繼續追趕阿仙奴（賽前陣容預測-曼聯對李斯特城）

兩星期既國際賽事正好俾各球會同球員抖一抖，但並唔包括大球會。曼聯就係其中一隊，隊中多名主力球員需要為國效力。為國效力係應該既，但效力到受傷對球會黎講就大獲。普巴、華拉尼同卡雲尼再次係國際賽期間受傷，今場睇黎又踢唔到啦。

先睇下前場，皇牌前鋒C朗拿度雖然係葡萄牙兩場生死戰都踢足全場，但23號踢完到30號踢再到4號踢都接近一周一賽，對37歲既佢黎講體力上應不成問題。辛祖、連加特同華舒福都未有入選，有兩星期休息能養精蓄銳殺孤。小將伊蘭加都有係國際賽上陣，絕對加強左佢既信心。
中場方面，麥湯文尼同費特都有為國上陣，但都並冇全勤，體力不太受影響。今季麥湯文尼狀態欠佳，亦冇明顯進步，睇下馬迪會唔會取代佢踢正選。進攻重心般奴費南迪斯上場國家隊賽事梅開二度，狀態有回勇跡象，對曼聯黎講絕對係好事。

後防方面，雲比沙加冇入選不意外；達洛治則繼續有上陣，24號對波蘭踢足，但對北馬其頓則休息。泰利斯同梳爾有入選亦有上陣，梳爾仲有波入。麥佳亞同連迪路夫都有上陣，麥隊長係國家隊表現脫胎換骨，但都被英格蘭球迷柴台認真出奇。一個頂級防中係中堅前面掃蕩何其重要，唔知曼聯既管理層又睇唔睇到啦。
龍門方面，今季迪基亞既表現都冇入選國家隊就鄧佢慘；甸軒達臣冇上陣機會下冇入選實屬正常。今場佢都係要繼續坐板架啦。

預測蘭sir今場都會繼續進攻4-3-3防守4-2-3-1。正選龍門迪基亞。中堅冇左華拉尼，就係麥佳亞拍連迪路夫。梳爾有狀態，會搶贏泰利斯正選位同達洛治踢兩邊閘位。相信都係麥湯文尼先踢正選逗後防中，睇下會唔會突破性先用馬迪。一對八號位球員則係費特同般奴費南迪斯。左翼會係辛祖，右翼或者會俾多次機會福仔。前鋒都係C朗拿度爭取入波。

預測曼聯正選陣容
迪基亞
達洛治 連迪路夫 麥佳亞 梳爾
般奴費南迪斯 麥湯文尼 費特
華舒福 C朗拿度 辛祖
======================================
有興趣睇分析片既朋友都可以follow 以下 Instagram
https://www.instagram.com/hea.talk.manu/