利物浦近況明顯回勇，近五場戰績3勝1和1負，目前跌跌碰碰又上番第六，打少一場下落後第四既熱刺6分，高普話爭四都要預埋佢。傷兵陸續回歸係回勇既主因，雲迪克帶領防線，費明奴協助組織，祖達增添前場進攻變化，整隊多左人去換去做臨場應變，當然能提升球隊戰鬥力。今季陣中中場狀態不及之前，覆蓋範圍同速率都跌得幾嚴重，就算今場利物浦係主場出擊，面對近況極佳亦擁有反擊尖刀華舒福既曼聯，相信高普都唔會夠膽踢高位逼搶，應該會延續番近幾場踢middle block，有機會先向前逼一逼，前場以遮線為主既防守模式。進攻就依靠紐尼斯既奔跑，沙拿係右路既牽制，加上阿奴係右閘位少少收入中間幫手較炮，以踢反擊為主；陣地戰則以overload右路為核，靠右路三人小組推進，左路則靠突破傳中供應俾中鋒費明奴攻門。預測高普照踢4-3-3，艾利遜出任門將。防線由左至右係羅伯臣-雲迪克-干拿迪-阿奴。逗後防中係法賓奴，左右中場中係小將比錫迪同隊長軒達臣。前場三個會係紐尼斯、費明奴同沙拿。
預測利物浦正選陣容（4-3-3）
艾利遜
阿奴 干拿迪 雲迪克 羅伯臣
軒達臣 法賓奴 比錫迪
沙拿 費明奴 紐尼斯
曼聯近況極佳，無論球員狀態、球隊士氣同坦克既管理團隊，都係近年最好最旺盛。前一場聯賽盃決賽係溫布萊球場擊敗紐卡素，奪得今季第一冠；上一場足總盃輪換球員下，都可以先落後一球下反勝對手，更增添左球員信心。傷兵回歸，加上替補球員開始有貨交下，對三線作戰既曼聯有極大幫助。今場作客晏菲路球場，以球隊現時既狀態絕對唔需要「怯」左利物浦。呢場唔需要考慮人地點踢去改變自己，有條件臨場睇情況再變。預測坦克繼續踢高位逼搶，對方應該唔出艾簡達拿下，中場既控場能力相對較弱，可以針對比錫迪呢個位多加壓迫等佢犯錯。前鋒首選都係韋賀斯，靠佢係前場發動逼搶。兩翼係華舒福同安東尼，聯同般奴費南迪斯支援韋賀斯。防中孖寶則係費特拍卡斯美路。中堅拍擋係馬天尼斯同華拉尼。因對面既左翼會係跑得快過小明但盤扭技術比較一般既紐尼斯，右閘達洛治都應該可以守得到。左閘起用狀態甚佳既梳爾。門將當然係迪基亞。
預測曼聯正選陣容（4-2-3-1）
迪基亞
達洛治 華拉尼 馬天尼斯 梳爾
卡斯美路 費特
安東尼 般奴費南迪斯 華舒福
韋賀斯
預測利物浦正選陣容（4-3-3）
艾利遜
阿奴 干拿迪 雲迪克 羅伯臣
軒達臣 法賓奴 比錫迪
沙拿 費明奴 紐尼斯
曼聯近況極佳，無論球員狀態、球隊士氣同坦克既管理團隊，都係近年最好最旺盛。前一場聯賽盃決賽係溫布萊球場擊敗紐卡素，奪得今季第一冠；上一場足總盃輪換球員下，都可以先落後一球下反勝對手，更增添左球員信心。傷兵回歸，加上替補球員開始有貨交下，對三線作戰既曼聯有極大幫助。今場作客晏菲路球場，以球隊現時既狀態絕對唔需要「怯」左利物浦。呢場唔需要考慮人地點踢去改變自己，有條件臨場睇情況再變。預測坦克繼續踢高位逼搶，對方應該唔出艾簡達拿下，中場既控場能力相對較弱，可以針對比錫迪呢個位多加壓迫等佢犯錯。前鋒首選都係韋賀斯，靠佢係前場發動逼搶。兩翼係華舒福同安東尼，聯同般奴費南迪斯支援韋賀斯。防中孖寶則係費特拍卡斯美路。中堅拍擋係馬天尼斯同華拉尼。因對面既左翼會係跑得快過小明但盤扭技術比較一般既紐尼斯，右閘達洛治都應該可以守得到。左閘起用狀態甚佳既梳爾。門將當然係迪基亞。
預測曼聯正選陣容（4-2-3-1）
迪基亞
達洛治 華拉尼 馬天尼斯 梳爾
卡斯美路 費特
安東尼 般奴費南迪斯 華舒福
韋賀斯
請按此登錄後留言。未成為會員? 立即註冊