＜曼聯正選陣容＞
雖然華拉尼復出，但坦克今場照舊起用麥佳亞拍伊雲斯，左閘則交俾連迪路夫踢。戰術上嘗試推前達洛治進攻，縮連迪路夫形成三中堅。因上場麥湯文尼梅開二度，逼使坦克今場收起曼治而改用佢踢正選，般奴繼續係佢隔離支援。基於進攻踢3-1-6，所以一開波會見到安拉拔留守中圈，般奴同麥湯都企得較前既位置進攻。前場三個都係安東尼，華舒福同凱倫。
＜上半場麥湯文尼做主角＞
錫菲聯頭二三十分鐘利用主埸優勢，係前場大踢逼搶，多次搶得控球權並獲得射門機會，踢落完全唔似包尾球隊；相反曼聯係後場欠缺出球點，中場般奴同麥湯亦甚少回後場支援，基本上前場同後場係斷開黎踢，所以頭二三十分鐘曼聯係非常下風。雖然場面下風，但麥湯係廿八分鐘把握到一次機會，就係禁區射成一比零。可惜五分鐘後，麥湯係禁區犯手球輸十二碼，被麥般尼射入追平。坦克係三十分鐘都嘗試作出調整，麥湯仍然長期企入禁區捕位，相反般奴則需要墮後到較深位置串聯球隊。調整後，上半場尾十五分鐘，曼聯總算可以拎到較多控球去圍攻對手，當然錫菲聯亦係戰術上改變，留守後半場守穩等打反擊。只計尾段，雖然曼聯佔左70％控球率，但能創造到機會接近零，好大程度係般奴今場狀態極差，多次傳球失誤失控球。當隊中只有一名技術型中場而佢又踢得差，就肯定影響整隊進攻流暢度。不能只怪佢，亦要怪領隊既排陣，係可預期見到呢個情況出現。
＜下半場坦克再轉都係冇起色；贏波靠奇兵＞
下半場坦克係戰術上再轉一轉，將安拉拔移後一格增加出球點，推前連迪路夫至中路，波到左路則嘗試走入half-space支援福仔，般奴則再逗深少少到中圈連接。咁樣就確保個波可以從後場運到中場，但中前場就冇左一個playmaker去串聯，個波去到對方三閘線就缺乏方向進攻。63分鐘，坦克換入艾歷臣、加拿祖同馬斯亞，希望加拿祖加強邊路既速度同突破點，馬仔則係中路幫手做支點連接，艾歷臣則釋放般奴向前進攻，始終都係要用番艾歷臣同般奴先令球隊係中前場同中後場都有具級數球員連接。由63分鐘到完場，曼聯有65. 9%控球，5射3中射門數據，比起頭60分鐘只得9射3中，與及只有61. 2%控球率為佳。70分鐘，違洛治係禁區外妙射建功，反超前二比一。個波又唔算射得好靚，龍門科特寧咸應可做得更好去撲走呢腳射門。84分鐘，伊雲斯因傷被調走，由華拉尼入替；而曼治亦係88分鐘入黎踩下草。最後，曼聯成功取得英超兩連勝。
＜總結＞
錫菲聯今場表現不俗，我認為太早換走麥般尼係其中一個輸波原因，因此子今場發揮不俗，係前場既牽制力亦大。當然，被達洛治神來之筆一射亦係冇得估，暫時黎睇降班膽味都非常濃厚。
曼聯今場則繼續保持水準，唔係踢得特別好，對住弱隊負負碌碌咁贏。進攻冇乜章法，防守有時中前場同後場斷開，對面進攻輕鬆skip左你中場就可以直接面對後防。坦克係好難攪，防線球員輪住傷，華拉尼復出但又到伊雲斯受傷，左閘繼續要搵替工。中場都頭痛，出得麥湯就預咗中場唔夠創造力，但麥湯依家係球隊「首席尖刀」，唔出佢咁邊個去入波。曼治同般奴又兼容唔到，點擺條中場都有排煩。今場贏波但最佳球員係麥佳亞，反映中前場球員問題都幾大。對住中下游球隊，麥佳亞既身型同制空力係隊內最佳（冇之一）。老實說，現時人腳既然中前場踢唔到控傳，改踢以防反為主要進攻模式或者會係出路；高位逼搶成功但終結效果差，反而暴露後場空位或會得不償失。要睇下坦克如何取捨，只能說羅馬非一天建成，要改造成控傳球隊需要時間，希望管理層同球迷可以俾少少耐性。
雖然華拉尼復出，但坦克今場照舊起用麥佳亞拍伊雲斯，左閘則交俾連迪路夫踢。戰術上嘗試推前達洛治進攻，縮連迪路夫形成三中堅。因上場麥湯文尼梅開二度，逼使坦克今場收起曼治而改用佢踢正選，般奴繼續係佢隔離支援。基於進攻踢3-1-6，所以一開波會見到安拉拔留守中圈，般奴同麥湯都企得較前既位置進攻。前場三個都係安東尼，華舒福同凱倫。
＜上半場麥湯文尼做主角＞
錫菲聯頭二三十分鐘利用主埸優勢，係前場大踢逼搶，多次搶得控球權並獲得射門機會，踢落完全唔似包尾球隊；相反曼聯係後場欠缺出球點，中場般奴同麥湯亦甚少回後場支援，基本上前場同後場係斷開黎踢，所以頭二三十分鐘曼聯係非常下風。雖然場面下風，但麥湯係廿八分鐘把握到一次機會，就係禁區射成一比零。可惜五分鐘後，麥湯係禁區犯手球輸十二碼，被麥般尼射入追平。坦克係三十分鐘都嘗試作出調整，麥湯仍然長期企入禁區捕位，相反般奴則需要墮後到較深位置串聯球隊。調整後，上半場尾十五分鐘，曼聯總算可以拎到較多控球去圍攻對手，當然錫菲聯亦係戰術上改變，留守後半場守穩等打反擊。只計尾段，雖然曼聯佔左70％控球率，但能創造到機會接近零，好大程度係般奴今場狀態極差，多次傳球失誤失控球。當隊中只有一名技術型中場而佢又踢得差，就肯定影響整隊進攻流暢度。不能只怪佢，亦要怪領隊既排陣，係可預期見到呢個情況出現。
＜下半場坦克再轉都係冇起色；贏波靠奇兵＞
下半場坦克係戰術上再轉一轉，將安拉拔移後一格增加出球點，推前連迪路夫至中路，波到左路則嘗試走入half-space支援福仔，般奴則再逗深少少到中圈連接。咁樣就確保個波可以從後場運到中場，但中前場就冇左一個playmaker去串聯，個波去到對方三閘線就缺乏方向進攻。63分鐘，坦克換入艾歷臣、加拿祖同馬斯亞，希望加拿祖加強邊路既速度同突破點，馬仔則係中路幫手做支點連接，艾歷臣則釋放般奴向前進攻，始終都係要用番艾歷臣同般奴先令球隊係中前場同中後場都有具級數球員連接。由63分鐘到完場，曼聯有65. 9%控球，5射3中射門數據，比起頭60分鐘只得9射3中，與及只有61. 2%控球率為佳。70分鐘，違洛治係禁區外妙射建功，反超前二比一。個波又唔算射得好靚，龍門科特寧咸應可做得更好去撲走呢腳射門。84分鐘，伊雲斯因傷被調走，由華拉尼入替；而曼治亦係88分鐘入黎踩下草。最後，曼聯成功取得英超兩連勝。
＜總結＞
錫菲聯今場表現不俗，我認為太早換走麥般尼係其中一個輸波原因，因此子今場發揮不俗，係前場既牽制力亦大。當然，被達洛治神來之筆一射亦係冇得估，暫時黎睇降班膽味都非常濃厚。
曼聯今場則繼續保持水準，唔係踢得特別好，對住弱隊負負碌碌咁贏。進攻冇乜章法，防守有時中前場同後場斷開，對面進攻輕鬆skip左你中場就可以直接面對後防。坦克係好難攪，防線球員輪住傷，華拉尼復出但又到伊雲斯受傷，左閘繼續要搵替工。中場都頭痛，出得麥湯就預咗中場唔夠創造力，但麥湯依家係球隊「首席尖刀」，唔出佢咁邊個去入波。曼治同般奴又兼容唔到，點擺條中場都有排煩。今場贏波但最佳球員係麥佳亞，反映中前場球員問題都幾大。對住中下游球隊，麥佳亞既身型同制空力係隊內最佳（冇之一）。老實說，現時人腳既然中前場踢唔到控傳，改踢以防反為主要進攻模式或者會係出路；高位逼搶成功但終結效果差，反而暴露後場空位或會得不償失。要睇下坦克如何取捨，只能說羅馬非一天建成，要改造成控傳球隊需要時間，希望管理層同球迷可以俾少少耐性。
請按此登錄後留言。未成為會員? 立即註冊