英超頭場曼聯以二比零擊敗愛華頓，拎到寶貴既三分。因同日紐卡素同熱刺都齊齊贏波，所以第三位至第五位排名保持不變，而般尼茅夫同韋斯咸都贏波，愛華頓暫時跌左落去第十七位。曼聯呢場贏得算輕鬆，但華舒福尾段受傷，未知情況是否嚴重，對曼聯有相當大既影響。先睇下呢場何解贏得咁輕鬆！
《戴治選擇擺大個頭會係其中一個因素》
愛華頓近三仗不敗，感覺好似師兄弟歸位。因上場杜哥尼拎左張紅牌，所以今場未能上陣。戴治權衡輕重下，選擇改派格雷出任輔鋒位置去支援年輕前鋒森斯。雖然多左森斯係前面衝鋒陷陣，格雷踢落一格可以加以利用佢進攻才華，幫手串連中前場，提升球隊進攻組織力，但格雷同杜哥尼最大分別就肯定係防守能力同跑動範圍，變左中場既防守同硬淨程度削弱左好多。戴治冇選擇起用湯戴維斯或加拿先鞏固中場防守，反而擺大個頭想係前場施壓，希望趁曼聯兵疲去偷雞係輸波既其中一個因素。此外，曼聯多番利用長傳去攻擊防線身後空間，令到碧福特疲於奔命既主因，並不是防線壓得太前，而係中前場係前場施壓唔夠快，壓迫唔夠高效，令曼聯中後場球員可以輕鬆地冇壓力下放波。呢個或者就係冇左杜哥尼或冇起用多一名工兵型既中場球員所衍生出既問題。
《般奴「史高斯」式中場派牌係贏波關鍵》
卡斯美路對修咸頓賽事中領紅要停賽四場，加上艾歷臣仍在養傷，坦克係近三場賽事先開始摸索中場應如何擺陣。對戰紐卡素，上半場整左個薩碧沙拍般奴打防中，麥湯文尼踢攻中，結果被紐卡素屌打，毫無還擊之力下輸兩球；上場對賓福特，頭廿分鐘排麥湯文尼踢單防中，推前薩碧沙同般奴踢兩個八號位中場，效果較為一般。廿分鐘後，般奴一次偶然性墮後較炮，長傳俾右路製造到一次好暢順既攻勢。跟住整場賽事般奴就經常墮後到中圈組織，將麥湯文尼推前去進攻，最後場波少勝一比零；今場坦克明顯係直接指令般奴係進攻時逗後較炮，推前麥湯文尼同薩碧沙進攻。
上半場般奴多次「史高斯」式長傳分邊，亦有不少長傳過頭放俾福仔向前哨去製造埋門。般奴今場總共有119次觸球，102腳傳送，傳送成功率係86.3%，14次長傳有8次到位，亦有5腳傳中，全場有6個key pass，後上亦有4次射門2次中框。接近所有進攻組織都由佢發板，亦有參與進攻，度度都見到佢。呢個進攻模式亦解放左麥湯文尼既進攻能力。國際賽期間佢兩場入四球，所以坦克想利用佢既後上能力去增加入球點。亦因呢點，先會有麥湯文尼踢攻中既嘗試，其實唔駛試都知唔work，最後當然係失敗。今場麥湯2射1中1入球，另加3次key pass，進攻能力大解放，賽後都肯定係MoM。
《薩碧沙值得俾錢拜仁買斷；費特留隊時間或者不多》
呢場波另外一個贏波原因，我會認為係關薩碧沙事。上場對賓福特已經見到佢既作用，今場對愛華頓直頭係更加明顯。當球隊後場build-up，球隊會踢4-2-3-1。佢會經常出現係中場線，背身頂住防守者係中場線附近幫手停波，再回傳俾中後場球員繼續組織。佢唔多上腳，背身護球能力比般奴還好，踢法簡單直接大路，見人就俾人，唔會追求clue住個波交個靚直線。佢紀律性同執行力亦好，好清楚知道自己應該做咩。佢去到禁區附近既射門慾亦強，射門命中率比起費特、麥湯文尼都明顯較高。個人能力攻守兼備，最差就係唔識盤扭，防守方面，埋身對抗同攔截力都較為一般。針冇兩頭利，如果要淨守波，就唔駛出佢；但如果要攻要守，佢絕對會比麥湯同費特為佳。亦因薩碧沙踢到攻擊中場位置，所以坦克先有條件將般奴移後一格。如果佢係前場既停波能力太弱（諗下擺費特去踢攻中），般奴就算逗後一格運到波上前，都冇第二個人可以將個波係對方三閘線再連繫其他進攻球員。當艾歷臣同卡斯美路都可以復出後，般奴可以嘗試同薩碧沙輪換，麥湯就同卡斯美路輪住踢，費特出場時間就肯定會再少。如果可以從拜仁買斷呢個28歲既中場，費特離隊既時間都不遠了。
《總結》
雖然曼聯呢場贏二比零，但從把握力方面絕對需要鬧。上半場21腳射門只得6腳中龍，只係入得1球。21射當中係有至少3次單刀1次空門，都係入唔到波。冇幾可一場波可以有3次單刀架大佬。入第二球仲要係因對方右閘高文失誤，先有馬斯亞單刀入波解決賽事。下場周中對西維爾，希望球員快快恢復體能，主場先贏一場，作客就可以輪換下人腳。曼聯，繼續加油！
《戴治選擇擺大個頭會係其中一個因素》
愛華頓近三仗不敗，感覺好似師兄弟歸位。因上場杜哥尼拎左張紅牌，所以今場未能上陣。戴治權衡輕重下，選擇改派格雷出任輔鋒位置去支援年輕前鋒森斯。雖然多左森斯係前面衝鋒陷陣，格雷踢落一格可以加以利用佢進攻才華，幫手串連中前場，提升球隊進攻組織力，但格雷同杜哥尼最大分別就肯定係防守能力同跑動範圍，變左中場既防守同硬淨程度削弱左好多。戴治冇選擇起用湯戴維斯或加拿先鞏固中場防守，反而擺大個頭想係前場施壓，希望趁曼聯兵疲去偷雞係輸波既其中一個因素。此外，曼聯多番利用長傳去攻擊防線身後空間，令到碧福特疲於奔命既主因，並不是防線壓得太前，而係中前場係前場施壓唔夠快，壓迫唔夠高效，令曼聯中後場球員可以輕鬆地冇壓力下放波。呢個或者就係冇左杜哥尼或冇起用多一名工兵型既中場球員所衍生出既問題。
《般奴「史高斯」式中場派牌係贏波關鍵》
卡斯美路對修咸頓賽事中領紅要停賽四場，加上艾歷臣仍在養傷，坦克係近三場賽事先開始摸索中場應如何擺陣。對戰紐卡素，上半場整左個薩碧沙拍般奴打防中，麥湯文尼踢攻中，結果被紐卡素屌打，毫無還擊之力下輸兩球；上場對賓福特，頭廿分鐘排麥湯文尼踢單防中，推前薩碧沙同般奴踢兩個八號位中場，效果較為一般。廿分鐘後，般奴一次偶然性墮後較炮，長傳俾右路製造到一次好暢順既攻勢。跟住整場賽事般奴就經常墮後到中圈組織，將麥湯文尼推前去進攻，最後場波少勝一比零；今場坦克明顯係直接指令般奴係進攻時逗後較炮，推前麥湯文尼同薩碧沙進攻。
上半場般奴多次「史高斯」式長傳分邊，亦有不少長傳過頭放俾福仔向前哨去製造埋門。般奴今場總共有119次觸球，102腳傳送，傳送成功率係86.3%，14次長傳有8次到位，亦有5腳傳中，全場有6個key pass，後上亦有4次射門2次中框。接近所有進攻組織都由佢發板，亦有參與進攻，度度都見到佢。呢個進攻模式亦解放左麥湯文尼既進攻能力。國際賽期間佢兩場入四球，所以坦克想利用佢既後上能力去增加入球點。亦因呢點，先會有麥湯文尼踢攻中既嘗試，其實唔駛試都知唔work，最後當然係失敗。今場麥湯2射1中1入球，另加3次key pass，進攻能力大解放，賽後都肯定係MoM。
《薩碧沙值得俾錢拜仁買斷；費特留隊時間或者不多》
呢場波另外一個贏波原因，我會認為係關薩碧沙事。上場對賓福特已經見到佢既作用，今場對愛華頓直頭係更加明顯。當球隊後場build-up，球隊會踢4-2-3-1。佢會經常出現係中場線，背身頂住防守者係中場線附近幫手停波，再回傳俾中後場球員繼續組織。佢唔多上腳，背身護球能力比般奴還好，踢法簡單直接大路，見人就俾人，唔會追求clue住個波交個靚直線。佢紀律性同執行力亦好，好清楚知道自己應該做咩。佢去到禁區附近既射門慾亦強，射門命中率比起費特、麥湯文尼都明顯較高。個人能力攻守兼備，最差就係唔識盤扭，防守方面，埋身對抗同攔截力都較為一般。針冇兩頭利，如果要淨守波，就唔駛出佢；但如果要攻要守，佢絕對會比麥湯同費特為佳。亦因薩碧沙踢到攻擊中場位置，所以坦克先有條件將般奴移後一格。如果佢係前場既停波能力太弱（諗下擺費特去踢攻中），般奴就算逗後一格運到波上前，都冇第二個人可以將個波係對方三閘線再連繫其他進攻球員。當艾歷臣同卡斯美路都可以復出後，般奴可以嘗試同薩碧沙輪換，麥湯就同卡斯美路輪住踢，費特出場時間就肯定會再少。如果可以從拜仁買斷呢個28歲既中場，費特離隊既時間都不遠了。
《總結》
雖然曼聯呢場贏二比零，但從把握力方面絕對需要鬧。上半場21腳射門只得6腳中龍，只係入得1球。21射當中係有至少3次單刀1次空門，都係入唔到波。冇幾可一場波可以有3次單刀架大佬。入第二球仲要係因對方右閘高文失誤，先有馬斯亞單刀入波解決賽事。下場周中對西維爾，希望球員快快恢復體能，主場先贏一場，作客就可以輪換下人腳。曼聯，繼續加油！
請按此登錄後留言。未成為會員? 立即註冊