周中加開快車，曼聯作客李斯特城，但坦克未有因三日後要火拼阿仙奴而作出輪換，繼續排出勝利十一人陣容。門將係迪基亞。中堅拍擋華拉尼同馬天尼斯，配合左右二閘馬拿斯亞同達洛特組成防線。一對防中一攻一守則係麥湯文尼同艾歷臣。兩翼繼續係伊蘭加同辛祖聯同攻擊中場般奴費南迪斯支援前鋒華舒福攻堅。
坦克請君入甕成功
小弟賽前預測羅渣士係四場不勝三連敗下，主場係冇可能唔推前防線去進攻，而一開波就見到推測正確，咁就正中坦克下懷。曼聯後防繼續簡單為主，你一高壓逼搶，我就扔長波等前面三隻快翼哨，後面唔同你盲目地波組織。因為李斯特城壓前，導致後場空間較多，曼聯多次憑快速反擊製造威脅。入果一球正正就係李斯特城壓前進攻突然斷纜，後防空虛俾達洛特一個直線隊穿中場搵到般奴，再由佢塞直線俾後上既福仔，再彈個俾斜線俾再後上既辛祖一鎚定音。整個反擊快狠準，加上李斯特城後場極多空間就俾曼聯入波。整場波坦克既戰術都係請君入甕，你黎攻就岩晒我河車，前場有機會先用4-5人去進行逼搶，後場唔好俾華迪有空間快放，所以今場甚少見到華迪有機會發揮速度。今場既4人防線亦非常穩健同稱職，雖然二閘防守力有待進步，但二人回追速度同積極性都大大減低左班尼斯同麥迪臣既威脅。球隊除左防守，係保持控球亦有所進步，前場開始識等支援，回波等中場派牌控制節奏，但略嫌缺少係保持控球外，制造空間搵空位進攻既威脅同模式。
數據未必睇到既野
今場少勝一比零，睇數據亮麗既可能會係馬天尼斯，策動進攻既般奴費南迪斯，但有幾樣野係數據未必睇到。
1）麥湯文尼無名英雄
以往由麥湯文尼拍費特係中場純掃蕩，到有時用普巴拍佢打雙防中，都會見到麥湯文尼經常犯錯，經常失位，經常無緣無故失控球，經常自己中路推進等等既犯錯。坦克帶隊既頭兩場起用倒三角企位，都仍然見到佢係中場既弱點，但由對利物浦開始，改踢番4-2-3-1後，艾力臣係佢隔離既提場，同佢既配合開始發揮到兩人既效用，而麥湯亦冇再亂咁解圍，有波就以保持控球為目標，搵艾歷臣去派牌，自己專責係中場做dirty work(有興趣睇數據既朋友可以望下，我相信佢既傳球成功率係大大提升)。呢三場佢既表現都非常漂亮，大大加強左球隊係中路既防守，拍住艾力臣真正組成中堅前既屏障。卡斯美路既來投先激活左麥湯文尼。
2）福仔抽筋係有原因
今場有睇波既曼迷或者都會鬧佢，有好幾下係前場威脅地帶失控球。雖然果幾下係抵鬧，但都要讚佢今場既表現。防守係前場第一點開始發動逼搶，去到尾段番到左後防位置飛剷麥迪臣。雖然犯規，但見到佢非常有火去做防守。進攻方面，開始係前場停到第一點。面對伊雲斯既緊纏，仍能回波俾般奴或者令到伊雲斯要犯規整停佢。無球跑動既次數非常多，去幫手做拉扯。尾段有一下反擊亦靠佢狂奔向左翼位，拉開中路等C朗轉方向到右路，般奴再等埋達洛特上黎傳中，差少少令到伊恩拿祖擺烏龍，成個攻勢佢既拉扯係非常重要。另外， 今場見到佢同般奴多左好多互動，幾下既故意一漏等般奴係更前位置停波再走位，亦有係中路迎去邊路同翼鋒打一下撞牆落底同係中路駁腳轉方向。當然唔少得、接應後場長傳既衝刺跑動。數據上未必反映到上述既野。最後，當然要讚佢既助攻俾辛祖入波啦。
3）卡斯美路級數展現
卡斯美路今場後備踢左30分鐘，一落場已經見到佢幾下穿透力向前既傳送係麥湯同費特都冇。球隊係下半場頭15分鐘被狂攻時，坦克一換佢出黎，就立即見到效果。利用卡斯美路保持控球權、拖慢球賽節奏既能力，將李斯特城果段既氣勢先壓一壓，令整隊波係場上冇咁被動。佢拍住麥湯文尼更加強左中路既防守，末段加埋跑王費特，組成中場防守三人組去保持勝果，睇黎會係坦克常用既末段陣容。今場佢先列後備，或者係保留體力去應付周末對阿仙奴既賽事，而麥湯前兩場表現係值得佢今場繼續正選。
4）C朗「肯」踢30分鐘係好好用
C朗今場繼續先列後備，68分鐘先入替跑到乾既辛祖係前場出任中鋒。多次策動反擊，中路幫手停波，有一下仲怒跑到右路邊線拗腰出波，都見到佢既速度仍有一定既水準。只要佢「肯」踢30分鐘，仍然會係對方後衛既惡夢，但可能佢要係踢法上再轉多少少，要盡量減少自己持球推進盤扭，改為柱躉回波捕位搶點既踢法更佳。呢三場都見到佢有嘗試係左路盤扭推大位射，但最後都係俾對方干擾下，唔知踢左個波去邊。畢竟盤扭同追住波跑係有分別，依家既佢盤扭真係慢左好多，再係踢法上改變或有第三春既來臨。
總結
球隊再次保持清白之身，加上三連勝既氣勢，大大加強左球員既信心係周末火拼阿仙奴。右翼安東尼既加盟亦加強左進攻本錢，坦克既曼聯開始步入正軌，要再改善球隊破密集既能力先可以有望重回爭標行列。繼續加油吧！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
坦克請君入甕成功
小弟賽前預測羅渣士係四場不勝三連敗下，主場係冇可能唔推前防線去進攻，而一開波就見到推測正確，咁就正中坦克下懷。曼聯後防繼續簡單為主，你一高壓逼搶，我就扔長波等前面三隻快翼哨，後面唔同你盲目地波組織。因為李斯特城壓前，導致後場空間較多，曼聯多次憑快速反擊製造威脅。入果一球正正就係李斯特城壓前進攻突然斷纜，後防空虛俾達洛特一個直線隊穿中場搵到般奴，再由佢塞直線俾後上既福仔，再彈個俾斜線俾再後上既辛祖一鎚定音。整個反擊快狠準，加上李斯特城後場極多空間就俾曼聯入波。整場波坦克既戰術都係請君入甕，你黎攻就岩晒我河車，前場有機會先用4-5人去進行逼搶，後場唔好俾華迪有空間快放，所以今場甚少見到華迪有機會發揮速度。今場既4人防線亦非常穩健同稱職，雖然二閘防守力有待進步，但二人回追速度同積極性都大大減低左班尼斯同麥迪臣既威脅。球隊除左防守，係保持控球亦有所進步，前場開始識等支援，回波等中場派牌控制節奏，但略嫌缺少係保持控球外，制造空間搵空位進攻既威脅同模式。
數據未必睇到既野
今場少勝一比零，睇數據亮麗既可能會係馬天尼斯，策動進攻既般奴費南迪斯，但有幾樣野係數據未必睇到。
1）麥湯文尼無名英雄
以往由麥湯文尼拍費特係中場純掃蕩，到有時用普巴拍佢打雙防中，都會見到麥湯文尼經常犯錯，經常失位，經常無緣無故失控球，經常自己中路推進等等既犯錯。坦克帶隊既頭兩場起用倒三角企位，都仍然見到佢係中場既弱點，但由對利物浦開始，改踢番4-2-3-1後，艾力臣係佢隔離既提場，同佢既配合開始發揮到兩人既效用，而麥湯亦冇再亂咁解圍，有波就以保持控球為目標，搵艾歷臣去派牌，自己專責係中場做dirty work(有興趣睇數據既朋友可以望下，我相信佢既傳球成功率係大大提升)。呢三場佢既表現都非常漂亮，大大加強左球隊係中路既防守，拍住艾力臣真正組成中堅前既屏障。卡斯美路既來投先激活左麥湯文尼。
2）福仔抽筋係有原因
今場有睇波既曼迷或者都會鬧佢，有好幾下係前場威脅地帶失控球。雖然果幾下係抵鬧，但都要讚佢今場既表現。防守係前場第一點開始發動逼搶，去到尾段番到左後防位置飛剷麥迪臣。雖然犯規，但見到佢非常有火去做防守。進攻方面，開始係前場停到第一點。面對伊雲斯既緊纏，仍能回波俾般奴或者令到伊雲斯要犯規整停佢。無球跑動既次數非常多，去幫手做拉扯。尾段有一下反擊亦靠佢狂奔向左翼位，拉開中路等C朗轉方向到右路，般奴再等埋達洛特上黎傳中，差少少令到伊恩拿祖擺烏龍，成個攻勢佢既拉扯係非常重要。另外， 今場見到佢同般奴多左好多互動，幾下既故意一漏等般奴係更前位置停波再走位，亦有係中路迎去邊路同翼鋒打一下撞牆落底同係中路駁腳轉方向。當然唔少得、接應後場長傳既衝刺跑動。數據上未必反映到上述既野。最後，當然要讚佢既助攻俾辛祖入波啦。
3）卡斯美路級數展現
卡斯美路今場後備踢左30分鐘，一落場已經見到佢幾下穿透力向前既傳送係麥湯同費特都冇。球隊係下半場頭15分鐘被狂攻時，坦克一換佢出黎，就立即見到效果。利用卡斯美路保持控球權、拖慢球賽節奏既能力，將李斯特城果段既氣勢先壓一壓，令整隊波係場上冇咁被動。佢拍住麥湯文尼更加強左中路既防守，末段加埋跑王費特，組成中場防守三人組去保持勝果，睇黎會係坦克常用既末段陣容。今場佢先列後備，或者係保留體力去應付周末對阿仙奴既賽事，而麥湯前兩場表現係值得佢今場繼續正選。
4）C朗「肯」踢30分鐘係好好用
C朗今場繼續先列後備，68分鐘先入替跑到乾既辛祖係前場出任中鋒。多次策動反擊，中路幫手停波，有一下仲怒跑到右路邊線拗腰出波，都見到佢既速度仍有一定既水準。只要佢「肯」踢30分鐘，仍然會係對方後衛既惡夢，但可能佢要係踢法上再轉多少少，要盡量減少自己持球推進盤扭，改為柱躉回波捕位搶點既踢法更佳。呢三場都見到佢有嘗試係左路盤扭推大位射，但最後都係俾對方干擾下，唔知踢左個波去邊。畢竟盤扭同追住波跑係有分別，依家既佢盤扭真係慢左好多，再係踢法上改變或有第三春既來臨。
總結
球隊再次保持清白之身，加上三連勝既氣勢，大大加強左球員既信心係周末火拼阿仙奴。右翼安東尼既加盟亦加強左進攻本錢，坦克既曼聯開始步入正軌，要再改善球隊破密集既能力先可以有望重回爭標行列。繼續加油吧！
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/
請按此登錄後留言。未成為會員? 立即註冊