《整場計般尼茅夫就係守得穩攻得準》
般尼茅夫全場僅得三成控球，但卻有十腳射門四次中框入三球，射門轉化入球率極高，一係就唔埋門，一埋門就入波。不得不讚蘇蘭基係門前把握力好，亦讚佢今場係前場停波做得相當不俗，特別係對住梳爾果陣，身型上佔到甜頭，不過對住麥佳亞就冇乜著數啦。頭兩球入波都係曼聯球員係中後場唔算太大壓力下交波出現失誤，般尼茅夫球員較輕鬆情況下截到，並立即踢轉守為攻就入波，正正係坦夏強調自己要踢果家快速攻守轉換戰術。第三個入球就係把握到曼聯防守角球失誤，亦要辛尼斯頂得相當漂亮。般尼茅夫今場防守亦做得相當緊密，中前場唔係俾好大壓力踢高位壓迫，整隊係中後場主要踢低位防守，特別要讚係翼鋒球員回防積極，令加拿祖同安東尼多次要以一敵二，所以今場雖然佢兩個多次想個人突破，但往往過完隻翼隻閘又到，又或者過左隻閘隻翼追番。防線球員解圍亦清脆簡單，加上門將尼圖表現穩健，就令曼聯今場顆粒無收。
《輸波肯定俾人插梳爾同馬斯亞》
正選用左馬斯亞同列古朗取代左凱倫同連迪路夫，場波輸左就肯定會俾人質疑點解要用呢兩個球員。小弟見解係凱倫傷癒復出後，身體狀況唔適合短時間內用得太盡，同埋佢由一加盟果陣已經有背傷，再加上下場要對拜仁，坦克想係呢場先留力都正常。贏到就直頭等佢休息，輸都仲可以換出黎搏鎚。梳爾就肯定會比人插得仲甘，因為輸第二球正正就係佢先交失波，再到後黎俾對手既比寧壓住頂入第二球，就宣布曼聯場波輸得。起用梳爾踢中堅都係有原因。第一，留力下場對拜仁；第二，上場列古朗後備出黎係進攻上俾到對手好大壓力，佢不停既前插令隊波係進攻上多左選擇。今場對般尼茅夫（相對較弱既對手）當然想係進攻上增加火力；第三，坦克較為喜歡用左腳球員打左中堅係無可改變既想法。
《曼聯唔係踢得差而係未夠好》
般尼茅夫有別於車路士，佢地係後場唔會有太複雜既組織，都係放棄控球令自己後場唔會有太多因猜傳引致既失誤，唔俾曼聯係前半場搶到波打transition，所以曼聯今場憑前場壓迫而打到transition既機會係寥寥可數。變左整場賽事都陷入攻防陣地戰，變左要破密集而唔係同上場一樣有好多空間可以跑。陣地戰係曼聯近幾季既弱項，憑陣地戰攻破對方既球門既能力係差。後場冇左馬天尼斯，已經令後場組織困難左好多；中場缺少左艾歷臣亦大大減弱進攻組織既流暢性；今場般奴亦更多時間要逗番後少少去串連，雖然可以將麥湯推得更近龍門，但就削弱左般奴係對方三閘線附近既用波威脅性。呢樣係有得必有失，始終中場冇左艾歷臣，又冇其他球員代替到，又冇其他球員可以代替到般奴既功能，就只能將係禁區入波能力強既麥湯推前。另外，兩翼繼續用安東尼同加拿祖已經令前場多左無球跑動同活力，奈何對方係防守上勤力到爆，令兩翼係突破上非常困難。
上半場見到球隊係好努力用唔同方法去嘗試進攻。下半場坦克亦好早已經換入凱倫，嘗試換一個進攻模式唔同既前鋒去進攻。機會唔係冇，可惜成隊波係最後一傳經常俾唔到，又或者最後射定傳果下既決定做得唔好，令進攻係最後關頭斷纜。要鬧既除左球員係對方三閘線既用波決定差之外，坦克都需要鬧。68分鐘輸到第二球之後，坦克去到79分鐘先換入柏利斯迪、華舒福同伊雲斯。明奴同雲迪碧克到最後都係一分鐘既落場機會都冇。第一，明奴係用波進攻肯定好過安拉拔，輸到兩球點解唔早少少搏下？順便俾安拉拔抖抖備戰拜仁；第二，雲迪碧克真係連廿分鐘試試既機會都冇？中場果三個好明顯俾人守死左，唔轉人唔轉陣真係有機會入到波咩？第三，79分鐘先換人果陣已經係講緊要追三球，會唔會換得太慢啊？
《總結》
重建之路仍然漫長，球隊依家比較窄洗既地方係高不成低不就。弱隊就索性打防反；強隊就直頭主攻。依家曼聯就係中間，對住弱隊又唔能夠用攻力去硬食對方（冇板斧）；對強隊又唔甘心縮係後面打防反（守都唔係穩）；對中游就5050，邊隊當日發揮好就邊隊贏。今場輸左都係一個好經驗，唔好因為贏完車路士就以為自己好勁。下場主場對拜仁，相信坦克點都會全力出擊搏贏波爭出線，睇下拜仁會唔會留力，還是出全力做瓜你！
般尼茅夫全場僅得三成控球，但卻有十腳射門四次中框入三球，射門轉化入球率極高，一係就唔埋門，一埋門就入波。不得不讚蘇蘭基係門前把握力好，亦讚佢今場係前場停波做得相當不俗，特別係對住梳爾果陣，身型上佔到甜頭，不過對住麥佳亞就冇乜著數啦。頭兩球入波都係曼聯球員係中後場唔算太大壓力下交波出現失誤，般尼茅夫球員較輕鬆情況下截到，並立即踢轉守為攻就入波，正正係坦夏強調自己要踢果家快速攻守轉換戰術。第三個入球就係把握到曼聯防守角球失誤，亦要辛尼斯頂得相當漂亮。般尼茅夫今場防守亦做得相當緊密，中前場唔係俾好大壓力踢高位壓迫，整隊係中後場主要踢低位防守，特別要讚係翼鋒球員回防積極，令加拿祖同安東尼多次要以一敵二，所以今場雖然佢兩個多次想個人突破，但往往過完隻翼隻閘又到，又或者過左隻閘隻翼追番。防線球員解圍亦清脆簡單，加上門將尼圖表現穩健，就令曼聯今場顆粒無收。
《輸波肯定俾人插梳爾同馬斯亞》
正選用左馬斯亞同列古朗取代左凱倫同連迪路夫，場波輸左就肯定會俾人質疑點解要用呢兩個球員。小弟見解係凱倫傷癒復出後，身體狀況唔適合短時間內用得太盡，同埋佢由一加盟果陣已經有背傷，再加上下場要對拜仁，坦克想係呢場先留力都正常。贏到就直頭等佢休息，輸都仲可以換出黎搏鎚。梳爾就肯定會比人插得仲甘，因為輸第二球正正就係佢先交失波，再到後黎俾對手既比寧壓住頂入第二球，就宣布曼聯場波輸得。起用梳爾踢中堅都係有原因。第一，留力下場對拜仁；第二，上場列古朗後備出黎係進攻上俾到對手好大壓力，佢不停既前插令隊波係進攻上多左選擇。今場對般尼茅夫（相對較弱既對手）當然想係進攻上增加火力；第三，坦克較為喜歡用左腳球員打左中堅係無可改變既想法。
《曼聯唔係踢得差而係未夠好》
般尼茅夫有別於車路士，佢地係後場唔會有太複雜既組織，都係放棄控球令自己後場唔會有太多因猜傳引致既失誤，唔俾曼聯係前半場搶到波打transition，所以曼聯今場憑前場壓迫而打到transition既機會係寥寥可數。變左整場賽事都陷入攻防陣地戰，變左要破密集而唔係同上場一樣有好多空間可以跑。陣地戰係曼聯近幾季既弱項，憑陣地戰攻破對方既球門既能力係差。後場冇左馬天尼斯，已經令後場組織困難左好多；中場缺少左艾歷臣亦大大減弱進攻組織既流暢性；今場般奴亦更多時間要逗番後少少去串連，雖然可以將麥湯推得更近龍門，但就削弱左般奴係對方三閘線附近既用波威脅性。呢樣係有得必有失，始終中場冇左艾歷臣，又冇其他球員代替到，又冇其他球員可以代替到般奴既功能，就只能將係禁區入波能力強既麥湯推前。另外，兩翼繼續用安東尼同加拿祖已經令前場多左無球跑動同活力，奈何對方係防守上勤力到爆，令兩翼係突破上非常困難。
上半場見到球隊係好努力用唔同方法去嘗試進攻。下半場坦克亦好早已經換入凱倫，嘗試換一個進攻模式唔同既前鋒去進攻。機會唔係冇，可惜成隊波係最後一傳經常俾唔到，又或者最後射定傳果下既決定做得唔好，令進攻係最後關頭斷纜。要鬧既除左球員係對方三閘線既用波決定差之外，坦克都需要鬧。68分鐘輸到第二球之後，坦克去到79分鐘先換入柏利斯迪、華舒福同伊雲斯。明奴同雲迪碧克到最後都係一分鐘既落場機會都冇。第一，明奴係用波進攻肯定好過安拉拔，輸到兩球點解唔早少少搏下？順便俾安拉拔抖抖備戰拜仁；第二，雲迪碧克真係連廿分鐘試試既機會都冇？中場果三個好明顯俾人守死左，唔轉人唔轉陣真係有機會入到波咩？第三，79分鐘先換人果陣已經係講緊要追三球，會唔會換得太慢啊？
《總結》
重建之路仍然漫長，球隊依家比較窄洗既地方係高不成低不就。弱隊就索性打防反；強隊就直頭主攻。依家曼聯就係中間，對住弱隊又唔能夠用攻力去硬食對方（冇板斧）；對強隊又唔甘心縮係後面打防反（守都唔係穩）；對中游就5050，邊隊當日發揮好就邊隊贏。今場輸左都係一個好經驗，唔好因為贏完車路士就以為自己好勁。下場主場對拜仁，相信坦克點都會全力出擊搏贏波爭出線，睇下拜仁會唔會留力，還是出全力做瓜你！
請按此登錄後留言。未成為會員? 立即註冊