《上半場齋睇數據你會以為係控制緊場波》
狼隊知你有安拿拿，咁「猜」得就唔逼啦，選擇踢4-1-3-2係高位遮線，祖奧高美斯係高位專責釘防卡斯美路，利文拿則係後面跟波走，去塞位或防守現身拎波既曼治或般奴。一對前鋒就係中間準備施壓俾一對中堅，由得你安拿拿拎波。兩翼則內收入中間，唔俾曼聯一對中堅可以直線打穿俾會移後拎波既中場球員，逼你向邊踢，等施美度同艾迪紐尼去單防加拿祖同安東尼。不得不讚呢兩隻閘，成場波可以話係凍結曼聯翼鋒。當被曼聯打穿到中場，整隊就踢番4-4-2平排中場低位防守，球員非常有紀律，球員狀態亦比曼聯為佳，跑動速率同頻率都明顯較好。進攻則以反擊為主，古亞、柏度尼圖同馬菲斯紐尼斯單靠個人能力已經攪到曼聯防線亂晒龍。整隊亦唔駛好多改變陣式既套路，只係俾波走位，打個撞牆又過你兩個，進攻簡單而極有威脅。
上半場齋睇數據，曼聯有61%控球，射門8次中龍1次（5次被擋），你會以為曼聯係控制緊整場賽事，但現實同數據係不同。曼聯嘗試從後場build-up，但無論佢改變陣型至3-1-6又或者係3-2-5，中場卡斯美路被緊纏下，梳爾還是雲比沙加既內收都係幫唔到中場用波。係後場根本冇辦法可以運到個波向前。中路曼治同般奴亦明顯係跟指示踢，甚少墮後駁腳，只依靠卡斯美路一個，根本難以組織到進攻。兩翼亦被對方兩閘守死，曼聯不停向狼隊右路進攻，但加拿祖多次單挑施美度無功而還，佢亦缺乏小組推進既意識；右路安東尼相對少波到，機會不多但都仲有一兩腳擺脫到艾迪紐尼。當個波可以成功運到去中場，中場亦缺乏傳送點去傳俾曼治同般奴，等佢地可以係對方線與線之間拎波。再講多次，卡斯美路係冇可能一個做晒防守、串連同俾波向前，唔解決呢個問題，隊波都幾難組織到進攻。曼聯上半場只能憑對方自己係後場大意失誤，又或者憑高位逼搶成功，踢轉守為攻先製造到埋門鏡頭。
《曼聯偶然性既右路傳中領先；狼隊咁都冇12碼就可惜》
半場坦克先用連迪路夫換走馬天尼斯，都見到坦克幾驚對面既反擊會令到馬天尼斯拎多面黃牌就拜拜離場（古亞單騎推進真係勁）。踢法上冇大改變，前場亦未有換人，但狼隊反而愈踢愈有，多次反擊同埋門都極具威脅。狼隊63分鐘換入黃喜燦加強攻力。坦克到68分鐘先用艾歷臣同辛祖入替冇貢獻既曼治同加拿祖。呢個調動略嫌太慢，加拿祖半場就可以換。曼治最多踢多15分鐘都要換。76分鐘，一次右路組織，般奴稍稍逗後係對方左路三閘線接應安東尼橫傳後，吱傳直線高波俾走入禁區既雲比沙加。華拉尼係小禁區再接應雲比既逗傳頂入，為曼聯先開紀錄。狼隊及後換入法比奧施華、布奴同卡拉迪錫加強攻力，尾段全隊壓上，不停兩翼傳中高空轟炸曼聯防線。補時末段，柏度尼圖右路左腳出波，安拿拿出迎打唔到波，打左落人地個頭到，VAR房有介入，但球證竟然連電視機都唔睇，就走去俾張黃牌加利奧尼爾，再否決左VAR房既介入。最後，曼聯禁爆平安鐘下一球險勝狼隊。
《總結》
賽前狼隊陣中主力四散再加領隊走人，諗住呢場作客奧脫福輸少當贏。點知今場成隊反而踢得比曼聯好多多聲，只係最終不敵球證判決，未能獲得12碼下，一球敗走奧脫福，一分都拎唔到係極唔抵。
曼聯呢場既表現可以話係乏善足陳，三個字概括-「垃x圾」。全場都冇咩好表現，憑一個偶然性既右路傳中，搵到華拉尼門前頂入。臨完場再憑「過數成功」，避過十二碼判罰，血肉長城先頂得住唔失波。最後階段都唔知係安拿拿勁定係幸運之神降臨，狼隊所有射門都係射正佢個人或係佢個人附近，佢唔駛點飛都救到，但最後佢個出迎手鎚就認真驚嚇，係果個位置有冇需要出迎有極大討論空間。第一場都要咁辛苦先拎到三分，下場作客白鹿徑球場，隊波需要有極大改善先有得贏。唔知完場後駛唔駛又罰跑步呢！
狼隊知你有安拿拿，咁「猜」得就唔逼啦，選擇踢4-1-3-2係高位遮線，祖奧高美斯係高位專責釘防卡斯美路，利文拿則係後面跟波走，去塞位或防守現身拎波既曼治或般奴。一對前鋒就係中間準備施壓俾一對中堅，由得你安拿拿拎波。兩翼則內收入中間，唔俾曼聯一對中堅可以直線打穿俾會移後拎波既中場球員，逼你向邊踢，等施美度同艾迪紐尼去單防加拿祖同安東尼。不得不讚呢兩隻閘，成場波可以話係凍結曼聯翼鋒。當被曼聯打穿到中場，整隊就踢番4-4-2平排中場低位防守，球員非常有紀律，球員狀態亦比曼聯為佳，跑動速率同頻率都明顯較好。進攻則以反擊為主，古亞、柏度尼圖同馬菲斯紐尼斯單靠個人能力已經攪到曼聯防線亂晒龍。整隊亦唔駛好多改變陣式既套路，只係俾波走位，打個撞牆又過你兩個，進攻簡單而極有威脅。
上半場齋睇數據，曼聯有61%控球，射門8次中龍1次（5次被擋），你會以為曼聯係控制緊整場賽事，但現實同數據係不同。曼聯嘗試從後場build-up，但無論佢改變陣型至3-1-6又或者係3-2-5，中場卡斯美路被緊纏下，梳爾還是雲比沙加既內收都係幫唔到中場用波。係後場根本冇辦法可以運到個波向前。中路曼治同般奴亦明顯係跟指示踢，甚少墮後駁腳，只依靠卡斯美路一個，根本難以組織到進攻。兩翼亦被對方兩閘守死，曼聯不停向狼隊右路進攻，但加拿祖多次單挑施美度無功而還，佢亦缺乏小組推進既意識；右路安東尼相對少波到，機會不多但都仲有一兩腳擺脫到艾迪紐尼。當個波可以成功運到去中場，中場亦缺乏傳送點去傳俾曼治同般奴，等佢地可以係對方線與線之間拎波。再講多次，卡斯美路係冇可能一個做晒防守、串連同俾波向前，唔解決呢個問題，隊波都幾難組織到進攻。曼聯上半場只能憑對方自己係後場大意失誤，又或者憑高位逼搶成功，踢轉守為攻先製造到埋門鏡頭。
《曼聯偶然性既右路傳中領先；狼隊咁都冇12碼就可惜》
半場坦克先用連迪路夫換走馬天尼斯，都見到坦克幾驚對面既反擊會令到馬天尼斯拎多面黃牌就拜拜離場（古亞單騎推進真係勁）。踢法上冇大改變，前場亦未有換人，但狼隊反而愈踢愈有，多次反擊同埋門都極具威脅。狼隊63分鐘換入黃喜燦加強攻力。坦克到68分鐘先用艾歷臣同辛祖入替冇貢獻既曼治同加拿祖。呢個調動略嫌太慢，加拿祖半場就可以換。曼治最多踢多15分鐘都要換。76分鐘，一次右路組織，般奴稍稍逗後係對方左路三閘線接應安東尼橫傳後，吱傳直線高波俾走入禁區既雲比沙加。華拉尼係小禁區再接應雲比既逗傳頂入，為曼聯先開紀錄。狼隊及後換入法比奧施華、布奴同卡拉迪錫加強攻力，尾段全隊壓上，不停兩翼傳中高空轟炸曼聯防線。補時末段，柏度尼圖右路左腳出波，安拿拿出迎打唔到波，打左落人地個頭到，VAR房有介入，但球證竟然連電視機都唔睇，就走去俾張黃牌加利奧尼爾，再否決左VAR房既介入。最後，曼聯禁爆平安鐘下一球險勝狼隊。
《總結》
賽前狼隊陣中主力四散再加領隊走人，諗住呢場作客奧脫福輸少當贏。點知今場成隊反而踢得比曼聯好多多聲，只係最終不敵球證判決，未能獲得12碼下，一球敗走奧脫福，一分都拎唔到係極唔抵。
曼聯呢場既表現可以話係乏善足陳，三個字概括-「垃x圾」。全場都冇咩好表現，憑一個偶然性既右路傳中，搵到華拉尼門前頂入。臨完場再憑「過數成功」，避過十二碼判罰，血肉長城先頂得住唔失波。最後階段都唔知係安拿拿勁定係幸運之神降臨，狼隊所有射門都係射正佢個人或係佢個人附近，佢唔駛點飛都救到，但最後佢個出迎手鎚就認真驚嚇，係果個位置有冇需要出迎有極大討論空間。第一場都要咁辛苦先拎到三分，下場作客白鹿徑球場，隊波需要有極大改善先有得贏。唔知完場後駛唔駛又罰跑步呢！
請按此登錄後留言。未成為會員? 立即註冊