坦克今場大幅度輪換，龍門繼續係迪基亞，麥隊長復任正選拍連迪路夫，左右二閘則繼續係達洛特同馬拿斯亞。卡斯美路首次擔正出任防中拍住艾力臣。左翼起用伊蘭加，右翼繼續係契仔安東尼。攻擊中場改用費特支援C朗拿度攻堅。
坦克有少少低估左對手
坦克將前幾場用開既三人中場拎走兩個，只保留艾力臣，而中堅位置更直接換晒，前鋒亦因福仔馬仔受傷，而起用C朗拿度。除左大幅度改變整條中軸線，坦克仲係進攻上明顯地改變企位。前幾場因麥湯文尼用波能力欠佳，艾力臣會經常係佢附近接近平排位置去現身幫波；今場卡斯美路會經常企係兩名中堅前，以一個逗後中場去拎波分波，將艾力臣推至左中場中，增加其進攻自由度，而費特則會係前場中路為主，間中先會回後到右邊支援達洛特同安東尼，盡量騰空右路空間等安東尼發揮。球員適應需時，加上球員之間一齊比賽既時間係零，未有足夠既默契了解到相互之間既企位同踢波既特點，加上費特難以做到同般奴一樣既功效，停波派牌控制節奏推進都不在同一檔次，就完全令到中場組織既流暢度減弱，踢唔到前幾場非常有效既快速進攻。呢場坦克亦嘗試要求球員係後場開始組織，明顯放長傳次數減少，但因中場既改變太大，加上對方針對性部署，令到曼聯上半場進攻乏力。唔低估對手既就至少要用艾般組合再配上卡斯美路。畢竟係歐霸盃第一場主場，應該先贏波再講輪換，邊路球員可以輪換，但中軸核心應該盡量用番。
皇蘇和到馬體會唔是流
絕對要讚皇蘇既部署，陣式寫就4-3-3 ，踢落就係一個4-1-2-1-2。一有控球權就將節奏盡量拖慢，將陣式拉闊，引曼聯係前場進行逼搶，但後防甚少踢長傳，選擇地波搓多兩板。中場改踢菱形中場去overload曼聯既三中場，兩側邊路只留一對閘位球員。前鋒兩個企係中路，令到曼聯二閘不能壓太前去逼閘位球員。上半場皇蘇既搓傳令到曼聯防守時多次得個撲字。防守要讚一對二閘，係前場逼搶時，緊貼住安東尼同伊蘭加，令佢地上腳都極有難度，難以持球突破去解除逼搶。曼聯兩翼突破唔到，中路又俾人overload，加上費特同C朗拿度都唔能夠好似福仔段段同你追落個空位壓迫，或者可以接應到高波停波，只要逼到迪基亞或者後防大腳踢前，皇蘇就可以輕鬆拎番控球又搓過。雖然進攻唔係太具威脅，但控球拖慢消磨時間既戰術非常成功，
坦克半場既調動有D怪 對面針對你即換
坦克見隊波上半場踢到綁手綁腳，下半場一開就換兩個，除左用般奴入替艾力臣，將費特移番後一格；另外用馬天尼斯入替達洛特，推冰人踢右閘。明明皇蘇既久保健英係左路較大威脅，坦克仲抽起跑得快既大佬去用冰人去守就諗唔明（有傷就冇計）。唔知皇蘇個教頭係見到你換馬天尼斯定本身就想加強攻力，換入高佬蘇洛夫重點高空轟炸。下半場見到皇蘇改踢4-4-2，久保健英幾下靚傳中搵到蘇洛夫都差少少入波，高波落點當然追住馬天尼斯。
呢下手球真係要聽下var解釋
曼聯防線幾下唔駛輸都響起警號，但前面進攻都仍然冇乜起色。卡斯美路始終唔係派牌組織型球員，隔離既費特控傳組織能力薄弱，要靠佢兩個去運波上前場，實在有點兒吃力。中間冇乜波到，兩翼又俾人守死，難以製造到攻勢。踢到59分鐘都係出事，皇蘇角球攻勢，曼聯球員第一點解圍後，個波彈左落大衛施華腳下，佢係禁區左腳射尾柱被飛身出黎封既馬天尼斯擋到，個波先中馬天尼斯既腳再彈左去佢右手手臂。佢整個人飛身既時候已經成個人擰轉身，隻手都冇特登伸出黎去攔截，但球證當刻認為係畜意手球。經VAR商議都係維持原判，過程中球證亦冇去睇電視機。咁其實話事果個係主球證定係房入面VAR球證呢？最後，文迪斯主射破網，領先一比零。
新力軍出場見到既係活力落後一球下既曼聯未見有起色。坦克就係71分鐘用加拿祖同辛祖入替碌碌無為既伊蘭加同安東尼，嘗試換人係邊路突破。見到加拿祖非常有活力，係前場跑動甚多，拎到波都嘗試係左路盤扭突破，反而辛祖出黎既表現都較為沉寂，冇係左路咁活躍。踢到83分鐘，坦克再用麥尼爾入替馬拿斯亞，改踢3-5-2去搏鎚。前面多左一個中鋒都令到皇蘇後防唔係太適應，尾段曼聯都有番攻勢，但黃金機會就欠奉，多屬外圍施射，亦難以射破皇蘇龍門十指關。球證鳴笛，曼聯一比零落敗。
總結
坦克低估左皇蘇，想係呢場輪換球員再試戰術，令到呢場波踢落非常被動。果下手球應唔應該俾十二碼就各大球迷自行判斷啦！落後下都見到坦克有針對性換人，最後亦抽走一個後防去換前鋒，都好耐冇見過呢類搏殺既調動，值得讚賞。翼鋒安東尼今場表現除左上半場中後段有幾下策動進攻，其餘時間都係較為一般，需要時間去同隊友磨合。因英女皇逝世，英國本土賽事應會全部延期。除左球員可以休息一下外，坦克亦多左時間備戰下場歐霸盃作客對沙列夫既賽事。士頭婆，RIP======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
坦克有少少低估左對手
坦克將前幾場用開既三人中場拎走兩個，只保留艾力臣，而中堅位置更直接換晒，前鋒亦因福仔馬仔受傷，而起用C朗拿度。除左大幅度改變整條中軸線，坦克仲係進攻上明顯地改變企位。前幾場因麥湯文尼用波能力欠佳，艾力臣會經常係佢附近接近平排位置去現身幫波；今場卡斯美路會經常企係兩名中堅前，以一個逗後中場去拎波分波，將艾力臣推至左中場中，增加其進攻自由度，而費特則會係前場中路為主，間中先會回後到右邊支援達洛特同安東尼，盡量騰空右路空間等安東尼發揮。球員適應需時，加上球員之間一齊比賽既時間係零，未有足夠既默契了解到相互之間既企位同踢波既特點，加上費特難以做到同般奴一樣既功效，停波派牌控制節奏推進都不在同一檔次，就完全令到中場組織既流暢度減弱，踢唔到前幾場非常有效既快速進攻。呢場坦克亦嘗試要求球員係後場開始組織，明顯放長傳次數減少，但因中場既改變太大，加上對方針對性部署，令到曼聯上半場進攻乏力。唔低估對手既就至少要用艾般組合再配上卡斯美路。畢竟係歐霸盃第一場主場，應該先贏波再講輪換，邊路球員可以輪換，但中軸核心應該盡量用番。
皇蘇和到馬體會唔是流
絕對要讚皇蘇既部署，陣式寫就4-3-3 ，踢落就係一個4-1-2-1-2。一有控球權就將節奏盡量拖慢，將陣式拉闊，引曼聯係前場進行逼搶，但後防甚少踢長傳，選擇地波搓多兩板。中場改踢菱形中場去overload曼聯既三中場，兩側邊路只留一對閘位球員。前鋒兩個企係中路，令到曼聯二閘不能壓太前去逼閘位球員。上半場皇蘇既搓傳令到曼聯防守時多次得個撲字。防守要讚一對二閘，係前場逼搶時，緊貼住安東尼同伊蘭加，令佢地上腳都極有難度，難以持球突破去解除逼搶。曼聯兩翼突破唔到，中路又俾人overload，加上費特同C朗拿度都唔能夠好似福仔段段同你追落個空位壓迫，或者可以接應到高波停波，只要逼到迪基亞或者後防大腳踢前，皇蘇就可以輕鬆拎番控球又搓過。雖然進攻唔係太具威脅，但控球拖慢消磨時間既戰術非常成功，
坦克半場既調動有D怪 對面針對你即換
坦克見隊波上半場踢到綁手綁腳，下半場一開就換兩個，除左用般奴入替艾力臣，將費特移番後一格；另外用馬天尼斯入替達洛特，推冰人踢右閘。明明皇蘇既久保健英係左路較大威脅，坦克仲抽起跑得快既大佬去用冰人去守就諗唔明（有傷就冇計）。唔知皇蘇個教頭係見到你換馬天尼斯定本身就想加強攻力，換入高佬蘇洛夫重點高空轟炸。下半場見到皇蘇改踢4-4-2，久保健英幾下靚傳中搵到蘇洛夫都差少少入波，高波落點當然追住馬天尼斯。
呢下手球真係要聽下var解釋
曼聯防線幾下唔駛輸都響起警號，但前面進攻都仍然冇乜起色。卡斯美路始終唔係派牌組織型球員，隔離既費特控傳組織能力薄弱，要靠佢兩個去運波上前場，實在有點兒吃力。中間冇乜波到，兩翼又俾人守死，難以製造到攻勢。踢到59分鐘都係出事，皇蘇角球攻勢，曼聯球員第一點解圍後，個波彈左落大衛施華腳下，佢係禁區左腳射尾柱被飛身出黎封既馬天尼斯擋到，個波先中馬天尼斯既腳再彈左去佢右手手臂。佢整個人飛身既時候已經成個人擰轉身，隻手都冇特登伸出黎去攔截，但球證當刻認為係畜意手球。經VAR商議都係維持原判，過程中球證亦冇去睇電視機。咁其實話事果個係主球證定係房入面VAR球證呢？最後，文迪斯主射破網，領先一比零。
新力軍出場見到既係活力落後一球下既曼聯未見有起色。坦克就係71分鐘用加拿祖同辛祖入替碌碌無為既伊蘭加同安東尼，嘗試換人係邊路突破。見到加拿祖非常有活力，係前場跑動甚多，拎到波都嘗試係左路盤扭突破，反而辛祖出黎既表現都較為沉寂，冇係左路咁活躍。踢到83分鐘，坦克再用麥尼爾入替馬拿斯亞，改踢3-5-2去搏鎚。前面多左一個中鋒都令到皇蘇後防唔係太適應，尾段曼聯都有番攻勢，但黃金機會就欠奉，多屬外圍施射，亦難以射破皇蘇龍門十指關。球證鳴笛，曼聯一比零落敗。
總結
坦克低估左皇蘇，想係呢場輪換球員再試戰術，令到呢場波踢落非常被動。果下手球應唔應該俾十二碼就各大球迷自行判斷啦！落後下都見到坦克有針對性換人，最後亦抽走一個後防去換前鋒，都好耐冇見過呢類搏殺既調動，值得讚賞。翼鋒安東尼今場表現除左上半場中後段有幾下策動進攻，其餘時間都係較為一般，需要時間去同隊友磨合。因英女皇逝世，英國本土賽事應會全部延期。除左球員可以休息一下外，坦克亦多左時間備戰下場歐霸盃作客對沙列夫既賽事。士頭婆，RIP======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
請按此登錄後留言。未成為會員? 立即註冊