《點評一下正選陣容》
賽前曼聯只需拎一分就可出線，要爭取首名就要贏波先仲有得爭，所以坦克今場都唔算好大輪換下迎戰。始終都係驚有閃失，龍門都係用迪基亞，杜巴卡有列入後備名單，相信盃仔會係由佢把關。抽起近況大勇梳爾，等馬拿斯亞操下狀態。華拉尼傷，麥佳亞狀態未fit，起用連迪路夫拍馬天尼斯都係預期之內。雲比沙加賽前已復操，不過正選右閘仍然係達洛治。中場精英盡出，鐵三角係艾歷臣、卡斯美路同般奴費南迪斯，唔領先都冇得休息。契仔安東尼繼續正選，左翼抽起華舒福同辛祖都係意料之內，但竟然起用加拿祖擔正就估佢唔到。睇黎伊蘭加今季後都可以諗下有冇其他隊想去。前鋒當然擺上破冰既C朗拿度，期望佢有好表現回應壓力。
《竟然角球入波，入果個仲要係佢》
舒列夫一開波就5-4-1全軍退守，前鋒都番到三閘線，盡量塞滿後場空間，務求泊巴士到完場，所以曼聯基本上都拎住個波踢，睇下有咩辦法去破密集。艾歷臣在場必定會墜後到左中堅派牌，令左閘放心壓上進攻。佢俾波質數之高不得不令人佩服，多次地波打穿對方中場線直接搵到般奴或其他中前場球員。面對密集，曼聯都多次係禁區外放冷箭嘗試令對方後衛要壓出黎擋，可惜幾下靚射都被撲出。前場球員走動唔算特別多，突顯到C朗今場積極性，多次插入中堅與中堅間既身後空間，去引導閘位球員或艾歷臣吊高波或傳中等佢去攻門。不過當C朗在陣時，其他球員都好集中去餵俾佢，愈係刻意俾個波佢，對方防守就愈容易，亦令入波更加困難。加拿祖既表現亦值得一讚，係邊線非常有膽色去過波，時而沉底，時而出番大位，時而引到二人夾擊就分。佢係左路既進攻比辛祖更具侵略性。曼聯今場圍攻比以往有耐性，兩則亦多對角踢斜點尾柱尋找閘位同邊中堅既身後空間進攻，明顯係有練習如何進攻5-4-1。曼聯都要圍攻到44分鐘，憑達洛治接應艾歷臣既角球頂入，領先一比零番更衣室，真係估唔到達洛治原來識頭鎚攻門。
《贏緊就可以練下兵操下戰術》
下半場坦克即刻用麥佳亞同華舒福換入安東尼同馬天尼斯。麥隊長傷癒後第一場復出踢半場操操狀態；福仔入黎除左俾安東尼休息外，亦想試下擺般奴踢右邊提供高質傳中去尋找C朗攻門。練習Plan B戰術，擺多個前鋒係前面進攻，多打側擊出波。領先下既曼聯冇係前場做太多逼搶，盡量保留體力；落後既舒列夫雖然多左用波時間，但能力有限都難創造機會埋門，被圍攻格局仍然明顯。坦克係62分鐘再換入梳爾同麥湯文尼，等卡斯美路同達洛治休息，馬拿斯亞再次串演右閘。雲比沙加應該唔係坦克杯茶，睇黎下季都見佢唔到。65分鐘，福仔接應梳爾左路傳中頭鎚攻門入網，為曼聯領先到二比零。多左福仔係前場跑動同接應下，個波冇再特別去搵C朗黎俾，自自然其他人都有機會去埋門就又入波囉。福仔今場係中路表現都活躍，多左幫手停波回波或者走位拉扯。坦克79分鐘再換入雲迪碧克，擺佢踢攻擊中場，後上支援C朗。上季同前季既中場係麥費組合，兩個都難以輸送個波去前場，再出佢係前面跑就斷晒成條中場；擺佢踢後一格，佢又唔係較炮派牌型球員，難以發揮所長，亦難帶動整隊係中場運作；但如今中場有卡斯美路同艾歷臣，雲迪碧克係前場既跑動同與隊友之間既配合就可以發揮到，應該會有佢上陣時間。81分鐘，C朗接應般奴右路靚傳中頭鎚攻門被撲出，自己再跟進係門前補射入網，今仗終於搵到入球。較早時間亦食左一次明顯詐糊，睇得出佢今場入波既決心好大，而佢亦絕對需要一個入波去釋放壓力。憑三個入球，曼聯輕鬆取勝保持爭取首名出線既機會。
《總結》
正選陣容都算出盡全力去踢，亦明顯想係半場內入波去解決對手。對手既全防守模式令不善破密集既曼聯確實帶黎一定既難度，但見到隊波應付呢種踢法呢種陣式既球隊開始有條理有板斧去創造射門機會，呢個進步係明顯既。上半場領先到亦令球員有喘息既空間去留力對韋斯咸既賽事。C朗除左再次入波，佢係場上既投入相信亦可令坦克同球迷安心。聯賽做後備殺手；盃賽踢正選，除左有利佢留力踢世界盃，對曼聯長遠發展亦係好事。下場對椰子既韋斯咸，又係一場硬仗。繼續加油吧！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
賽前曼聯只需拎一分就可出線，要爭取首名就要贏波先仲有得爭，所以坦克今場都唔算好大輪換下迎戰。始終都係驚有閃失，龍門都係用迪基亞，杜巴卡有列入後備名單，相信盃仔會係由佢把關。抽起近況大勇梳爾，等馬拿斯亞操下狀態。華拉尼傷，麥佳亞狀態未fit，起用連迪路夫拍馬天尼斯都係預期之內。雲比沙加賽前已復操，不過正選右閘仍然係達洛治。中場精英盡出，鐵三角係艾歷臣、卡斯美路同般奴費南迪斯，唔領先都冇得休息。契仔安東尼繼續正選，左翼抽起華舒福同辛祖都係意料之內，但竟然起用加拿祖擔正就估佢唔到。睇黎伊蘭加今季後都可以諗下有冇其他隊想去。前鋒當然擺上破冰既C朗拿度，期望佢有好表現回應壓力。
《竟然角球入波，入果個仲要係佢》
舒列夫一開波就5-4-1全軍退守，前鋒都番到三閘線，盡量塞滿後場空間，務求泊巴士到完場，所以曼聯基本上都拎住個波踢，睇下有咩辦法去破密集。艾歷臣在場必定會墜後到左中堅派牌，令左閘放心壓上進攻。佢俾波質數之高不得不令人佩服，多次地波打穿對方中場線直接搵到般奴或其他中前場球員。面對密集，曼聯都多次係禁區外放冷箭嘗試令對方後衛要壓出黎擋，可惜幾下靚射都被撲出。前場球員走動唔算特別多，突顯到C朗今場積極性，多次插入中堅與中堅間既身後空間，去引導閘位球員或艾歷臣吊高波或傳中等佢去攻門。不過當C朗在陣時，其他球員都好集中去餵俾佢，愈係刻意俾個波佢，對方防守就愈容易，亦令入波更加困難。加拿祖既表現亦值得一讚，係邊線非常有膽色去過波，時而沉底，時而出番大位，時而引到二人夾擊就分。佢係左路既進攻比辛祖更具侵略性。曼聯今場圍攻比以往有耐性，兩則亦多對角踢斜點尾柱尋找閘位同邊中堅既身後空間進攻，明顯係有練習如何進攻5-4-1。曼聯都要圍攻到44分鐘，憑達洛治接應艾歷臣既角球頂入，領先一比零番更衣室，真係估唔到達洛治原來識頭鎚攻門。
《贏緊就可以練下兵操下戰術》
下半場坦克即刻用麥佳亞同華舒福換入安東尼同馬天尼斯。麥隊長傷癒後第一場復出踢半場操操狀態；福仔入黎除左俾安東尼休息外，亦想試下擺般奴踢右邊提供高質傳中去尋找C朗攻門。練習Plan B戰術，擺多個前鋒係前面進攻，多打側擊出波。領先下既曼聯冇係前場做太多逼搶，盡量保留體力；落後既舒列夫雖然多左用波時間，但能力有限都難創造機會埋門，被圍攻格局仍然明顯。坦克係62分鐘再換入梳爾同麥湯文尼，等卡斯美路同達洛治休息，馬拿斯亞再次串演右閘。雲比沙加應該唔係坦克杯茶，睇黎下季都見佢唔到。65分鐘，福仔接應梳爾左路傳中頭鎚攻門入網，為曼聯領先到二比零。多左福仔係前場跑動同接應下，個波冇再特別去搵C朗黎俾，自自然其他人都有機會去埋門就又入波囉。福仔今場係中路表現都活躍，多左幫手停波回波或者走位拉扯。坦克79分鐘再換入雲迪碧克，擺佢踢攻擊中場，後上支援C朗。上季同前季既中場係麥費組合，兩個都難以輸送個波去前場，再出佢係前面跑就斷晒成條中場；擺佢踢後一格，佢又唔係較炮派牌型球員，難以發揮所長，亦難帶動整隊係中場運作；但如今中場有卡斯美路同艾歷臣，雲迪碧克係前場既跑動同與隊友之間既配合就可以發揮到，應該會有佢上陣時間。81分鐘，C朗接應般奴右路靚傳中頭鎚攻門被撲出，自己再跟進係門前補射入網，今仗終於搵到入球。較早時間亦食左一次明顯詐糊，睇得出佢今場入波既決心好大，而佢亦絕對需要一個入波去釋放壓力。憑三個入球，曼聯輕鬆取勝保持爭取首名出線既機會。
《總結》
正選陣容都算出盡全力去踢，亦明顯想係半場內入波去解決對手。對手既全防守模式令不善破密集既曼聯確實帶黎一定既難度，但見到隊波應付呢種踢法呢種陣式既球隊開始有條理有板斧去創造射門機會，呢個進步係明顯既。上半場領先到亦令球員有喘息既空間去留力對韋斯咸既賽事。C朗除左再次入波，佢係場上既投入相信亦可令坦克同球迷安心。聯賽做後備殺手；盃賽踢正選，除左有利佢留力踢世界盃，對曼聯長遠發展亦係好事。下場對椰子既韋斯咸，又係一場硬仗。繼續加油吧！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
請按此登錄後留言。未成為會員? 立即註冊