《冇埋凱倫仲難贏》
賽前都預左對森林要破密集，亦有提過可以反勝維拉既原因係對方既高位防線，而曼聯現時係陣地戰係冇乜本錢贏波。上場有波入既凱倫又病左，無緣係今場上陣，所以坦克唯有用華舒福踢前鋒。華舒福今場雖然入左一球，但成場近乎冇料到，一黎佢背身做支點唔係強項，二黎森林踢低位防守下，冇空間俾佢向前跑就直頭廢武功。從比賽過程睇，凱倫係前場既逼搶跑勤力程度比福仔有過之而無不及。另外，佢係禁區捕位同做支點頂住對方中堅亦比福仔好太多（唔係凱倫超好，只係福仔更差）。缺少凱倫下，確實會更難贏。
《上半場得一射仲要係雲比》
正選陣容只更換左凱倫，安東尼同加拿祖踢番兩翼。受制於對方低位防守，曼聯係後場要運波到中場線都有難度。同上年比較的話，坦克放棄左overload左路清空右路既進攻模式，嘗試兩面側擊都比較平衡地進攻，但見到既係前場人數係有，但隊員間缺乏跑動走位，缺乏2打2/3打3既小組配合。禁區亦冇「點」俾般奴係右路傳中，有幾下就算落到底線，十二碼點附近都可以冇人，正正係缺乏左凱倫，亦係呢幾季點解要買前鋒既原因。另外，球隊轉邊速度慢，加上對方既艾拿同蒙迪亞主力防守，加拿祖同安東尼接近零次突破成功。森林廢左你兩翼，再屯重兵係中路，已經將曼聯進攻威脅減到最低。曼聯上半場僅得一射一中框，而射波果個仲要係雲比沙卡，點贏？
《換走明奴令人摸不著頭腦》
半場出黎竟然換走原來冇傷既明奴，入替既係麥湯文尼，呢下真係完全諗唔明。當見到福仔迷失係中鋒位，係冇辦法情況下，都需要試下擺麥湯踢前會比較正路。踢左咁多季都知佢並唔適合踢6號位。數據上，你可以話明奴係中場攔截同身體對抗輸晒，但你需要佢既係護波同build-up；麥湯可能係身體對抗贏到，但企位塞窿包位就輸晒，結果論係得不償失。
後備入替既迪亞路狀態唔錯，係右路邊線憑佢既盤扭同策動，配合雲比沙卡後上都有幾次成功係右路出到波，令到達洛治有一下禁區頂射門中柱。安東尼迷失球場下，起用迪亞路或者會係鯰魚效應。
《失波責任怪麥湯又岩唔岩？》
球隊係62分鐘先失一球，網上好似好多球迷怪麥湯又係咪合理？
圖1）麥湯文尼當時守緊丹尼路，而達洛治係防守緊蒙迪亞。右路邊線既伊蘭加係由加拿祖去守，但佢企位遮唔到耶斯傳俾伊蘭加條線。
https://i.imgur.com/FO77Di0.jpeg
圖2）達洛治棄守蒙迪亞，其實呢個先係失波主因。達洛治係可以照跟番蒙迪亞，等加拿祖追番伊蘭加。就算伊蘭加係右路空晒，咪最多推順傳中或者推入中路，而麥湯其實已經回追緊去禁區邊。如佢推入中路，到時整條防線先順移去左路，就可以壓縮到空間。
https://i.imgur.com/abckRQp.jpeg
圖3）蒙迪亞拎波轉身，伊雲斯冇得揀焗出，而麥湯亦未番到禁區中路位置。本身曼聯係中場企位係倒三角，所以般奴係耶斯策動進攻時既位置前傾，導致佢番唔切去塞住中間個窿。再睇下華拉尼，佢既位置同伊雲斯過大亦補唔到杜明基斯。不過，華拉尼要守住基斯活特，而雲比亦冇可能咁叻提早叫華拉尼補包伊雲斯，等自己去守基斯活特。https://i.imgur.com/nCCIgUw.jpeg
球迷可以判斷呢球到底要怪麥湯文尼，怪達洛治，還是防守陣形問題？
《多謝端拿送禮；一來一回又輸番球》
78分鐘，森林門將端拿係後場高章交波送禮，俾加拿祖一截一傳，令福仔輕鬆射入追平。雖然佢成場貢獻不多，但呢腳射門夠冷靜都要讚。81分鐘，艾歷臣係禁區頂望空一射被救出，迪亞路再傳中但冇人接應而輸反擊。傑斯韋治係中路無人看管下再次射破安拿拿十指關，一來一回就令到森林由輸變贏。曼聯防線再次係有足夠人數，但溝通出現問題導致再落後。雲比應該守中路既傑斯韋治還是番去自己右閘位守奧度爾就等球迷判斷啦！
https://i.imgur.com/N4Ud8Zr.jpeg
曼聯尾段仲有機會追番，可惜艾歷臣係禁區射斜，錯失入球機會。最後森林以二比一首次係英超擊敗曼聯。
《總結》
賽後坦克話傷兵太多導致輸波既原因，小弟都認同佢既講法，傷兵太多導致每一場既人腳都唔同自然缺乏穩定性。不過，後備席既球員或現有人腳配置又係咪唔可以令隊波踢好少少，我就有大疑問。除非傷，否則明奴係冇乜理由要抽起；麥湯文尼真係唔可以替工打前鋒咩（冇前鋒可用下）；列古朗唔可以半場出黎加強左邊攻力？我相信如果坦克係有用盡現有兵源去爭勝，球迷係會見到並且支持，但so far暫時佢既調動令人唔太滿意，亦起唔到立竿見影既效果，自然就會被人無限放大。新一年就快黎，希望曼聯係新一年可以「轉下運，確唔同」啦！
賽前都預左對森林要破密集，亦有提過可以反勝維拉既原因係對方既高位防線，而曼聯現時係陣地戰係冇乜本錢贏波。上場有波入既凱倫又病左，無緣係今場上陣，所以坦克唯有用華舒福踢前鋒。華舒福今場雖然入左一球，但成場近乎冇料到，一黎佢背身做支點唔係強項，二黎森林踢低位防守下，冇空間俾佢向前跑就直頭廢武功。從比賽過程睇，凱倫係前場既逼搶跑勤力程度比福仔有過之而無不及。另外，佢係禁區捕位同做支點頂住對方中堅亦比福仔好太多（唔係凱倫超好，只係福仔更差）。缺少凱倫下，確實會更難贏。
《上半場得一射仲要係雲比》
正選陣容只更換左凱倫，安東尼同加拿祖踢番兩翼。受制於對方低位防守，曼聯係後場要運波到中場線都有難度。同上年比較的話，坦克放棄左overload左路清空右路既進攻模式，嘗試兩面側擊都比較平衡地進攻，但見到既係前場人數係有，但隊員間缺乏跑動走位，缺乏2打2/3打3既小組配合。禁區亦冇「點」俾般奴係右路傳中，有幾下就算落到底線，十二碼點附近都可以冇人，正正係缺乏左凱倫，亦係呢幾季點解要買前鋒既原因。另外，球隊轉邊速度慢，加上對方既艾拿同蒙迪亞主力防守，加拿祖同安東尼接近零次突破成功。森林廢左你兩翼，再屯重兵係中路，已經將曼聯進攻威脅減到最低。曼聯上半場僅得一射一中框，而射波果個仲要係雲比沙卡，點贏？
《換走明奴令人摸不著頭腦》
半場出黎竟然換走原來冇傷既明奴，入替既係麥湯文尼，呢下真係完全諗唔明。當見到福仔迷失係中鋒位，係冇辦法情況下，都需要試下擺麥湯踢前會比較正路。踢左咁多季都知佢並唔適合踢6號位。數據上，你可以話明奴係中場攔截同身體對抗輸晒，但你需要佢既係護波同build-up；麥湯可能係身體對抗贏到，但企位塞窿包位就輸晒，結果論係得不償失。
後備入替既迪亞路狀態唔錯，係右路邊線憑佢既盤扭同策動，配合雲比沙卡後上都有幾次成功係右路出到波，令到達洛治有一下禁區頂射門中柱。安東尼迷失球場下，起用迪亞路或者會係鯰魚效應。
《失波責任怪麥湯又岩唔岩？》
球隊係62分鐘先失一球，網上好似好多球迷怪麥湯又係咪合理？
圖1）麥湯文尼當時守緊丹尼路，而達洛治係防守緊蒙迪亞。右路邊線既伊蘭加係由加拿祖去守，但佢企位遮唔到耶斯傳俾伊蘭加條線。
https://i.imgur.com/FO77Di0.jpeg
圖2）達洛治棄守蒙迪亞，其實呢個先係失波主因。達洛治係可以照跟番蒙迪亞，等加拿祖追番伊蘭加。就算伊蘭加係右路空晒，咪最多推順傳中或者推入中路，而麥湯其實已經回追緊去禁區邊。如佢推入中路，到時整條防線先順移去左路，就可以壓縮到空間。
https://i.imgur.com/abckRQp.jpeg
圖3）蒙迪亞拎波轉身，伊雲斯冇得揀焗出，而麥湯亦未番到禁區中路位置。本身曼聯係中場企位係倒三角，所以般奴係耶斯策動進攻時既位置前傾，導致佢番唔切去塞住中間個窿。再睇下華拉尼，佢既位置同伊雲斯過大亦補唔到杜明基斯。不過，華拉尼要守住基斯活特，而雲比亦冇可能咁叻提早叫華拉尼補包伊雲斯，等自己去守基斯活特。https://i.imgur.com/nCCIgUw.jpeg
球迷可以判斷呢球到底要怪麥湯文尼，怪達洛治，還是防守陣形問題？
《多謝端拿送禮；一來一回又輸番球》
78分鐘，森林門將端拿係後場高章交波送禮，俾加拿祖一截一傳，令福仔輕鬆射入追平。雖然佢成場貢獻不多，但呢腳射門夠冷靜都要讚。81分鐘，艾歷臣係禁區頂望空一射被救出，迪亞路再傳中但冇人接應而輸反擊。傑斯韋治係中路無人看管下再次射破安拿拿十指關，一來一回就令到森林由輸變贏。曼聯防線再次係有足夠人數，但溝通出現問題導致再落後。雲比應該守中路既傑斯韋治還是番去自己右閘位守奧度爾就等球迷判斷啦！
https://i.imgur.com/N4Ud8Zr.jpeg
曼聯尾段仲有機會追番，可惜艾歷臣係禁區射斜，錯失入球機會。最後森林以二比一首次係英超擊敗曼聯。
《總結》
賽後坦克話傷兵太多導致輸波既原因，小弟都認同佢既講法，傷兵太多導致每一場既人腳都唔同自然缺乏穩定性。不過，後備席既球員或現有人腳配置又係咪唔可以令隊波踢好少少，我就有大疑問。除非傷，否則明奴係冇乜理由要抽起；麥湯文尼真係唔可以替工打前鋒咩（冇前鋒可用下）；列古朗唔可以半場出黎加強左邊攻力？我相信如果坦克係有用盡現有兵源去爭勝，球迷係會見到並且支持，但so far暫時佢既調動令人唔太滿意，亦起唔到立竿見影既效果，自然就會被人無限放大。新一年就快黎，希望曼聯係新一年可以「轉下運，確唔同」啦！
請按此登錄後留言。未成為會員? 立即註冊