《史古巴拿照用上場既部署；坦克試踢閘位內切》
列斯聯暫代領隊史古巴拿繼續沿用上場既防守模式。先係對方三閘線作高位遮線，唔會對麥佳亞進行逼搶。當麥佳亞橫傳俾邊路時，翼鋒先會向前施壓，中後場再跟進，務求令曼聯球員唔能夠轉身只能回傳俾後防，再睇情況選擇再向前逼，還是係高位企番遮線。值得一提既係兩翼一開始既企位會接近中路，聯同兩個中場同兩個前鋒形成六角形包圍住曼聯兩名中場球員，令曼聯後場唔敢塞直線俾中間再向前（曼聯球員技術特點亦係問題之一）只能向邊路推進。列斯聯再靠兩翼既後生仔干拿圖同森馬維不惜氣力既跑動同高速既埋身施壓，令本身不擅長放長傳既曼聯二閘係後場唔敢貿貿然向前踢，只能回傳俾麥佳亞或迪基亞。
坦克經過上場既苦戰，嘗試用另一套後場build-up模式-「閘位內切」。今場首先改用麥佳亞拍梳爾踢中堅，左閘起用馬拿斯亞，辛祖亦取代左加拿祖試打右路，其他位置同上場一樣。後場build-up時，馬拿斯亞會跑向中路同薩碧沙形成平排中場，將費特同般奴費南迪斯推前形成兩名進攻中場進攻對方half-space，右閘達洛治拉後同麥佳亞同梳爾變成三中堅幫手後場出波。坦克既諗法應該係知道費特既傳送能力不足，推前佢等佢減少係後場失誤，而馬拿斯亞亦有一定突破力，嘗試用佢係中場駁腳同睇下佢拎到波後能否擺脫對手再運波上前。不過，受制於對方六角形包圍中路式防守，加上薩碧沙同馬拿斯亞都不是可護波引對方包夾既球員，就算後防夠膽打個波俾佢地，佢地都係第一時間回後或彈走，甚少嘗試轉身再向前搵隊友，亦因佢兩個唔係串連型球員，係中路既半斜身預備動作亦唔見有，難以可以係中路幫手組織。除此之外，今場麥隊長既長傳亦失準，多次想踢對角但斬唔起，兩閘缺乏出球能力，亦係曼聯完全組織唔到既原因。
《上半場戰情緊湊但兩隊少有埋門威脅》
列斯聯拼勁十足，果種硬朗既攔截，出腳去盡唔收，波到人到既防守模式，令曼聯難以越過中場線。曼聯組織唔到，又唔代表列斯聯組織到。曼聯失控球後既反搶積極，效率亦高，而列斯聯保持控球既能力較弱，所以好快就又被曼聯搶番個波。除左列斯聯開波3分鐘既一個死球攻勢嚇親曼迷外，整個上半場都係中場互相爭奪，要去到上半場尾段，憑兩隊後衛自己派膠，先令兩邊門將各有表演機會。上半場埋單計數，兩隊加埋既射門只得7次，而犯規則有16次。齋睇數據就知場波停頓既時間多到一個點。
《列斯聯入唔到波係唔抵；坦克肯變才會贏》
下半場出黎雙方都冇變動。列斯聯早段卻頻頻係兩翼製造威脅，多次既埋門就算唔中龍，都令迪基亞抹一抹汗。曼聯係更衣室應該係講換人之後要點踢，所以半場出番黎個踢法模式同上半場係一樣，仍然係組織唔到去人地既final third，靜候換人時間。58分鐘，列斯聯先換入海達加強前場活力；61分鐘，坦克用馬天尼斯同加拿祖入替表現沉寂既辛祖同馬拿斯亞。除左換人，坦克亦改變陣式同戰術，改踢4-4-1-1，用韋賀斯打輔鋒支援最前既福仔，亦將般奴費南迪斯改踢右翼，加拿祖則踢番慣常位置左翼。後場build-up亦唔駛踢閘位內切，用番費特同薩碧沙係中路串連，後場不只依靠地面猜傳，除左直接放長傳等福仔走對方中堅既身後空間外，亦多放高波俾韋賀斯，憑佢既高度身形係對方既三閘線停波再分兩邊。73分鐘，艾朗臣入替積夏利遜；雲比沙加則入替跌watt既達洛治。80分鐘，曼聯戰術湊效，先係中路韋賀斯現身接應薩碧沙既傳送，打穿左列斯聯既中場遮線，再回後俾費特同般奴薩碧沙猜兩下短。薩碧沙對角長傳搵到拉闊既梳爾。佢係左路靚傳中搵到飛將軍既福仔一頂破網。同上場追番第一球係一模一樣，只係出波變左梳爾而非達洛治，成功打破悶局。5分鐘後，費特係中場重奪控球，經韋賀斯「質」一個斜線俾加拿祖爆。佢推兩步入禁區係左輔位射近柱擦內柱入網，領先二比零。時間所餘無幾，加上列斯聯係進攻組織都比較亂，及後時間都未能製造到威脅俾迪基亞。最後，曼聯以二比零擊敗列斯聯，取得寶貴三分。
《總結》
列斯聯再次踢出拼勁，戰術部署同球員執行都已經做到，可惜係最後埋門既處理或最後一傳都係欠缺質素，但如下半季可以繼續維持呢種態度，都應該有條件護級成功。曼聯則係比較被動之下憑質素贏波。未入波前只有上半場般奴既一下單刀威脅到美利亞，但呢下都要靠對方後衛犯錯先有呢個機會。缺少卡斯美路同艾歷臣下，中場既運轉出現極大問題，令整隊進攻組織大受影響。坦克有嘗試調整陣式同人腳配搭去解決呢個問題，但呢兩場波踢完都係未解決得到。將韋賀斯移後一格既成功，亦要歸功於對方既中場較為矮小先湊巧。下場聯賽對李斯特城既尼迪迪、賀爾或泰利文斯等就未必用到呢招。雖然般奴既防守意識係較弱，但係呢個情況下調佢拍住薩碧沙去控制中場節奏派牌，推前費特係前場做第一層掃蕩，我覺得係值得一試。中後場冇人組織去運波上前，般奴係前面等同跑都近乎等運到，搏對方有冇失誤又或者中後場有冇靈光一閃既傳送，絕對唔係上策。周中先有作客巴塞隆拿既比賽，周末番黎睇下坦克又有冇新想法，否則呢場對回勇既李斯特城，怕且都要失分幫下羅渣士護級！
列斯聯暫代領隊史古巴拿繼續沿用上場既防守模式。先係對方三閘線作高位遮線，唔會對麥佳亞進行逼搶。當麥佳亞橫傳俾邊路時，翼鋒先會向前施壓，中後場再跟進，務求令曼聯球員唔能夠轉身只能回傳俾後防，再睇情況選擇再向前逼，還是係高位企番遮線。值得一提既係兩翼一開始既企位會接近中路，聯同兩個中場同兩個前鋒形成六角形包圍住曼聯兩名中場球員，令曼聯後場唔敢塞直線俾中間再向前（曼聯球員技術特點亦係問題之一）只能向邊路推進。列斯聯再靠兩翼既後生仔干拿圖同森馬維不惜氣力既跑動同高速既埋身施壓，令本身不擅長放長傳既曼聯二閘係後場唔敢貿貿然向前踢，只能回傳俾麥佳亞或迪基亞。
坦克經過上場既苦戰，嘗試用另一套後場build-up模式-「閘位內切」。今場首先改用麥佳亞拍梳爾踢中堅，左閘起用馬拿斯亞，辛祖亦取代左加拿祖試打右路，其他位置同上場一樣。後場build-up時，馬拿斯亞會跑向中路同薩碧沙形成平排中場，將費特同般奴費南迪斯推前形成兩名進攻中場進攻對方half-space，右閘達洛治拉後同麥佳亞同梳爾變成三中堅幫手後場出波。坦克既諗法應該係知道費特既傳送能力不足，推前佢等佢減少係後場失誤，而馬拿斯亞亦有一定突破力，嘗試用佢係中場駁腳同睇下佢拎到波後能否擺脫對手再運波上前。不過，受制於對方六角形包圍中路式防守，加上薩碧沙同馬拿斯亞都不是可護波引對方包夾既球員，就算後防夠膽打個波俾佢地，佢地都係第一時間回後或彈走，甚少嘗試轉身再向前搵隊友，亦因佢兩個唔係串連型球員，係中路既半斜身預備動作亦唔見有，難以可以係中路幫手組織。除此之外，今場麥隊長既長傳亦失準，多次想踢對角但斬唔起，兩閘缺乏出球能力，亦係曼聯完全組織唔到既原因。
《上半場戰情緊湊但兩隊少有埋門威脅》
列斯聯拼勁十足，果種硬朗既攔截，出腳去盡唔收，波到人到既防守模式，令曼聯難以越過中場線。曼聯組織唔到，又唔代表列斯聯組織到。曼聯失控球後既反搶積極，效率亦高，而列斯聯保持控球既能力較弱，所以好快就又被曼聯搶番個波。除左列斯聯開波3分鐘既一個死球攻勢嚇親曼迷外，整個上半場都係中場互相爭奪，要去到上半場尾段，憑兩隊後衛自己派膠，先令兩邊門將各有表演機會。上半場埋單計數，兩隊加埋既射門只得7次，而犯規則有16次。齋睇數據就知場波停頓既時間多到一個點。
《列斯聯入唔到波係唔抵；坦克肯變才會贏》
下半場出黎雙方都冇變動。列斯聯早段卻頻頻係兩翼製造威脅，多次既埋門就算唔中龍，都令迪基亞抹一抹汗。曼聯係更衣室應該係講換人之後要點踢，所以半場出番黎個踢法模式同上半場係一樣，仍然係組織唔到去人地既final third，靜候換人時間。58分鐘，列斯聯先換入海達加強前場活力；61分鐘，坦克用馬天尼斯同加拿祖入替表現沉寂既辛祖同馬拿斯亞。除左換人，坦克亦改變陣式同戰術，改踢4-4-1-1，用韋賀斯打輔鋒支援最前既福仔，亦將般奴費南迪斯改踢右翼，加拿祖則踢番慣常位置左翼。後場build-up亦唔駛踢閘位內切，用番費特同薩碧沙係中路串連，後場不只依靠地面猜傳，除左直接放長傳等福仔走對方中堅既身後空間外，亦多放高波俾韋賀斯，憑佢既高度身形係對方既三閘線停波再分兩邊。73分鐘，艾朗臣入替積夏利遜；雲比沙加則入替跌watt既達洛治。80分鐘，曼聯戰術湊效，先係中路韋賀斯現身接應薩碧沙既傳送，打穿左列斯聯既中場遮線，再回後俾費特同般奴薩碧沙猜兩下短。薩碧沙對角長傳搵到拉闊既梳爾。佢係左路靚傳中搵到飛將軍既福仔一頂破網。同上場追番第一球係一模一樣，只係出波變左梳爾而非達洛治，成功打破悶局。5分鐘後，費特係中場重奪控球，經韋賀斯「質」一個斜線俾加拿祖爆。佢推兩步入禁區係左輔位射近柱擦內柱入網，領先二比零。時間所餘無幾，加上列斯聯係進攻組織都比較亂，及後時間都未能製造到威脅俾迪基亞。最後，曼聯以二比零擊敗列斯聯，取得寶貴三分。
《總結》
列斯聯再次踢出拼勁，戰術部署同球員執行都已經做到，可惜係最後埋門既處理或最後一傳都係欠缺質素，但如下半季可以繼續維持呢種態度，都應該有條件護級成功。曼聯則係比較被動之下憑質素贏波。未入波前只有上半場般奴既一下單刀威脅到美利亞，但呢下都要靠對方後衛犯錯先有呢個機會。缺少卡斯美路同艾歷臣下，中場既運轉出現極大問題，令整隊進攻組織大受影響。坦克有嘗試調整陣式同人腳配搭去解決呢個問題，但呢兩場波踢完都係未解決得到。將韋賀斯移後一格既成功，亦要歸功於對方既中場較為矮小先湊巧。下場聯賽對李斯特城既尼迪迪、賀爾或泰利文斯等就未必用到呢招。雖然般奴既防守意識係較弱，但係呢個情況下調佢拍住薩碧沙去控制中場節奏派牌，推前費特係前場做第一層掃蕩，我覺得係值得一試。中後場冇人組織去運波上前，般奴係前面等同跑都近乎等運到，搏對方有冇失誤又或者中後場有冇靈光一閃既傳送，絕對唔係上策。周中先有作客巴塞隆拿既比賽，周末番黎睇下坦克又有冇新想法，否則呢場對回勇既李斯特城，怕且都要失分幫下羅渣士護級！
請按此登錄後留言。未成為會員? 立即註冊