歐霸盃8強首回合賽事，曼聯主場只能以二比二打和西維爾，下周作客西班牙，睇黎兇多吉少。呢場賽事對曼迷黎講絕對係坐過山車，究竟有幾刺激呢？
《坦克排陣戰術都完全正確》
華舒福、麥湯文尼同梳爾都加入左傷兵名單，人腳只可以變動既就只有右閘、中場中同正前鋒。坦克選擇起用雲比沙加，取代左近況極度一般既達洛治。呢個選人係非常正確，而雲比今場亦交到表現，多次係尾柱解圍。整場波計2個攔截、1次interception、4次解圍，係防守方面完全冇問題；進攻除左有一次key pass，亦多次後上支援安東尼，抵讚！中場中則係費特同薩碧沙之爭。如每場波都有睇既話，都知道近期薩碧沙出任攻擊中場既效果係非常明顯。今場終於迎來大爆發，上半場兩個入波證明左佢後上入禁區既埋門能力，兩腳都仲要係用左腳射入非常難得。希望下季可以買斷佢，令中場可以有更多變化。坦克選擇用馬斯亞出任前鋒。馬斯亞今場除左貢獻一個助攻外，亦有兩次key pass，多次係中圈做支點策動反擊，又或者陣地戰現身串連中前場，明顯見到佢既作用。防守亦不遺餘力去逼搶。冇受傷既馬仔係有一定既能力，希望呢幾場唔好傷，幫助球隊爭取入球。上半場戰況可以話係一面倒。雖然如只睇控球比率，曼聯只得大約57%，未去到完全輾壓圍住半場黎踢，但射門係射7中5入2球，相反西維爾只係得7射1中，曼聯既埋門入肉程度比西維爾高太多。係比賽過程中，西維爾都疊埋心水強打曼聯左路，但曼聯頂得住；西維爾既整體實力同以往比確實有一段距離，上半場曼聯係收住油踢都贏兩球。
《坦克既換人調動非常合理》
華拉尼受傷下，坦克半場換入麥佳亞。因賽程太頻密，坦克明顯要求球員減少逼搶，改踢穩守突擊，對面不停打側邊打傳中，用左麥隊長係應付高波方面更有著數。西維爾亦換入捷西斯拿華斯，繼續加強右路進攻。戰況其實冇太大變化，西維爾係下半場呢15分鐘都只係得一腳中框射門，攻勢又唔係特別銳利；相反曼聯仲有3次埋門，坦克見到咁既形勢，就開始換入後備球員輪換主力。62分鐘換入韋賀斯、伊蘭加同艾歷臣。前場都仲保留安東尼同薩碧沙，中後場都有卡斯美路同艾歷臣具經驗既球員在陣去確保勝局。西維爾就66分鐘先換入前鋒安拿斯尼加強攻力，再係73分鐘換入蘇素加強組織力。雖然西維爾多左控球，但傳中質素比較一般，淨計由開始換人後到80分鐘都係得一腳唔中框射門。坦克係81分鐘換入柏利斯迪，等安東尼抖抖。10分鐘俾年輕人踢下，加上咁既戰況唔換人肯定俾球迷鬧，換人合理。點知84分鐘對方左路傳中到尾柱，馬拿斯亞明顯冇留意到盲眼位有敵人跟進，唔知係想漏出到底線還是唔集中解唔到圍下，俾捷西斯拿華斯尾柱快腳傳中，個波省到馬拿斯亞再彈中迪基亞入網。呢下輸大意亦都有少少輸運。點知黑氣接住黎，85分鐘，馬天尼斯推推下波自己受傷，仲要行都行唔到，需要擔架抬離場，令曼聯只得10人應戰。西維爾當時岩岩追番球，突然仲要打多個，成隊就梗係食住上，瘋狂施壓。黑起上黎真係行路打倒褪。補時階段，西維爾都係右路傳中，安拿施尼跳頂頂贏卡斯美路，個波攻門角度唔中龍，但就撞中麥隊長個頭折射去迪基亞既右邊，無啦啦咁就輸多個烏龍波，被人追成2比2。最後，曼聯今場真係「黑」走左個勝局，和波收場，次回合要由頭黎過。
《總結》
西維爾整體實力同曼聯比係有一段距離，能夠落後兩球下追和。整場都不停集中右路進攻馬拿斯亞，終於都有斬獲。除左有鬥志外，亦要多謝運氣既幫忙。好老實，曼聯傷兩個正選中堅，加埋左閘防守有明顯漏洞下，次回合主場既西維爾仲可以睇高一線。西維爾踢西維爾盃真係唔係流既！梁榮忠既邊個夠我慘？答案唔係李斯而係曼聯！曼聯一晚傷多兩個主力中堅，加上兩個烏龍波，再加上下場般奴費南迪斯停賽，再加上由贏變和，絕對慘過梁榮忠。唔好諗次回合點算好，先諗左周末「作客」對森林再講。坦克呢場我覺得已做盡，絕對唔需要責怪佢。「黑」起上黎就係咁，但整隊踢得okay既。下場對森林，睇黎會見番麥隊拍連迪路夫既畫面，希望唔駛禁太多平安鐘！
======================================有興趣睇分析片既朋友都可以follow 以下 Instagram
https://www.instagram.com/hea.talk.manu/
《坦克排陣戰術都完全正確》
華舒福、麥湯文尼同梳爾都加入左傷兵名單，人腳只可以變動既就只有右閘、中場中同正前鋒。坦克選擇起用雲比沙加，取代左近況極度一般既達洛治。呢個選人係非常正確，而雲比今場亦交到表現，多次係尾柱解圍。整場波計2個攔截、1次interception、4次解圍，係防守方面完全冇問題；進攻除左有一次key pass，亦多次後上支援安東尼，抵讚！中場中則係費特同薩碧沙之爭。如每場波都有睇既話，都知道近期薩碧沙出任攻擊中場既效果係非常明顯。今場終於迎來大爆發，上半場兩個入波證明左佢後上入禁區既埋門能力，兩腳都仲要係用左腳射入非常難得。希望下季可以買斷佢，令中場可以有更多變化。坦克選擇用馬斯亞出任前鋒。馬斯亞今場除左貢獻一個助攻外，亦有兩次key pass，多次係中圈做支點策動反擊，又或者陣地戰現身串連中前場，明顯見到佢既作用。防守亦不遺餘力去逼搶。冇受傷既馬仔係有一定既能力，希望呢幾場唔好傷，幫助球隊爭取入球。上半場戰況可以話係一面倒。雖然如只睇控球比率，曼聯只得大約57%，未去到完全輾壓圍住半場黎踢，但射門係射7中5入2球，相反西維爾只係得7射1中，曼聯既埋門入肉程度比西維爾高太多。係比賽過程中，西維爾都疊埋心水強打曼聯左路，但曼聯頂得住；西維爾既整體實力同以往比確實有一段距離，上半場曼聯係收住油踢都贏兩球。
《坦克既換人調動非常合理》
華拉尼受傷下，坦克半場換入麥佳亞。因賽程太頻密，坦克明顯要求球員減少逼搶，改踢穩守突擊，對面不停打側邊打傳中，用左麥隊長係應付高波方面更有著數。西維爾亦換入捷西斯拿華斯，繼續加強右路進攻。戰況其實冇太大變化，西維爾係下半場呢15分鐘都只係得一腳中框射門，攻勢又唔係特別銳利；相反曼聯仲有3次埋門，坦克見到咁既形勢，就開始換入後備球員輪換主力。62分鐘換入韋賀斯、伊蘭加同艾歷臣。前場都仲保留安東尼同薩碧沙，中後場都有卡斯美路同艾歷臣具經驗既球員在陣去確保勝局。西維爾就66分鐘先換入前鋒安拿斯尼加強攻力，再係73分鐘換入蘇素加強組織力。雖然西維爾多左控球，但傳中質素比較一般，淨計由開始換人後到80分鐘都係得一腳唔中框射門。坦克係81分鐘換入柏利斯迪，等安東尼抖抖。10分鐘俾年輕人踢下，加上咁既戰況唔換人肯定俾球迷鬧，換人合理。點知84分鐘對方左路傳中到尾柱，馬拿斯亞明顯冇留意到盲眼位有敵人跟進，唔知係想漏出到底線還是唔集中解唔到圍下，俾捷西斯拿華斯尾柱快腳傳中，個波省到馬拿斯亞再彈中迪基亞入網。呢下輸大意亦都有少少輸運。點知黑氣接住黎，85分鐘，馬天尼斯推推下波自己受傷，仲要行都行唔到，需要擔架抬離場，令曼聯只得10人應戰。西維爾當時岩岩追番球，突然仲要打多個，成隊就梗係食住上，瘋狂施壓。黑起上黎真係行路打倒褪。補時階段，西維爾都係右路傳中，安拿施尼跳頂頂贏卡斯美路，個波攻門角度唔中龍，但就撞中麥隊長個頭折射去迪基亞既右邊，無啦啦咁就輸多個烏龍波，被人追成2比2。最後，曼聯今場真係「黑」走左個勝局，和波收場，次回合要由頭黎過。
《總結》
西維爾整體實力同曼聯比係有一段距離，能夠落後兩球下追和。整場都不停集中右路進攻馬拿斯亞，終於都有斬獲。除左有鬥志外，亦要多謝運氣既幫忙。好老實，曼聯傷兩個正選中堅，加埋左閘防守有明顯漏洞下，次回合主場既西維爾仲可以睇高一線。西維爾踢西維爾盃真係唔係流既！梁榮忠既邊個夠我慘？答案唔係李斯而係曼聯！曼聯一晚傷多兩個主力中堅，加上兩個烏龍波，再加上下場般奴費南迪斯停賽，再加上由贏變和，絕對慘過梁榮忠。唔好諗次回合點算好，先諗左周末「作客」對森林再講。坦克呢場我覺得已做盡，絕對唔需要責怪佢。「黑」起上黎就係咁，但整隊踢得okay既。下場對森林，睇黎會見番麥隊拍連迪路夫既畫面，希望唔駛禁太多平安鐘！
======================================有興趣睇分析片既朋友都可以follow 以下 Instagram
https://www.instagram.com/hea.talk.manu/
請按此登錄後留言。未成為會員? 立即註冊