利物浦上季尾已開始試行用阿奴踢閘位內切，嘗試釋放阿奴既進攻才華，可惜其他人腳未能完美地將呢套戰術發揮；今季利記中場大改做下，加入麥卡里士打同蘇保斯禮呢兩個技術型中場，聯同加雲貝治同遠藤航
，開始發揮到呢套戰術。聯賽入左36球，僅次於曼城，而失球數字亦只有15個，同阿仙奴並列第一。現時利物浦排係聯賽榜首，領先次席既阿仙奴一分，都可以話係新戰術下既成果。睇近況（單計近五場本土賽事），利物浦四勝一和不敗，打和既對手亦係強敵曼城，整隊狀態都非常好。上場周中歐霸盃亦起用大量副選，雖然輸左俾聖基萊斯聯，但亦無阻利物浦首名出線，而一眾主力都獲得休息去踢呢場雙紅會賽事。主場出擊加上近況強勁，贏波係基本，炒唔炒就睇心情。
預測利物浦正選陣容（4-3-3）
艾利遜
阿奴 干拿迪 雲迪克 森美卡斯
蘇保斯禮 遠藤航 加雲貝治
沙拿 紐尼斯 迪亞斯
曼聯周中歐聯一比零不敵拜仁，今屆係小組包尾出局未係最壞，更壞既係梳爾同麥佳亞都一齊受傷，未必能係雙紅會上陣，而隊中傷兵名單亦多達十一人。除左佢兩個外，馬拿斯亞、馬天尼斯、連迪路夫、卡斯美路、艾歷臣、曼治同迪亞路都有傷；華舒福同馬斯亞則聲稱有病；辛祖因個人問題停賽；隊長般奴費南迪斯亦因儲夠黃牌數目而缺陣，傷停陣容只欠龍門就足以砌到一隊波。曼聯今場陣容天殘地缺，唔好講踢得好唔好，要擺十一個人出黎踢都好有難度。隊波咁既陣容咁既狀態，仲要作客晏菲路面對近期咁強勢既利物浦，呢場只能期望輸少當贏。
執筆之時收到最新消息，華舒福同梳爾都有操練，有機會可以上陣。等我預測一下坦克會排出既正選陣容。前場方面，如果華舒福踢可以上陣，咁安東尼就要先踢後備，加拿祖同福仔踢兩翼支援前鋒凱倫，咁後備都叫有圓規可以隨時候命。防線方面，因利物浦前場幾個都好快，如用伊雲斯踢中堅係個速率上肯定跟唔到紐尼斯，所以小弟估計坦克會再次排出三閘一中堅陣式，梳爾拍華拉尼踢中堅，達洛治轉踢左閘招呼沙拿，雲比沙加則單防迪亞斯。中場方面，麥湯文尼已變入波核心，今季直頭靠佢數糊；安拉拔係中場做左好多下欄野，幫到防線唔少手，所以麥湯文尼同安拉拔都幾肯定係正選，中場只有一個位置可以諗下點出。最新消息係雲迪碧克已確定外借至法蘭克福，即係呢場唔駛預佢。餘下位置只係明奴同漢尼拔之爭（哥爾太新了）。係坦克既進攻體系下，如出安拉拔踢3-1-6既1的話，明奴既技術特點望落係唔多適合推前一格進攻，而防守佢亦唔係靠速率同體能去追人同逼搶，要佢去取代般奴既位置未必適合；反而漢尼拔既技術特點比起文奴會更接近般奴，不惜氣力追人追波，速度都唔算特別慢，有前插意識同一定既盤扭能力，所以我預計漢尼拔會先踢正選。
預測曼聯正選陣容（4-3-3）
安拿拿
雲比沙加 華拉尼 梳爾 達洛治
麥湯文尼 安拉拔 漢尼拔
華舒福 凱倫 加拿祖
，開始發揮到呢套戰術。聯賽入左36球，僅次於曼城，而失球數字亦只有15個，同阿仙奴並列第一。現時利物浦排係聯賽榜首，領先次席既阿仙奴一分，都可以話係新戰術下既成果。睇近況（單計近五場本土賽事），利物浦四勝一和不敗，打和既對手亦係強敵曼城，整隊狀態都非常好。上場周中歐霸盃亦起用大量副選，雖然輸左俾聖基萊斯聯，但亦無阻利物浦首名出線，而一眾主力都獲得休息去踢呢場雙紅會賽事。主場出擊加上近況強勁，贏波係基本，炒唔炒就睇心情。
預測利物浦正選陣容（4-3-3）
艾利遜
阿奴 干拿迪 雲迪克 森美卡斯
蘇保斯禮 遠藤航 加雲貝治
沙拿 紐尼斯 迪亞斯
曼聯周中歐聯一比零不敵拜仁，今屆係小組包尾出局未係最壞，更壞既係梳爾同麥佳亞都一齊受傷，未必能係雙紅會上陣，而隊中傷兵名單亦多達十一人。除左佢兩個外，馬拿斯亞、馬天尼斯、連迪路夫、卡斯美路、艾歷臣、曼治同迪亞路都有傷；華舒福同馬斯亞則聲稱有病；辛祖因個人問題停賽；隊長般奴費南迪斯亦因儲夠黃牌數目而缺陣，傷停陣容只欠龍門就足以砌到一隊波。曼聯今場陣容天殘地缺，唔好講踢得好唔好，要擺十一個人出黎踢都好有難度。隊波咁既陣容咁既狀態，仲要作客晏菲路面對近期咁強勢既利物浦，呢場只能期望輸少當贏。
執筆之時收到最新消息，華舒福同梳爾都有操練，有機會可以上陣。等我預測一下坦克會排出既正選陣容。前場方面，如果華舒福踢可以上陣，咁安東尼就要先踢後備，加拿祖同福仔踢兩翼支援前鋒凱倫，咁後備都叫有圓規可以隨時候命。防線方面，因利物浦前場幾個都好快，如用伊雲斯踢中堅係個速率上肯定跟唔到紐尼斯，所以小弟估計坦克會再次排出三閘一中堅陣式，梳爾拍華拉尼踢中堅，達洛治轉踢左閘招呼沙拿，雲比沙加則單防迪亞斯。中場方面，麥湯文尼已變入波核心，今季直頭靠佢數糊；安拉拔係中場做左好多下欄野，幫到防線唔少手，所以麥湯文尼同安拉拔都幾肯定係正選，中場只有一個位置可以諗下點出。最新消息係雲迪碧克已確定外借至法蘭克福，即係呢場唔駛預佢。餘下位置只係明奴同漢尼拔之爭（哥爾太新了）。係坦克既進攻體系下，如出安拉拔踢3-1-6既1的話，明奴既技術特點望落係唔多適合推前一格進攻，而防守佢亦唔係靠速率同體能去追人同逼搶，要佢去取代般奴既位置未必適合；反而漢尼拔既技術特點比起文奴會更接近般奴，不惜氣力追人追波，速度都唔算特別慢，有前插意識同一定既盤扭能力，所以我預計漢尼拔會先踢正選。
預測曼聯正選陣容（4-3-3）
安拿拿
雲比沙加 華拉尼 梳爾 達洛治
麥湯文尼 安拉拔 漢尼拔
華舒福 凱倫 加拿祖
請按此登錄後留言。未成為會員? 立即註冊