《祖柏都係搏偷雞；坦克踢番上季果套》
諾定咸森林作客奧脫福都係諗住先守穩再偷雞。領隊祖柏擺出5-4-1，踢中低位防守，壓縮中路空間。搶到波就扔高波俾阿旺尼停，停到就等傑斯韋治同賓倫莊遜支援，務求三兩下就要到曼聯禁區埋門，進攻要快狠準，失左控球就番黎再守過。
曼聯缺少曼治同梳爾，坦克改派艾歷臣同達洛治出任正選。華舒福回歸左路，前鋒以馬斯亞掛帥，踢番以前果家波。高位照踢逼搶，艾歷臣逗後少少較炮，般奴佔據中路同右路進攻，左路後上交俾達洛治。
《森林四分鐘已經贏兩球；曼聯唔自亂陣腳就掂》
一開波就形成攻守格局，好早安東尼已經有一腳禁區頂射門。僅2分鐘，阿旺尼一次角球反擊爆開華舒福就單刀破門。有咩開心得過偷一次雞？就係偷夠兩次。兩分鐘後，保利接應右路罰球，被波省中建奇功。馬天尼斯狀態奇差，正常佢可以頭鎚解圍，但佢竟然頂唔到。個波就直飛保利塊面撞入。四分鐘輸到二比零，相信好多曼迷都高呼熄電視，咪一x樣間既gif亦準備就緒。小弟認為言之尚早，畢竟呢兩球都係整隊開波唔集中唔入局既教訓，同整隊既攻守戰術係冇直接關係。只要進攻有紋路，仲有大把時間去追。
果然，今場坦克起用番艾歷臣串連後，進攻既流暢度比前兩場高出唔少。特別係對比狼隊一場，果場直頭連搓個波上中場都難；今場球隊不停先係邊路尋找小組配合，冇空位就經艾歷臣或卡斯美路轉方向，係另一邊再搵機會，中路亦有嘗試入滲。艾歷臣同般奴自動波分工清晰，梳理進攻節奏交俾艾歷臣；游走中前場作最後一傳就交俾般奴。森林領先兩球後，將大巴再縮後實屬正常，變左就係考驗曼聯破陣地破密集既能力。17分鐘，福仔左路一次個人突破地波傳中，艾歷臣靚搶點係門前撞入。整個半場都係曼聯圍攻格局，雖然森林遇有反擊，但都未能轉化為射門。曼聯上半場9射5中，圍左30分鐘後，後段要回一回氣，攻勢冇咁銳利。上半場維持1:2既比數完。
《森林唔係冇機會拉開比數；曼聯多打一人下踢得唔算好》
半場出黎，坦克先用連迪路夫換走華拉尼，希望華拉尼並唔係有大傷。半場一開波，森林已經有一下非常具威脅組織。幸好，達洛治係小禁區成功攔截，否則應該都要再失波。大難不死既曼聯繼續圍攻，52分鐘，一次靚既罰球組織，卡斯美路最後門前撞入。60分鐘，辛祖入替冇貨既馬斯亞踢前鋒，當然都不能苛求辛祖貢獻太多。67分鐘，禾拉爾走甩左入楔既般奴，佢係禁區外拉低形成單刀姿態既般奴，直紅番更衣室先沖涼。紅牌既最大考慮係球證係咪認為禾拉爾身旁既保利包唔到，呢下我認為紅牌係合理，但如果唔俾紅亦有其理據，因為保利同般奴既距離都幾接近。高耶迪隨即入替賓倫莊遜，祖柏希望可以守到尾。曼聯圍攻下創造到既機會係極多，個波多次劃門而過，始終欠缺搶點數糊型前鋒，睇下賀蘭特（海倫）既把握力有幾多！76分鐘，福仔左路一次個人突破，引到丹尼路出腳踢跌，12碼係非常正確決定，般奴一射入網，為曼聯反超前三比二。麥湯文尼再係85分鐘入替安東尼，加強中場攔截力。最後，曼聯有驚無險以三比二擊敗對手，拎到寶貴三分。
《總結》
祖柏既森林已經盡做，奈何強隊弱隊既分野就係把握力。如果下半場有幾腳可以做好少少，今場就可以偷雞成功。
坦克既曼聯係先落後兩球下成功反勝對手。最尷尬既相信會係曼治，今場有艾力臣控制節奏下，般奴既創造力可以全面發揮；相反般奴與曼治同場時則格格不入，點令兩者磨合，睇黎坦克都有排攪。雖然坦克強調要打造一支transition勁既球隊，但當遇上森林呢類龜縮唔要波唔逼搶既球隊，係無transition打果陣，要點破門先考功夫。另外，當球隊反超前並打多一人時，整隊反而愈踢愈亂，未能保持控球權，消極地向前解圍令對手可以向前壓，呢樣真係必需要改進。好彩對手係森林，如遇到勁少少既對手就未必可以守到尾。
最後，今場想讚讚安東尼同雲比沙加。前者多次係右路個人突破，有試過沉底出波，亦有內切射門，係右路極具侵略性；後者則不停無球跑動做拉扯，亦係防守端貢獻極多，踢到末段仍多次一對一防守成功。兩個亦有唔少互相短傳配合，睇黎達洛治要搶正選都幾難，你打住左面先啦！下場作客硬碰阿仙奴，繼續加油吧！
諾定咸森林作客奧脫福都係諗住先守穩再偷雞。領隊祖柏擺出5-4-1，踢中低位防守，壓縮中路空間。搶到波就扔高波俾阿旺尼停，停到就等傑斯韋治同賓倫莊遜支援，務求三兩下就要到曼聯禁區埋門，進攻要快狠準，失左控球就番黎再守過。
曼聯缺少曼治同梳爾，坦克改派艾歷臣同達洛治出任正選。華舒福回歸左路，前鋒以馬斯亞掛帥，踢番以前果家波。高位照踢逼搶，艾歷臣逗後少少較炮，般奴佔據中路同右路進攻，左路後上交俾達洛治。
《森林四分鐘已經贏兩球；曼聯唔自亂陣腳就掂》
一開波就形成攻守格局，好早安東尼已經有一腳禁區頂射門。僅2分鐘，阿旺尼一次角球反擊爆開華舒福就單刀破門。有咩開心得過偷一次雞？就係偷夠兩次。兩分鐘後，保利接應右路罰球，被波省中建奇功。馬天尼斯狀態奇差，正常佢可以頭鎚解圍，但佢竟然頂唔到。個波就直飛保利塊面撞入。四分鐘輸到二比零，相信好多曼迷都高呼熄電視，咪一x樣間既gif亦準備就緒。小弟認為言之尚早，畢竟呢兩球都係整隊開波唔集中唔入局既教訓，同整隊既攻守戰術係冇直接關係。只要進攻有紋路，仲有大把時間去追。
果然，今場坦克起用番艾歷臣串連後，進攻既流暢度比前兩場高出唔少。特別係對比狼隊一場，果場直頭連搓個波上中場都難；今場球隊不停先係邊路尋找小組配合，冇空位就經艾歷臣或卡斯美路轉方向，係另一邊再搵機會，中路亦有嘗試入滲。艾歷臣同般奴自動波分工清晰，梳理進攻節奏交俾艾歷臣；游走中前場作最後一傳就交俾般奴。森林領先兩球後，將大巴再縮後實屬正常，變左就係考驗曼聯破陣地破密集既能力。17分鐘，福仔左路一次個人突破地波傳中，艾歷臣靚搶點係門前撞入。整個半場都係曼聯圍攻格局，雖然森林遇有反擊，但都未能轉化為射門。曼聯上半場9射5中，圍左30分鐘後，後段要回一回氣，攻勢冇咁銳利。上半場維持1:2既比數完。
《森林唔係冇機會拉開比數；曼聯多打一人下踢得唔算好》
半場出黎，坦克先用連迪路夫換走華拉尼，希望華拉尼並唔係有大傷。半場一開波，森林已經有一下非常具威脅組織。幸好，達洛治係小禁區成功攔截，否則應該都要再失波。大難不死既曼聯繼續圍攻，52分鐘，一次靚既罰球組織，卡斯美路最後門前撞入。60分鐘，辛祖入替冇貨既馬斯亞踢前鋒，當然都不能苛求辛祖貢獻太多。67分鐘，禾拉爾走甩左入楔既般奴，佢係禁區外拉低形成單刀姿態既般奴，直紅番更衣室先沖涼。紅牌既最大考慮係球證係咪認為禾拉爾身旁既保利包唔到，呢下我認為紅牌係合理，但如果唔俾紅亦有其理據，因為保利同般奴既距離都幾接近。高耶迪隨即入替賓倫莊遜，祖柏希望可以守到尾。曼聯圍攻下創造到既機會係極多，個波多次劃門而過，始終欠缺搶點數糊型前鋒，睇下賀蘭特（海倫）既把握力有幾多！76分鐘，福仔左路一次個人突破，引到丹尼路出腳踢跌，12碼係非常正確決定，般奴一射入網，為曼聯反超前三比二。麥湯文尼再係85分鐘入替安東尼，加強中場攔截力。最後，曼聯有驚無險以三比二擊敗對手，拎到寶貴三分。
《總結》
祖柏既森林已經盡做，奈何強隊弱隊既分野就係把握力。如果下半場有幾腳可以做好少少，今場就可以偷雞成功。
坦克既曼聯係先落後兩球下成功反勝對手。最尷尬既相信會係曼治，今場有艾力臣控制節奏下，般奴既創造力可以全面發揮；相反般奴與曼治同場時則格格不入，點令兩者磨合，睇黎坦克都有排攪。雖然坦克強調要打造一支transition勁既球隊，但當遇上森林呢類龜縮唔要波唔逼搶既球隊，係無transition打果陣，要點破門先考功夫。另外，當球隊反超前並打多一人時，整隊反而愈踢愈亂，未能保持控球權，消極地向前解圍令對手可以向前壓，呢樣真係必需要改進。好彩對手係森林，如遇到勁少少既對手就未必可以守到尾。
最後，今場想讚讚安東尼同雲比沙加。前者多次係右路個人突破，有試過沉底出波，亦有內切射門，係右路極具侵略性；後者則不停無球跑動做拉扯，亦係防守端貢獻極多，踢到末段仍多次一對一防守成功。兩個亦有唔少互相短傳配合，睇黎達洛治要搶正選都幾難，你打住左面先啦！下場作客硬碰阿仙奴，繼續加油吧！
請按此登錄後留言。未成為會員? 立即註冊