遲黎既文章，但都要講下。兩隊間實在係非常大既差距，利物浦不論前場逼搶還是後場控球組織到前場埋門既成熟度接近完美，依家呢隊曼聯係冇得相提並論，但都想講下今場蘭sir既部署同分析下失波既原因。
今場蘭sir既部署
先講下正選陣容，賽前C朗因家事缺席賽事，就唯有用華舒福踢個箭頭。今場蘭sir係排左一個5-3-2陣式。龍門迪基亞。五人防線由左至右係達洛治-麥佳亞-鍾斯-連迪路夫-雲比沙加。中場三人由左至右係伊蘭加-馬迪-普巴。前線兩個係華舒福同般奴費南迪斯。
防守上蘭sir仍想係前場踢逼搶，希望可以令利物浦係後場組織會受壓而失誤。當利物浦開死球或個波較深係禁區線附近持球，曼聯會推雲比沙加上前去防守羅伯臣，推前防線將陣式改為4-4-2，嘗試係前場施加壓力。當利物浦成功推進到三閘線至中場線時，雲比會移番後變番5-3-2留番2個前線球員遮線。福仔會稍為移前，而般奴則會稍稍墮後，並先集中中路，逼利物浦先用兩側。當利記傳到兩側越過中場線，般奴會移後改踢右中場，陣式變為5-4-1，兩翼回後協防兩翼衛，堵塞對方邊路進攻。中場一對防中則堵塞中路空間。
上半場防守係見到佢既部署，但奈何你對防中係馬迪同普巴，亦係點解蘇B死攬麥湯同費特既主因。馬迪經驗雖好，但速率慢同覆蓋範圍唔大。普巴防守意識同警覺醒就不嬲都差。麥費組合如果只講防守，確係可以兩個人做三個人既工作，可惜兩個都有傷未能上陣。試想像，馬迪用經驗逗，麥費係前面撲，防守效果必定比出場既一對防中好。除左冇左麥費外，踢開4名後衛突然改踢5名亦令後防線既默契同位置感出現缺口。鍾斯幾年踢一場波，狀態一定不足，亦同另外兩名隊友既配合默契都必定唔夠。達洛治又要改任左翼衛，雲比沙加則並非翼衛材料。拜利又得罪左方丈冇得出，如用冰人加麥隊加拜利，拜利係速度上點都可以彌補番防線既不足。另外，明知對方用沙拿做核心加上左中堅出麥隊長，但選擇用防守力較差既達洛治客串左翼衛都係敗筆。反正都係翼足閘位，何不索性用雲比沙加去凍結沙拿，大家都踢少一個。我仲有達洛治係右邊試下上去打側擊。依家咁出，達洛治要守沙拿唔敢上、雲比就上同唔上都冇分別下，自斷晒兩條邊路。中場則想用普巴去護波控制節奏，但你都冇控球權，談甚麼節奏，就更放大左佢防守差既弱點。除左人腳配置出現問題，陣式不停轉換，而球員對戰術理解同執行力既不足，亦令場波非常被動。被對方三兩下拉扯，防守陣型就已經散左。蘭sir想逼，但要睇你憑乜野去逼人先。結果輸第一球就正正係向前逼就輸身後波（容後再談）係系統上，球員配置上，都冇得你去踢逼搶就不如索性守番5-4-1屯重兵打突擊算。如堅持用三中堅，我會出達洛治-連迪路夫-麥佳亞-拜利-雲比沙加。中場用伊蘭加-般奴-馬迪-連加特。前鋒就焗用福仔。整隊既速率起碼都跟到對方七成。下半場抽起鍾斯，改踢番4-3-3，明顯見到防守企位同進攻都有所改善。雖然對面係有留力，但場上形勢加埋辛祖既帶動都令到場波起碼冇咁悶先。最後再輸多兩球都冇咩好講啦。
失波原因
失第一球係戰術上同執行力既問題。當時球隊正正就係推高防線，變4-4-2係前場施壓，但當個波到右閘呀奴時，普巴同馬迪距離過大（普巴疑似已經受傷），一個三角短傳正正就係打入你兩名防中既空間。麥佳亞本身係cover達洛治，但文尼突然空晒，佢個企位已經係進退兩難。踢緊一對防中都好似冇防中去保護個中堅就一定死。輸呢個波我認為係戰術同中場配置問題遠大於怪責麥佳亞。
失第二球波原因就係中前場既企位問題。由馬迪普持球。當時個陣形理應變左5-4-1。前場最近應該係連加特要埋波遮線，般奴同馬迪應該企番係三中堅既身前防止馬迪普打直線入去俾前鋒球員停，但般奴就走向前去遮，而馬迪係未番到中路既位置，一對防中又失左蹤，就被人直線打入心藏地帶。迪亞斯停完仲有成4-5個白衫圍住都可以回番後再撞俾文尼。要讚文尼個波chip得靚，達洛治係睇住俾人楔都跟唔到就又一球。
第三球則係連迪路夫冇壓力下冒險交失波引致輸反擊。欣賞下文尼前插扮搶點再停步接應既連串動作，然後仲要冇腳影捉快腳盪射尾柱網仔。麥隊長呢下就有責任啦，但防守不嬲都係被動，而當文尼扮搶點果下麥隊其實係有跟，但回身唔夠快未能收窄射門角度都冇辦法。輸波主因反而係無故輸反擊，就算華拉尼在場，無端端被人打多幾下反擊都係遲早失。
第四球同第三球既死因都係差唔多，麥隊長交得差，攪到新仔失控球輸反擊。麥隊長隻鑊唔小，但雲比都要負責任。雲比沙加進攻拉闊球場冇問題，但佢要去到祖達偷完波轉埋身，先開始加速追番後上插入既沙拿，就係警覺醒不足。麥隊長則係由頭到尾都冇擦覺到沙拿係盲眼位入。當祖達出腳俾波，佢係諗住上前去守文尼。不過就算佢冇上前守，個波都一定俾得穿，因為連迪路夫當刻都冇收入中路去縮窄傳空間，只要你定鏡去睇就見到係點俾都穿，只係睇雲比番唔番得切救駕。
總結
睇完曼聯對曼城同曼聯對利物浦兩場賽事，個人認為蘭sir係戰術上想用呢堆人同對方踢逼搶係自取滅亡。推前防線但又冇做相對應既cover或者用人方面絕對有相確餘地。拜利真係差成咁？連加特唔應該踢正選咩？球員對戰術理解同執行力係唔夠，特別係要打防守果陣，呢樣真係要下任領隊去深化同改善。最後，新仔出黎踢人唔係叫鬥心，係叫冇品啊，千其唔好將有火有鬥心同踢人拉埋一齊講啦名宿！
今場蘭sir既部署
先講下正選陣容，賽前C朗因家事缺席賽事，就唯有用華舒福踢個箭頭。今場蘭sir係排左一個5-3-2陣式。龍門迪基亞。五人防線由左至右係達洛治-麥佳亞-鍾斯-連迪路夫-雲比沙加。中場三人由左至右係伊蘭加-馬迪-普巴。前線兩個係華舒福同般奴費南迪斯。
防守上蘭sir仍想係前場踢逼搶，希望可以令利物浦係後場組織會受壓而失誤。當利物浦開死球或個波較深係禁區線附近持球，曼聯會推雲比沙加上前去防守羅伯臣，推前防線將陣式改為4-4-2，嘗試係前場施加壓力。當利物浦成功推進到三閘線至中場線時，雲比會移番後變番5-3-2留番2個前線球員遮線。福仔會稍為移前，而般奴則會稍稍墮後，並先集中中路，逼利物浦先用兩側。當利記傳到兩側越過中場線，般奴會移後改踢右中場，陣式變為5-4-1，兩翼回後協防兩翼衛，堵塞對方邊路進攻。中場一對防中則堵塞中路空間。
上半場防守係見到佢既部署，但奈何你對防中係馬迪同普巴，亦係點解蘇B死攬麥湯同費特既主因。馬迪經驗雖好，但速率慢同覆蓋範圍唔大。普巴防守意識同警覺醒就不嬲都差。麥費組合如果只講防守，確係可以兩個人做三個人既工作，可惜兩個都有傷未能上陣。試想像，馬迪用經驗逗，麥費係前面撲，防守效果必定比出場既一對防中好。除左冇左麥費外，踢開4名後衛突然改踢5名亦令後防線既默契同位置感出現缺口。鍾斯幾年踢一場波，狀態一定不足，亦同另外兩名隊友既配合默契都必定唔夠。達洛治又要改任左翼衛，雲比沙加則並非翼衛材料。拜利又得罪左方丈冇得出，如用冰人加麥隊加拜利，拜利係速度上點都可以彌補番防線既不足。另外，明知對方用沙拿做核心加上左中堅出麥隊長，但選擇用防守力較差既達洛治客串左翼衛都係敗筆。反正都係翼足閘位，何不索性用雲比沙加去凍結沙拿，大家都踢少一個。我仲有達洛治係右邊試下上去打側擊。依家咁出，達洛治要守沙拿唔敢上、雲比就上同唔上都冇分別下，自斷晒兩條邊路。中場則想用普巴去護波控制節奏，但你都冇控球權，談甚麼節奏，就更放大左佢防守差既弱點。除左人腳配置出現問題，陣式不停轉換，而球員對戰術理解同執行力既不足，亦令場波非常被動。被對方三兩下拉扯，防守陣型就已經散左。蘭sir想逼，但要睇你憑乜野去逼人先。結果輸第一球就正正係向前逼就輸身後波（容後再談）係系統上，球員配置上，都冇得你去踢逼搶就不如索性守番5-4-1屯重兵打突擊算。如堅持用三中堅，我會出達洛治-連迪路夫-麥佳亞-拜利-雲比沙加。中場用伊蘭加-般奴-馬迪-連加特。前鋒就焗用福仔。整隊既速率起碼都跟到對方七成。下半場抽起鍾斯，改踢番4-3-3，明顯見到防守企位同進攻都有所改善。雖然對面係有留力，但場上形勢加埋辛祖既帶動都令到場波起碼冇咁悶先。最後再輸多兩球都冇咩好講啦。
失波原因
失第一球係戰術上同執行力既問題。當時球隊正正就係推高防線，變4-4-2係前場施壓，但當個波到右閘呀奴時，普巴同馬迪距離過大（普巴疑似已經受傷），一個三角短傳正正就係打入你兩名防中既空間。麥佳亞本身係cover達洛治，但文尼突然空晒，佢個企位已經係進退兩難。踢緊一對防中都好似冇防中去保護個中堅就一定死。輸呢個波我認為係戰術同中場配置問題遠大於怪責麥佳亞。
失第二球波原因就係中前場既企位問題。由馬迪普持球。當時個陣形理應變左5-4-1。前場最近應該係連加特要埋波遮線，般奴同馬迪應該企番係三中堅既身前防止馬迪普打直線入去俾前鋒球員停，但般奴就走向前去遮，而馬迪係未番到中路既位置，一對防中又失左蹤，就被人直線打入心藏地帶。迪亞斯停完仲有成4-5個白衫圍住都可以回番後再撞俾文尼。要讚文尼個波chip得靚，達洛治係睇住俾人楔都跟唔到就又一球。
第三球則係連迪路夫冇壓力下冒險交失波引致輸反擊。欣賞下文尼前插扮搶點再停步接應既連串動作，然後仲要冇腳影捉快腳盪射尾柱網仔。麥隊長呢下就有責任啦，但防守不嬲都係被動，而當文尼扮搶點果下麥隊其實係有跟，但回身唔夠快未能收窄射門角度都冇辦法。輸波主因反而係無故輸反擊，就算華拉尼在場，無端端被人打多幾下反擊都係遲早失。
第四球同第三球既死因都係差唔多，麥隊長交得差，攪到新仔失控球輸反擊。麥隊長隻鑊唔小，但雲比都要負責任。雲比沙加進攻拉闊球場冇問題，但佢要去到祖達偷完波轉埋身，先開始加速追番後上插入既沙拿，就係警覺醒不足。麥隊長則係由頭到尾都冇擦覺到沙拿係盲眼位入。當祖達出腳俾波，佢係諗住上前去守文尼。不過就算佢冇上前守，個波都一定俾得穿，因為連迪路夫當刻都冇收入中路去縮窄傳空間，只要你定鏡去睇就見到係點俾都穿，只係睇雲比番唔番得切救駕。
總結
睇完曼聯對曼城同曼聯對利物浦兩場賽事，個人認為蘭sir係戰術上想用呢堆人同對方踢逼搶係自取滅亡。推前防線但又冇做相對應既cover或者用人方面絕對有相確餘地。拜利真係差成咁？連加特唔應該踢正選咩？球員對戰術理解同執行力係唔夠，特別係要打防守果陣，呢樣真係要下任領隊去深化同改善。最後，新仔出黎踢人唔係叫鬥心，係叫冇品啊，千其唔好將有火有鬥心同踢人拉埋一齊講啦名宿！
請按此登錄後留言。未成為會員? 立即註冊