《俾多次機會你地》
坦克今場沿用番上一場慘敗俾利記7球既正選陣容，一個人都冇換，希望佢地透過呢場證明自己。機會俾你地，麻煩踢番場好波。雖然人腳冇變，但坦克係球員擺位上作出左變動。將韋賀斯擺番去正中鋒位，華舒福踢番左翼，般奴踢番擅長既攻擊中場位置。除左擺位有改變，踢法戰術上都有改變。高位逼搶時，兩翼會回追番對方二閘位，對方一對中堅連龍門交俾韋賀斯去逼，減少兩閘被overload。韋賀斯則要辛苦地一個逼兩三人，但呢個正正係佢出場既價值（有波入變左係bonus）。進攻上將般奴拉後半格，幫手係後場運波上前，費特推前半格係中路同左面串連。般奴除左要逗後較炮，有時仲會壓前到右路邊線overlod進攻。呢個改變令到中後場運作變得順暢，但始終費特既傳波組織都係較弱，個波去到對方三閘線就欠缺左最後一傳或禁區頂外既射門。呢個變動係缺少艾歷臣既解決方法，唯一可再強化就係將薩碧沙代替費特。缺點係般奴既體能負荷將會加大，又要逗後組織又要跑到前場協助進攻。
《上下半場曼聯都佔優，贏得少都要插》
貝迪斯一開波都唔係縮後等你黎，或者諗住打落水狗，都有嘗試向前壓逼曼聯，就令到曼聯係前場有較多空間去進攻。曼聯則繼續踢高位逼搶爭取主導權。礙於貝迪斯中後場用波能力比較一般，同榜首巴塞確係有明顯距離。曼聯好快就已經搶到主導權去進攻。福仔入第一球絕對要讚快開罰球既卡斯美路。曼聯頭三十分鐘都係壓住貝迪斯黎踢，創造到既埋門機會多不勝數，但就係擺唔到個波入網。韋賀斯一人已經浪費左三個機會。貝迪斯要去到半場尾15分鐘先多番少少控球，但整隊進攻組織比較散亂，只能透過不停進攻達洛治既右路去創造射門機會，都攪到達洛治慌失失左幾次。貝迪斯機會唔駛多，艾約斯把握到一次就夠，係右路靚射遠柱地波收死迪基亞追番一球。半場一比一，完。
下半場坦克即換入雲比沙加取代踢得差既達洛治。早段憑安東尼既妙射加埋般奴接應角球頭鎚攻門破網（又係死球入波），𣊬間拉開比數。雖然貝迪斯隨即換入簡拿利斯等人加強攻力，但整隊進攻組織都未見有太大改善，未能威脅迪基亞。坦克則開始換走主力，等辛祖、馬拿斯亞等人輪換踢下。曼聯及後都仲有唔少黃金機會，可惜都未能射破包禾十指關。81分鐘再換入柏利斯迪。此子一出黎就高速落底傳中，雖然麥湯文尼既射門被擋出，但今場射極都唔入既韋賀斯執到隻死雞射入，終於打破唔知幾多場既入球荒。最後曼聯以四比一擊敗貝迪斯。
《總結》
貝迪斯實力有限，下場番主場要追番三球差距並唔係咁容易，所以相信曼聯都應該會順利晉級八強。曼聯實力較高，領先三球下，下場有條件輪換球員作戰。今場總算叫做一肚上場烏氣，但球隊既把握力實在要改善。正常一場波係好難可以好似今場咁有咁多機會，把握到既已經贏緊5、6球。特別係韋賀斯，處理埋門既水準有待加強。另外，般奴亦需要改善佢既情緒控制，熱誠變魯莽而令球隊打少個係極度不智既事。柏利仔多次後備入替都見到佢種old school式踢法係有效，可以改變到右路既進攻模式。雖然我覺得佢係丹占2.0，但係都期望佢可以踢到自己風格幫助球隊。下場周末對修咸頓，應該會比呢場難踢。繼續加油！
坦克今場沿用番上一場慘敗俾利記7球既正選陣容，一個人都冇換，希望佢地透過呢場證明自己。機會俾你地，麻煩踢番場好波。雖然人腳冇變，但坦克係球員擺位上作出左變動。將韋賀斯擺番去正中鋒位，華舒福踢番左翼，般奴踢番擅長既攻擊中場位置。除左擺位有改變，踢法戰術上都有改變。高位逼搶時，兩翼會回追番對方二閘位，對方一對中堅連龍門交俾韋賀斯去逼，減少兩閘被overload。韋賀斯則要辛苦地一個逼兩三人，但呢個正正係佢出場既價值（有波入變左係bonus）。進攻上將般奴拉後半格，幫手係後場運波上前，費特推前半格係中路同左面串連。般奴除左要逗後較炮，有時仲會壓前到右路邊線overlod進攻。呢個改變令到中後場運作變得順暢，但始終費特既傳波組織都係較弱，個波去到對方三閘線就欠缺左最後一傳或禁區頂外既射門。呢個變動係缺少艾歷臣既解決方法，唯一可再強化就係將薩碧沙代替費特。缺點係般奴既體能負荷將會加大，又要逗後組織又要跑到前場協助進攻。
《上下半場曼聯都佔優，贏得少都要插》
貝迪斯一開波都唔係縮後等你黎，或者諗住打落水狗，都有嘗試向前壓逼曼聯，就令到曼聯係前場有較多空間去進攻。曼聯則繼續踢高位逼搶爭取主導權。礙於貝迪斯中後場用波能力比較一般，同榜首巴塞確係有明顯距離。曼聯好快就已經搶到主導權去進攻。福仔入第一球絕對要讚快開罰球既卡斯美路。曼聯頭三十分鐘都係壓住貝迪斯黎踢，創造到既埋門機會多不勝數，但就係擺唔到個波入網。韋賀斯一人已經浪費左三個機會。貝迪斯要去到半場尾15分鐘先多番少少控球，但整隊進攻組織比較散亂，只能透過不停進攻達洛治既右路去創造射門機會，都攪到達洛治慌失失左幾次。貝迪斯機會唔駛多，艾約斯把握到一次就夠，係右路靚射遠柱地波收死迪基亞追番一球。半場一比一，完。
下半場坦克即換入雲比沙加取代踢得差既達洛治。早段憑安東尼既妙射加埋般奴接應角球頭鎚攻門破網（又係死球入波），𣊬間拉開比數。雖然貝迪斯隨即換入簡拿利斯等人加強攻力，但整隊進攻組織都未見有太大改善，未能威脅迪基亞。坦克則開始換走主力，等辛祖、馬拿斯亞等人輪換踢下。曼聯及後都仲有唔少黃金機會，可惜都未能射破包禾十指關。81分鐘再換入柏利斯迪。此子一出黎就高速落底傳中，雖然麥湯文尼既射門被擋出，但今場射極都唔入既韋賀斯執到隻死雞射入，終於打破唔知幾多場既入球荒。最後曼聯以四比一擊敗貝迪斯。
《總結》
貝迪斯實力有限，下場番主場要追番三球差距並唔係咁容易，所以相信曼聯都應該會順利晉級八強。曼聯實力較高，領先三球下，下場有條件輪換球員作戰。今場總算叫做一肚上場烏氣，但球隊既把握力實在要改善。正常一場波係好難可以好似今場咁有咁多機會，把握到既已經贏緊5、6球。特別係韋賀斯，處理埋門既水準有待加強。另外，般奴亦需要改善佢既情緒控制，熱誠變魯莽而令球隊打少個係極度不智既事。柏利仔多次後備入替都見到佢種old school式踢法係有效，可以改變到右路既進攻模式。雖然我覺得佢係丹占2.0，但係都期望佢可以踢到自己風格幫助球隊。下場周末對修咸頓，應該會比呢場難踢。繼續加油！
請按此登錄後留言。未成為會員? 立即註冊