜踢右翼而將添姆華拿踢左翼，但講盤扭都係賓倫莊遜較好，變左達洛治只需要同華拿鬥跑就得。呢個二閘互換大大降低左熱刺側擊既威脅。與始同時，達洛治踢番右面亦可以係進攻果陣上黎順棍出波俾中鋒既凱倫；左翼出左福仔下，你都唔會預佢會交波，用雲比幫佢跑位做下拉扯，等福仔有機會扣大位推入去射，或者仲有效果。
《艾歷臣速率跟唔到》
熱刺build-up會用樸羅同烏度治縮入中間，兩閘經常交波走位前插入half-space，反而比坦古亞同史傑比會現番身到二閘位做駁腳。呢個走位模式對曼聯中場既體能負荷其實幾大，由對方開始build-up，曼聯中場對位熱刺中場，兩翼跟二閘縮入黎中路遮線。當樸羅同烏度治向前插入時，咁中場既艾歷臣同明奴就要隨時換人去跟後上既樸烏二人，兩翼既福仔同加拿祖亦唔會回追到禁區位置（留守前場反擊）。變左艾歷臣同明奴既速率係中場就好重要，既要追史傑比同比坦古亞，又要應付對面後上插入既二閘。對方既二閘覆蓋範圍同速率都高，明奴夠後生加上踢逗後防中係進攻上唔會攻得好前都仲頂得住，但艾歷臣就明顯跟唔上。頭廿分鐘直頭冇影，去到中後段，對方都要回回氣，佢先開始可以用下波。季初買番黎既曼治係速率上冇問題，但進攻用波同般奴重疊；麥湯文尼係跑得但位置感差，加上用波組織力弱，對強隊要組織就經常打少一個咁；卡斯美路級數係有，但出佢推前明奴能否解決到？明奴係速度上偏慢，要係前面幫手逼搶就未必會好適合。睇黎坦克係呢個位置上都要諗下解決方法！
《馬天尼斯踢30分鐘已見到佢既重要性》
馬天尼斯係下半場63分鐘入替伊雲斯。短短踢左約30分鐘，已經見到佢多次係中後場塞一個直線就打穿左對面中前場壓迫搵到般奴，亦見到佢怒追李察利臣令佢唔能夠拎波轉身，從而減低對方反擊既威脅。加上佢復出，令華拉尼可以踢番較擅長既右中堅，依家防線總算叫做齊人。今場熱刺總共有16腳射門，但由63分鐘開始起計，熱刺只有3腳射門仲要係唔中框。數據上同場面上睇，多左馬天尼斯既曼聯係防守上係有明顯提升。
《總結》
整場賽事睇熱刺係主動地創造機會，而曼聯則係等待反擊機會。上半場曼聯以質取勝，機會唔多但一中就有，熱刺則好努力地搵機會埋門，但創造到既黃金機會其實唔多；下半場熱刺除左一分鐘既入波之外，進攻俾到曼聯既威脅不大，反而曼聯係最後階段仲有麥湯文尼錯失黃金機會而未能再次領先，而下半場曼聯球員既體能下跌，令佢地既反擊速度同威脅都慢左細左，入唔到波都係合理。曼聯兩個禮拜後先再有比賽，到時幾個傷兵都復出下，希望可以幫球隊踢出穩定性地持續贏波！
《雲比沙卡同達洛治位置互換》
正選陣容同小弟預測一樣，唯獨是左右二閘對調就幾出其不意，相信坦克係有部署過。熱刺冇左孫仔係左路，正路會幾依賴右路既古路錫斯基做策動同突破。坦克將雲比改踢左閘係一個幾聰明既做法，用單防最強去凍結對方做波核心。雖然熱刺最後冇出古路錫斯基，改派賓倫莊遜踢右翼而將添姆華拿踢左翼，但講盤扭都係賓倫莊遜較好，變左達洛治只需要同華拿鬥跑就得。呢個二閘互換大大降低左熱刺側擊既威脅。與始同時，達洛治踢番右面亦可以係進攻果陣上黎順棍出波俾中鋒既凱倫；左翼出左福仔下，你都唔會預佢會交波，用雲比幫佢跑位做下拉扯，等福仔有機會扣大位推入去射，或者仲有效果。
《艾歷臣速率跟唔到》
熱刺build-up會用樸羅同烏度治縮入中間，兩閘經常交波走位前插入half-space，反而比坦古亞同史傑比會現番身到二閘位做駁腳。呢個走位模式對曼聯中場既體能負荷其實幾大，由對方開始build-up，曼聯中場對位熱刺中場，兩翼跟二閘縮入黎中路遮線。當樸羅同烏度治向前插入時，咁中場既艾歷臣同明奴就要隨時換人去跟後上既樸烏二人，兩翼既福仔同加拿祖亦唔會回追到禁區位置（留守前場反擊）。變左艾歷臣同明奴既速率係中場就好重要，既要追史傑比同比坦古亞，又要應付對面後上插入既二閘。對方既二閘覆蓋範圍同速率都高，明奴夠後生加上踢逗後防中係進攻上唔會攻得好前都仲頂得住，但艾歷臣就明顯跟唔上。頭廿分鐘直頭冇影，去到中後段，對方都要回回氣，佢先開始可以用下波。季初買番黎既曼治係速率上冇問題，但進攻用波同般奴重疊；麥湯文尼係跑得但位置感差，加上用波組織力弱，對強隊要組織就經常打少一個咁；卡斯美路級數係有，但出佢推前明奴能否解決到？明奴係速度上偏慢，要係前面幫手逼搶就未必會好適合。睇黎坦克係呢個位置上都要諗下解決方法！
《馬天尼斯踢30分鐘已見到佢既重要性》
馬天尼斯係下半場63分鐘入替伊雲斯。短短踢左約30分鐘，已經見到佢多次係中後場塞一個直線就打穿左對面中前場壓迫搵到般奴，亦見到佢怒追李察利臣令佢唔能夠拎波轉身，從而減低對方反擊既威脅。加上佢復出，令華拉尼可以踢番較擅長既右中堅，依家防線總算叫做齊人。今場熱刺總共有16腳射門，但由63分鐘開始起計，熱刺只有3腳射門仲要係唔中框。數據上同場面上睇，多左馬天尼斯既曼聯係防守上係有明顯提升。
《總結》
整場賽事睇熱刺係主動地創造機會，而曼聯則係等待反擊機會。上半場曼聯以質取勝，機會唔多但一中就有，熱刺則好努力地搵機會埋門，但創造到既黃金機會其實唔多；下半場熱刺除左一分鐘既入波之外，進攻俾到曼聯既威脅不大，反而曼聯係最後階段仲有麥湯文尼錯失黃金機會而未能再次領先，而下半場曼聯球員既體能下跌，令佢地既反擊速度同威脅都慢左細左，入唔到波都係合理。曼聯兩個禮拜後先再有比賽，到時幾個傷兵都復出下，希望可以幫球隊踢出穩定性地持續贏波！
請按此登錄後留言。未成為會員? 立即註冊