英格蘭聯賽盃既最後勝利係屬於我地曼聯！坦克只執教半季就幫曼聯打破近年既錦標荒。雖然奪冠值得高興，但場波都有不少問題係坦克同曼聯需要繼續調整繼續進步。
《紐卡素贏形勢但先失波；曼聯只諗住出最強陣容》
小弟係賽前分析（https://s.fanpiece.com/V349QeZ ）都有預測紐卡素既陣容同踢法，陣容上卡林威爾遜代替左伊薩上陣，相信賀維係想利用佢既速度去進襲曼聯防線，其餘則同預測一樣；踢法上則預測正確，主力依靠左翼聖麥斯文係邊路突破，右路則靠查比亞、艾米朗同朗史達夫形成鐵三角小組推進打側擊。甘馬雷斯復出控制進攻節奏同指揮中前場既企位遮線同逼搶時機。佢聯同朗史達夫同祖寧頓繼續係中場打硬淨打身型防守。
要預測賀維既部署其實唔難，畢竟紐卡素現階段既人腳有限，唔係咁踢仲可以點踢呢，但坦克就好似冇理過對面係點，總之就擺最抽得果11個出黎啦，結果頭30分鐘幾乎出事。右閘起用出擊力強，但單防力較差既達洛治。雖然達洛治都有一兩次成功既攔截，但更多時候都係被聖麥斯文玩弄，大約30分鐘更有一下係禁區內被擺脫，聖麥斯文係窄位怒射迪基亞。幸好迪基亞成功擋到，咪曼聯已經要先落後。中場三人組起用卡斯美路、費特同般奴費南迪斯，前鋒擺韋賀斯同兩翼用華舒福安東尼嘗試踢高位逼搶，但中場三人除卡斯美路外，身形同硬淨程度都不及對手，加上甘馬雷斯既「定」，聯同防線都有一定既猜傳能力，曼聯呢三個中場係搶唔贏。福仔同圓規亦有戰術任務，更多時間留守前場準備反擊，令到右路查比亞經常上黎前場係無人看管，可以睇到定黎做波；左翼安東尼協防少，令聖麥斯文可以係左路大做文章。只見到韋賀斯同般奴好勤力去逼又番中後場防守，但搶唔贏個中場就打唔到轉守為攻，亦唔能夠主導球賽，就被紐卡素控制住黎踢。戰術上黎講，坦克咁出人可以話輸左，最慘係聯賽已經領教過一次，戰況同今場係近乎一樣。
足球既奧妙之處就係你贏形勢但入唔到波都係冇用。頭三十分鐘紐卡素係用波較好一隊，亦有聖麥斯文極具威脅埋門無功而還。33分鐘，卡斯美路接應梳爾開出左路罰球頂入，就令輸形勢既曼聯領先一球。39分鐘，中場一輪混戰，最後韋賀斯帶生個波，直線交俾福仔係左路射門。個波省
到博文改變方向收死卡列奧斯，短時間就領先二比零。只能說球員質素往往能左右比賽既勝負。曼聯機會唔多，黃金機會亦冇，但一射就入就係咁簡單。半場，完。
《賀維已盡最大努力；坦克縮得太危險》
賀維下半場隨即換入伊薩，改踢4-4-2，希望盡早追番球；坦克則換入八爪魚雲比沙加，彌補番右閘位既漏洞，亦指示球隊改踢middle block，唔駛逼先守穩中後場。紐卡素足足壓左曼聯接近廿分鐘黎攻，但因雲比沙加完封聖麥斯文，左路進攻被癱瘓，從而令右路既艾米朗同查比亞都少左空間進攻。加上曼聯縮後防線，缺少創造力中場既紐卡素就更難創造機會埋門，只有零星幾腳外圍施射未能考驗迪基亞。曼聯雖然守得住，但都絕對唔係冇問題。領先兩球下「縮」係正路，但當你防守成功後，如何保持控球或成功打反擊去威脅對方，令對方防線唔敢壓太上，就係曼聯需要解決既問題。呢20分鐘紐卡素有接近7成控球，更有10分鐘既控球比率係8:2，以曼聯既班費同球員既能力都係不能接受既比賽場面。更何況對手只係紐卡素，不敢想像係被曼城或拜仁呢類強隊圍住廿分鐘黎攻會點！
《賀維最後一搏；坦克再換防守球員》
70分鐘，坦克先換入麥湯文尼同薩碧沙加強中場掃蕩，般奴改踢左翼，福爺踢番最前牽制對方。對面圍左你廿分鐘先變，呢個調動係比較遲。賀維去到78分鐘再換入積及梅菲同韋諾克搏鎚。換走聖麥斯文絕不是佢體能唔好，而係佢已經被雲比凍結，再留都唔會係左路幫到手，需要嘗試改變球員特性去攻；而對雲比黎講，就個個都係一樣！換走甘馬利斯保留祖寧頓，我認為未必係最好。賀維既考慮或係需要一個高大硬淨少少既中場去保護防線或搏頭鎚；但我既考慮係甘馬利斯既用波能力係中場較具級數，有能力調度球隊進攻或有靈光一閃既傳送，靠祖寧頓就真係純駁腳，靠靈光既話就真係要好靈光先得。坦克及後換入辛祖保持球隊反擊威脅，再係尾段換入麥佳亞加強制空力。呢兩個調動則係我呀媽都識換啦！賀維係補時階段換入列治同安達臣則俾佢地感受下溫布萊球場既氣氛，都冇機會可以追和。球證場雞一響，曼聯二比零擊敗紐卡素，成功奪得今季第一個錦標。
《總結》
不得不稱讚賀維既買人眼光，甘馬利斯火速融入球隊，大大提升左紐卡素中場既級數；另一個則係查比亞，上年以千二萬鎊從馬體會收購，絕對係物超所值。賀維限米煮限飯下，可以帶到隊波衝擊緊前四，聯賽盃又以亞軍完成，都可以話係超額完成。先睇今季有冇前四，下季再慢慢增兵，就可以睇下賀維有冇能力駕馭球星，始終帶中型班球員同帶前列份子球星係完全兩回事。坦克今場係有運，上半場紐卡素未能把握到佢排兵佈陣既問題而先入波，仲比曼聯靠球員質素入兩球，先俾到機會坦克係下半場換人補鑊。及後既調動又唔係太果斷，都係坦克自己需要改善既地方。雖然今場坦克既表現未如理想，但睇到成隊波既團結則係佢既功勞。每人都要為球隊而戰而非個人，可以從賽後卡斯美路斥責般奴唔交波而睇到。賽事中亦見到球員付出百分百同對比賽應有既態度，呢樣亦需要歸功於坦克。我地曼聯終於唔駛再四大皆空，希望球隊繼續努力，聯賽入番前四就超額完成，可以拎埋足總盃就更好！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
《紐卡素贏形勢但先失波；曼聯只諗住出最強陣容》
小弟係賽前分析（https://s.fanpiece.com/V349QeZ ）都有預測紐卡素既陣容同踢法，陣容上卡林威爾遜代替左伊薩上陣，相信賀維係想利用佢既速度去進襲曼聯防線，其餘則同預測一樣；踢法上則預測正確，主力依靠左翼聖麥斯文係邊路突破，右路則靠查比亞、艾米朗同朗史達夫形成鐵三角小組推進打側擊。甘馬雷斯復出控制進攻節奏同指揮中前場既企位遮線同逼搶時機。佢聯同朗史達夫同祖寧頓繼續係中場打硬淨打身型防守。
要預測賀維既部署其實唔難，畢竟紐卡素現階段既人腳有限，唔係咁踢仲可以點踢呢，但坦克就好似冇理過對面係點，總之就擺最抽得果11個出黎啦，結果頭30分鐘幾乎出事。右閘起用出擊力強，但單防力較差既達洛治。雖然達洛治都有一兩次成功既攔截，但更多時候都係被聖麥斯文玩弄，大約30分鐘更有一下係禁區內被擺脫，聖麥斯文係窄位怒射迪基亞。幸好迪基亞成功擋到，咪曼聯已經要先落後。中場三人組起用卡斯美路、費特同般奴費南迪斯，前鋒擺韋賀斯同兩翼用華舒福安東尼嘗試踢高位逼搶，但中場三人除卡斯美路外，身形同硬淨程度都不及對手，加上甘馬雷斯既「定」，聯同防線都有一定既猜傳能力，曼聯呢三個中場係搶唔贏。福仔同圓規亦有戰術任務，更多時間留守前場準備反擊，令到右路查比亞經常上黎前場係無人看管，可以睇到定黎做波；左翼安東尼協防少，令聖麥斯文可以係左路大做文章。只見到韋賀斯同般奴好勤力去逼又番中後場防守，但搶唔贏個中場就打唔到轉守為攻，亦唔能夠主導球賽，就被紐卡素控制住黎踢。戰術上黎講，坦克咁出人可以話輸左，最慘係聯賽已經領教過一次，戰況同今場係近乎一樣。
足球既奧妙之處就係你贏形勢但入唔到波都係冇用。頭三十分鐘紐卡素係用波較好一隊，亦有聖麥斯文極具威脅埋門無功而還。33分鐘，卡斯美路接應梳爾開出左路罰球頂入，就令輸形勢既曼聯領先一球。39分鐘，中場一輪混戰，最後韋賀斯帶生個波，直線交俾福仔係左路射門。個波省
到博文改變方向收死卡列奧斯，短時間就領先二比零。只能說球員質素往往能左右比賽既勝負。曼聯機會唔多，黃金機會亦冇，但一射就入就係咁簡單。半場，完。
《賀維已盡最大努力；坦克縮得太危險》
賀維下半場隨即換入伊薩，改踢4-4-2，希望盡早追番球；坦克則換入八爪魚雲比沙加，彌補番右閘位既漏洞，亦指示球隊改踢middle block，唔駛逼先守穩中後場。紐卡素足足壓左曼聯接近廿分鐘黎攻，但因雲比沙加完封聖麥斯文，左路進攻被癱瘓，從而令右路既艾米朗同查比亞都少左空間進攻。加上曼聯縮後防線，缺少創造力中場既紐卡素就更難創造機會埋門，只有零星幾腳外圍施射未能考驗迪基亞。曼聯雖然守得住，但都絕對唔係冇問題。領先兩球下「縮」係正路，但當你防守成功後，如何保持控球或成功打反擊去威脅對方，令對方防線唔敢壓太上，就係曼聯需要解決既問題。呢20分鐘紐卡素有接近7成控球，更有10分鐘既控球比率係8:2，以曼聯既班費同球員既能力都係不能接受既比賽場面。更何況對手只係紐卡素，不敢想像係被曼城或拜仁呢類強隊圍住廿分鐘黎攻會點！
《賀維最後一搏；坦克再換防守球員》
70分鐘，坦克先換入麥湯文尼同薩碧沙加強中場掃蕩，般奴改踢左翼，福爺踢番最前牽制對方。對面圍左你廿分鐘先變，呢個調動係比較遲。賀維去到78分鐘再換入積及梅菲同韋諾克搏鎚。換走聖麥斯文絕不是佢體能唔好，而係佢已經被雲比凍結，再留都唔會係左路幫到手，需要嘗試改變球員特性去攻；而對雲比黎講，就個個都係一樣！換走甘馬利斯保留祖寧頓，我認為未必係最好。賀維既考慮或係需要一個高大硬淨少少既中場去保護防線或搏頭鎚；但我既考慮係甘馬利斯既用波能力係中場較具級數，有能力調度球隊進攻或有靈光一閃既傳送，靠祖寧頓就真係純駁腳，靠靈光既話就真係要好靈光先得。坦克及後換入辛祖保持球隊反擊威脅，再係尾段換入麥佳亞加強制空力。呢兩個調動則係我呀媽都識換啦！賀維係補時階段換入列治同安達臣則俾佢地感受下溫布萊球場既氣氛，都冇機會可以追和。球證場雞一響，曼聯二比零擊敗紐卡素，成功奪得今季第一個錦標。
《總結》
不得不稱讚賀維既買人眼光，甘馬利斯火速融入球隊，大大提升左紐卡素中場既級數；另一個則係查比亞，上年以千二萬鎊從馬體會收購，絕對係物超所值。賀維限米煮限飯下，可以帶到隊波衝擊緊前四，聯賽盃又以亞軍完成，都可以話係超額完成。先睇今季有冇前四，下季再慢慢增兵，就可以睇下賀維有冇能力駕馭球星，始終帶中型班球員同帶前列份子球星係完全兩回事。坦克今場係有運，上半場紐卡素未能把握到佢排兵佈陣既問題而先入波，仲比曼聯靠球員質素入兩球，先俾到機會坦克係下半場換人補鑊。及後既調動又唔係太果斷，都係坦克自己需要改善既地方。雖然今場坦克既表現未如理想，但睇到成隊波既團結則係佢既功勞。每人都要為球隊而戰而非個人，可以從賽後卡斯美路斥責般奴唔交波而睇到。賽事中亦見到球員付出百分百同對比賽應有既態度，呢樣亦需要歸功於坦克。我地曼聯終於唔駛再四大皆空，希望球隊繼續努力，聯賽入番前四就超額完成，可以拎埋足總盃就更好！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
請按此登錄後留言。未成為會員? 立即註冊