坦克照舊排出4-2-3-1陣式。門將迪基亞。防線由左至右係梳爾-連迪路夫-麥佳亞-雲比沙加。卡斯美路拍艾歷臣踢防中。左右翼係華舒福同般奴費南迪斯。攻擊中場起用雲迪碧克支援前鋒馬斯亞。
《坦克開始識輪換啦》
見到坦克今場陣容就知道佢吸取左世界盃前果段頻密賽程既教訓，知道要係適當既時候輪換球員。呢場對般尼茅夫係有條件作出輪換，所以佢收起左兩名主力中堅華拉尼同馬天尼斯，用上麥佳亞同連迪路夫。達洛治雖然已傷癒，但雲比沙加近況佳，坦克亦本住自己既宗旨，踢得好就繼續俾你踢。翼鋒安東尼狀態奇差，亦被抽起試用雲迪碧克，將般奴費南迪斯改踢右翼。曼聯後備陣容仍有伊蘭加、加拿祖同費特等，開始見到球隊有後備深度，當然不論加拿祖還是伊蘭加都需要加強自身能力同持續進步先有力爭正選。
《雲迪碧克災難級表現》
上半場曼聯既整體表現唔係踢得特別好。雖然半場控球比率接近7-3之比，但射門只得5射1中，就知實際威脅到對方門將其實唔多。入果一球靠住艾歷臣係左路既罰球斬俾入楔既卡斯美路門前撞射建功，係近三場第二次憑死球入波。曼聯係處理進攻死球明顯係多左戰術，把握力亦同時提高左，絕對要俾個credit死球教練。上半場生波進攻唔流暢係有原因，除左受制對方4-4-2穩守既踢法，自身既問題反而更大。右路般奴缺乏突破力，好多時更會向中路走（本身踢法係咁唔怪佢）咁就非常需要右閘雲比後上提供闊度，但雲比沙加好多時係需要留後形成三中堅幫手後場組織，佢上黎幫拖需要時間，就形成曼聯進攻overload左面，但搵唔到人轉方向到右邊。第二點則係就算般奴拉左邊，想傳中時都只得馬仔一點，而佢搶點頭鎚攻門既能力係有待加強。第三點則比較致命-雲迪碧克既隱形。今場係佢今季首次聯賽正選上陣，恩師見呢場對弱隊就俾個機會佢。點知今場佢既表現繼續嚇親你，踢左半場雖然有一腳key pass但只有14腳傳送，傳球成功率50%，冇成功盤扭冇傳中冇長傳冇射門，觸球次數亦只有19次。防守方面亦只有一次interception ，冇攔截冇解圍更錄得兩次犯規。冇比較冇傷害，費特68分鐘出黎都係19腳傳送下有兩腳key-pass加兩腳長傳，掂左23次波。出佢踢中場等於打少一個人，我由佢加盟已經唔睇好佢踢得掂，佢實在太依靠阿積士體系，需要踢慣踢熟，仲要隊友都係同你踢幾碼波彈波走位。唔好再插蘇B同其他領隊唔用佢，連恩師都用佢唔掂。（當然可以插蘇B點解買佢）尾段仲不幸地受傷，未知傷情但都唔見得佢好番後踢得掂，唔好浪費光陰，都係走吧啦！
《胖虎梳爾變身N年前既貝碧托夫》
下半場坦克用加拿祖入替傷左既雲迪碧克，加拿祖踢左路；福仔改踢右路；般奴則回歸攻中位置自由走動。般尼茅夫則不變應萬變。4分鐘後，梳爾後場發動組織，一個撞牆一推已經突破左對方高位逼搶，過左半場再交波走位。輾轉間個波去到右路加拿祖地波傳中，後上入禁區既梳爾接應右腳撞射破網。整個攻勢由發動到入波，同好多年前貝碧托夫既入波非常相似，真懷念當時既曼聯！63分鐘，般尼茅夫換入史達斯，開始放手一搏同曼聯對攻。全靠迪基亞屢次救出對方射門，先頂得住對方呢段攻勢；同時曼聯係前場都多左好空間進攻，多次射門都無功而回。坦克係68分鐘換入費特、達洛治同伊蘭加，等雲比沙加、艾歷臣同馬斯亞抖抖。兩隊都大打開放式足球，最後係86分鐘，福仔接應般奴橫傳射空門建功，射成三比零。除左要讚般奴唔貪功，亦要讚係後場放長傳俾佢突破越位既胖虎梳爾。呢腳長傳快靚準。
《總結》
上半場曼聯係輪換下踢得掙扎，憑一個死球先開記錄，令到下半場般尼茅夫要向前壓要追，就令到後場空間多左俾曼聯攻擊手發揮，再次證明死球戰術係絕對需要練習，亦係打破僵局既一種有效既進攻模式。下半場早段拉開比數，亦令整隊踢得更有信心。近幾場都可以不失一球，兼全勝下游球隊，隊波開始有穩定性，可以拎到應該要拎既分數。要保前四就要睇下坦克係強強大戰中，有冇咩針對部署去搶分啦！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
《坦克開始識輪換啦》
見到坦克今場陣容就知道佢吸取左世界盃前果段頻密賽程既教訓，知道要係適當既時候輪換球員。呢場對般尼茅夫係有條件作出輪換，所以佢收起左兩名主力中堅華拉尼同馬天尼斯，用上麥佳亞同連迪路夫。達洛治雖然已傷癒，但雲比沙加近況佳，坦克亦本住自己既宗旨，踢得好就繼續俾你踢。翼鋒安東尼狀態奇差，亦被抽起試用雲迪碧克，將般奴費南迪斯改踢右翼。曼聯後備陣容仍有伊蘭加、加拿祖同費特等，開始見到球隊有後備深度，當然不論加拿祖還是伊蘭加都需要加強自身能力同持續進步先有力爭正選。
《雲迪碧克災難級表現》
上半場曼聯既整體表現唔係踢得特別好。雖然半場控球比率接近7-3之比，但射門只得5射1中，就知實際威脅到對方門將其實唔多。入果一球靠住艾歷臣係左路既罰球斬俾入楔既卡斯美路門前撞射建功，係近三場第二次憑死球入波。曼聯係處理進攻死球明顯係多左戰術，把握力亦同時提高左，絕對要俾個credit死球教練。上半場生波進攻唔流暢係有原因，除左受制對方4-4-2穩守既踢法，自身既問題反而更大。右路般奴缺乏突破力，好多時更會向中路走（本身踢法係咁唔怪佢）咁就非常需要右閘雲比後上提供闊度，但雲比沙加好多時係需要留後形成三中堅幫手後場組織，佢上黎幫拖需要時間，就形成曼聯進攻overload左面，但搵唔到人轉方向到右邊。第二點則係就算般奴拉左邊，想傳中時都只得馬仔一點，而佢搶點頭鎚攻門既能力係有待加強。第三點則比較致命-雲迪碧克既隱形。今場係佢今季首次聯賽正選上陣，恩師見呢場對弱隊就俾個機會佢。點知今場佢既表現繼續嚇親你，踢左半場雖然有一腳key pass但只有14腳傳送，傳球成功率50%，冇成功盤扭冇傳中冇長傳冇射門，觸球次數亦只有19次。防守方面亦只有一次interception ，冇攔截冇解圍更錄得兩次犯規。冇比較冇傷害，費特68分鐘出黎都係19腳傳送下有兩腳key-pass加兩腳長傳，掂左23次波。出佢踢中場等於打少一個人，我由佢加盟已經唔睇好佢踢得掂，佢實在太依靠阿積士體系，需要踢慣踢熟，仲要隊友都係同你踢幾碼波彈波走位。唔好再插蘇B同其他領隊唔用佢，連恩師都用佢唔掂。（當然可以插蘇B點解買佢）尾段仲不幸地受傷，未知傷情但都唔見得佢好番後踢得掂，唔好浪費光陰，都係走吧啦！
《胖虎梳爾變身N年前既貝碧托夫》
下半場坦克用加拿祖入替傷左既雲迪碧克，加拿祖踢左路；福仔改踢右路；般奴則回歸攻中位置自由走動。般尼茅夫則不變應萬變。4分鐘後，梳爾後場發動組織，一個撞牆一推已經突破左對方高位逼搶，過左半場再交波走位。輾轉間個波去到右路加拿祖地波傳中，後上入禁區既梳爾接應右腳撞射破網。整個攻勢由發動到入波，同好多年前貝碧托夫既入波非常相似，真懷念當時既曼聯！63分鐘，般尼茅夫換入史達斯，開始放手一搏同曼聯對攻。全靠迪基亞屢次救出對方射門，先頂得住對方呢段攻勢；同時曼聯係前場都多左好空間進攻，多次射門都無功而回。坦克係68分鐘換入費特、達洛治同伊蘭加，等雲比沙加、艾歷臣同馬斯亞抖抖。兩隊都大打開放式足球，最後係86分鐘，福仔接應般奴橫傳射空門建功，射成三比零。除左要讚般奴唔貪功，亦要讚係後場放長傳俾佢突破越位既胖虎梳爾。呢腳長傳快靚準。
《總結》
上半場曼聯係輪換下踢得掙扎，憑一個死球先開記錄，令到下半場般尼茅夫要向前壓要追，就令到後場空間多左俾曼聯攻擊手發揮，再次證明死球戰術係絕對需要練習，亦係打破僵局既一種有效既進攻模式。下半場早段拉開比數，亦令整隊踢得更有信心。近幾場都可以不失一球，兼全勝下游球隊，隊波開始有穩定性，可以拎到應該要拎既分數。要保前四就要睇下坦克係強強大戰中，有冇咩針對部署去搶分啦！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
請按此登錄後留言。未成為會員? 立即註冊