《拜仁踢得傳統；曼聯仍然堅持係高位遮線壓迫》
拜仁今場沿用4-2-3-1陣式，無論係後場Build-up還是高位逼搶都冇好似現今其他球隊大玩變形陣式。進攻明顯針對曼聯既二閘位置，以翼鋒作為進攻啟動點，特別以球隊右路為主。中路甘美治同哥列斯卡無需做太多創造工作，分邊等兩翼去攪就得，係中間以保持控球同截擊為主。前鋒簡尼則留守禁區牽制一對中堅。
曼聯亦踢番4-2-3-1。右翼位置因缺少左安東臣同辛祖下，被逼試用柏利斯迪。中場繼續用鐵三角卡斯美路、艾歷臣同般奴費南迪斯。其他位置則同上場對白禮頓一樣。坦克繼續選擇係高位進行遮線，但冇瘋狂係前場逼搶。艾歷臣仍會推前一格，協助般奴防守對方一對中場。卡斯美路就專責睇番梅斯亞拿。柏利斯迪則長期選擇防守左閘既戴維斯，呢著部署不錯。因為戴維斯持球突破力極強，咁做大大限制左拜仁係左路既進攻。左翼華舒福則被安排要壓迫對方既烏柏麥簡奴。呢著就有辣有唔辣，福仔一逼，拜仁右閘既尼爾馬係邊路就冇人守，經常令到列古朗要一打二，但好處就可以係前場壓迫令拜仁後場出現傳球失誤。
《曼聯又係未失波前幾好；安拿拿今舖奶左野》
開波初段，拜仁比起曼聯更遲入局，感覺上拜仁好似未出盡奶力咁都係慢慢踢，未有將進攻節奏推得太快。左翼格拿比受制於達洛治既防守幾近隱形；右翼辛尼聯同右閘尼爾馬則受惠於曼聯前場既企位而獲得好多空位，幾次尼爾馬都可以望空再俾斜線，等辛尼走入half-space傳中，已經響起警號，不過實際威脅就不大；反而曼聯今場早入局，但整隊太過依賴福仔係左路做突破，欠缺小組團隊配合；右路百力支亦難以單挑戴維斯，個波亦甚少係右路去。見到佢係非常勤力，可惜建樹不多。踢到廿八分鐘，辛尼係右路一變速就推過埋福仔，同簡尼打腳1-2就係禁區頂射門。原以為個波冇乜力水又冇乜角度，安拿拿應該可以輕鬆沒收。點知佢落地慢左好多，個波係佢手邊漏入網。呢個失誤，安拿拿真係難辭其咎。四分鐘後，梅斯亞拿係左路一個轉身一推就過左卡斯美路同達洛治，然後又係底線cut-back俾基拿比，佢輕鬆冇人看管下一射入網，領先到二比零。拜仁兩隻翼加埋攻擊中場三個係速度同靈活度係完全輾壓曼聯鐵三角同二閘，基本上一扭就可以過到人。呢下冇人補位既原因亦係因艾歷臣同般奴都被對方雙中場吸引左係中場線，梅斯亞拿升上高位一扭過胖虎，就冇第二個中場可以cover番中場既空位。及後，曼聯都有一個機會，可惜中間冇人接應到列古朗左路傳中。半場完！
《早早追番以為有希望；一個十二碼又拉開》
半場雙方都冇調動。僅四分鐘，福仔禁區橫傳俾海倫，佢左腳一射入網，幫曼聯追成較接近記錄。呢下都唔係甚麼戰術，都係波子機彈彈下咁樣入。可惜，五分鐘後拜仁再次成功拉開比數。甘美治角球開遠柱，烏柏麥簡奴頭鎚set入中間，個波省到艾歷臣隻手。球證睇電視後吹十二碼，簡尼一射又入。呢下冇任何爭議，艾歷臣隻手確實係一個唔算太自然既位置。
《追下又近D，點知又失番球》
63分鐘，拜仁換入高文加強前場活力；69分鐘，坦克換入麥湯文尼改踢雙箭頭，拉後般奴做波試圖搏多一球。75分鐘，梅斯亞拿被卓普莫亭入替。拜仁都有好多機會可以再拉開紀錄，可惜一係過唔到門柱，一係射得太正被救出。坦克係81分鐘再換入馬斯亞同加拿祖搏鎚。88分鐘，曼聯終於有一個組織係近似以前阿積士既進攻，由般奴斜線交俾福仔，運送到突入禁區既卡斯美路，四腳波都係one-touch。胖虎第一腳射門被閂，有運下第二下訓係地都射得入。
補時階段，後備入替既泰爾後上插入禁區，接應甘美治既靚傳送，大臂一控一抽，近距離射死安拿拿。失波既責任幾個都有份，泰爾起動點係胖虎隔離，兩名中堅守緊簡尼，胖虎係咪需要跟進對方攻擊中場？不過佢既責任就冇達洛治咁大，佢身為閘位球員，冇理由企既位置同中堅有極大既空間俾對方插入，而般奴亦需付上責任，係中路位置容許甘美治望空黎傳，完全冇跑出黎遮線防守既意識，令對方輕鬆傳波助攻。
最後，就算胖虎接應般奴既左路罰球門前頂入追至較接近記錄都係為時已晚。曼聯以四比三不敵拜仁。
《總結》
拜仁今場似係發一發力就入你波，好似迎刃有餘咁。半場將兩翼對調亦係一個妙筆，再將曼聯兩閘拉開，翼鋒唔內切令中路有更多空間俾攻擊中場去發揮。拜仁係呢組要首名出線應該穩陣。
曼聯….唉，近三場波都失左超過三球或以上，防線非常性感。雖然今場竟然入到三球，但三球都唔係咩戰術部署下既成果，都係負負碌碌咁入波。睇戰果都叫做雖敗猶榮，但整場戰況就實在唔樂觀。中場鐵三角速率嚴重不足，卡斯美路今季狀態低迷，艾歷臣不嬲都唔係以速率體能作賣點，般奴既防守意識不嬲都弱。限米煮限飯情況下，係咪一定要推出黎壓迫，還是可以再踢低位少少去守穩求一分，就要睇領隊既想法！今場唔用麥湯文尼明顯係一個因素，反正都踢4-2-3-1，何不擺個起碼撞得跑得下既後生去覆蓋中場？列古朗防守已經差，仲要推福仔向前迫，又係咪一個好選擇？另外，要搵安拿拿做戰犯好容易，但係咪所有失波都關佢事？其餘三球換左係迪基亞又係咪唔會輸？明顯唔係，整隊由前場到後防既防守都有極多問題，下下俾人望空open shot，任你龍門點神都死。下場作客般尼，以曼聯既作客戰績，加上近期狀況都難講得上穩贏。幸好，呢場會有幾個傷兵回歸，睇下光頭佬又可唔可以帶領曼聯重回勝軌！
拜仁今場沿用4-2-3-1陣式，無論係後場Build-up還是高位逼搶都冇好似現今其他球隊大玩變形陣式。進攻明顯針對曼聯既二閘位置，以翼鋒作為進攻啟動點，特別以球隊右路為主。中路甘美治同哥列斯卡無需做太多創造工作，分邊等兩翼去攪就得，係中間以保持控球同截擊為主。前鋒簡尼則留守禁區牽制一對中堅。
曼聯亦踢番4-2-3-1。右翼位置因缺少左安東臣同辛祖下，被逼試用柏利斯迪。中場繼續用鐵三角卡斯美路、艾歷臣同般奴費南迪斯。其他位置則同上場對白禮頓一樣。坦克繼續選擇係高位進行遮線，但冇瘋狂係前場逼搶。艾歷臣仍會推前一格，協助般奴防守對方一對中場。卡斯美路就專責睇番梅斯亞拿。柏利斯迪則長期選擇防守左閘既戴維斯，呢著部署不錯。因為戴維斯持球突破力極強，咁做大大限制左拜仁係左路既進攻。左翼華舒福則被安排要壓迫對方既烏柏麥簡奴。呢著就有辣有唔辣，福仔一逼，拜仁右閘既尼爾馬係邊路就冇人守，經常令到列古朗要一打二，但好處就可以係前場壓迫令拜仁後場出現傳球失誤。
《曼聯又係未失波前幾好；安拿拿今舖奶左野》
開波初段，拜仁比起曼聯更遲入局，感覺上拜仁好似未出盡奶力咁都係慢慢踢，未有將進攻節奏推得太快。左翼格拿比受制於達洛治既防守幾近隱形；右翼辛尼聯同右閘尼爾馬則受惠於曼聯前場既企位而獲得好多空位，幾次尼爾馬都可以望空再俾斜線，等辛尼走入half-space傳中，已經響起警號，不過實際威脅就不大；反而曼聯今場早入局，但整隊太過依賴福仔係左路做突破，欠缺小組團隊配合；右路百力支亦難以單挑戴維斯，個波亦甚少係右路去。見到佢係非常勤力，可惜建樹不多。踢到廿八分鐘，辛尼係右路一變速就推過埋福仔，同簡尼打腳1-2就係禁區頂射門。原以為個波冇乜力水又冇乜角度，安拿拿應該可以輕鬆沒收。點知佢落地慢左好多，個波係佢手邊漏入網。呢個失誤，安拿拿真係難辭其咎。四分鐘後，梅斯亞拿係左路一個轉身一推就過左卡斯美路同達洛治，然後又係底線cut-back俾基拿比，佢輕鬆冇人看管下一射入網，領先到二比零。拜仁兩隻翼加埋攻擊中場三個係速度同靈活度係完全輾壓曼聯鐵三角同二閘，基本上一扭就可以過到人。呢下冇人補位既原因亦係因艾歷臣同般奴都被對方雙中場吸引左係中場線，梅斯亞拿升上高位一扭過胖虎，就冇第二個中場可以cover番中場既空位。及後，曼聯都有一個機會，可惜中間冇人接應到列古朗左路傳中。半場完！
《早早追番以為有希望；一個十二碼又拉開》
半場雙方都冇調動。僅四分鐘，福仔禁區橫傳俾海倫，佢左腳一射入網，幫曼聯追成較接近記錄。呢下都唔係甚麼戰術，都係波子機彈彈下咁樣入。可惜，五分鐘後拜仁再次成功拉開比數。甘美治角球開遠柱，烏柏麥簡奴頭鎚set入中間，個波省到艾歷臣隻手。球證睇電視後吹十二碼，簡尼一射又入。呢下冇任何爭議，艾歷臣隻手確實係一個唔算太自然既位置。
《追下又近D，點知又失番球》
63分鐘，拜仁換入高文加強前場活力；69分鐘，坦克換入麥湯文尼改踢雙箭頭，拉後般奴做波試圖搏多一球。75分鐘，梅斯亞拿被卓普莫亭入替。拜仁都有好多機會可以再拉開紀錄，可惜一係過唔到門柱，一係射得太正被救出。坦克係81分鐘再換入馬斯亞同加拿祖搏鎚。88分鐘，曼聯終於有一個組織係近似以前阿積士既進攻，由般奴斜線交俾福仔，運送到突入禁區既卡斯美路，四腳波都係one-touch。胖虎第一腳射門被閂，有運下第二下訓係地都射得入。
補時階段，後備入替既泰爾後上插入禁區，接應甘美治既靚傳送，大臂一控一抽，近距離射死安拿拿。失波既責任幾個都有份，泰爾起動點係胖虎隔離，兩名中堅守緊簡尼，胖虎係咪需要跟進對方攻擊中場？不過佢既責任就冇達洛治咁大，佢身為閘位球員，冇理由企既位置同中堅有極大既空間俾對方插入，而般奴亦需付上責任，係中路位置容許甘美治望空黎傳，完全冇跑出黎遮線防守既意識，令對方輕鬆傳波助攻。
最後，就算胖虎接應般奴既左路罰球門前頂入追至較接近記錄都係為時已晚。曼聯以四比三不敵拜仁。
《總結》
拜仁今場似係發一發力就入你波，好似迎刃有餘咁。半場將兩翼對調亦係一個妙筆，再將曼聯兩閘拉開，翼鋒唔內切令中路有更多空間俾攻擊中場去發揮。拜仁係呢組要首名出線應該穩陣。
曼聯….唉，近三場波都失左超過三球或以上，防線非常性感。雖然今場竟然入到三球，但三球都唔係咩戰術部署下既成果，都係負負碌碌咁入波。睇戰果都叫做雖敗猶榮，但整場戰況就實在唔樂觀。中場鐵三角速率嚴重不足，卡斯美路今季狀態低迷，艾歷臣不嬲都唔係以速率體能作賣點，般奴既防守意識不嬲都弱。限米煮限飯情況下，係咪一定要推出黎壓迫，還是可以再踢低位少少去守穩求一分，就要睇領隊既想法！今場唔用麥湯文尼明顯係一個因素，反正都踢4-2-3-1，何不擺個起碼撞得跑得下既後生去覆蓋中場？列古朗防守已經差，仲要推福仔向前迫，又係咪一個好選擇？另外，要搵安拿拿做戰犯好容易，但係咪所有失波都關佢事？其餘三球換左係迪基亞又係咪唔會輸？明顯唔係，整隊由前場到後防既防守都有極多問題，下下俾人望空open shot，任你龍門點神都死。下場作客般尼，以曼聯既作客戰績，加上近期狀況都難講得上穩贏。幸好，呢場會有幾個傷兵回歸，睇下光頭佬又可唔可以帶領曼聯重回勝軌！
請按此登錄後留言。未成為會員? 立即註冊