《坦克正選加強攻力但效果一般》
坦克今場作出少量輪換。龍門都係迪基亞。防線用雲比沙加取代左近況一般既達洛治，回應番坦克所講邊個狀態好咪邊個踢既領軍方針。中堅繼續係華拉尼拍馬天尼斯。左閘係梳爾。逗後防中係胖虎卡斯美路。左右翼係華舒福同安東尼支援前鋒韋賀斯。中場變動同踢法相對較大，今場起用左般奴費南迪斯同辛祖踢兩個八號位。般奴靠左而辛祖靠右，踢落般奴則會更多稍稍墮後幫手係後場組織，攻中位置則等辛祖主理。延續上場對貝迪斯既進攻模式，透過般奴墮後分波上前，辛祖取代上場踢同樣位置既費特係中路同右面組織。其實呢個諗法我係艾歷臣受傷既時候已經有提出過（艾歷臣傷左，點算好？https://s.fanpiece.com/5JAvkRw），亦都有提出過攻守兩方面帶黎既影響。今場見到正選陣容就咁樣出，想法係有但實行出黎效果較為一般。主要原因係呢個陣容搶唔贏中場，而當曼聯獲得控球權時，亦因對方壓得較前，從而多放左二三十碼既長傳去打對方身後空間，少左嘗試進入陣地戰，去利用猜傳去慢慢撕破對方防守。面對對方有比拿確查、獲加比達斯同皮賀呢幾個速度都唔慢既防守球員，放長傳去跑再憑一對一能力去突破，難度就比較大。因對方二閘既防守能力都有，今場兩翼發揮比較一般，踢法又比較傾向打身後就易失控球，所以大家仍然係十一打十一果陣，兩隊踢落都係55波。
《紅牌係岩既；但其他決定則睇到人呆晒》
今場波既焦點再次係球證先生。34分鐘前，兩隊場上形勢均等，兩隊都各有射門係可以擺個波入網。兩隊既門將都有具水準演出，所以都仍然係零比零。踢到34分鐘、卡斯美路係禁區對外約25碼位置飛剷，佢鞋底去先，中左波之後再有輕微舉高鞋底印中對方小腿帶pad既位置。球證當時出示黃牌，經var重播片段再由主球證安東尼泰萊翻睇，決定由黃變紅直接驅逐卡斯美路離場。從鏡頭所見，我認為卡斯美路係知自己有少少抽水，所以變紅果一刻佢既情況係失望多過投訴，佢自己都知果下出出地事。如果佢冇向上舉果下，就肯定冇事，所以我係認同球證既判決。但係較後時間則發生幾下令人火滾既決定。第一個係般奴係左路接應長傳係落底，獲加比達斯係側面飛剷，右腳首先踢中左般奴，左腳第二時間先踢到個波，球證同var都全無表示。原來第二時間先踢中個波係冇犯規既，真係令人大開眼界。第二下則係曼聯球員左路傳中，比拿確查禁區內跣腳用手支撐身體，但個波明顯中到佢手臂，令福仔錯失左一個射門機會。球證既角度係一定見到既情況下，都可以示意比賽繼續，VAR亦同樣唔認為呢下係手球。原來只要係唔小心跣親而犯手球就唔會當係手球，難怪蘇捷果球同呢球都冇十二碼。咁球員真係要「小心地滑」，救全家就係要靠跣。第三下則係獲加比達斯去到比賽尾段飛剷加拿祖。有曼迷覺得加拿祖好傷，獲加比達斯咁樣飛落去夾隻腳，係咪中波大晒先？咁呢下又要幫球證講下話，獲加比達斯右腳出果下係好清脆地踢到個波，隻右腳都唔係好明顯有向上舉起，只係餘勢收唔到情況下，左腳夾傷左加拿祖，呢下冇牌冇犯規係合理既。球證係唔能夠從球員受傷既嚴重性去判斷果下攔截應唔應該俾牌或有冇犯規。唔止呢幾下判決值得相確外，整場波球證既表現都係垃圾到不行。
《坦克既調動可以再好D》
先講正選既陣容，坦克係想試搶攻，但就忽略左中場既攔截力度，加上進攻太多長傳令到曼聯失去主導權。雖然都創造左唔少機會而未能把握，但主因係修咸頓踢得比較開放亦肯壓前，後場有犯錯令曼聯有黃金機會。呢個中場組合或進攻模式係賽事中後段要搏鎚贏波先用會較合適，因多數對方係賽事末段會開始死守，曼聯會多左控球時間下，就要擺多個用波能力較好既中前場球員入黎。胖虎紅牌後，坦克都考慮左相當長時間，究竟換韋賀斯還是辛祖，最後選擇韋賀斯亦相當容易理解，但點解換入麥湯文尼後，唔將福仔改踢中鋒就有相確餘地。要辛祖打最前停波絕對唔係佢強項；福仔頭三十分鐘都冇乜成功比到獲加比達斯任何威脅。坦克一早要調福仔打最前，利用佢既速度去恰碧拿歷，嘗試將辛祖擺番左路，試下等辛祖係左面攪攪震。最後坦克係下半場15分鐘後先改咁踢就慢左。73分鐘換入一對翼鋒嘗試加強活力同單對單個人突破力就非常岩。安東尼同辛祖都已經冇乜貨賣，呢個換人絕對正確。尾段既麥佳亞同費特都係想保住一分，應付下對方高波同加強中路防守亦係慣常做法。補充一句，麥湯文尼入替後，表現非常稱職，多次企岩位解圍，亦有多次成功攔截，更有一下中路搶完波靚轉身再俾直線等福仔後上，抵讚！
《總結》
球證殺死左一場比賽。執法尺度不一，加上幾下關鍵判決都值得相確下，令曼聯未能拎到三分鞏固三弟位置。胖虎一停就四場，幸好麥湯文尼復出，總算有人可以係呢個位置頂一頂。加拿祖賽後要用拐杖離場，睇黎情況同艾歷臣接近，或者都要抖番兩三個月，希望佢盡快康復。下場作客貝迪斯，帶住三球優勢下，希望坦克會稍作輪換，等主力可以抖抖迎戰周末對富咸既足總盃賽事！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
坦克今場作出少量輪換。龍門都係迪基亞。防線用雲比沙加取代左近況一般既達洛治，回應番坦克所講邊個狀態好咪邊個踢既領軍方針。中堅繼續係華拉尼拍馬天尼斯。左閘係梳爾。逗後防中係胖虎卡斯美路。左右翼係華舒福同安東尼支援前鋒韋賀斯。中場變動同踢法相對較大，今場起用左般奴費南迪斯同辛祖踢兩個八號位。般奴靠左而辛祖靠右，踢落般奴則會更多稍稍墮後幫手係後場組織，攻中位置則等辛祖主理。延續上場對貝迪斯既進攻模式，透過般奴墮後分波上前，辛祖取代上場踢同樣位置既費特係中路同右面組織。其實呢個諗法我係艾歷臣受傷既時候已經有提出過（艾歷臣傷左，點算好？https://s.fanpiece.com/5JAvkRw），亦都有提出過攻守兩方面帶黎既影響。今場見到正選陣容就咁樣出，想法係有但實行出黎效果較為一般。主要原因係呢個陣容搶唔贏中場，而當曼聯獲得控球權時，亦因對方壓得較前，從而多放左二三十碼既長傳去打對方身後空間，少左嘗試進入陣地戰，去利用猜傳去慢慢撕破對方防守。面對對方有比拿確查、獲加比達斯同皮賀呢幾個速度都唔慢既防守球員，放長傳去跑再憑一對一能力去突破，難度就比較大。因對方二閘既防守能力都有，今場兩翼發揮比較一般，踢法又比較傾向打身後就易失控球，所以大家仍然係十一打十一果陣，兩隊踢落都係55波。
《紅牌係岩既；但其他決定則睇到人呆晒》
今場波既焦點再次係球證先生。34分鐘前，兩隊場上形勢均等，兩隊都各有射門係可以擺個波入網。兩隊既門將都有具水準演出，所以都仍然係零比零。踢到34分鐘、卡斯美路係禁區對外約25碼位置飛剷，佢鞋底去先，中左波之後再有輕微舉高鞋底印中對方小腿帶pad既位置。球證當時出示黃牌，經var重播片段再由主球證安東尼泰萊翻睇，決定由黃變紅直接驅逐卡斯美路離場。從鏡頭所見，我認為卡斯美路係知自己有少少抽水，所以變紅果一刻佢既情況係失望多過投訴，佢自己都知果下出出地事。如果佢冇向上舉果下，就肯定冇事，所以我係認同球證既判決。但係較後時間則發生幾下令人火滾既決定。第一個係般奴係左路接應長傳係落底，獲加比達斯係側面飛剷，右腳首先踢中左般奴，左腳第二時間先踢到個波，球證同var都全無表示。原來第二時間先踢中個波係冇犯規既，真係令人大開眼界。第二下則係曼聯球員左路傳中，比拿確查禁區內跣腳用手支撐身體，但個波明顯中到佢手臂，令福仔錯失左一個射門機會。球證既角度係一定見到既情況下，都可以示意比賽繼續，VAR亦同樣唔認為呢下係手球。原來只要係唔小心跣親而犯手球就唔會當係手球，難怪蘇捷果球同呢球都冇十二碼。咁球員真係要「小心地滑」，救全家就係要靠跣。第三下則係獲加比達斯去到比賽尾段飛剷加拿祖。有曼迷覺得加拿祖好傷，獲加比達斯咁樣飛落去夾隻腳，係咪中波大晒先？咁呢下又要幫球證講下話，獲加比達斯右腳出果下係好清脆地踢到個波，隻右腳都唔係好明顯有向上舉起，只係餘勢收唔到情況下，左腳夾傷左加拿祖，呢下冇牌冇犯規係合理既。球證係唔能夠從球員受傷既嚴重性去判斷果下攔截應唔應該俾牌或有冇犯規。唔止呢幾下判決值得相確外，整場波球證既表現都係垃圾到不行。
《坦克既調動可以再好D》
先講正選既陣容，坦克係想試搶攻，但就忽略左中場既攔截力度，加上進攻太多長傳令到曼聯失去主導權。雖然都創造左唔少機會而未能把握，但主因係修咸頓踢得比較開放亦肯壓前，後場有犯錯令曼聯有黃金機會。呢個中場組合或進攻模式係賽事中後段要搏鎚贏波先用會較合適，因多數對方係賽事末段會開始死守，曼聯會多左控球時間下，就要擺多個用波能力較好既中前場球員入黎。胖虎紅牌後，坦克都考慮左相當長時間，究竟換韋賀斯還是辛祖，最後選擇韋賀斯亦相當容易理解，但點解換入麥湯文尼後，唔將福仔改踢中鋒就有相確餘地。要辛祖打最前停波絕對唔係佢強項；福仔頭三十分鐘都冇乜成功比到獲加比達斯任何威脅。坦克一早要調福仔打最前，利用佢既速度去恰碧拿歷，嘗試將辛祖擺番左路，試下等辛祖係左面攪攪震。最後坦克係下半場15分鐘後先改咁踢就慢左。73分鐘換入一對翼鋒嘗試加強活力同單對單個人突破力就非常岩。安東尼同辛祖都已經冇乜貨賣，呢個換人絕對正確。尾段既麥佳亞同費特都係想保住一分，應付下對方高波同加強中路防守亦係慣常做法。補充一句，麥湯文尼入替後，表現非常稱職，多次企岩位解圍，亦有多次成功攔截，更有一下中路搶完波靚轉身再俾直線等福仔後上，抵讚！
《總結》
球證殺死左一場比賽。執法尺度不一，加上幾下關鍵判決都值得相確下，令曼聯未能拎到三分鞏固三弟位置。胖虎一停就四場，幸好麥湯文尼復出，總算有人可以係呢個位置頂一頂。加拿祖賽後要用拐杖離場，睇黎情況同艾歷臣接近，或者都要抖番兩三個月，希望佢盡快康復。下場作客貝迪斯，帶住三球優勢下，希望坦克會稍作輪換，等主力可以抖抖迎戰周末對富咸既足總盃賽事！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
請按此登錄後留言。未成為會員? 立即註冊