《從正選陣容睇坦克想法》
門將安拿拿繼續把守最後一關，相信坦克係想佢呢場波拎番信心，始終賓福特攻力唔算強。後防傷兵名單又多一個，華拉尼因傷「又」要休息，冇辦法下唯有起用伊雲斯拍麥佳亞。右閘起用達洛治；左閘則用連迪路夫。唔將兩者調轉既原因之一相信係坦克想利用達洛治係右路為球隊提供闊度，連迪路夫則可以形成三中堅幫手做後場出球點，有機會先上去overlap一次半次，等福仔係左路單打獨鬥。防中起用安拉拔拍卡斯美路，則想佢兩個為一對中堅先築起防護網，畢竟前李城中堅組合偏慢，冰人踢閘位亦非擅長，加強中路防守無可厚非。攻擊中場用曼治，坦克仍然覺得佢係中路既威脅比邊路大，而般奴係右路亦可提供到一定質素既傳中，所以兩者都要一齊出下，就推般奴踢右翼。左翼繼續係狀態冇起色既華舒福支援前鋒海倫。
《安拿拿呢下難撐下去》
上半場曼聯既表現係唔難預測，中路用上拔哥同胖虎，防守夠力但用波組織力弱。進攻繼續集中左路，但賓福特用上五人防線，令福仔難以持球突破。閘位冰人又甚少向前支援，就算俾佢落到底左腳傳中亦非強項。右路般奴係冇波到既情況下，自然離開位置走去中路，變相又同曼治疊位，人多反而手腳亂。曼治係中路勤力有餘，但要佢好似般奴係對方三閘線停到波再放直線或遠射就較難，當然中後場冇人俾到穿透力直線打穿對方中場線亦係其中一個主因。不過都見到有亮點，福仔同海倫既互動比前幾場好好多，海倫係前場觸球次數都明顯增加（先唔講有冇效果）
頭十五分鐘，賓福特係高位壓迫令到曼聯用唔到波，及後曼聯企穩陣腳後，賓福特亦回下氣疊埋心水打反擊，令到曼聯可以用多左波圍住踢，但冇板斧冇章法下，只得一次射門係中目標。呢腳仲係福仔靠個人能力硬闖先埋到門。26分鐘，馬菲斯恩臣係禁區內一腳軟弱無力既射門，安拿拿竟然救唔到被射入。呢下相信坦克都冇辦法再幫佢護航。要追溯番點解無啦啦蜜蜂仔可以有反擊，就係源自卡斯美路係自己三閘線大意交失波。呢下係自己冇太受壓既情況下犯錯，上半場佢都唔止呢下失誤，狀態同上年比較相距甚遠。上半場又要先落後，令曼聯更難踢。
《麥湯建奇功》
下半場坦克立刻變陣，用艾歷臣換入卡斯美路，與此同時，將般奴擺番係中間，曼治踢右邊。呢個換人調動正正激活左中場
。多左艾歷臣控制節奏；般奴亦係對方三閘線多左波踢；右路曼治亦乖乖係番邊路，聯同達洛治後上，嘗試打通右路。曼聯一平衡番兩側進攻，射門亦多左唔少。係安東尼換入前，球隊已經有3射1中既數據，進攻比上半場算有起色。可能艾歷臣體能有限只能踢半場多少少，否則係現階段佢係冇可能打後備。
63分鐘，坦克換入安東尼同加拿祖加強兩翼進攻。安東尼既作用絕對比其他翼鋒大，推得停到護到波，不過狀態就要操下；加拿祖則明顯適應左踢30分鐘，盡情發揮佢既突破力。71分鐘，馬斯亞再入替連迪路夫，冰人應該係有傷先被換走，見到換出後直入更衣室，睇黎傷兵名單又會多一個。馬斯亞入替後，安拉拔又改踢左閘，中路留艾歷臣同般奴，前場改踢雙箭頭，嘗試係禁區增加人手。不過面對全軍退守既賓福特，進攻時都未能創造到黃金機會，只能靠遠射埋門。87分鐘，坦克用麥湯文尼換入安拉拔。尾段只有一名中堅伊雲斯，般奴同艾歷臣出全左右中堅，將麥湯文尼同麥佳亞都扔左係前場轟。
93分鐘，憑加拿祖既努力突破沉底傳中，達洛治左腳施射被救出。賓福特中堅解圍不遠下被麥湯係禁區內一控快射近柱入網追平。96分鐘，般奴後場開罰球，遠柱麥佳亞set入中路，麥湯企岩位置下頭鎚建功，成功絕殺賓福特。足球，係未完場一刻都仍然唔可以放棄！
《總結》
賓福特臨尾香確實非常可惜，整場都踢出部署。曼聯就係冇乜板斧冇乜章法既情況下轟贏你，有時踢波就係要有Plan B，既然猜唔掂，突然用9981斬都可以殺對方一個措手不及。先講整隊，下半場既表現其實係有好轉，起碼單計射門數字係有15腳7中入2球。坦克下半場先將般奴擺中都應記一功。坦克仍然摸索緊中路既配置，但會唔會摸得太慢？安東尼復出下，右翼都肯定正選，換句話我地繼續會見到曼治同般奴繼續出現係中場中路（咁貴買冇可能唔出），咁既話都只會係西多過like。安拿拿可能要休息下啦，試下個土耳其門將啦。前李城中堅組合出奇地穩陣，麥佳亞仲有助攻（當然對手攻力較弱）。要睇下華拉尼傷情如何，否則都會繼續見到呢個中堅組合。
坦克近呢十場既戰績其實好有蘇B將會被炒既味道。仍然記得前年，C朗係某幾場關鍵比賽入波吊住蘇B條命。今場則有麥湯文尼梅開二度拯救坦蛇，起碼冇被打破N年前主場三連敗既記錄都值得開心。好彩黎緊係國際賽期，坦克真係要諗諗計攪下進攻模式同人腳配搭，唔係場場都咁好彩有人救你！
門將安拿拿繼續把守最後一關，相信坦克係想佢呢場波拎番信心，始終賓福特攻力唔算強。後防傷兵名單又多一個，華拉尼因傷「又」要休息，冇辦法下唯有起用伊雲斯拍麥佳亞。右閘起用達洛治；左閘則用連迪路夫。唔將兩者調轉既原因之一相信係坦克想利用達洛治係右路為球隊提供闊度，連迪路夫則可以形成三中堅幫手做後場出球點，有機會先上去overlap一次半次，等福仔係左路單打獨鬥。防中起用安拉拔拍卡斯美路，則想佢兩個為一對中堅先築起防護網，畢竟前李城中堅組合偏慢，冰人踢閘位亦非擅長，加強中路防守無可厚非。攻擊中場用曼治，坦克仍然覺得佢係中路既威脅比邊路大，而般奴係右路亦可提供到一定質素既傳中，所以兩者都要一齊出下，就推般奴踢右翼。左翼繼續係狀態冇起色既華舒福支援前鋒海倫。
《安拿拿呢下難撐下去》
上半場曼聯既表現係唔難預測，中路用上拔哥同胖虎，防守夠力但用波組織力弱。進攻繼續集中左路，但賓福特用上五人防線，令福仔難以持球突破。閘位冰人又甚少向前支援，就算俾佢落到底左腳傳中亦非強項。右路般奴係冇波到既情況下，自然離開位置走去中路，變相又同曼治疊位，人多反而手腳亂。曼治係中路勤力有餘，但要佢好似般奴係對方三閘線停到波再放直線或遠射就較難，當然中後場冇人俾到穿透力直線打穿對方中場線亦係其中一個主因。不過都見到有亮點，福仔同海倫既互動比前幾場好好多，海倫係前場觸球次數都明顯增加（先唔講有冇效果）
頭十五分鐘，賓福特係高位壓迫令到曼聯用唔到波，及後曼聯企穩陣腳後，賓福特亦回下氣疊埋心水打反擊，令到曼聯可以用多左波圍住踢，但冇板斧冇章法下，只得一次射門係中目標。呢腳仲係福仔靠個人能力硬闖先埋到門。26分鐘，馬菲斯恩臣係禁區內一腳軟弱無力既射門，安拿拿竟然救唔到被射入。呢下相信坦克都冇辦法再幫佢護航。要追溯番點解無啦啦蜜蜂仔可以有反擊，就係源自卡斯美路係自己三閘線大意交失波。呢下係自己冇太受壓既情況下犯錯，上半場佢都唔止呢下失誤，狀態同上年比較相距甚遠。上半場又要先落後，令曼聯更難踢。
《麥湯建奇功》
下半場坦克立刻變陣，用艾歷臣換入卡斯美路，與此同時，將般奴擺番係中間，曼治踢右邊。呢個換人調動正正激活左中場
。多左艾歷臣控制節奏；般奴亦係對方三閘線多左波踢；右路曼治亦乖乖係番邊路，聯同達洛治後上，嘗試打通右路。曼聯一平衡番兩側進攻，射門亦多左唔少。係安東尼換入前，球隊已經有3射1中既數據，進攻比上半場算有起色。可能艾歷臣體能有限只能踢半場多少少，否則係現階段佢係冇可能打後備。
63分鐘，坦克換入安東尼同加拿祖加強兩翼進攻。安東尼既作用絕對比其他翼鋒大，推得停到護到波，不過狀態就要操下；加拿祖則明顯適應左踢30分鐘，盡情發揮佢既突破力。71分鐘，馬斯亞再入替連迪路夫，冰人應該係有傷先被換走，見到換出後直入更衣室，睇黎傷兵名單又會多一個。馬斯亞入替後，安拉拔又改踢左閘，中路留艾歷臣同般奴，前場改踢雙箭頭，嘗試係禁區增加人手。不過面對全軍退守既賓福特，進攻時都未能創造到黃金機會，只能靠遠射埋門。87分鐘，坦克用麥湯文尼換入安拉拔。尾段只有一名中堅伊雲斯，般奴同艾歷臣出全左右中堅，將麥湯文尼同麥佳亞都扔左係前場轟。
93分鐘，憑加拿祖既努力突破沉底傳中，達洛治左腳施射被救出。賓福特中堅解圍不遠下被麥湯係禁區內一控快射近柱入網追平。96分鐘，般奴後場開罰球，遠柱麥佳亞set入中路，麥湯企岩位置下頭鎚建功，成功絕殺賓福特。足球，係未完場一刻都仍然唔可以放棄！
《總結》
賓福特臨尾香確實非常可惜，整場都踢出部署。曼聯就係冇乜板斧冇乜章法既情況下轟贏你，有時踢波就係要有Plan B，既然猜唔掂，突然用9981斬都可以殺對方一個措手不及。先講整隊，下半場既表現其實係有好轉，起碼單計射門數字係有15腳7中入2球。坦克下半場先將般奴擺中都應記一功。坦克仍然摸索緊中路既配置，但會唔會摸得太慢？安東尼復出下，右翼都肯定正選，換句話我地繼續會見到曼治同般奴繼續出現係中場中路（咁貴買冇可能唔出），咁既話都只會係西多過like。安拿拿可能要休息下啦，試下個土耳其門將啦。前李城中堅組合出奇地穩陣，麥佳亞仲有助攻（當然對手攻力較弱）。要睇下華拉尼傷情如何，否則都會繼續見到呢個中堅組合。
坦克近呢十場既戰績其實好有蘇B將會被炒既味道。仍然記得前年，C朗係某幾場關鍵比賽入波吊住蘇B條命。今場則有麥湯文尼梅開二度拯救坦蛇，起碼冇被打破N年前主場三連敗既記錄都值得開心。好彩黎緊係國際賽期，坦克真係要諗諗計攪下進攻模式同人腳配搭，唔係場場都咁好彩有人救你！
請按此登錄後留言。未成為會員? 立即註冊