曼聯憑加拿祖既世紀倒掛、華舒福既十二碼，加埋馬斯亞冷靜既單刀，擺脫近期煲魚生粥既特色，作客以三比零擊敗近況不俗既愛華頓。環顧整場戰況，曼聯場面上係非常被動。上半場除左入波前踢得較主動外，餘下既半場都係受壓。幸好，安拿拿表現出色，亦有明奴既護空門，曼聯先頂得住唔失波。下半場係未有12碼入之前，亦係踢得被動。幸好，對方球員射術麻麻，加上橫楣既幫助，曼聯最終都頂得住唔失波完場。都要讚整條防線演出可人，後防連龍門都冇派過膠情況下，又多一場零封。雖然場面踢得被動，但都有幾樣野可以讚下坦夏同成隊波。
《正選出人夠膽識》
中場冇左艾歷臣同卡斯美路，用安拉拔拍麥湯文尼鎮守中路，去頂住對面既高Q大棍會係較合理既用人。不過坦夏就選擇起用18歲小將明奴出任逗後防中，推前麥湯文尼拍般奴費南迪斯踢雙八號中場。呢個用人都幾夠膽識，佢知道如用安拉拔拍麥湯文尼，中後場會更加冇出球點去連結中前場，所以佢大膽用明奴去增加後場出球點。當然，坦夏亦可能知道對方踢兩翼側擊為主，中路滲透不多，就可以用後生仔跑黎塞窿就得，唔駛驚佢經驗不足會被人拉走離開中路位置。明奴亦不負所望交出極亮麗既表現，呢場我會揀佢做MOM，佢既傳送成功率同觸球次數都係隊中數一數二高，亦有幾次係中路轉身推前破逼搶再分邊，有少少迪莊既影子。小弟相信黎緊佢應該會繼續有正選踢。
《馬斯亞今場表現不俗》
馬斯亞受惠於凱倫既受傷獲得一次正選既機會。佢亦成功把握到呢次機會，係呢場波搏到一個12碼同係75分鐘單刀冷靜地射入佢今季既第一球。如果有追開小弟既分析，小弟早幾場已經講要收起凱倫而起用馬爺。係踢法上，凱倫同華舒福同加拿祖等都暫時未能磨合，前鋒想你傳中，翼鋒就想自己射，導致球隊前場去到對方三閘線同禁區間既配合少之有少。馬斯亞起碼知道華舒福同般奴想點交波，呢樣已經同凱倫差好遠。睇番佢搏既十二碼同入果球單刀，都係馬斯亞先走出黎駁一腳，再從後走入禁區接應般奴既傳送。當球隊入唔到波，進攻唔流暢下，如仍堅持出一堆初黎埗到既球員，最後都未必有好結果；反之，先用番一堆夾慣夾熟既球員，如可以領先下或和緊要搏既情況下，再換入新球員慢慢融入或搏鎚，或會對整隊球隊發揮有幫助。
《坦夏換人正路》
領先到兩球後，先用安拉拔入替明奴加強中場防守係明智，亦要好好保護後生仔。同時用柏利斯迪入替加拿祖，加強前場反擊速度同威脅性，亦係合理舉動。見到對面用丹祖馬入替麥尼爾，所以用雲比沙加入替復出既梳爾亦係對症下藥，以防達洛治單防下被爆。最後起用漢尼拔入替跑到莫既馬斯亞，等佢接受下球迷掌聲都換得合理。
《總結》
呢場場面上都算難睇，上半場入完波後係冇控場力，般奴同麥湯文尼都失左蹤，要靠一個明奴去頂住對方只係基耶、杜古希同加拿既中場線，實在係離晒譜。冇能力係後場憑控傳破逼搶係唔緊要，但坦夏都需要諗下點樣引到對方向前逼，再透過安拿拿既長傳搵到前場球員去攻擊對方身後空間，先會係破逼搶既解決方案。周中歐聯生死戰，作客加拉塔沙雷係非勝不可，又睇下球隊發揮如何！
《正選出人夠膽識》
中場冇左艾歷臣同卡斯美路，用安拉拔拍麥湯文尼鎮守中路，去頂住對面既高Q大棍會係較合理既用人。不過坦夏就選擇起用18歲小將明奴出任逗後防中，推前麥湯文尼拍般奴費南迪斯踢雙八號中場。呢個用人都幾夠膽識，佢知道如用安拉拔拍麥湯文尼，中後場會更加冇出球點去連結中前場，所以佢大膽用明奴去增加後場出球點。當然，坦夏亦可能知道對方踢兩翼側擊為主，中路滲透不多，就可以用後生仔跑黎塞窿就得，唔駛驚佢經驗不足會被人拉走離開中路位置。明奴亦不負所望交出極亮麗既表現，呢場我會揀佢做MOM，佢既傳送成功率同觸球次數都係隊中數一數二高，亦有幾次係中路轉身推前破逼搶再分邊，有少少迪莊既影子。小弟相信黎緊佢應該會繼續有正選踢。
《馬斯亞今場表現不俗》
馬斯亞受惠於凱倫既受傷獲得一次正選既機會。佢亦成功把握到呢次機會，係呢場波搏到一個12碼同係75分鐘單刀冷靜地射入佢今季既第一球。如果有追開小弟既分析，小弟早幾場已經講要收起凱倫而起用馬爺。係踢法上，凱倫同華舒福同加拿祖等都暫時未能磨合，前鋒想你傳中，翼鋒就想自己射，導致球隊前場去到對方三閘線同禁區間既配合少之有少。馬斯亞起碼知道華舒福同般奴想點交波，呢樣已經同凱倫差好遠。睇番佢搏既十二碼同入果球單刀，都係馬斯亞先走出黎駁一腳，再從後走入禁區接應般奴既傳送。當球隊入唔到波，進攻唔流暢下，如仍堅持出一堆初黎埗到既球員，最後都未必有好結果；反之，先用番一堆夾慣夾熟既球員，如可以領先下或和緊要搏既情況下，再換入新球員慢慢融入或搏鎚，或會對整隊球隊發揮有幫助。
《坦夏換人正路》
領先到兩球後，先用安拉拔入替明奴加強中場防守係明智，亦要好好保護後生仔。同時用柏利斯迪入替加拿祖，加強前場反擊速度同威脅性，亦係合理舉動。見到對面用丹祖馬入替麥尼爾，所以用雲比沙加入替復出既梳爾亦係對症下藥，以防達洛治單防下被爆。最後起用漢尼拔入替跑到莫既馬斯亞，等佢接受下球迷掌聲都換得合理。
《總結》
呢場場面上都算難睇，上半場入完波後係冇控場力，般奴同麥湯文尼都失左蹤，要靠一個明奴去頂住對方只係基耶、杜古希同加拿既中場線，實在係離晒譜。冇能力係後場憑控傳破逼搶係唔緊要，但坦夏都需要諗下點樣引到對方向前逼，再透過安拿拿既長傳搵到前場球員去攻擊對方身後空間，先會係破逼搶既解決方案。周中歐聯生死戰，作客加拉塔沙雷係非勝不可，又睇下球隊發揮如何！
請按此登錄後留言。未成為會員? 立即註冊