《紐卡素成隊實而不華》
曼聯作客聖占士公園就不嬲都好難踢，特別係中場要應付對面條絞肉機中場（甘馬雷斯、祖寧頓同美利）。今場輸一球都可以話係意料之內。留意下對手係進攻用波，中場分工係好清楚，甘馬雷斯負責控制節奏，祖寧頓前插，美利則駁腳為主，有時逗後少少等甘馬雷斯後上。整隊以邊線側擊為主，先靠邊路進攻，左右閘後上疊瓦，去唔到就回後轉方向。有機會先靠甘哥係中路打一腳俾伊薩試下係中路小組推進。進攻係好有方向，球員亦好肯去走位亦知要點走位去幫隊友。防守亦唔含糊，高位逼搶點樣逼，邊個對波邊個執漏係好清楚，去到低位防守，大家齊齊落番黎企位再向前推。整隊波實而不華，非常貼近現今講究整體行軍。曼聯今場輸一球除左可以話係執到之外，亦要讚下條防線算係有水準發揮，令對方22射僅得4中。
《曼聯繼續學界足球》
曼聯繼續skip中場式既踢法，兩閘同中堅加一個文奴逗後現身去嘗試破對方逼搶，麥湯同般奴繼續企接近中場線等。原意可能係想用後場4-5人去吸引對方5-6人壓前，然後再由龍門放長傳去攻擊對方後場空間，但個場面只見到中龍門俾中堅，然後中堅俾番龍門就向前踢。個波連到二閘都少，惶論甚麼引人壓前，而前場亦冇人有能力係高空爭奪贏到紐卡素一眾高大中後場球員。前場停唔到波，中場斷開左，咁後場就直接受壓。整場賽事都被紐卡素壓住黎攻，除左上半場般奴既一下斜傳俾加拿祖窄位射之外，就只有尾段麥佳亞踢中鋒既兩邊傳中先有少少攻勢。輸波可以話係非常正常，唔輸先至奇。
《小弟睇完場波既感受》
呢場波輸都係意料之內，除左場內問題外，場外因素都係輸波既原因，始終由搭飛機變做搭長途巴士確實會對體能做成一定程度既影響。對我而言，輸呢場波唔係重點，重點係就算我俾你出番馬天尼斯同卡斯美路，已經算齊人啦掛，但咁樣踢你可以贏得到紐卡素咩？安拉拔、卡斯美路同明奴都只能踢6號位，難以同時間安排其中兩人一齊踢。麥湯文尼用波組織一般，所以一出場被坦夏推前當前鋒咁用，艾歷臣已經年老，復出後亦要睇下需要幾耐先可以操番起，就算操番起都係得半場貨仔。般奴同曼治亦冇可能可以同場。翼鋒依家亦只有安東尼、加拿祖同華舒福算可靠。柏利斯迪明顯未達標，辛祖亦等緊轉會。前鋒則只有適應緊仲要磨練既凱倫同懶洋洋既馬斯亞。感覺重建之路仲係好長遠，究竟坦夏可唔可以捱得過，就好睇今次管理層有幾多耐性。
曼聯作客聖占士公園就不嬲都好難踢，特別係中場要應付對面條絞肉機中場（甘馬雷斯、祖寧頓同美利）。今場輸一球都可以話係意料之內。留意下對手係進攻用波，中場分工係好清楚，甘馬雷斯負責控制節奏，祖寧頓前插，美利則駁腳為主，有時逗後少少等甘馬雷斯後上。整隊以邊線側擊為主，先靠邊路進攻，左右閘後上疊瓦，去唔到就回後轉方向。有機會先靠甘哥係中路打一腳俾伊薩試下係中路小組推進。進攻係好有方向，球員亦好肯去走位亦知要點走位去幫隊友。防守亦唔含糊，高位逼搶點樣逼，邊個對波邊個執漏係好清楚，去到低位防守，大家齊齊落番黎企位再向前推。整隊波實而不華，非常貼近現今講究整體行軍。曼聯今場輸一球除左可以話係執到之外，亦要讚下條防線算係有水準發揮，令對方22射僅得4中。
《曼聯繼續學界足球》
曼聯繼續skip中場式既踢法，兩閘同中堅加一個文奴逗後現身去嘗試破對方逼搶，麥湯同般奴繼續企接近中場線等。原意可能係想用後場4-5人去吸引對方5-6人壓前，然後再由龍門放長傳去攻擊對方後場空間，但個場面只見到中龍門俾中堅，然後中堅俾番龍門就向前踢。個波連到二閘都少，惶論甚麼引人壓前，而前場亦冇人有能力係高空爭奪贏到紐卡素一眾高大中後場球員。前場停唔到波，中場斷開左，咁後場就直接受壓。整場賽事都被紐卡素壓住黎攻，除左上半場般奴既一下斜傳俾加拿祖窄位射之外，就只有尾段麥佳亞踢中鋒既兩邊傳中先有少少攻勢。輸波可以話係非常正常，唔輸先至奇。
《小弟睇完場波既感受》
呢場波輸都係意料之內，除左場內問題外，場外因素都係輸波既原因，始終由搭飛機變做搭長途巴士確實會對體能做成一定程度既影響。對我而言，輸呢場波唔係重點，重點係就算我俾你出番馬天尼斯同卡斯美路，已經算齊人啦掛，但咁樣踢你可以贏得到紐卡素咩？安拉拔、卡斯美路同明奴都只能踢6號位，難以同時間安排其中兩人一齊踢。麥湯文尼用波組織一般，所以一出場被坦夏推前當前鋒咁用，艾歷臣已經年老，復出後亦要睇下需要幾耐先可以操番起，就算操番起都係得半場貨仔。般奴同曼治亦冇可能可以同場。翼鋒依家亦只有安東尼、加拿祖同華舒福算可靠。柏利斯迪明顯未達標，辛祖亦等緊轉會。前鋒則只有適應緊仲要磨練既凱倫同懶洋洋既馬斯亞。感覺重建之路仲係好長遠，究竟坦夏可唔可以捱得過，就好睇今次管理層有幾多耐性。
請按此登錄後留言。未成為會員? 立即註冊