諾定咸森林頭兩場獲得一勝一負成績，輸俾阿仙奴但贏左錫菲聯，暫時有三分排係第十位。球隊今個轉會窗就冇上季咁瘋狂，暫時較為重鎊只係收購左將會倒戈既伊蘭加、前紐卡素前鋒基斯活、前阿仙奴門將端拿同借入左阿根庭右閘蒙迪爾；而離隊則有哥碧克，安祖艾耶、連加特、拿華斯同洛迪等。離隊既除左拿華斯同洛迪（計埋連皇啦）係上季出勤率較高外，其他都未算係核心或輪換球員，暫時都仲保留到賓倫莊遜、傑比斯韋治同阿旺尼等進攻主力，後防又冇乜太大變樣，相信夾左一年下，整體實力應會有所改善。領隊冇變，隊中核心陣容冇俾人拆骨，仲加入左幾個有能力既球員，對賽往績就值得參考。參考上年對賽，除左四次全敗外，每場至少輸兩球，仲要一球都入唔到，都可以算係曼聯隻私家雞，今場又睇下可唔可以趁曼聯勢弱反底！
曼聯今季暫時只得三分，同樣係一勝一負。第一場險勝狼隊一球；第二場作客熱刺則慘吞兩蛋。中場新組合曼治、般奴同卡斯美路未能產生化學作用，曼聯整隊攻守都大受影響。曼治上場賽後更傳出受傷消息，要休息到九月尾先能夠復出，對曼聯或者係一件好事。既然曼治暫時未能融入球隊，坦克未有說明書，不如就踢番上年果套攻守模式，中場起用番艾歷臣逗後較炮，般奴係攻中位單人揹飛更能發揮所長，咁樣可以先解決中場運轉個波既問題。第二個問題就係嘥左福仔踢中鋒。馬斯亞上場都有後備入替踢十分鐘，加上加拿祖明顯踢後備更能改變戰局，何不將福仔調番去踢左翼，中鋒位交比馬仔？如馬仔未能上陣，起用辛祖頂住，等福仔激活番左邊，或者會係上策！睇對賽曼聯係格食格食住森林，如踢番上季既模式，要拎三分應該問題不大。不過後防馬天尼斯狀態一般，卡斯美路亦未fit，梳爾亦有傷要缺陣，曼聯防線今場都應有不少危險鏡頭出現，失波睇黎在所難免，睇下前面可唔可以入多幾球補數！周中同般尼踢左場閉門友賽，雖然賽果輸三比零，但主要應該係催谷一下馬斯亞及其他人既狀態，相信馬仔今場應會正選上陣搏殺！
預測曼聯正選陣容（4-3-3）
安拿拿
雲比沙加 華拉尼 馬天尼斯 達洛治
般奴費南迪斯 卡斯美路 艾歷臣
安東臣 馬斯亞 華舒福
曼聯今季暫時只得三分，同樣係一勝一負。第一場險勝狼隊一球；第二場作客熱刺則慘吞兩蛋。中場新組合曼治、般奴同卡斯美路未能產生化學作用，曼聯整隊攻守都大受影響。曼治上場賽後更傳出受傷消息，要休息到九月尾先能夠復出，對曼聯或者係一件好事。既然曼治暫時未能融入球隊，坦克未有說明書，不如就踢番上年果套攻守模式，中場起用番艾歷臣逗後較炮，般奴係攻中位單人揹飛更能發揮所長，咁樣可以先解決中場運轉個波既問題。第二個問題就係嘥左福仔踢中鋒。馬斯亞上場都有後備入替踢十分鐘，加上加拿祖明顯踢後備更能改變戰局，何不將福仔調番去踢左翼，中鋒位交比馬仔？如馬仔未能上陣，起用辛祖頂住，等福仔激活番左邊，或者會係上策！睇對賽曼聯係格食格食住森林，如踢番上季既模式，要拎三分應該問題不大。不過後防馬天尼斯狀態一般，卡斯美路亦未fit，梳爾亦有傷要缺陣，曼聯防線今場都應有不少危險鏡頭出現，失波睇黎在所難免，睇下前面可唔可以入多幾球補數！周中同般尼踢左場閉門友賽，雖然賽果輸三比零，但主要應該係催谷一下馬斯亞及其他人既狀態，相信馬仔今場應會正選上陣搏殺！
預測曼聯正選陣容（4-3-3）
安拿拿
雲比沙加 華拉尼 馬天尼斯 達洛治
般奴費南迪斯 卡斯美路 艾歷臣
安東臣 馬斯亞 華舒福
請按此登錄後留言。未成為會員? 立即註冊