坦克排出4-2-3-1陣式。龍門迪基亞。防線左至右係梳爾-馬天尼斯-麥佳亞-達洛治。艾歷臣拍卡斯美路踢防中。左右翼係華舒福同伊蘭加。攻擊中場般奴費南迪斯支援C朗拿度攻堅。
莫椰斯排出4-4-1-1陣式。法比安斯基出任門將。防線左至右係基士維-蘇馬-多遜-基拿亞。懷斯同蘇捷踢防中。左右中場係賓哈馬同保雲。攻擊中場丹尼斯支援前鋒史卡馬卡進攻。
《點評一下正選陣容》
賽前預測都提過如要應付韋斯咸既兩翼側擊踢法，中堅用麥隊長絕對會比連迪路夫為佳。坦克最後果然起用麥隊長拍屠夫相信都係有考慮呢一點，但冰人連後備都冇，我就有少少擔心佢係咪又受傷，畢竟隊中已缺少華拉尼，佢再傷就冇後備可以用。安東尼病左，令伊蘭加有正選亦令我打左個突。伊蘭加都俾坦克雪左一段時間，上場歐霸盃起用加拿祖都冇拎佢出黎解凍，可見係右翼方面確實缺人，辛祖既低沉亦令佢暫時失去正選。前鋒再次起用C朗拿度，雖然上場歐霸盃賽事C朗既發揮係有目共睹，但一周雙賽對佢既體力消耗有幾大？幾日休息能否補充體力確實係一大疑問。
《飛將軍一箭定江山》
椰子既韋斯咸並冇係前場作任何逼搶，純粹係三閘線開始遮線，令到曼聯多係後場慢慢搓傳，進攻節奏緩慢。個人認為係坦克戰術要求針對對方右閘進行攻擊，球隊不停overload左路進攻，甚少由左至右轉邊到右路俾伊蘭加去進行個人突破。伊蘭加除左一下係右路插入中路接應長傳較顯眼外，其餘時間都甚少有波到腳。右路達洛治則靠後場組織時壓上邊路，接應後場長傳再係邊路出波甚具威脅。雖然曼聯主要強打左路，但可以係左路製造到既威脅就唔算太大，入波果下反而要靠右路一次界外球配合，艾歷臣靚傳中到尾柱，由福仔飛將軍式壓住基拿亞近距離頂入，而呢球更一箭定江山，為曼聯拿下今場勝仗。椰子則想以守行先，進攻倚靠左路賓哈馬為主，佢早段亦多次製造到傳中球同利用盤扭突破達洛治，今場甚為活躍；右路保雲明顯缺態，對住近況佳既梳爾冇啖好食，反而後上既基拿亞有一下扭入禁區仲有睇頭。雖然上半場兩隊踢得較為均勢，但韋斯咸都係守唔住，落後一球下番更衣室。
《椰子換人略嫌唔夠進取；坦克太早縮險成禍根》
椰子半場出黎即換，不過係換門將，用艾利奧拿入替受傷既法比安斯基。佢亦指示隊波要開始係前場俾番多少少壓力壓迫曼聯。下半場出黎韋斯咸係進攻節奏有所加快，同時亦係前場加速去壓迫曼聯，唔好再等佢拖慢黎踢；坦克則指示球隊縮後防守，放棄前場逼搶保留體力。早段韋斯咸成功搶番主導權，開始以兩側傳中去進攻，傳中落點多以尾柱為主，個波嘗試越過麥隊長同屠夫去進攻達洛治同梳爾。57分鐘，椰子首先作出調動，但佢選擇位換位用安東尼奧入替史卡馬卡。雖然史卡馬卡冇乜表現，但佢踢緊單箭頭，長期俾兩名中堅招呼，而安東尼奧屬開路型前鋒，以打反擊沖刺為主，落後一球下換走同樣冇乜表現既丹尼斯改打雙箭頭或會較為進取同有效果。坦克見對方換人，佢亦係61分鐘用麥湯文尼入替冇貢獻既伊蘭加，將般奴移去右翼，麥湯改任攻中，嘗試利用佢先係中前場掃，減低懷斯同蘇捷串連中後場既組織力，坦克已經想守到尾。椰子見你縮就梗係向前壓，再係77分鐘用科勞斯入替丹尼斯，響起瘋狂進攻曼聯既訊號。坦克就係79分鐘用費特入替艾歷臣，一心用防守鐵三角守到尾。
《要防線有咁既水準先可以唔失波》
下半場末段呢十三分鐘完全係攻防戰，卻係韋斯咸瘋狂進攻曼聯。曼聯雖然仍有福仔同C朗係中前場等待反擊機會，但中場缺少左艾歷臣輸送，加上後場全面受壓，解圍已經非常吃力，就更難可以精準俾到波前場去打反擊。當前場停到波，就因傳送過急輕易失去控球權，俾韋斯咸又可以打攻守轉換。韋斯咸尾段多次以兩邊落底傳中，加埋罰球角球去製造攻門，要不是達洛治多次係尾柱成功解圍、麥隊長係中路以身高優勢頂走對方高空波，亦有一下係中路成功攔截賓哈馬既單騎盤扭同屠夫幾下靚楔位頭鎚解圍，再加上迪基亞幾下精彩神救，曼聯係冇可能可以一球守到尾。韋斯咸角球最後一擊，曼聯憑著麥隊長頂到個波加埋達洛治大腳踢清，球證先吹雞完場。曼聯驚險地以一比零擊敗韋斯咸，全取三分。
《總結》
安東尼既重要性係呢場缺陣下展露左出黎，要睇下辛祖幾時重現番係多蒙特既昔日光彩。C朗拿度今場仍然係積極跑動，積極爭取埋門機會，但一周雙賽影響佢衝刺力同埋門射波既力。今場坦克既調動未免太保守，太早想用防守去保持勝果，差少少就出事。煲魚生粥贏波係冇問題，但你唔能夠希望整條防線可以場場都有咁超水準演出保持清白之軀，點樣利用保持控球在腳去消磨對方意志同比賽時間會係隊波需要改善既地方。最後想講講麥隊長，今場除左早段佢較為慢熱，一兩下防守判斷有少少失誤之外，其餘時間佢都相當稱職。著起件波衫為曼聯出戰就應該要撐，而唔係不停睇佢幾時仆街。剛傷癒難有十足狀態，絕對需要踢多兩場催谷，期待見番英格蘭既麥佳亞。幾日後對皇蘇，仲係要贏兩球以上既比賽，繼續加油！
======================================有興趣睇分析片既朋友都可以follow 以下 Instagram
https://www.instagram.com/hea.talk.manu/
莫椰斯排出4-4-1-1陣式。法比安斯基出任門將。防線左至右係基士維-蘇馬-多遜-基拿亞。懷斯同蘇捷踢防中。左右中場係賓哈馬同保雲。攻擊中場丹尼斯支援前鋒史卡馬卡進攻。
《點評一下正選陣容》
賽前預測都提過如要應付韋斯咸既兩翼側擊踢法，中堅用麥隊長絕對會比連迪路夫為佳。坦克最後果然起用麥隊長拍屠夫相信都係有考慮呢一點，但冰人連後備都冇，我就有少少擔心佢係咪又受傷，畢竟隊中已缺少華拉尼，佢再傷就冇後備可以用。安東尼病左，令伊蘭加有正選亦令我打左個突。伊蘭加都俾坦克雪左一段時間，上場歐霸盃起用加拿祖都冇拎佢出黎解凍，可見係右翼方面確實缺人，辛祖既低沉亦令佢暫時失去正選。前鋒再次起用C朗拿度，雖然上場歐霸盃賽事C朗既發揮係有目共睹，但一周雙賽對佢既體力消耗有幾大？幾日休息能否補充體力確實係一大疑問。
《飛將軍一箭定江山》
椰子既韋斯咸並冇係前場作任何逼搶，純粹係三閘線開始遮線，令到曼聯多係後場慢慢搓傳，進攻節奏緩慢。個人認為係坦克戰術要求針對對方右閘進行攻擊，球隊不停overload左路進攻，甚少由左至右轉邊到右路俾伊蘭加去進行個人突破。伊蘭加除左一下係右路插入中路接應長傳較顯眼外，其餘時間都甚少有波到腳。右路達洛治則靠後場組織時壓上邊路，接應後場長傳再係邊路出波甚具威脅。雖然曼聯主要強打左路，但可以係左路製造到既威脅就唔算太大，入波果下反而要靠右路一次界外球配合，艾歷臣靚傳中到尾柱，由福仔飛將軍式壓住基拿亞近距離頂入，而呢球更一箭定江山，為曼聯拿下今場勝仗。椰子則想以守行先，進攻倚靠左路賓哈馬為主，佢早段亦多次製造到傳中球同利用盤扭突破達洛治，今場甚為活躍；右路保雲明顯缺態，對住近況佳既梳爾冇啖好食，反而後上既基拿亞有一下扭入禁區仲有睇頭。雖然上半場兩隊踢得較為均勢，但韋斯咸都係守唔住，落後一球下番更衣室。
《椰子換人略嫌唔夠進取；坦克太早縮險成禍根》
椰子半場出黎即換，不過係換門將，用艾利奧拿入替受傷既法比安斯基。佢亦指示隊波要開始係前場俾番多少少壓力壓迫曼聯。下半場出黎韋斯咸係進攻節奏有所加快，同時亦係前場加速去壓迫曼聯，唔好再等佢拖慢黎踢；坦克則指示球隊縮後防守，放棄前場逼搶保留體力。早段韋斯咸成功搶番主導權，開始以兩側傳中去進攻，傳中落點多以尾柱為主，個波嘗試越過麥隊長同屠夫去進攻達洛治同梳爾。57分鐘，椰子首先作出調動，但佢選擇位換位用安東尼奧入替史卡馬卡。雖然史卡馬卡冇乜表現，但佢踢緊單箭頭，長期俾兩名中堅招呼，而安東尼奧屬開路型前鋒，以打反擊沖刺為主，落後一球下換走同樣冇乜表現既丹尼斯改打雙箭頭或會較為進取同有效果。坦克見對方換人，佢亦係61分鐘用麥湯文尼入替冇貢獻既伊蘭加，將般奴移去右翼，麥湯改任攻中，嘗試利用佢先係中前場掃，減低懷斯同蘇捷串連中後場既組織力，坦克已經想守到尾。椰子見你縮就梗係向前壓，再係77分鐘用科勞斯入替丹尼斯，響起瘋狂進攻曼聯既訊號。坦克就係79分鐘用費特入替艾歷臣，一心用防守鐵三角守到尾。
《要防線有咁既水準先可以唔失波》
下半場末段呢十三分鐘完全係攻防戰，卻係韋斯咸瘋狂進攻曼聯。曼聯雖然仍有福仔同C朗係中前場等待反擊機會，但中場缺少左艾歷臣輸送，加上後場全面受壓，解圍已經非常吃力，就更難可以精準俾到波前場去打反擊。當前場停到波，就因傳送過急輕易失去控球權，俾韋斯咸又可以打攻守轉換。韋斯咸尾段多次以兩邊落底傳中，加埋罰球角球去製造攻門，要不是達洛治多次係尾柱成功解圍、麥隊長係中路以身高優勢頂走對方高空波，亦有一下係中路成功攔截賓哈馬既單騎盤扭同屠夫幾下靚楔位頭鎚解圍，再加上迪基亞幾下精彩神救，曼聯係冇可能可以一球守到尾。韋斯咸角球最後一擊，曼聯憑著麥隊長頂到個波加埋達洛治大腳踢清，球證先吹雞完場。曼聯驚險地以一比零擊敗韋斯咸，全取三分。
《總結》
安東尼既重要性係呢場缺陣下展露左出黎，要睇下辛祖幾時重現番係多蒙特既昔日光彩。C朗拿度今場仍然係積極跑動，積極爭取埋門機會，但一周雙賽影響佢衝刺力同埋門射波既力。今場坦克既調動未免太保守，太早想用防守去保持勝果，差少少就出事。煲魚生粥贏波係冇問題，但你唔能夠希望整條防線可以場場都有咁超水準演出保持清白之軀，點樣利用保持控球在腳去消磨對方意志同比賽時間會係隊波需要改善既地方。最後想講講麥隊長，今場除左早段佢較為慢熱，一兩下防守判斷有少少失誤之外，其餘時間佢都相當稱職。著起件波衫為曼聯出戰就應該要撐，而唔係不停睇佢幾時仆街。剛傷癒難有十足狀態，絕對需要踢多兩場催谷，期待見番英格蘭既麥佳亞。幾日後對皇蘇，仲係要贏兩球以上既比賽，繼續加油！
======================================有興趣睇分析片既朋友都可以follow 以下 Instagram
https://www.instagram.com/hea.talk.manu/
請按此登錄後留言。未成為會員? 立即註冊