《古度斯算唔算大巴車落坦克度》
韋斯咸雖然前場冇左安東尼奧幫手開山劈石，但莫椰斯由阿積士收購左既古度斯好快融入球隊，令韋斯咸打反擊既威脅冇太大下跌。此子盤扭技術好速度快，亦有不俗既身型係邊線護波停波。另外，中場多左艾華利斯掃蕩，加埋華達包斯同蘇捷上上落落，彌補到冇左懷斯既缺失。今場鎚仔幫憑保雲同古度斯各建一功，以二比零擊敗曼聯，唔知坦克見到古度斯入波，有冇後悔冇帶埋佢黎曼聯呢！今場鎚仔幫既控球率只有34%，繼續主動放棄控球。攻勢唔駛多，一兩下加埋球員埋門質素高就足以解決對手。踢埋呢場，韋斯咸已經進佔聯賽榜第六位，距離踢少一場既曼城只有四分差距，又多一隊上黎爭歐洲賽資格。
《曼聯繼續進攻乏力》
曼聯今場係正選名單出現左個大號碼，就係53號既甘華拿。呢個小將今場踢中堅尚算稱職，短距離傳送都幾有信心同穩陣，而中長距離既傳送功夫就有待進步。另外，今場佢既對手只係客串中鋒既保雲，未有遇到太大考驗，下場對屈堅斯先會係真正挑戰。
講番曼聯既進攻，坦克繼續信任麥湯文尼將佢推前，選擇將般奴費南迪斯拖後組織，而兩翼仍然係安東尼同加拿祖。先講麥湯文尼，坦克此舉都可以話係冇辦法之中既辦法。艾歷臣岩岩傷癒唔能夠咁快踢正選，安拉拔同明奴都只能幫手係後場保持控球。兩者都缺乏創造力下，坦克只能拉後般奴做波。係坦克既進攻體系下，冇左馬天尼斯既影響比想像中大，所有中堅都冇佢既用波能力（穿透直線打穿對方中場防守），而艾歷臣又未能上陣（當佢上陣會自動移後幫手出波），變左後場要做波俾中場個難度大好多。當拖後般奴，中前場係對方三閘線又缺乏左連接點，呢個暫時黎講都係一個死症黎。兩翼用上加拿祖同安東尼，加拿祖太流於單打獨鬥，有時亦太過格硬黎，明明被人遮晒線又或者速度跟到都會照出照推，而唔係選擇停一停回後，對方只用古法奧就已經凍結左佢。安東尼都盡左最大努力，但佢踢法係需要人配合，缺乏段速既佢要單打獨鬥冇著數。兩翼都提供唔到側擊，中路又欠缺做波能力，前鋒既凱倫同麥湯冇供應又點會入到波？
《下場對維拉可能要變變》
曼聯呢場控球率係多，但創造到既機會少。而當對面犯錯果陣，加拿祖級數所限又唔能夠把握到，反而人地兩腳就攪掂你。小弟認為坦克要諗清楚既係，淨係擺入到波既人出場比較緊要，還是先起用可以創造到機會既球員比較緊要？隊波創造唔到機會，你擺十個前鋒係禁區都冇用。般奴肯定要係對方三閘線附近先發揮到威力，有冇其他球員可以係後場運個波俾佢用，而唔係要佢落番後場運個波上黎。又或者有冇球員可以頂一頂般奴個位？加拿祖同麥湯文尼都冇左入球運，繼續出又係咪真係work？幾日後對近況極佳既維拉，如果坦克唔諗下辦法變，曼聯睇黎會又輸一場！
韋斯咸雖然前場冇左安東尼奧幫手開山劈石，但莫椰斯由阿積士收購左既古度斯好快融入球隊，令韋斯咸打反擊既威脅冇太大下跌。此子盤扭技術好速度快，亦有不俗既身型係邊線護波停波。另外，中場多左艾華利斯掃蕩，加埋華達包斯同蘇捷上上落落，彌補到冇左懷斯既缺失。今場鎚仔幫憑保雲同古度斯各建一功，以二比零擊敗曼聯，唔知坦克見到古度斯入波，有冇後悔冇帶埋佢黎曼聯呢！今場鎚仔幫既控球率只有34%，繼續主動放棄控球。攻勢唔駛多，一兩下加埋球員埋門質素高就足以解決對手。踢埋呢場，韋斯咸已經進佔聯賽榜第六位，距離踢少一場既曼城只有四分差距，又多一隊上黎爭歐洲賽資格。
《曼聯繼續進攻乏力》
曼聯今場係正選名單出現左個大號碼，就係53號既甘華拿。呢個小將今場踢中堅尚算稱職，短距離傳送都幾有信心同穩陣，而中長距離既傳送功夫就有待進步。另外，今場佢既對手只係客串中鋒既保雲，未有遇到太大考驗，下場對屈堅斯先會係真正挑戰。
講番曼聯既進攻，坦克繼續信任麥湯文尼將佢推前，選擇將般奴費南迪斯拖後組織，而兩翼仍然係安東尼同加拿祖。先講麥湯文尼，坦克此舉都可以話係冇辦法之中既辦法。艾歷臣岩岩傷癒唔能夠咁快踢正選，安拉拔同明奴都只能幫手係後場保持控球。兩者都缺乏創造力下，坦克只能拉後般奴做波。係坦克既進攻體系下，冇左馬天尼斯既影響比想像中大，所有中堅都冇佢既用波能力（穿透直線打穿對方中場防守），而艾歷臣又未能上陣（當佢上陣會自動移後幫手出波），變左後場要做波俾中場個難度大好多。當拖後般奴，中前場係對方三閘線又缺乏左連接點，呢個暫時黎講都係一個死症黎。兩翼用上加拿祖同安東尼，加拿祖太流於單打獨鬥，有時亦太過格硬黎，明明被人遮晒線又或者速度跟到都會照出照推，而唔係選擇停一停回後，對方只用古法奧就已經凍結左佢。安東尼都盡左最大努力，但佢踢法係需要人配合，缺乏段速既佢要單打獨鬥冇著數。兩翼都提供唔到側擊，中路又欠缺做波能力，前鋒既凱倫同麥湯冇供應又點會入到波？
《下場對維拉可能要變變》
曼聯呢場控球率係多，但創造到既機會少。而當對面犯錯果陣，加拿祖級數所限又唔能夠把握到，反而人地兩腳就攪掂你。小弟認為坦克要諗清楚既係，淨係擺入到波既人出場比較緊要，還是先起用可以創造到機會既球員比較緊要？隊波創造唔到機會，你擺十個前鋒係禁區都冇用。般奴肯定要係對方三閘線附近先發揮到威力，有冇其他球員可以係後場運個波俾佢用，而唔係要佢落番後場運個波上黎。又或者有冇球員可以頂一頂般奴個位？加拿祖同麥湯文尼都冇左入球運，繼續出又係咪真係work？幾日後對近況極佳既維拉，如果坦克唔諗下辦法變，曼聯睇黎會又輸一場！
請按此登錄後留言。未成為會員? 立即註冊