坦夏今場跟上場聯賽盃一樣，照舊起用大量副選，陣中只保留安拿拿、達洛特、卡斯美路同安東尼，小將漢尼換同加拿祖一齊正選上陣，拍住馬斯亞、曼治一齊踢中前場，麥佳亞同連迪路夫加埋列古朗鎮守防線；紐卡素就仲誇張，十一個正選只有祖寧頓同哥頓會係常規正選，其餘九人都係後備。今場唔太想做甚麼戰術分析，純粹想大概講下隊波踢成點。
《上半場五五波，打和較合理》
上半場整體表現黎講，我覺得可接受。當然問題有好多，例如，進攻時中場欠缺組織者，如要曼治同漢尼拔都企到咁深去進攻half-space，卡斯美路係做唔到派牌工作（佢唔係迪莊），就算曼治移後還是漢尼拔移後，都係做唔到控制節奏同向前俾波打穿人地中場線。邊路兩翼同二閘亦少有配合，安東尼呢邊都還好，可以靠佢個人引到夾擊；加拿祖果邊就明顯攪唔掂，一個利華文圖已經可以招呼你。咁都唔係一無事處既，起碼見到呢班兵係前場高位逼搶唔係盲目，見到佢地會先企穩位置再由前鋒馬斯亞發動去逼。上半場都可以逼到對面踢長波，再靠麥佳亞既制空拎番球權。最大問題都係由守轉攻果下transition既進攻套路唔成熟，同埋球員質素唔係最top。
《下半場曾有一絲起色》
上半場零比二落後下，下半場先換入雲比沙卡同安拉拔。呢兩個換人係正確。第一，達洛治進攻上同安東尼既配合係唔太有效果，防守更守唔住艾米朗，甚至輸第一球波佢係要負極大責任；第二，卡斯美路既狀態仍然係差，更加有牌在身。一開波果十五分鐘，曼聯進攻係有起色，雲比激活左右路；列古朗都更多向前跑動幫手拉空左面，所以兩翼都開始打到側擊有傳中，但可惜中間得曼治會嘗試搶點，馬斯亞都係等多過搶，所以都搵唔到攻門機會。60分鐘輸到第三球，就將呢十五分鐘既勢頭打沉。64分鐘換入般奴、福仔同凱倫試圖破蛋。不過尾呢三十分鐘，我見到更多既係企係度踢，冇乜人走位，傳送繼續欠缺目標同方向，同下半場頭十五分鐘比較，換完人反而仲差。唯一一次機會就係般奴走入禁區空晒，但都可以射左出界。最後，下半場近乎冇攻勢下，蛋都破唔到輸三球完場。
《總結》
今場紐卡素既後備陣容明顯比水晶宮既陣容強得多，每個球員都清楚知道自己既位置同工作係乜野，踢落有紀律。曼聯一踢落就見到小將加拿祖同漢尼拔係未夠級數，佢兩個唔係踢得特別差，但個重點係你既對手只係替補陣容。依家你對住替補陣容都唔能夠展現到能力或輾壓對手時，根本唔能夠放係聯賽踢正選。坦夏呢場都算係俾廣大球迷見到點解係聯賽賽事要用福仔同般奴，級數上根本未有人可以代替到佢兩個。曼治同般奴繼續撞位，一個有表現另一個就自然失蹤，雙攻擊中場唔係咁易既。卡斯美路狀態都係未得，好彩麥佳亞回勇及時，都幫到防線好多。呢場最難明白既係點解艾歷臣冇得踢，中場串連較炮唔用佢既，你前場點擺都唔會有攻勢。另外，小弟認為如要改善入球數量，坦夏應該用番馬斯亞踢正選，始終馬斯亞同福仔般奴夾慣夾熟，等佢地先踢大半場睇下得唔得，後半段先用凱倫係禁區等，再換加拿祖係邊線出波，咁隊波先有傳中有搶點，先有機會入到波。下場對富咸，再係沿用同樣模式同樣人腳的話，呢場都係凍過水！
《上半場五五波，打和較合理》
上半場整體表現黎講，我覺得可接受。當然問題有好多，例如，進攻時中場欠缺組織者，如要曼治同漢尼拔都企到咁深去進攻half-space，卡斯美路係做唔到派牌工作（佢唔係迪莊），就算曼治移後還是漢尼拔移後，都係做唔到控制節奏同向前俾波打穿人地中場線。邊路兩翼同二閘亦少有配合，安東尼呢邊都還好，可以靠佢個人引到夾擊；加拿祖果邊就明顯攪唔掂，一個利華文圖已經可以招呼你。咁都唔係一無事處既，起碼見到呢班兵係前場高位逼搶唔係盲目，見到佢地會先企穩位置再由前鋒馬斯亞發動去逼。上半場都可以逼到對面踢長波，再靠麥佳亞既制空拎番球權。最大問題都係由守轉攻果下transition既進攻套路唔成熟，同埋球員質素唔係最top。
《下半場曾有一絲起色》
上半場零比二落後下，下半場先換入雲比沙卡同安拉拔。呢兩個換人係正確。第一，達洛治進攻上同安東尼既配合係唔太有效果，防守更守唔住艾米朗，甚至輸第一球波佢係要負極大責任；第二，卡斯美路既狀態仍然係差，更加有牌在身。一開波果十五分鐘，曼聯進攻係有起色，雲比激活左右路；列古朗都更多向前跑動幫手拉空左面，所以兩翼都開始打到側擊有傳中，但可惜中間得曼治會嘗試搶點，馬斯亞都係等多過搶，所以都搵唔到攻門機會。60分鐘輸到第三球，就將呢十五分鐘既勢頭打沉。64分鐘換入般奴、福仔同凱倫試圖破蛋。不過尾呢三十分鐘，我見到更多既係企係度踢，冇乜人走位，傳送繼續欠缺目標同方向，同下半場頭十五分鐘比較，換完人反而仲差。唯一一次機會就係般奴走入禁區空晒，但都可以射左出界。最後，下半場近乎冇攻勢下，蛋都破唔到輸三球完場。
《總結》
今場紐卡素既後備陣容明顯比水晶宮既陣容強得多，每個球員都清楚知道自己既位置同工作係乜野，踢落有紀律。曼聯一踢落就見到小將加拿祖同漢尼拔係未夠級數，佢兩個唔係踢得特別差，但個重點係你既對手只係替補陣容。依家你對住替補陣容都唔能夠展現到能力或輾壓對手時，根本唔能夠放係聯賽踢正選。坦夏呢場都算係俾廣大球迷見到點解係聯賽賽事要用福仔同般奴，級數上根本未有人可以代替到佢兩個。曼治同般奴繼續撞位，一個有表現另一個就自然失蹤，雙攻擊中場唔係咁易既。卡斯美路狀態都係未得，好彩麥佳亞回勇及時，都幫到防線好多。呢場最難明白既係點解艾歷臣冇得踢，中場串連較炮唔用佢既，你前場點擺都唔會有攻勢。另外，小弟認為如要改善入球數量，坦夏應該用番馬斯亞踢正選，始終馬斯亞同福仔般奴夾慣夾熟，等佢地先踢大半場睇下得唔得，後半段先用凱倫係禁區等，再換加拿祖係邊線出波，咁隊波先有傳中有搶點，先有機會入到波。下場對富咸，再係沿用同樣模式同樣人腳的話，呢場都係凍過水！
請按此登錄後留言。未成為會員? 立即註冊