《車仔同紐記卡素既分野都幾大》
車路士今場用4-2-3-1，係高位逼搶上都係選擇用單箭頭去壓逼一對中堅加龍門。有別於紐卡素，佢地會推前其中一個中場形成雙箭頭係高位，透過係前場加多一點，令曼聯後場難以從後組織。除左前場擺既人手少左之外，球員逼搶既一致性都係車紐既分別。紐卡素要逼既時候係毫無保留，唔怕暴露後防等你一對一，有信心拖延你前場等中前場球員回防；車路士個一致性就唔係太夠，所以曼聯就相對容易猜番個波出黎。除左呢樣之外，果場同今場既分野就係麥湯文尼會回後提供多一個支點，同埋安拿拿同整條防線今場係好肯「打多兩板」，而安拿拿既腳下功夫係今場就睇到同迪基亞既分別。中距離長波同短距離地波都好準，可以踢到俾兩翼係中場停破逼搶再打快速推進。
《中場個硬淨程度亦係今場邊隊贏既原因》
都係對比番紐卡素，紐卡素既甘馬雷斯、美利同祖寧頓同車路士既沙斯度、安素費南迪斯同彭馬，兩隊既分別絕對係身體質素同防守意識。車路士除左沙斯度防守意識較高外，安素同彭馬都係偏技術型既攻擊球員，而紐卡素既三個既防守意識同身型都明顯係比車路士好。當然講進攻講技術就梗係車路士三人組佔優。曼聯今場改用安拉拔而唔係明奴，正正就係贏中場既原因。安拉拔今場有4個tackles 係隊中之冠，連同麥湯文尼係中場硬橋硬馬，搶番好多控球權。另外，睇下安拉拔同麥湯文尼兩個係今場既傳送數據都嚇你一跳。前者有49腳傳送，成功率有91.8%；後者則有22腳傳送，成功率達至95.5%；對比安素同沙斯度，兩個都只有81同88.3%。雖然唔係差，但唔夠曼聯既兩名中場發揮得好。
《曼聯前場逼搶今場高效》
抽起華舒福而起用安東尼，係前場帶黎左好多活力同跑動。今場曼聯係高位壓迫非常好，多次令到山齊士同車路士既防線有失誤，從而係前半場已經有轉守為攻既機會。今場證明左「點解要跑」，肯跑就逼到對手失誤，就可以搶到控球權進攻用波。踢波就係要拎到個波去踢，唔「一齊去跑」就搶唔到，咁就變齋跑唔係踢波。除左肯跑之外，逼搶體系都好重要。既然坦克堅持用單箭頭去迫一對中堅，咁翼鋒幾時埋中路幫手迫中堅，再推閘位上前逼對方閘位既時機同決定就要果斷同一致。呢樣就絕對需要時間去磨合啦！
《總結》
曼聯今場發揮比車路士好，贏波可以話係合理賽果。今場球員既表現亦話你知更衣室（應該）暫時係冇太大問題，起碼見唔到場上面有球員揸流灘。麥湯文尼又入兩球，大大鞏固自己既正選位置；安拉拔今場絕對係無名英雄，係中後場執左好多屎，級數肯定冇胖虎咁高，但做替補輪換絕對能勝任。安東尼近兩場復出既表現都不俗，係右路既作用實在太大，而佢同麥湯亦有好多互動，大大強化右路進攻，平衡番球隊左右路既進攻比例。華舒福就頭痛啦，加拿祖已經搶左左翼位置，右翼安東尼亦係必然正選。如果福仔後備出黎仲係冇貢獻，前鋒位又輪唔到佢，睇怕都準備要同辛祖齊齊食飯。曼聯下場對般尼茅夫，繼續加油！
車路士今場用4-2-3-1，係高位逼搶上都係選擇用單箭頭去壓逼一對中堅加龍門。有別於紐卡素，佢地會推前其中一個中場形成雙箭頭係高位，透過係前場加多一點，令曼聯後場難以從後組織。除左前場擺既人手少左之外，球員逼搶既一致性都係車紐既分別。紐卡素要逼既時候係毫無保留，唔怕暴露後防等你一對一，有信心拖延你前場等中前場球員回防；車路士個一致性就唔係太夠，所以曼聯就相對容易猜番個波出黎。除左呢樣之外，果場同今場既分野就係麥湯文尼會回後提供多一個支點，同埋安拿拿同整條防線今場係好肯「打多兩板」，而安拿拿既腳下功夫係今場就睇到同迪基亞既分別。中距離長波同短距離地波都好準，可以踢到俾兩翼係中場停破逼搶再打快速推進。
《中場個硬淨程度亦係今場邊隊贏既原因》
都係對比番紐卡素，紐卡素既甘馬雷斯、美利同祖寧頓同車路士既沙斯度、安素費南迪斯同彭馬，兩隊既分別絕對係身體質素同防守意識。車路士除左沙斯度防守意識較高外，安素同彭馬都係偏技術型既攻擊球員，而紐卡素既三個既防守意識同身型都明顯係比車路士好。當然講進攻講技術就梗係車路士三人組佔優。曼聯今場改用安拉拔而唔係明奴，正正就係贏中場既原因。安拉拔今場有4個tackles 係隊中之冠，連同麥湯文尼係中場硬橋硬馬，搶番好多控球權。另外，睇下安拉拔同麥湯文尼兩個係今場既傳送數據都嚇你一跳。前者有49腳傳送，成功率有91.8%；後者則有22腳傳送，成功率達至95.5%；對比安素同沙斯度，兩個都只有81同88.3%。雖然唔係差，但唔夠曼聯既兩名中場發揮得好。
《曼聯前場逼搶今場高效》
抽起華舒福而起用安東尼，係前場帶黎左好多活力同跑動。今場曼聯係高位壓迫非常好，多次令到山齊士同車路士既防線有失誤，從而係前半場已經有轉守為攻既機會。今場證明左「點解要跑」，肯跑就逼到對手失誤，就可以搶到控球權進攻用波。踢波就係要拎到個波去踢，唔「一齊去跑」就搶唔到，咁就變齋跑唔係踢波。除左肯跑之外，逼搶體系都好重要。既然坦克堅持用單箭頭去迫一對中堅，咁翼鋒幾時埋中路幫手迫中堅，再推閘位上前逼對方閘位既時機同決定就要果斷同一致。呢樣就絕對需要時間去磨合啦！
《總結》
曼聯今場發揮比車路士好，贏波可以話係合理賽果。今場球員既表現亦話你知更衣室（應該）暫時係冇太大問題，起碼見唔到場上面有球員揸流灘。麥湯文尼又入兩球，大大鞏固自己既正選位置；安拉拔今場絕對係無名英雄，係中後場執左好多屎，級數肯定冇胖虎咁高，但做替補輪換絕對能勝任。安東尼近兩場復出既表現都不俗，係右路既作用實在太大，而佢同麥湯亦有好多互動，大大強化右路進攻，平衡番球隊左右路既進攻比例。華舒福就頭痛啦，加拿祖已經搶左左翼位置，右翼安東尼亦係必然正選。如果福仔後備出黎仲係冇貢獻，前鋒位又輪唔到佢，睇怕都準備要同辛祖齊齊食飯。曼聯下場對般尼茅夫，繼續加油！
請按此登錄後留言。未成為會員? 立即註冊