曼聯主場再戰水晶宮。水晶宮今場出番主力下，實力同上場聯賽盃陣容完全係兩回事。加上鶴臣吸取上場教訓，係中低位防守時明顯有相對應部署限制曼聯後場出球，令到曼聯係後場空有控球權但極難創造到具威脅既傳球。水晶宮上半場憑出色防守令曼聯只得一次中框射門，更憑一次死球攻勢入球；下半場繼續貫徹防守，門將莊士東亦撲出般奴既靚射同海倫既頭鎚攻門，最後成功以一比零作客擊敗曼聯！曼聯今場衰咩呢？
《般奴曼治兩個只能活一個？》
不難預測既係坦克今場係中場用上般奴費南迪斯同曼治踢兩個八號位。坦克亦有嘗試今場將佢兩個分工，般奴負責右路既half-space連接，曼治則負責左路；曼治亦需要多回後場幫手串連，而般奴則主要留守前場右路用波。因為左閘係安拉拔下，佢會更多移入中路，華舒福長期拉邊，所以曼治會經常出現係左中堅或左翼或左路half-space位置用波，今場係相當活躍。相反，對面既般奴就非常沉寂，本身球隊係重左輕右，右路球權會較少，佢亦係需要上腳用波既球員，冇波到基本上佢就廢左大半武功，而佢亦唔係一個會同你不停無球走動做拉扯既球員，更多時佢係會見到對面防守有空位先走。曼治俾完波會走位；相反般奴主要係靠隊友走位而佢去發板，兩者之間係中路既互動亦好少。
本身兩者踢波風格已經大相徑庭，加上係佢地附近既隊友既踢波模式不同，間接影響左兩者既發揮。左路既福仔屬於持球鳩衝型，拎左波就dup低頭自己去；右路既柏利斯迪盤扭較差但肯打配合。如果用上左曼右般，某程度我認為係人唔夾人。如果調番轉左般右曼，就可能可以見到右路小組彈波走位，左路就見到般奴傳送俾福仔單打獨鬥，去唔到就回後俾般奴企定轉方向。今場好多時只見曼治努力走位，但就引埋更多防守球員俾福仔，左路亦冇閘位球員等福爺回波（當然福爺係盤定俾既選擇上係極差）；右面般奴接近隱形，除左下半場射左一腳之外，其餘時間都對球隊無甚貢獻（某程度上球員角色定位令佢冇表現）
《點解先換柏利斯迪而唔換華舒福？》好多曼迷都認為福爺呢場表現係災難級，但竟然第一個被調走既係柏利斯迪而非福爺。只要從坦克角度出發就解釋到。球隊冇左安東尼同辛祖，令到右路失去左停球點同推進點。柏利斯迪踢左60分鐘已經話左你知，佢今場對住米曹或舒諾普係零作用，如果我用加拿祖換走福仔，我右路依然係做唔到推進或突破，左右兩面繼續失衡，但如果我用加拿祖踢左，試將福仔移右，我係有機會可以打通兩翼既側擊（最後福爺係右路都冇乜貢獻就冇得講），戰術上咁樣去換係合理架bor，而16分鐘後，坦克用艾歷臣換走華舒福，將般奴改踢右翼，就講左你知佢係唔滿意福仔係右翼位既表現。
《究竟華舒福個問題係咩？》
福仔最大殺著必定係佢既速度，推波夠大步、起動速度快，所以打反擊係根本屈機。但跑得快唔代表盤扭好，福爺既盤扭同細範圍既技術同辛祖比較下差距明顯，所以當球隊陷入陣地戰果陣，會經常發現佢扭失波。老實說，都2023年，你想福爺係球商上面有進步睇黎都幾難，但佢既個人能力又冇可能將佢擺後備，咁個問題又係咪只係佢身上呢？
小弟認為領隊既責任都大。第一，領隊係應該盡力令佢既球商進步，幾時扭幾時交其實都唔難理解，有空間咪推，冇咪交波。扭波唔叻咪俾波走位。究竟係冇人同佢講過還是講完都唔聽，就真係內部先知！第二，如果佢球商進步唔到但你又要用佢做核心，係咪應該用戰術或球員配搭去幫佢發揮？福仔踢左咁多季，除左好推得之外，就係好鍾意同中鋒現身交波走位，細範圍內2-3人小組配合。海倫初黎埗到，佢既踢法似捕位搶點型中鋒，盡量會留守禁區內等機會，而唔係現身同福爺打個1-2。咁既然馬斯亞上場踢得唔錯，又係咪應該可以等佢拍番福爺踢正選先？另外，坦克堅持用3-1-6/間中3-2-5去build-up，右閘達洛治推前走half-space或拉闊邊路，往往左閘球員要內收入中路做1或者移後變成左中堅，變左「左路」會少左一點去支援左翼。左翼位置附近只有一個左中場中幫波，而中鋒海倫亦甚少現身，所以福爺更多時要以一敵二。只得曼治走位亦令佢俾波選擇不多，亦少左左閘後上幫佢拉扯，佢就更難扭到或推得生個波。
《總結》
輸波當然滿不是味兒，但見正選用呢班人踢呢套form都可以預測到場波係未必贏到，只係俾人一腳靚窩利射死輸埋，只能說時也命也。我唔太同意有人話用番上場既正選就贏到，主要原因係對面既正選同後備實力差距太大。今場柏利斯迪冇晒料到，正正就反映到你用埋漢尼拔同加拿祖踢正選既話，都可能係同樣效果。依家反而係坦克要諗係人腳配搭方面要點搭先發揮到最好，卡斯美路同安拉拔功能接近一樣而令到中場缺少左創造力，又要點解決？福仔冇左閘後上拉邊，中鋒又唔現身配合，咁要點做先打番通左路？呢幾個問題相信要係周中前諗到方法解決！
《般奴曼治兩個只能活一個？》
不難預測既係坦克今場係中場用上般奴費南迪斯同曼治踢兩個八號位。坦克亦有嘗試今場將佢兩個分工，般奴負責右路既half-space連接，曼治則負責左路；曼治亦需要多回後場幫手串連，而般奴則主要留守前場右路用波。因為左閘係安拉拔下，佢會更多移入中路，華舒福長期拉邊，所以曼治會經常出現係左中堅或左翼或左路half-space位置用波，今場係相當活躍。相反，對面既般奴就非常沉寂，本身球隊係重左輕右，右路球權會較少，佢亦係需要上腳用波既球員，冇波到基本上佢就廢左大半武功，而佢亦唔係一個會同你不停無球走動做拉扯既球員，更多時佢係會見到對面防守有空位先走。曼治俾完波會走位；相反般奴主要係靠隊友走位而佢去發板，兩者之間係中路既互動亦好少。
本身兩者踢波風格已經大相徑庭，加上係佢地附近既隊友既踢波模式不同，間接影響左兩者既發揮。左路既福仔屬於持球鳩衝型，拎左波就dup低頭自己去；右路既柏利斯迪盤扭較差但肯打配合。如果用上左曼右般，某程度我認為係人唔夾人。如果調番轉左般右曼，就可能可以見到右路小組彈波走位，左路就見到般奴傳送俾福仔單打獨鬥，去唔到就回後俾般奴企定轉方向。今場好多時只見曼治努力走位，但就引埋更多防守球員俾福仔，左路亦冇閘位球員等福爺回波（當然福爺係盤定俾既選擇上係極差）；右面般奴接近隱形，除左下半場射左一腳之外，其餘時間都對球隊無甚貢獻（某程度上球員角色定位令佢冇表現）
《點解先換柏利斯迪而唔換華舒福？》好多曼迷都認為福爺呢場表現係災難級，但竟然第一個被調走既係柏利斯迪而非福爺。只要從坦克角度出發就解釋到。球隊冇左安東尼同辛祖，令到右路失去左停球點同推進點。柏利斯迪踢左60分鐘已經話左你知，佢今場對住米曹或舒諾普係零作用，如果我用加拿祖換走福仔，我右路依然係做唔到推進或突破，左右兩面繼續失衡，但如果我用加拿祖踢左，試將福仔移右，我係有機會可以打通兩翼既側擊（最後福爺係右路都冇乜貢獻就冇得講），戰術上咁樣去換係合理架bor，而16分鐘後，坦克用艾歷臣換走華舒福，將般奴改踢右翼，就講左你知佢係唔滿意福仔係右翼位既表現。
《究竟華舒福個問題係咩？》
福仔最大殺著必定係佢既速度，推波夠大步、起動速度快，所以打反擊係根本屈機。但跑得快唔代表盤扭好，福爺既盤扭同細範圍既技術同辛祖比較下差距明顯，所以當球隊陷入陣地戰果陣，會經常發現佢扭失波。老實說，都2023年，你想福爺係球商上面有進步睇黎都幾難，但佢既個人能力又冇可能將佢擺後備，咁個問題又係咪只係佢身上呢？
小弟認為領隊既責任都大。第一，領隊係應該盡力令佢既球商進步，幾時扭幾時交其實都唔難理解，有空間咪推，冇咪交波。扭波唔叻咪俾波走位。究竟係冇人同佢講過還是講完都唔聽，就真係內部先知！第二，如果佢球商進步唔到但你又要用佢做核心，係咪應該用戰術或球員配搭去幫佢發揮？福仔踢左咁多季，除左好推得之外，就係好鍾意同中鋒現身交波走位，細範圍內2-3人小組配合。海倫初黎埗到，佢既踢法似捕位搶點型中鋒，盡量會留守禁區內等機會，而唔係現身同福爺打個1-2。咁既然馬斯亞上場踢得唔錯，又係咪應該可以等佢拍番福爺踢正選先？另外，坦克堅持用3-1-6/間中3-2-5去build-up，右閘達洛治推前走half-space或拉闊邊路，往往左閘球員要內收入中路做1或者移後變成左中堅，變左「左路」會少左一點去支援左翼。左翼位置附近只有一個左中場中幫波，而中鋒海倫亦甚少現身，所以福爺更多時要以一敵二。只得曼治走位亦令佢俾波選擇不多，亦少左左閘後上幫佢拉扯，佢就更難扭到或推得生個波。
《總結》
輸波當然滿不是味兒，但見正選用呢班人踢呢套form都可以預測到場波係未必贏到，只係俾人一腳靚窩利射死輸埋，只能說時也命也。我唔太同意有人話用番上場既正選就贏到，主要原因係對面既正選同後備實力差距太大。今場柏利斯迪冇晒料到，正正就反映到你用埋漢尼拔同加拿祖踢正選既話，都可能係同樣效果。依家反而係坦克要諗係人腳配搭方面要點搭先發揮到最好，卡斯美路同安拉拔功能接近一樣而令到中場缺少左創造力，又要點解決？福仔冇左閘後上拉邊，中鋒又唔現身配合，咁要點做先打番通左路？呢幾個問題相信要係周中前諗到方法解決！
請按此登錄後留言。未成為會員? 立即註冊