讓四大戰首先上映-熱刺對曼聯，曼聯上半場領先兩球，熱刺下半場追番兩球，最後2:2打成平手，最開心睇黎會係紐卡素。
《從簡單數據睇比賽》
睇下場波既數據，上半場曼聯控球比率係六四之比，射門數字曼聯係11射6中入2球，而熱刺只係得6射3中；而由下半場開始去到曼聯被追平果一刻計，控球比率係五五之比，曼聯射門數字係3射2中，相反熱刺係12射4中入2球。睇完數據，再加睇埋場波，可以睇得到曼聯上半場係主導球賽既一方。可以主導球賽既原因有賴熱刺領隊美臣既戰術。美臣想唔輸為大前題，除左擺出5-4-1迎戰，戰術上放棄前場高位逼搶，改踢中低位防守，中前場遮線為主。基於熱刺防守模式，曼聯後場buildup非常輕鬆。美臣要咁踢冇問題，但前中後三線既距離太遠，令到曼聯球員可以輕鬆係線與線之間拎波轉身。失第一球就係福仔中間冇人mark，轉埋身再分俾左路辛祖。佢碎步推入去所受既壓力都唔大，先可以射腳靚波收死科士打。下半場點解曼聯會失勢？原因又係美臣既戰術。輸緊兩球下，美臣放手一搏改踢前場逼搶，壓前三線務求令曼聯難以組織。另外既原因係曼聯球員征戰太密，體能上明顯跌watt。特別係艾歷臣，下半場被換出前近乎隱形，未能協助曼聯控制節奏。如有追看曼聯比賽，不難發現當曼聯係控球率低既情況下，失波既次數會相應增加。咁講好似呀媽係女人，但只要再諗深一習，以前既干地或摩連奴，甚至有試過放棄控球既曼城，佢地係控球低率既情況下都仍然能贏波或保持不失波。關鍵在於陣地戰防守既緊密，防守既戰術企位部署，防守死球既模式等，所以就算冇控球，都唔會覺得佢地會失波。相反，曼聯近幾場和波或輸波既賽事，都係控球率比對方低或接近，或有一段時間係長期比對方低係果段時間失波。當然，大部分正選受傷，加上比賽太密而疲憊係可以明白，但亦突顯出後備力量質素不足，同埋領隊及教練團都需要改進點樣令球隊係劣勢下重新搶番主導權，或當有控球權時點樣拖慢節奏，令自己有多少少時間回氣。
《坦克話換人慢左但都冇得怪佢》
坦克賽後承認如果早少少換人，可能熱刺就唔會出現第一個入球。馬後炮黎講係一定岩，但睇番失波既時間係下半場開賽既9分鐘。領隊換人好多時都選擇一係半場即換，一係就係15-35分鐘內去作出調動。甚少會係下半場第9分鐘內就換人，就算形勢點差都好，後備球員熱身都要時間，所以佢係61分鐘換入費特同馬斯亞係正路，怪只怪球隊頂唔住熱刺既強攻。反而，費特出黎既表現係何奇災難，雖然第二個失波唔關佢事，但佢呢半場既表現係完全做唔到坦克要求既野。傳球成功率僅得71%，防守攔截定interception都係冇任何建樹，睇黎真係雪到硬左。輸第二球唔未必算好大犯錯，或者可以怪達洛治點解前場未secure到控球權，就一早企左去一個較高既位置，最後回追唔切孫興慜，被佢係尾柱空晒咁射。
《總結》
坦克睇黎需要係低位防守加強訓練或調整戰術，仲要諗下冇力果陣要點樣去保持控球權，從而消磨對手既意志同體力。當然，如果般奴果腳唔係射中楣而係入左，就肯定唔會出現2:2既比數，但早發現見到問題要解決亦係好事。重建往往都需要輸下波，先睇到問題所在再去進步。下場對近況超強既維拉，好彩主場出戰，否則都難逃一敗！
《從簡單數據睇比賽》
睇下場波既數據，上半場曼聯控球比率係六四之比，射門數字曼聯係11射6中入2球，而熱刺只係得6射3中；而由下半場開始去到曼聯被追平果一刻計，控球比率係五五之比，曼聯射門數字係3射2中，相反熱刺係12射4中入2球。睇完數據，再加睇埋場波，可以睇得到曼聯上半場係主導球賽既一方。可以主導球賽既原因有賴熱刺領隊美臣既戰術。美臣想唔輸為大前題，除左擺出5-4-1迎戰，戰術上放棄前場高位逼搶，改踢中低位防守，中前場遮線為主。基於熱刺防守模式，曼聯後場buildup非常輕鬆。美臣要咁踢冇問題，但前中後三線既距離太遠，令到曼聯球員可以輕鬆係線與線之間拎波轉身。失第一球就係福仔中間冇人mark，轉埋身再分俾左路辛祖。佢碎步推入去所受既壓力都唔大，先可以射腳靚波收死科士打。下半場點解曼聯會失勢？原因又係美臣既戰術。輸緊兩球下，美臣放手一搏改踢前場逼搶，壓前三線務求令曼聯難以組織。另外既原因係曼聯球員征戰太密，體能上明顯跌watt。特別係艾歷臣，下半場被換出前近乎隱形，未能協助曼聯控制節奏。如有追看曼聯比賽，不難發現當曼聯係控球率低既情況下，失波既次數會相應增加。咁講好似呀媽係女人，但只要再諗深一習，以前既干地或摩連奴，甚至有試過放棄控球既曼城，佢地係控球低率既情況下都仍然能贏波或保持不失波。關鍵在於陣地戰防守既緊密，防守既戰術企位部署，防守死球既模式等，所以就算冇控球，都唔會覺得佢地會失波。相反，曼聯近幾場和波或輸波既賽事，都係控球率比對方低或接近，或有一段時間係長期比對方低係果段時間失波。當然，大部分正選受傷，加上比賽太密而疲憊係可以明白，但亦突顯出後備力量質素不足，同埋領隊及教練團都需要改進點樣令球隊係劣勢下重新搶番主導權，或當有控球權時點樣拖慢節奏，令自己有多少少時間回氣。
《坦克話換人慢左但都冇得怪佢》
坦克賽後承認如果早少少換人，可能熱刺就唔會出現第一個入球。馬後炮黎講係一定岩，但睇番失波既時間係下半場開賽既9分鐘。領隊換人好多時都選擇一係半場即換，一係就係15-35分鐘內去作出調動。甚少會係下半場第9分鐘內就換人，就算形勢點差都好，後備球員熱身都要時間，所以佢係61分鐘換入費特同馬斯亞係正路，怪只怪球隊頂唔住熱刺既強攻。反而，費特出黎既表現係何奇災難，雖然第二個失波唔關佢事，但佢呢半場既表現係完全做唔到坦克要求既野。傳球成功率僅得71%，防守攔截定interception都係冇任何建樹，睇黎真係雪到硬左。輸第二球唔未必算好大犯錯，或者可以怪達洛治點解前場未secure到控球權，就一早企左去一個較高既位置，最後回追唔切孫興慜，被佢係尾柱空晒咁射。
《總結》
坦克睇黎需要係低位防守加強訓練或調整戰術，仲要諗下冇力果陣要點樣去保持控球權，從而消磨對手既意志同體力。當然，如果般奴果腳唔係射中楣而係入左，就肯定唔會出現2:2既比數，但早發現見到問題要解決亦係好事。重建往往都需要輸下波，先睇到問題所在再去進步。下場對近況超強既維拉，好彩主場出戰，否則都難逃一敗！
請按此登錄後留言。未成為會員? 立即註冊