《上半場好學界feel》
上半場雖然比數上係以二比一領先對手，但論表現黎講，我覺得曼聯下半場踢得比上半場好。上半場果隻skip中場式踢法，踢落好有學界味道。後場被人逼，或者般奴拎到波，就放長傳直接扔俾兩翼哨，哨到一對一就憑自己去推去爆，然後般奴同麥湯就跑前接應。我既感覺係前有前踢，後有後踢。安拉拔就辛苦啦，一個要做晒整個中場既防務同串連，麥湯印象係冇一下番過自己三閘線去做一個pivot幫手連接。入第一球就係開正曼聯既攻守轉換，亦期待凱倫可以多少少呢類配合；第二球則純粹係般奴射術了得，都講唔出任何戰術配合。失果一球罰球，自不然就好多人會怪責安拿拿。當然佢不能推卸責任，但我會留意既係點解會有罰球出現，又點解般奴要怒追全場最後踢跌對手。梳爾既防守位置冇任何問題咩？坦夏成日都要打tranistion，但安排太多人後上，又或者失左球權後，球員應如何防守去塞空間亦明顯出現問題。
《下半場進攻入肉好多》
下半場坦夏明顯安排麥湯要落番自己三閘線去幫手overload對方中場。加拉塔沙雷由一開波就選擇用雙前鋒進行逼搶，中場一人緊貼安拉拔。換句話說即係般奴同麥湯係overload對方既杜利拿。坦夏一變戰術，就產生第三球入波。由後場組織，經安拉拔斜線傳俾麥湯，麥湯再傳俾今場踢得好生既安東尼，破左對方既高位壓逼。人多打人少下，再靠雲比沙加後上傳中，由麥湯撞入。整個攻勢流暢快捷，最後既傳中到位加有人就掂。呢個攻勢證明曼聯係有一定既能力由後場地波猜向前，咁就更加難明白何解上半場要咁樣踢！失果兩球係邊個責任都唔講太多，只想講既係，既然安拿拿需要帶領球隊後場組織，如果連呢樣都做唔到，咁我用希頓都得啦！（暫時見既係大腳多過猜波囉）比賽尾段，曼聯都不乏黃金機會去入波，亦係點解我認為下半場踢得比上半場好既原因。下半場隊波係create chance，而唔係盲目踢落去俾兩隻翼追。同樣都係打攻守轉換，但下半場既交波次數肯定比上半場多。
《總結》
三比三打和呢個比數對曼聯同曼迷黎講就肯定唔會開心，畢竟係講緊領先到三比一，然後俾人連追兩球，再係尾段有幾個機會但未能再次把握，先出現呢個局面。要出線都可以話係絕望，先要越過拜仁呢座高山，仲要希望對面兩隊唔好分到勝負，機會係渺茫同埋冇。小弟會寧願連歐霸盃都唔好踢，專心聯賽同足總盃就算數。
上半場雖然比數上係以二比一領先對手，但論表現黎講，我覺得曼聯下半場踢得比上半場好。上半場果隻skip中場式踢法，踢落好有學界味道。後場被人逼，或者般奴拎到波，就放長傳直接扔俾兩翼哨，哨到一對一就憑自己去推去爆，然後般奴同麥湯就跑前接應。我既感覺係前有前踢，後有後踢。安拉拔就辛苦啦，一個要做晒整個中場既防務同串連，麥湯印象係冇一下番過自己三閘線去做一個pivot幫手連接。入第一球就係開正曼聯既攻守轉換，亦期待凱倫可以多少少呢類配合；第二球則純粹係般奴射術了得，都講唔出任何戰術配合。失果一球罰球，自不然就好多人會怪責安拿拿。當然佢不能推卸責任，但我會留意既係點解會有罰球出現，又點解般奴要怒追全場最後踢跌對手。梳爾既防守位置冇任何問題咩？坦夏成日都要打tranistion，但安排太多人後上，又或者失左球權後，球員應如何防守去塞空間亦明顯出現問題。
《下半場進攻入肉好多》
下半場坦夏明顯安排麥湯要落番自己三閘線去幫手overload對方中場。加拉塔沙雷由一開波就選擇用雙前鋒進行逼搶，中場一人緊貼安拉拔。換句話說即係般奴同麥湯係overload對方既杜利拿。坦夏一變戰術，就產生第三球入波。由後場組織，經安拉拔斜線傳俾麥湯，麥湯再傳俾今場踢得好生既安東尼，破左對方既高位壓逼。人多打人少下，再靠雲比沙加後上傳中，由麥湯撞入。整個攻勢流暢快捷，最後既傳中到位加有人就掂。呢個攻勢證明曼聯係有一定既能力由後場地波猜向前，咁就更加難明白何解上半場要咁樣踢！失果兩球係邊個責任都唔講太多，只想講既係，既然安拿拿需要帶領球隊後場組織，如果連呢樣都做唔到，咁我用希頓都得啦！（暫時見既係大腳多過猜波囉）比賽尾段，曼聯都不乏黃金機會去入波，亦係點解我認為下半場踢得比上半場好既原因。下半場隊波係create chance，而唔係盲目踢落去俾兩隻翼追。同樣都係打攻守轉換，但下半場既交波次數肯定比上半場多。
《總結》
三比三打和呢個比數對曼聯同曼迷黎講就肯定唔會開心，畢竟係講緊領先到三比一，然後俾人連追兩球，再係尾段有幾個機會但未能再次把握，先出現呢個局面。要出線都可以話係絕望，先要越過拜仁呢座高山，仲要希望對面兩隊唔好分到勝負，機會係渺茫同埋冇。小弟會寧願連歐霸盃都唔好踢，專心聯賽同足總盃就算數。
請按此登錄後留言。未成為會員? 立即註冊