《阿仙奴唔敢貿然壓上；曼聯引君入甕》
阿仙奴主場出擊自然要踢得較進取。柏迪受傷令達叔唔需要考慮太多，擺番薛真高踢閘位內切，防線用番上季常規陣容，中場同埋翼鋒不變，懷斯逗住夏維斯同奧隊長，兩翼馬天利尼同薩卡支援狀態不俗既尼基迪亞攻堅。上半場只睇控球率的話，阿仙奴看似係受壓既一方，但實際戰況就唔係。阿仙奴仍然係主導球賽，見到曼聯有安拿拿打龍，前場逼搶就唔敢太進取，驚對方可以利用人數優勢打穿高位壓逼，從而暴露後防空位，所以前場改踢4-4-2，推前夏維斯拍住尼基迪亞係高位遮線，等機會先逼下。陣地戰則依賴右路薩卡同奧隊長既小組推進；左路馬天利尼則以單打獨鬥雲比沙加為主。今場見到阿仙奴既進攻比以往緩慢左少少，流暢度唔太高，一方面可能新加盟既夏維斯同懷斯未有足夠既默契，另一方面則係忌憚曼聯打反擊既速度，所以好多波都寧願控住先，唔好亂咁搏入去，踢得保守左少少。
曼聯則以不變應萬變，除左連迪路夫換左受傷既華拉尼外，其他位置都沿用番上場既正選陣容。安拿拿出任門將，後防冰人拍馬天尼斯打中堅，達洛治做替工打左閘，雲比沙加繼續踢右閘。中場都係鐵三角卡斯美路、艾歷臣同般奴費南迪斯，左右翼係安東尼同華舒福支援馬斯亞進攻。今場起用艾歷臣打中場，所以坦克都冇係高位進行太進取既逼搶。般奴逗後追截番懷斯，胖虎同艾歷臣則各自追番夏維斯同奧迪哥特。兩翼係高位守番對方二閘，有機會先壓逼同邊中堅。一被打穿高位就縮後防守，兩翼明顯有指示要回追對方翼鋒，多次見到薩卡馬天利尼要以一敵二。中堅則輪流照呼尼基迪亞，唔容許對方現身係中路有空間轉身回波。進攻則拖慢進攻節奏，係後場慢慢猜傳。胖虎拉後形成三中堅，將艾歷臣居中作串連，引阿仙奴球員前壓進行逼搶，經艾歷臣踢對角斜線長傳，進攻閘位同中堅既身後空間。就算整隊已經壓前到中場線，亦甚少作冒險推進，寧願猜向後再引對方撲出黎。呢種進攻方式睇到坦克都係以一分為目標，控住個波搏偷一次雞。
《曼聯真係偷到一次雞；阿仙奴火速追平》
阿仙奴開段針對曼聯左路防守力弱，靠奧隊同薩卡聯同賓韋治小組推進。雖然福仔積極協防，但艾歷臣同達洛治既防守較差，令到奧隊同薩卡都有機會埋門。27分鐘，阿仙奴本身係高位搶到控球權，但夏維斯一個傳球失誤，就俾艾歷臣偷到踢轉守為攻。係中路推兩步就一腳斜線湯俾左路福仔，福仔扣大位射尾袋得手，令曼聯領先一球。正正就係等你失誤再踢反擊，食正曼聯條水就偷到一次雞，上半場亦踢到呢一刻先有第一腳射門。開心唔夠一分鐘，阿仙奴左路小組推進，馬天利尼地波傳中俾冇人看管既奧迪哥特撞射得手，輕鬆追成平手。曼聯再次防守唔集中，艾歷臣想補番馬天尼斯既空位，但就走漏左奧隊長。呢下理論上應該先追人會較好。踢到約30分鐘，一億先生懷斯一個已經可以做兩個人既野，薛真高都甚少再內切中路，索性係左路等馬天利尼引到夾擊後接應回傳再做仲好。38分鐘，連迪路夫一次判斷失誤，係邊線格硬踢低尼基迪亞，從而拎到張黃牌。果下既攔截都相當肉酸，隻腳踢到去人個頭度，如果球證手緊少少，係有權趕離場。兩隊進攻節奏都唔太快下，磨下磨下就完半場。
《曼聯後防又傷一個；阿仙奴㩒制就贏》
半場出黎雙方冇調動，戰情冇太大改變。踢到67分鐘，坦克用海倫換入馬斯亞與及用麥佳亞換走又傷左既馬天尼斯。正選防線四個傷左三個，睇黎坦克開季冇拜神。馬斯亞今場踢得還可以，多次回追至禁區頂防守（仲差少少幫倒忙送禮俾夏維斯），又係中前場背身停波打反擊，只係狀態真係未十足，一對一突破既技能包好似唔見左。達叔則係76分鐘㩒制搶攻，一口氣換入耶蘇仔、維亞拿同富安健洋。坦克則係84分鐘換入伊雲斯同加拿祖。換加拿祖想加強反擊速度；換伊雲斯則可能見冰人踢到莫莫地又有牌在身，反正都係低位防守，用大師兄都唔怕啦。89分鐘，般奴係中場中路打左耶蘇仔荷包，曼聯即打轉守為攻，加拿祖接應胖虎直線單刀破門，可惜被VAR判越位在先。補時階段，懷斯接應角球係尾柱一控一抽，個波省到人係近柱入左，反超前二比一。呢個波不禁聯想起有迪基亞的日子，呢類需要神救既射門可能只有迪基亞可以撲到。落後既曼聯全軍壓上就輸多球反擊。維亞拿一腳斜線送耶蘇仔一程。佢單刀冷靜扣過回追既達洛治再輕鬆射入。雖然叫做全軍壓上輸都冇計，但伊雲斯明知維亞拿肯定拎到波，但佢仲向前跑，令維亞拿更容易踢到條斜線俾耶蘇，就肯定點都有責任。最後場雞一響，阿仙奴贏三個一皮。
《總結》
從整場戰況黎講，小弟認為打和較合理。一隊搏人失誤偷雞，又真係俾佢搏到；一隊就主動少少，雖然進攻組織既流暢性到埋門既最後一傳又總係差少少，但亦都創造到唔少埋門機會。後尾既角球入波就絕非偶然，連旁述都話阿仙奴開去尾柱就有機會入波，曼聯係防守角球係明顯有問題。另外，VAR話越位就係越位架啦，大家都用呢個機制既時候，就只能相信佢係正確（除非可以推倒唔用/有明顯錯誤），小弟對呢球係咪越位就冇太大意見，反而夏維斯係禁區內被侵犯，咪又係靠VAR推翻。果下唔係睇重播既話，相信都好多人會認為係十二碼（包括小弟）。夏維斯再次神隱球場，我覺得佢需要時間去夾馬天利尼，始終馬天利尼都較喜歡單打獨鬥，幾時交幾時扭都係夏維斯需要夾得多先知。加上奧隊球權較重，雙攻中亦需要磨合。海倫後備入替踢左約30分鐘，係夠高大但略嫌上身對抗性不足，幾下埋身一擔就撞輸。暫時都唔求佢係大戰中有咩表現，反而想觀察佢對中下游球隊時，究竟佢有咩能耐去爭取入球。
阿仙奴主場出擊自然要踢得較進取。柏迪受傷令達叔唔需要考慮太多，擺番薛真高踢閘位內切，防線用番上季常規陣容，中場同埋翼鋒不變，懷斯逗住夏維斯同奧隊長，兩翼馬天利尼同薩卡支援狀態不俗既尼基迪亞攻堅。上半場只睇控球率的話，阿仙奴看似係受壓既一方，但實際戰況就唔係。阿仙奴仍然係主導球賽，見到曼聯有安拿拿打龍，前場逼搶就唔敢太進取，驚對方可以利用人數優勢打穿高位壓逼，從而暴露後防空位，所以前場改踢4-4-2，推前夏維斯拍住尼基迪亞係高位遮線，等機會先逼下。陣地戰則依賴右路薩卡同奧隊長既小組推進；左路馬天利尼則以單打獨鬥雲比沙加為主。今場見到阿仙奴既進攻比以往緩慢左少少，流暢度唔太高，一方面可能新加盟既夏維斯同懷斯未有足夠既默契，另一方面則係忌憚曼聯打反擊既速度，所以好多波都寧願控住先，唔好亂咁搏入去，踢得保守左少少。
曼聯則以不變應萬變，除左連迪路夫換左受傷既華拉尼外，其他位置都沿用番上場既正選陣容。安拿拿出任門將，後防冰人拍馬天尼斯打中堅，達洛治做替工打左閘，雲比沙加繼續踢右閘。中場都係鐵三角卡斯美路、艾歷臣同般奴費南迪斯，左右翼係安東尼同華舒福支援馬斯亞進攻。今場起用艾歷臣打中場，所以坦克都冇係高位進行太進取既逼搶。般奴逗後追截番懷斯，胖虎同艾歷臣則各自追番夏維斯同奧迪哥特。兩翼係高位守番對方二閘，有機會先壓逼同邊中堅。一被打穿高位就縮後防守，兩翼明顯有指示要回追對方翼鋒，多次見到薩卡馬天利尼要以一敵二。中堅則輪流照呼尼基迪亞，唔容許對方現身係中路有空間轉身回波。進攻則拖慢進攻節奏，係後場慢慢猜傳。胖虎拉後形成三中堅，將艾歷臣居中作串連，引阿仙奴球員前壓進行逼搶，經艾歷臣踢對角斜線長傳，進攻閘位同中堅既身後空間。就算整隊已經壓前到中場線，亦甚少作冒險推進，寧願猜向後再引對方撲出黎。呢種進攻方式睇到坦克都係以一分為目標，控住個波搏偷一次雞。
《曼聯真係偷到一次雞；阿仙奴火速追平》
阿仙奴開段針對曼聯左路防守力弱，靠奧隊同薩卡聯同賓韋治小組推進。雖然福仔積極協防，但艾歷臣同達洛治既防守較差，令到奧隊同薩卡都有機會埋門。27分鐘，阿仙奴本身係高位搶到控球權，但夏維斯一個傳球失誤，就俾艾歷臣偷到踢轉守為攻。係中路推兩步就一腳斜線湯俾左路福仔，福仔扣大位射尾袋得手，令曼聯領先一球。正正就係等你失誤再踢反擊，食正曼聯條水就偷到一次雞，上半場亦踢到呢一刻先有第一腳射門。開心唔夠一分鐘，阿仙奴左路小組推進，馬天利尼地波傳中俾冇人看管既奧迪哥特撞射得手，輕鬆追成平手。曼聯再次防守唔集中，艾歷臣想補番馬天尼斯既空位，但就走漏左奧隊長。呢下理論上應該先追人會較好。踢到約30分鐘，一億先生懷斯一個已經可以做兩個人既野，薛真高都甚少再內切中路，索性係左路等馬天利尼引到夾擊後接應回傳再做仲好。38分鐘，連迪路夫一次判斷失誤，係邊線格硬踢低尼基迪亞，從而拎到張黃牌。果下既攔截都相當肉酸，隻腳踢到去人個頭度，如果球證手緊少少，係有權趕離場。兩隊進攻節奏都唔太快下，磨下磨下就完半場。
《曼聯後防又傷一個；阿仙奴㩒制就贏》
半場出黎雙方冇調動，戰情冇太大改變。踢到67分鐘，坦克用海倫換入馬斯亞與及用麥佳亞換走又傷左既馬天尼斯。正選防線四個傷左三個，睇黎坦克開季冇拜神。馬斯亞今場踢得還可以，多次回追至禁區頂防守（仲差少少幫倒忙送禮俾夏維斯），又係中前場背身停波打反擊，只係狀態真係未十足，一對一突破既技能包好似唔見左。達叔則係76分鐘㩒制搶攻，一口氣換入耶蘇仔、維亞拿同富安健洋。坦克則係84分鐘換入伊雲斯同加拿祖。換加拿祖想加強反擊速度；換伊雲斯則可能見冰人踢到莫莫地又有牌在身，反正都係低位防守，用大師兄都唔怕啦。89分鐘，般奴係中場中路打左耶蘇仔荷包，曼聯即打轉守為攻，加拿祖接應胖虎直線單刀破門，可惜被VAR判越位在先。補時階段，懷斯接應角球係尾柱一控一抽，個波省到人係近柱入左，反超前二比一。呢個波不禁聯想起有迪基亞的日子，呢類需要神救既射門可能只有迪基亞可以撲到。落後既曼聯全軍壓上就輸多球反擊。維亞拿一腳斜線送耶蘇仔一程。佢單刀冷靜扣過回追既達洛治再輕鬆射入。雖然叫做全軍壓上輸都冇計，但伊雲斯明知維亞拿肯定拎到波，但佢仲向前跑，令維亞拿更容易踢到條斜線俾耶蘇，就肯定點都有責任。最後場雞一響，阿仙奴贏三個一皮。
《總結》
從整場戰況黎講，小弟認為打和較合理。一隊搏人失誤偷雞，又真係俾佢搏到；一隊就主動少少，雖然進攻組織既流暢性到埋門既最後一傳又總係差少少，但亦都創造到唔少埋門機會。後尾既角球入波就絕非偶然，連旁述都話阿仙奴開去尾柱就有機會入波，曼聯係防守角球係明顯有問題。另外，VAR話越位就係越位架啦，大家都用呢個機制既時候，就只能相信佢係正確（除非可以推倒唔用/有明顯錯誤），小弟對呢球係咪越位就冇太大意見，反而夏維斯係禁區內被侵犯，咪又係靠VAR推翻。果下唔係睇重播既話，相信都好多人會認為係十二碼（包括小弟）。夏維斯再次神隱球場，我覺得佢需要時間去夾馬天利尼，始終馬天利尼都較喜歡單打獨鬥，幾時交幾時扭都係夏維斯需要夾得多先知。加上奧隊球權較重，雙攻中亦需要磨合。海倫後備入替踢左約30分鐘，係夠高大但略嫌上身對抗性不足，幾下埋身一擔就撞輸。暫時都唔求佢係大戰中有咩表現，反而想觀察佢對中下游球隊時，究竟佢有咩能耐去爭取入球。
請按此登錄後留言。未成為會員? 立即註冊