《迪沙比蔗渣價錢踢出燒鵝足球；坦克仲想踢高位逼搶》
迪沙比繼續大打進取足球，除左精英盡出外，更抽起右閘既費文，係前場加多個安斯素，將戈斯移任右閘加強右路組織力，誓要針對華舒福少回防既弱點，加上艾歷臣同達洛治防守力相對較弱去進攻。前場繼續踢高位逼搶，針對曼聯既4-3-3企位，白禮頓改踢4-1-3-2，前場用5個人位對位釘人式防守逼迪基亞大腳向前踢，從而搶球賽主導權。當白禮頓拎到波踢陣地戰時，亦唔會太心急向前踢，嘗試引曼聯中前場球員埋去逼。兩個中場中連同兩名中堅overload曼聯中路，二閘拉邊壓上提供闊度，兩翼不時內切清空邊路，中鋒同攻擊中場輪流係中路回後現身，接應中堅具穿透力傳送再分邊進攻兩側。整套進攻非常流暢亦大膽，多次係中路用地波打穿曼聯中場線防守，再靠兩側進攻極具侵略性。上半場有63%控球，4射1中，場面上可謂控制住戰局，蔗渣價錢既球隊壓住「班霸」黎踢。
坦克收起上場派膠既麥佳亞，改用梳爾拍連迪路夫鎮守中路，相信係知道白禮頓多用地面進攻，冰人防守地波會比麥隊長為佳。左右二閘則用逆足達洛治同雲比沙加。後場都算有針對部署，盡量起用防守力較佳既球員先。除左馬斯亞竟然踢到正選外，其他中前場球員則係「緊局」。戰術就嚇親我，兵疲將寡既情況下，一開始竟然仲嘗試係前場踢高位逼搶。艾歷臣同般奴追住對方一對中場，留卡斯美路係中間包。馬斯亞先遮線壓迫一對中堅，兩翼再企對方同中堅閘位間遮線。可惜，頭30分鐘係完全失敗，被白禮頓中後場打一兩下就輕鬆可以分到俾空晒既兩閘球員向前推進。安東尼回追防守積極，大大減少左艾斯度邊恩既推進；但華舒福呢邊就冇咁勤力，多次令到戈斯同馬治可以二對一進攻達洛治，要靠艾歷臣勤力回防番黎追番戈斯，先可以解除到進攻威脅。除左要讚達洛治放棄條邊任你推都要遮住馬治既接應路線，亦要多謝白禮頓係禁區缺少左柱躉中鋒（費格遜）。就算戈斯係邊線空晒，但都甚少嘗試傳中俾韋碧克同安斯素去撞，變相點都要等麥亞里士打上黎支援用地波滲入，相對令曼聯中場多左時間趕番黎協防中路。踢到約三十分鐘，唔知係咪坦克見到唔對路還是球員自動波，果斷放棄向前壓迫（除左白禮頓開龍門球外），先企係中場遮線，避免兩側有太多空間俾白禮頓去攻，再透過中路防守夠硬淨，多次捕到對方傳球路線，再立刻打轉守為攻。上半場中後段，曼聯憑反擊製造左幾次具威脅埋門，只係過唔到山齊士既十指關。上半場中後段戰況雖然都係白禮頓控球多主攻，但入肉既攻勢比上半場早段少好多，改踢反擊既曼聯更到肉。另外一樣要注意係，般奴有時太過主動向前逼，就令到中場唔夠人去遮線，令白禮頓搵到直線位打穿中場，其實係十分危險！
《迪沙比想變都難；坦克用盡5個換人名額》
下半場既戰況同上半場有少少改變。自從上半場尾段曼聯縮後改踢反擊，加上下半場般奴冇再盲目地向前施壓，曼聯開始主導形勢。坦克62分鐘用費特換走艾歷臣搶中場，加強中場活力。或者係白禮頓需要回氣 ，曼聯控球時間多番，形勢上冇咁下風。迪沙比見勢色唔對，用費文換入安斯素，先加強番右路防守，推前麥亞里士打進攻；再係75分鐘用安達夫換走韋碧克，加強前場活力。缺少左拉蘭拿、莫達、林迪同費格遜，基本上除左呢兩個調動外，迪沙比已經冇咩可以做到，始終中型班既板凳深度係難以同大球會比較。領隊做盡啦，只能睇球員臨場發揮。相反，坦克係85分鐘先換入辛祖，我就略嫌遲左。馬斯亞早早已經冇貨賣，何不早少少換人去進攻速度偏慢既費文呢？完場前最後都係冇波入，就唯有加時繼續。加時上半場，坦克即刻再換入薩碧沙加強中場活力。11分鐘後，坦克再換入韋賀斯同馬拿斯亞，同時推番達洛治打右閘，嘗試加強兩閘出擊力搏鎚。我覺得呢個時間換人又係奇，距離加時上半場完都係差4分鐘，何不等休息飲淡水果陣先換呢？順便仲可以同其他球員交代聲「要攻啦兄弟」。坦克最後係用晒5個換人名額，亦見到大球會可用之兵真係點都多少少，都未計曼聯仲有一堆傷兵出唔到！不過，㩒完制都係冇波入，要靠12碼分勝負。最後白禮頓既馬治射失；連迪路夫射入，曼聯成功晉身決賽。
《總結》
先講白禮頓，除左迪沙比教得唔錯外，相信要多謝前任主帥樸達既收購同領軍方針。攻得守得睇得，如果今年真係衝到歐洲賽，班主又肯科下水買人，呢呢隊白禮頓會愈黎愈勁！當然，隊中主力希望唔好俾人買走啦（馬治、麥亞里士打、戈斯、山齊士同沙斯度都會幾搶手）。而曼聯黎講，距離足總盃冠軍只係差一場，對手仲係同市宿敵曼城。兵疲將寡，加上本身整體實力未及對手，要係決賽擊敗曼城確實有一定難度。除左自己到時要有超水準演出，加上坦克必需要放棄高位逼搶（今場好彩放棄得及時），再睇下哥帥會唔會又自爆，先有機會可以贏波捧盃番曼市。一場過既決賽，咩都有可能發生，唔好放棄踢好自己就okay！曼聯，繼續加油！
======================================
有興趣睇分析片既朋友都可以follow 以下 Instagramhttps://www.instagram.com/hea.talk.manu/
迪沙比繼續大打進取足球，除左精英盡出外，更抽起右閘既費文，係前場加多個安斯素，將戈斯移任右閘加強右路組織力，誓要針對華舒福少回防既弱點，加上艾歷臣同達洛治防守力相對較弱去進攻。前場繼續踢高位逼搶，針對曼聯既4-3-3企位，白禮頓改踢4-1-3-2，前場用5個人位對位釘人式防守逼迪基亞大腳向前踢，從而搶球賽主導權。當白禮頓拎到波踢陣地戰時，亦唔會太心急向前踢，嘗試引曼聯中前場球員埋去逼。兩個中場中連同兩名中堅overload曼聯中路，二閘拉邊壓上提供闊度，兩翼不時內切清空邊路，中鋒同攻擊中場輪流係中路回後現身，接應中堅具穿透力傳送再分邊進攻兩側。整套進攻非常流暢亦大膽，多次係中路用地波打穿曼聯中場線防守，再靠兩側進攻極具侵略性。上半場有63%控球，4射1中，場面上可謂控制住戰局，蔗渣價錢既球隊壓住「班霸」黎踢。
坦克收起上場派膠既麥佳亞，改用梳爾拍連迪路夫鎮守中路，相信係知道白禮頓多用地面進攻，冰人防守地波會比麥隊長為佳。左右二閘則用逆足達洛治同雲比沙加。後場都算有針對部署，盡量起用防守力較佳既球員先。除左馬斯亞竟然踢到正選外，其他中前場球員則係「緊局」。戰術就嚇親我，兵疲將寡既情況下，一開始竟然仲嘗試係前場踢高位逼搶。艾歷臣同般奴追住對方一對中場，留卡斯美路係中間包。馬斯亞先遮線壓迫一對中堅，兩翼再企對方同中堅閘位間遮線。可惜，頭30分鐘係完全失敗，被白禮頓中後場打一兩下就輕鬆可以分到俾空晒既兩閘球員向前推進。安東尼回追防守積極，大大減少左艾斯度邊恩既推進；但華舒福呢邊就冇咁勤力，多次令到戈斯同馬治可以二對一進攻達洛治，要靠艾歷臣勤力回防番黎追番戈斯，先可以解除到進攻威脅。除左要讚達洛治放棄條邊任你推都要遮住馬治既接應路線，亦要多謝白禮頓係禁區缺少左柱躉中鋒（費格遜）。就算戈斯係邊線空晒，但都甚少嘗試傳中俾韋碧克同安斯素去撞，變相點都要等麥亞里士打上黎支援用地波滲入，相對令曼聯中場多左時間趕番黎協防中路。踢到約三十分鐘，唔知係咪坦克見到唔對路還是球員自動波，果斷放棄向前壓迫（除左白禮頓開龍門球外），先企係中場遮線，避免兩側有太多空間俾白禮頓去攻，再透過中路防守夠硬淨，多次捕到對方傳球路線，再立刻打轉守為攻。上半場中後段，曼聯憑反擊製造左幾次具威脅埋門，只係過唔到山齊士既十指關。上半場中後段戰況雖然都係白禮頓控球多主攻，但入肉既攻勢比上半場早段少好多，改踢反擊既曼聯更到肉。另外一樣要注意係，般奴有時太過主動向前逼，就令到中場唔夠人去遮線，令白禮頓搵到直線位打穿中場，其實係十分危險！
《迪沙比想變都難；坦克用盡5個換人名額》
下半場既戰況同上半場有少少改變。自從上半場尾段曼聯縮後改踢反擊，加上下半場般奴冇再盲目地向前施壓，曼聯開始主導形勢。坦克62分鐘用費特換走艾歷臣搶中場，加強中場活力。或者係白禮頓需要回氣 ，曼聯控球時間多番，形勢上冇咁下風。迪沙比見勢色唔對，用費文換入安斯素，先加強番右路防守，推前麥亞里士打進攻；再係75分鐘用安達夫換走韋碧克，加強前場活力。缺少左拉蘭拿、莫達、林迪同費格遜，基本上除左呢兩個調動外，迪沙比已經冇咩可以做到，始終中型班既板凳深度係難以同大球會比較。領隊做盡啦，只能睇球員臨場發揮。相反，坦克係85分鐘先換入辛祖，我就略嫌遲左。馬斯亞早早已經冇貨賣，何不早少少換人去進攻速度偏慢既費文呢？完場前最後都係冇波入，就唯有加時繼續。加時上半場，坦克即刻再換入薩碧沙加強中場活力。11分鐘後，坦克再換入韋賀斯同馬拿斯亞，同時推番達洛治打右閘，嘗試加強兩閘出擊力搏鎚。我覺得呢個時間換人又係奇，距離加時上半場完都係差4分鐘，何不等休息飲淡水果陣先換呢？順便仲可以同其他球員交代聲「要攻啦兄弟」。坦克最後係用晒5個換人名額，亦見到大球會可用之兵真係點都多少少，都未計曼聯仲有一堆傷兵出唔到！不過，㩒完制都係冇波入，要靠12碼分勝負。最後白禮頓既馬治射失；連迪路夫射入，曼聯成功晉身決賽。
《總結》
先講白禮頓，除左迪沙比教得唔錯外，相信要多謝前任主帥樸達既收購同領軍方針。攻得守得睇得，如果今年真係衝到歐洲賽，班主又肯科下水買人，呢呢隊白禮頓會愈黎愈勁！當然，隊中主力希望唔好俾人買走啦（馬治、麥亞里士打、戈斯、山齊士同沙斯度都會幾搶手）。而曼聯黎講，距離足總盃冠軍只係差一場，對手仲係同市宿敵曼城。兵疲將寡，加上本身整體實力未及對手，要係決賽擊敗曼城確實有一定難度。除左自己到時要有超水準演出，加上坦克必需要放棄高位逼搶（今場好彩放棄得及時），再睇下哥帥會唔會又自爆，先有機會可以贏波捧盃番曼市。一場過既決賽，咩都有可能發生，唔好放棄踢好自己就okay！曼聯，繼續加油！
======================================
有興趣睇分析片既朋友都可以follow 以下 Instagramhttps://www.instagram.com/hea.talk.manu/
請按此登錄後留言。未成為會員? 立即註冊